ᐃᑉᕈᐛ 13:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᒋᓴᔅ ᑭᔭ ᐎᔾ ᐊᓐᑕ ᐎᐎᑎᒥᒡ ᐊᓂᔭ ᐅᑕᓇᔪᐤ ᒋ ᓂᓇᐧᑲᒋᐊᑭᓄᐤ ᑭᔭ ᐊᑯᑕ ᑲ ᓂᐸᐊᑭᓄᐅᑦ᙮ ᐊᑯ ᐊᓂᔭ ᐅᒥᐧᒄ ᐊᑯᑕ ᑲ ᐅᒋ ᐸᔭᒋᐊᑭᓄᐎᒡ ᐊᐛᓐᒋ ᒋᓴᒪᓂᑐᐤ ᐅᑦ ᐃᔨᒪ ᒐᒋ ᐃᓯ ᑭᓄᐛᐱᒪᑭᓄᐎᒡ᙮

ᐃᑉᕈᐛ 13:12 ပူးပေါင်းရင်းမြစ်များ

ᓗᒃ 4:29

ᐊᑯ ᒂ ᐱᓯᑯᒡ ᒂ ᐎᐎᑎᓴᐛᒡ ᒋᓴᓴ ᐊᓐᑕ ᐅᑦ ᐃᑕᐅᓄᐛᒡ ᐅᒡ᙮ ᐊᓐᑕ ᒪᒃ ᒥᒋᒪ ᐊᓂᔭ ᐅᑕᓇᒧᐛᐤ ᒋ ᑎᑯᓂᔪᐤ ᐊ ᒋᔅᒐᑲᔨᒡ᙮ ᐊᑯᑕ ᒪᒃ ᑲ ᐃᑐᑕᐊᒡ ᐊᒋ ᐎ ᐊᒧᐛᐱᓇᒡ᙮

ᒠᓐ 17:19

ᒋᔾ ᐊ ᑕᔨᓐ ᓂᑦ ᐃᓯ ᐱᔅᑕᔨᒥᓱᓐ ᒐᒋ ᐅᒋ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”

ᒠᓐ 19:34

ᐸᐃᒄ ᒪᒃ ᐊᓐ ᐊᓯᒪᑭᓂᔅ ᒋ ᑕᐧᑭᒪᐤ ᐊᓂᔭ ᒋᓴᓴ ᐊᓐᑕ ᐅᔅᐱᑲᔨᒡ᙮ ᑎᐛᒡ ᒂ ᐅᒋ ᐎᐎᑯᔨᒡ ᐅᒥᐧᑯᔪᐤ ᑭᔭ ᓂᐱᔪᐤ ᐊᓐᑕ ᐅᒡ᙮

ᐊᑈᔅᑕᓇᒡ 7:58

ᐊᑯ ᒂ ᐎᐎᑎᓴᐛᒡ ᐊᓐᑕ ᐊᓂᔭ ᐅᑕᓇᔪᐤ ᐊᑯ ᒂ ᐎ ᓂᐸᐊᒡ ᐊ ᐸᐱᐳᒧᓯᓇᑕᐛᒡ᙮ ᐊᓐᒡ ᒪᒃ ᑲ ᐸᑐᐛᒡ ᑕᓐ ᑲ ᐃᔅᒋᔄᔨᒋ ᔅᑎᐱᓇ ᒋ ᓂᑭᑎᒧᒡ ᐅᑦ ᐊᑯᐳᐛᐛ ᒐᒋ ᓇᑭᑐᐛᐸᑎᒥᔨᒋ ᐅᔅᒋᓂᒋᓱᐛ ᓴᓪ ᐊ ᐃᓯᓂᐧᑲᓱᔨᒋ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

ᐃᑉᕈᐛ 10:10

ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ᐃᑎᑦ᙮ ᐅᔭ ᐊᒋ ᐃᑎᑦ ᐊᑯᑕ ᑲ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 2:11

ᒋᓴᔅ ᐛᐸᔨᑎᒧᐛᐤ ᐊᐛᔪᐛ ᒥᓯᐛ ᐅᒥᒋᑥᐅᓂᔪᐛ᙮ ᐃᑎᓯᓇᐤ ᒪᒃ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᔨᒋ᙮ ᐊᓐᒡ ᒪᒃ ᒋᓴᒪᓂᑐᐛ ᑲ ᐱᒪᑎᓯᔅᑐᐛᒡ ᐸᐃᑯᐊᐅᒡ ᐅᑕᐎᐛᐛ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᓯᓴᒂᔨᒧᑦ ᒋᓴᔅ “ᓂᐧᑲᓂᓯᒡ” ᒐᒋ ᐃᓯᓂᐧᑲᑕᑦ ᐊᓂᔭᔪᐛ ᑲ ᐛᐸᔨᑎᒧᐛᑭᓄᐎᒋ᙮

ᒋᔅᒐᔨᑕᑯᑕᒐᐅᓐ 14:20

ᐎᐎᑎᒥᒡ ᐊᓐ ᐅᑕᓇᐤ ᐊᑯᑕ ᑲ ᑎᑯᐃᑭᓄᐅᒋ ᐊᓂᔭᔪᐛ ᒥᓂᓴ᙮ ᐃᔅᐱ ᒪᒃ ᑲ ᑎᑯᐃᑭᓄᔨᒋ ᒥᔅᑎ ᒋ ᐅᒋ ᑯᐃᒂᓯᑯᓐ ᒥᐧᒄ ᐊᓐᑕ ᐊᓐ ᓇᐊᐤ ᑲ ᑎᑯᐃᑭᓄᔨᒋ ᐊᓂᔭᔪᐛ ᒥᓂᓴ᙮ ᐊᓐ ᒪᒃ ᐊ ᐃᓯ ᑯᐃᒂᓯᑯᒡ ᒥᐧᒄ, ᓴᓯᑲᓐ ᐱᑕᑕᒡ ᑕᑐᔪᐤ ᒥᓯᑦ ᒋ ᐊᑎ ᐃᔅᐱᓯᐱᔪᐤ᙮ ᓴᓯᑲᓐ ᒪᒃ ᓂᓱ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᒐ ᐱᓯᒄ ᒥᐧᒄ ᐊ ᐃᓯᓇᒂᒡ᙮