ᐃᑉᕈᐛ 12:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᒋᔨᐛᐤ ᒪᒃ ᐎ ᓇᒪ ᐸᐃᑯᓄᒡ ᐃᓯᓇᑯᓐ᙮ ᐃᔅᐱ ᐊ ᐅᑎᔅᑯᑲᐳᔅᑎᐛᒄ ᒋᓴᒪᓂᑐᐤ ᒧᔭᒻ ᐊᓐᑕ ᐊ ᐃᑐᑕᔭᒄ ᐊᓐ ᐱᔅᑯᑎᓇᐤ ᓴᐃᔭᓐ ᐊ ᐃᓯᓂᐧᑲᑕᒡ ᐊᓐᑕ ᒋᒋᒋᓯᑯᒡ ᐊ ᑎᒂᒡ ᐊᐅᑯᓐ ᐊ ᐃᓯᓇᒂᒡ᙮ ᑭᔭ ᒧᔭᒻ ᐊᓐᑕ ᐊ ᑎᑯᓯᓂᔭᒄ ᐊᓐ ᐅᑕᓇᐤ ᐊᓐᑕ ᐱᔅᑯᑎᓇᒡ ᐊ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐃᓯᓇᑯᓐ, ᐊᓐᑕ ᐊ ᐎᒋᑦ ᐊᓐ ᑲᒋᒡ ᐊ ᑕᑦ ᒋᓴᒪᓂᑐᐤ ᑭᔭ ᐊᓐᑕ ᐊ ᑕᒡ ᐊ ᒥᔅᑎ ᒥᒐᑎᒡ ᐊᓐᒋᓐᒡ ᐊ ᒧᒋᒐᔨᑕᒡ᙮

ᐃᑉᕈᐛ 12:22 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 2:6

“ᐃᔭᐱᒡ ᒪᒃ ᓂᒋ ᑕᑕᔭᐤ ᓂᒋᓴᐅᒋᒪᒻ ᓂ ᐸᔭᒋ ᐱᔅᑯᑎᓇᒥᒡ ᓴᐃᔭᓂᒡ᙮”

ᑎᐱᑦ ᐅᓂᑭᒧᐅᓇ 42:2

ᓂᑦ ᐊᒐᐧᒄ ᓄᑕᔭᐸᒂᑐᑐᐛᐤ ᒋᓴᒪᓂᑐᐛ, ᐸᒪᑎᓯᔨᒋ ᒋᓴᒪᓂᑐᐛ: ᑕᐃᔅᐱ ᒐ ᐸᒋ ᓄᑯᐃᑎᓱᔅᑐᐅᑦ ᒋᓴᒪᓂᑐᐤ ?

ᑎᐱᑦ ᐅᓂᑭᒧᐅᓇ 48:2

ᒥᔪᓇᑯᓐ ᐊ ᐃᑎᔅᑕᒡ, ᑲ ᐅᒋ ᒋᔅᑕᔨᑕᒂᒡ ᒥᓯᐛ ᐊᔅᒋᔾ, ᐊᐅᒄ ᐊᓐ ᓴᐃᔭᓐ ᐱᔅᑯᑎᓇᐤ ᒋᐛᑎᓄᑕᒡ ᐃᑕᒐ, ᐅᑕᓇᒥᒡ ᒐᔅᑎᓯᑦ ᒋᓴᐅᒋᒪᐤ᙮

ᑎᐱᑦ ᐅᓂᑭᒧᐅᓇ 68:17

ᐅᑎᑎᐱᑕᐸᓇᔎ ᒋᓴᒪᓂᑐᐤ ᓂᓱᔪᐤ ᑕᑥᐤ ᒐᓯᐱᔪᐤ ᐃᑕᓯᔪᐛ, ᒥᒐᑦ ᒐᓯᐱᔪᐤ ᐊᓐᒋᓇ ᐅᑎ: ᑎᐸᔨᒋᒐᓱᐤ ᐎᒐᐛᐤ ᒧᔭᒻ ᓴᐃᓇᐃᒡ, ᐸᔭᐧᑭᓂᔨᒡ᙮

