ᐃᑉᕈᐛ 13:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒧᔅ ᐱᔅᑕᔨᒥᓱᑕᐤ ᒐᒋ ᒪᒥᒋᒪᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ, ᒋᑐᓇᒡ ᐊ ᐅᒋ ᐛᐎᑎᒺᐧᑯᒡ ᐊᐛᓐᒋ ᐊ ᑕᑈᔭᔨᒪᐧᒄ ᒋᓴᔅ᙮

ᐃᑉᕈᐛ 13:15 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 118:19

ᐸᔅᒋᑕᓇᒧᐎ ᑯᐃᔅᑯᑕᑎᓱᐤ ᒋᒋᐃᔎᑕᒪ: ᓂᑭ ᐱᒐᓐ, ᓂᑭ ᒪᒥᒋᒪᐤ ᒪᒃ ᑎᐸᔨᒋᒐᓱᐤ:

ᑎᐱᑦ ᐅᓂᑭᒧᐅᓇ 119:108

ᐅᑎᓇ, ᒋ ᐱᑯᓴᔨᒥᑎᓐ, ᓇᐊᔨᑎᒧᐤ ᐱᔅᑎᓂᒐᐅᓇ ᓂᑐᓂᒡ ᑲ ᐅᒋᐱᔨᒋ, ᐅ ᑎᐸᔨᒋᒐᓱᐤ, ᒋᔅᑯᑎᒧᐎ ᒪᒃ ᒋᑎᐸᔅᑯᓂᒐᐅᓇ ᐅᒋ᙮

ᑎᐱᑦ ᐅᓂᑭᒧᐅᓇ 18:49

ᐊᐅᒄ ᐅᒋ ᒋᑭ ᓂᓇᔅᑯᒥᑎᓐ, ᐅ ᑎᐸᔨᒋᒐᓱᐤ, ᐊᓐᑕ ᐊ ᐃᑕᒡ ᐊᑲ ᐊᔭᒥᐊᒡ, ᑭᔭ ᐊ ᓂᑭᒧᔭᓐ ᓂᑭ ᒪᒥᒋᑕᓐ ᒋᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 50:14

ᐸᒋᑎᓂᒧᐛᐧᒃ ᒋᓴᒪᓂᑐᐤ ᓂᓇᔅᑯᒧᐅᓂᔪᐤ; ᑭᔭ ᑎᐸᐊᒧᐤ ᒪᐅᒡ ᒋᔅᑎᓯᑦ ᑲ ᐊᓱᑎᒪᒐᔨᓐ:

ᑎᐱᑦ ᐅᓂᑭᒧᐅᓇ 50:23

ᐊᐛᓐ ᑲ ᒪᒥᒋᒧᐛᑦ ᓂ ᒋᔅᑕᒋᒥᒄ: ᐊᓐ ᑭᔭ ᑯᐃᔅᒄ ᑲ ᐅᔭᔅᑕᑦ ᐅᑦ ᐃᑕᑎᓯᐅᓐ, ᓂᑭ ᐛᐸᑎᔭᐤ ᒋᓴᒪᓂᑐᐛ ᐅᐱᒪᒋᐃᐛᐅᓂᔪᐤ᙮”

ᒪᑎᔪᐤ 11:25

ᐊᑯᑕ ᒪᒃ ᒋᓴᔅ ᑲ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒋ ᓂᓇᔅᑯᒥᑎᓐ ᐊᒋ ᐛᐸᑎᔨᑥᐤ ᐊᓐᒡ ᐊᐛᓐᒋ ᐊᑲ ᐅᒋ ᒋᔅᑯᑎᒧᐛᑭᓄᐎᒡ ᐊᓂᔭᔪᐛ ᒐᒂᔪᐛ ᑲ ᑲᑐᐅᑥᐤ ᑲ ᑭᒐᑕᐛᔨᑕᒡ᙮