ᑎᐱᑦ ᐅᓂᑭᒧᐅᓇ 84:2

ᓂᑦ ᐊᒐᐧᒄ ᐱᑯᓴᔨᒧᐤ, ᓂᐦᐃ ᐱᒂᔨᑎᒺᐤ ᐅᒪᐛᒋᐃᑐᐅᒋᐛᐱᔪᐤ ᑎᐸᔨᒋᒐᓱᐛ; ᓂᑕᐃᔪᐤ ᑭᔭ ᓂᔭᓯᔪᐤ ᒧᔅᑯᐛᑎᑯᐤ ᐸᒪᑎᓯᑦ ᒋᓴᒪᓂᑐᐤ᙮

ᑎᐱᑦ ᐅᓂᑭᒧᐅᓇ 87:3

ᒋᔅᑕᔨᑕᑯᓯᐤ ᒐᒂᓇ ᒋᑦ ᐃᑕᒋᒥᑯᐅᓐ, ᐅ ᐅᑦ ᐃᑕᐅᓐ ᒋᓴᒪᓂᑐᐤ᙮

ᒪᑎᔪᐤ 16:16

ᐊᑯ ᓴᐃᒥᓐ ᐱᑕᕐ ᐊᑕᑦ, “ᐊᐅᑯᐤ ᒋᔾ ᙭, ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓴ᙮”

ᒪᑎᔪᐤ 5:35

ᐊᑲ ᑭᔭ ᐊᔅᒋᒡ ᐃᓯ ᐎᑎᒧᒄ ᐛᔅ ᐊᑯᑕ ᑎᔭᑎᔅᑕᑦ ᒋᓴᒪᓂᑐᐤ ᐅᓯᑕ, ᐊᑲᐎᔾ ᐛᐛᒡ ᐊᓐ ᐅᑕᓇᐤ ᒋᕈᓯᓕᒻ ᑲ ᐃᓯᓂᐧᑲᑕᒡ ᐃᓯ ᐎᑎᒧᒄ ᐛᔅ ᐊᐅᒄ ᐊᓂᔭ ᐅᑕᓇᒻ ᒋᓴᒪᓂᑐᐤ ᐊᓐ ᑲ ᒋᔅᑕᔨᑕᑯᓯᑦ ᒋᓴᐅᒋᒪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 11:26

ᐊᑯ ᒪᒃ ᒥᓯᐛ ᐃᔅᕋᐃᓪ ᐃᔪᐛ ᒐ ᐱᒪᒋᐊᑦ ᒋᓴᒪᓂᑐᐤ᙮ ᒧᔭᒻ ᐊᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᐊᓐ ᒐ ᐱᒪᒋᐊᑦ ᐊᐛᔪᐛ, ᓴᐃᔭᓂᒡ ᒋᑭ ᐅᑐᑕᐤ᙮ ᒋᑭ ᐃᑐᑐᐛᐤ ᐊᓂᔭᔪᐛ ᒐᑭᐸ ᐅᑦ ᐊᐛᓯᒥᔪᐛ ᒐᒋ ᐳᓂᔨᒋ ᐊ ᒥᒋᑐᑎᒥᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:26

ᐊᓐᑕ ᐊᓂᔭ ᒪᒂᒡ ᑲ ᑕᒡ ᑲ ᐃᑎᑯᒡ ᒋᓴᒪᓂᑐᐛ, ᓇᒪᔭᐤ ᒋᔨᐛᐤ ᓂᑦ ᐃᔨᒥᒡ ᐊᑯᑕ ᐊᓐᑕ ᓇᓂᑎᒻ ᒐ ᐃᓯᓂᐧᑲᑕᑭᓄᐎᒡ ᒋᓴᒪᓂᑐᐤ ᑲ ᐱᒪᑎᓯᑦ ᐅᑯᓯᓴ᙮

ᑲᓚᓯᔭᓇ 4:26

ᐊᓐ ᒋᕈᓯᓕᒻ ᒋᒋᒋᓯᑯᒡ ᐊ ᑎᒂᒡ ᐊᐅᒄ ᒋᑲᐎᓄᐤ᙮

ᐃᐱᓯᔭᓇ 2:19

ᐊᑯ ᒪᒃ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᓇᒪ ᐊᑯ ᒋ ᒪᓐᑕᐅᓇᐛᐤ ᒋᓴᒪᓂᑐᐤ ᐊ ᑕᑦ᙮ ᑲ ᑕᑈᑕᒡ ᐊ ᑕᒡ ᒋ ᐊᑎ ᐃᓯ ᒥᓯᓇᓱᓇᐛᐤ ᑭᔭ ᒋᔨᐛᐤ ᑭᔭ ᒋᓴᒪᓂᑐᐤ ᒋ ᐅᑦ ᐃᔨᒥᑐᑕᑯᐛᐤ᙮

ᐱᓕᐱᔭᓇ 3:20

ᒋᔭᓄᐤ ᒪᒃ ᐎ ᒋᒋᒋᓯᑯᒡ ᒋᒋᐛ ᒋ ᐊᑎ ᐃᓯ ᑎᐸᔨᑕᑯᓯᓇᓄᐤ᙮ ᐊᑯᑕ ᐛᒋ ᓂᑐᐤ ᒧᓴᐊᒄ ᒐᒋ ᐅᑐᑕᑦ ᐅᐱᒪᒋᐃᐛᐤ, ᐊᐅᒄ ᐅᑎᐸᔨᒋᒐᐤ ᒋᓴᔅ ᙭᙮

1 ᑕᓴᓗᓂᔭᓇ 1:9

ᑕᓐᑕ ᒥᒄ ᑲ ᐊᑎ ᐃᑐᑕᔭᒡ ᐊᔨᒧᑎᒧᒡ ᐊᐛᓐᒋ ᐊᒋ ᐸᑕᒡ ᑕᓐ ᑲ ᐃᓯ ᒥᔪᐧᑯᐅᔭᒡ ᒋᔨᐛᐤ ᑕᓴᓗᓇᐃᑲ ᑲ ᐅᒋᔭᒄ ᑲ ᓂᑐᐛᐱᒥᑕᒡ᙮ ᐊᔨᒧᑎᒧᒡ ᑭᔭ ᑕᓐ ᑲ ᐃᓯ ᐳᓂᐛᒄ ᐊ ᐊᔭᒥᐊᔅᑐᐛᒄ ᒥᓂᑐᐧᑲᓐ ᒐᒋ ᓂᓇᐃᑐᒪᑯ ᑭᔭ ᒐᒋ ᐊᑐᔅᑯᒪᑯ ᐊᓂᔭᔪᐛ ᑕᑈ ᒐᓴᒪᓂᑐᔨᒋ ᑭᔭ ᑕᑈ ᐸᒪᑎᓯᔨᒋ,

2 ᑎᒧᑎ 4:18

ᐛᔅ ᐅᑎᐸᔨᒋᒐᐤ ᓂᑭ ᐎᐧᑯᒋᐃᒄ ᒥᓯᐛ ᑕᓐ ᒐ ᐃᓯ ᐅᑎᑕᐅᑯᔭᓐ ᒐᒂᓐ ᐊ ᒪᔭᑎᒡ ᑭᔭ ᐎᔾ ᓂᑭ ᐸᓱᐅᒄ ᐊᓐᑕ ᐊᓂᔭ ᐅᒋᒪᐅᓂᔪᐤ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᒋᑭ ᐎ ᒋᔅᑕᔨᑕᑯᐊᑭᓄᐤ ᑲᒋᒡ ᑭᔭ ᑲᒋᒡ᙮ ᐊᒥᓐ᙮