ᓗᒃ 10:21

ᐊᑯᑕ ᒪᒃ ᒋᓴᔅ ᓇᔅᒡ ᑕᑈ ᑲ ᒧᒋᒐᔨᑎᒥᔅᑲᑯᑦ ᑲ ᐸᔭᒋᓯᔨᒋ ᐊᒐᒂ᙮ ᒋ ᐃᔅᒋᔄᐤ ᒪᒃ, “ᓄᑕ, ᒋᔾ ᑲ ᑎᐸᔨᑎᒥᓐ ᒋᒋᒋᓯᒄ ᑭᔭ ᐊᔅᒋᔾ ᒋ ᓂᓇᔅᑯᒥᑎᓐ, ᐛᔅ ᒋᓂᑲᐊᒧᐛᐅᒡ ᐊᓐᒡ ᑲ ᑭᒐᑕᐛᔨᑕᒡ ᒐ ᐊᑲ ᒋ ᓂᔅᑐᑎᒧᐛᒂ ᐅᔭ ᒐᒂᔪᐤ᙮ ᐊᑯ ᐊᓐᒡ ᐊᑲ ᓇᔅᒡ ᑲ ᑭᒐᑕᐛᔨᑕᒡ ᔅᒋ ᐃᑐᑐᐛᐅᒡ ᐎᔨᐛᐤ ᒐᒋ ᓂᔅᑐᑕᒡ᙮ ᓂᐦᐃ, ᓄᑕ ᐊᐅᑯᓐ ᐅ ᑲ ᐃᓯ ᓇᐊᔨᑎᒥᐃᑯᔨᓐ ᒐᒋ ᐃᑐᑎᒥᓐ᙮”

ᒠᓐ 10:9

ᓂᔾ ᐊᐅᒄ ᒋᐱᔎᐤ᙮ ᐊᓐ ᐊᐛᓐ ᓂᔾ ᐊ ᑕᐅᒡ ᑲ ᐅᒋ ᐱᒐᑦ ᒋᑭ ᐱᒪᒋᐅᐤ᙮ ᑕᑈ ᒋᑭ ᐎᐧᑯᒋᐅᐤ ᐊᓐ ᐊᐛᓐ ᑭᔭ ᑕᑈ ᒋᑭ ᒥᔽᔨᒧᐤ᙮

ᒠᓐ 14:6

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᓂᔾ ᐊᐅᒄ ᒪᔅᑭᓄᐤ ᑭᔭ ᑕᑈᐅᓐ ᑭᔭ ᐱᒪᑎᓯᐅᓐ, ᓇᒪ ᐊᐛᓐ ᒋᑭ ᒋ ᓇᑕᐤ ᐅᑕᐎᒪᐛ ᒥᒄ ᓂᔾ ᐅᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 6:19

ᐊᐅᒄ ᐊ ᐃᓯ ᐃᔨᒥᐃᑎᑯᒡ ᐛᔅ ᐊᑯᑕ ᒥᒄ ᒐᒋ ᐅᒋ ᓂᔅᑐᑎᒪᒄ᙮ ᐸᐃᒂᐤ ᔅᒋ ᐃᓯᓇᑯᓯᓇᐛᐤ ᓇᔅᒡ ᐊᒋ ᐱᔅᑎᓂᓱᔭᒄ ᐎᓂᓱᐛᑎᓯᐅᓐ ᒐᒋ ᑎᐸᔨᒥᑯᔭᒄ ᑭᔭ ᔅᒋ ᐱᔅᑎᓂᓱᓇᐛᐤ ᐊᔭᔅᒃ ᒐᒋ ᐊᑎ ᒥᒐᑎᓯᔭᒄ᙮ ᐊᓄᒡ ᒪᒃ ᓇᔅᒡ ᐱᔅᑎᓂᓱᒄ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒧᑕᔭᒄ ᒐᒋ ᐅᒋ ᐸᔭᒋᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ᙮

ᐃᐱᓯᔭᓇ 2:18

ᐛᔅ ᐎᔾ ᐊ ᐎᒐᐛᐧᒄ ᐊᑯᑕ ᓂᔭᐃᐱᔨᑕᑦ ᑕᐱᔅᑯᓐ ᒐᒋ ᓇᑕᐧᒄ ᒋᓴᒪᓂᑐᐤ ᐸᐃᒄ ᐊᒐᐧᑯᐅᓂᒡ ᐅᒋ᙮

ᑯᓚᓯᔭᓇ 1:12

ᑭᔭ ᐊ ᒧᒋᒐᔨᑎᒪᒄ ᒐ ᓂᓇᔅᑯᒪᒄ ᐅᑕᐎᒪᐤ ᐊᓐ ᑲ ᐃᑐᑕᑕᒄ ᒐᒋ ᒋᔅᑕᔨᑕᑯᓱᐛᒄ ᒐᒋ ᐊᔭᐛᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔭᑦ ᐊᓂᔭ ᑲ ᑕᑈᑎᒥᔨᒋ ᐛᔅᑕᐅᓂᒡ ᐊ ᑕᔨᒋ᙮