ᐃᑉᕈᐛ 10:31

ᐃᔭᒂᒥᒄ᙮ ᑕᑈ ᑯᔅᑕᑕᔨᑕᑯᓂᔪᐤ ᒋᓴᒪᓂᑐᐤ, ᑲᒋᒡ ᑲ ᐱᒪᑎᓯᑦ, ᑕᓐ ᒐ ᐃᓯ ᐛᐛᓯᐊᑦ ᐊᐛᔪᐛ᙮

ᐃᑉᕈᐛ 11:10

ᐊᑉᕋᐊᒻ ᒪᒃ ᒋ ᐱᒂᔨᑎᒻ ᐊ ᐊᓱᐛᐸᑕᐧᒃ ᒐ ᐃᔅᐱᔅ ᐱᑎᑲᐃᑯᑦ ᒋᓴᒪᓂᑐᐛ ᐊᓐᑕ ᐊᓂᔭ ᑲ ᐊᔨᒋᑲᐳᐎᔨᒡ ᐅᑕᓇᔪᐤ, ᐎᔾ ᒋᓴᒪᓂᑐᐤ ᐛᒋᒡ ᐊᒋ ᐎᔭᔨᑕᐧᒃ ᒐ ᐃᓯᓇᑯᓂᔨᒡ ᑭᔭ ᐎᔾ ᐊᒋ ᐅᓯᑕᑦ᙮

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᐃᑉᕈᐛ 13:14

ᐅᑕ ᐊᔅᒋᒡ ᓇᒪ ᑎᑯᓐ ᐅᑕᓇᐤ ᐊᓐᑕ ᑲᒋᒡ ᒐᒋ ᑕᔭᐧᒄ᙮ ᒧᔭᒻ ᒥᒄ ᐊ ᓴᐳᑐᐛᑕᔭᐧᒄ ᒋᑦ ᐃᓯᓇᑯᓯᓇᓄᐤ ᐊ ᐎ ᐃᑐᑕᔭᐧᒄ ᐊᓐᑕ ᐊᓐ ᐅᑕᓇᐤ ᑲᒋᒡ ᒐ ᑎᒂᒡ᙮

ᐃᑉᕈᐛ 3:12

ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ᑎᓯᔭᒄ ᐊ ᒥᒋᑕᐊᑦ ᐊ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ᐃᓯᓇᑯᓂᔪᐤ ᒐᒋ ᐊᑎ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮

ᐃᑉᕈᐛ 9:14

ᒧᔭᒻ ᒪᒃ ᐊᐛᓯᔅ ᐅᒥᐧᒄ ᐊ ᐸᔭᒋᑕᒐᒥᑭᓂᔨᒡ ᒪᒥᑐᓇᔨᑎᒧᒄ ᑕᓐ ᐊᔅᐱᔅ ᐊᑐᐎᔅ ᒐᒋ ᐃᓯ ᐎᒋᐃᑯᐛᐧᒄ ᙭ ᐅᒥᐧᒄ᙮ ᒋ ᐱᒪᑎᓯᐤ ᐅᑕ ᐊᔅᒋᒡ ᐊᑲ ᐛᐛᒡ ᐅᒋ ᒥᒋᑐᑕᐧᒃ᙮ ᑲ ᐸᔭᒋᓯᔨᒋ ᐊᒐᒂ ᑲᒋᒡ ᐊ ᑕᔨᒋ ᒋ ᐎᒋᐃᑯᐤ ᐃᔅᐱ ᑲ ᐱᔅᑕᔨᒥᑎᓱᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐅᒥᐧᒄ ᐊᐅᒄ ᒐ ᐸᔭᒋᐃᑯᐛᐧᒄ᙮ ᓇᒪ ᐎ ᐊᓂᔭᔪᐛ ᐊᑲ ᐅᔭᔅ ᐃᑕᐱᑎᓂᔨᒋ ᒐᒂᔪᐛ ᑲᒋ ᐃᑐᑎᒪᐧᒄ ᒋᑭ ᐅᒋ ᐱᒪᒋᐃᑯᓇᓄᐤ᙮ ᐊᑯ ᒪᒃ ᑲᒋᒡ ᒐᒋ ᐊᑐᔅᑯᐛᐧᒄ ᒋᓴᒪᓂᑐᐤ᙮