ᐃᑉᕈᐛ 12:28

ᐊᐅᒄ ᒪᒃ ᐅᔭ ᒋᐸ ᐅᒋ ᓂᓇᔅᑯᒪᓄᐤ ᒋᓴᒪᓂᑐᐤ ᐊ ᒥᔨᑕᐧᒄ ᒋᓴᐅᒋᒪᐅᓂᔪᐤ ᐊᓐ ᐊᑲ ᓂᑕ ᒐᒋ ᐃᑐᑕᑭᓄᐅᒡ ᒐᒋ ᐊᒋᐱᔨᒡ᙮ ᐊᑯ ᒪᒃ ᐊᔭᒥᐊᔅᑐᐛᑕᐤ ᐊᓂᔭ ᐎᔾ ᐊ ᐃᓯ ᓂᑐᐛᔨᒥᑕᐧᒄ ᒐᒋ ᐃᓯ ᐊᔭᒥᐊᔅᑐᐛᐧᒄ ᑭᔭ ᒐᒋ ᒥᔪ ᐊᑐᔅᑯᐅᐛᐧᒄ ᓇᔅᒡ ᐊ ᒋᔅᑕᔨᒪᐧᒄ᙮

ᐃᑉᕈᐛ 7:25

ᓇᔅᒡ ᒋᑭ ᒋ ᐱᒪᒋᐊᐤ ᒥᓯᐛ ᐊᐛᔪᐛ ᑲ ᑕᑈᔭᔨᒥᑯᑦ ᐊ ᓇᑕᔨᒋ ᒋᓴᒪᓂᑐᐛ᙮ ᐛᔅ ᑲᒋᒡ ᐱᒪᑎᓯᐤ ᑭᔭ ᒧᔅ ᒐᒋ ᐃᔨᒥᔅᑎᒧᐛᑦ ᐅᑦ ᐃᔨᒪ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 4:11

ᐊᐛᓐ ᐊᒋ ᒥᔨᑯᑦ ᒋᓴᒪᓂᑐᐛ ᒐᒋ ᐃᔨᒪᐊᑦ, ᒋᐸ ᐃᔨᒧᐤ ᑕᓐ ᐊᓂᔭᔪᐛ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᒐᒋ ᐃᓯ ᐃᔨᒥᑦ᙮ ᐊᓐ ᐊᐛᓐ ᑲ ᒥᔭᑭᓄᐅᑦ ᑭᔅᒋᐅᓂᔪᐤ ᒐᒋ ᐎᒋᐊᑦ ᑯᑎᑲ ᐊᐛᔪᐛ, ᑭᑈ ᒋᐸ ᐎᒋᐊᐤ ᑕᓐ ᐊ ᐃᓯ ᒥᔨᑯᑦ ᒋᓴᒪᓂᑐᐛ ᑭᔅᒋᐅᓂᔪᐤ᙮ ᐊᑯ ᒪᒃ ᐎᔾ ᒋᓴᒪᓂᑐᐤ ᒐ ᒋᔅᑕᔨᑕᑯᐊᑭᓄᐅᑦ ᒥᓯᐛ ᒐᒂᔪᐤ ᑕᓐ ᐊ ᐃᓯ ᐃᑐᑕᐧᒃ ᐊᓐᑕ ᒋᓴᔅ ᙭ᑕ ᐊ ᑕᔨᒋ ᐃᔅ, ᐎᔾ ᒋᓴᒪᓂᑐᐤ ᒐ ᐊᑲ ᓂᑕ ᐃᔎᐱᔨᒡ ᐅᒋᔅᑕᔨᑕᑯᓱᐅᓐ ᑭᔭ ᐅᒥᔅᑯᓯᐅᓐ᙮ ᐊᒥᓐ᙮