ᒍᑦ 1:14

ᐃᓄᒃ, ᐊᓐ ᓂᔄᐅᑕᒡ ᑲ ᑕᑦ ᐊᑕᒪ ᐊ ᑕᔨᒋ ᐊᒋ ᐅᒋ ᐊᓂᔅᒐ ᐱᒪᑎᓯᑦ, ᓴᔅ ᐊᓐᑕ ᐛᔅᑭᒡ ᓂᑲᓐ ᒋ ᐊᔨᒧᒪᐤ ᐅᔭ᙮ ᒋ ᐃᑕᐤ, “ᐃᑕᐱᒄ ᒪ᙮ ᐅᑎᐸᔨᒋᒐᐤ ᒥᒐᑥᐤ ᒐᓯᐱᔪᐤ ᐅᐸᔭᒋ ᐊᓐᒋᓂᒪ ᒋᑭ ᐸᒋ ᐎᒐᐛᐤ

ᒋᔅᒐᔨᑕᑯᑕᒐᐅᓐ 14:1

ᐃᔅᐱ ᒥᓐ ᑲ ᐃᑕᐱᔭᓐ ᓂᒋ ᐛᐱᒪᐤ ᐊᓐ ᒪᔭᑕᓂᔅ ᐊᓐᑕ ᐊᓂᔭ ᐱᔅᑯᑎᓇᔪᐤ ᓴᐃᔭᓐ ᑲ ᐃᓯᓂᐧᑲᑕᔨᒡ ᐊ ᓂᐳᐅᑦ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓯᔪᐛ ᐊᐛᔪᐛ ᐊᓐᑕ ᐊ ᑕᑦ᙮ ᐊᓂᔭᔪᐛ ᒪᒃ ᐊᐛᔪᐛ ᐅᔅᑲᑎᑯᐎᒡ ᒋ ᒥᓯᓇᑕᔪᐤ ᐊᓂᔭᔪᐛ ᒪᔭᑕᓂᓴ ᐅᑦ ᐃᓯᓂᐧᑲᓱᐅᓂᔪᐤ ᑭᔭ ᒋᓴᒪᓂᑐᐛ ᐅᑕᐎᒪᐛ ᐅᑦ ᐃᓯᓂᐧᑲᓱᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 21:10

ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ ᒂ ᐸᒋ ᐃᑐᑕᐃᑦ᙮ ᓂᒋ ᐛᐸᑎᔨᒄ ᒪᒃ ᐊᓂᔭ ᑲ ᐸᔭᒋᓯᒥᑭᓂᔨᒡ ᐅᑕᓇᔪᐤ ᒋᕈᓯᓕᒻ ᐊ ᐃᓯᓂᐧᑲᑕᔨᒡ ᒋᒋᒋᓯᑯᒡ ᐊ ᐅᒋ ᔭᓯᒪᑭᓂᔨᒡ ᒋᓴᒪᓂᑐᐛ ᐊ ᑕᔨᒋ ᐅᒡ᙮

ᒋᔅᒐᔨᑕᑯᑕᒐᐅᓐ 21:2

ᓂᒋ ᐛᐸᑕᓐ ᒪᒃ ᐊᓐ ᑲ ᐸᔭᒋᓯᒥᑲᒡ ᐅᑕᓇᐤ ᒋᒋᒋᓯᑯᒡ ᐊ ᐅᒋ ᔭᓯᒥᑲᒡ᙮ ᒋᓴᒪᓂᑐᐤ ᐊ ᑕᑦ ᒋ ᐅᒋᐱᔪᐤ᙮ ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒧᔭᒻ ᐅᔅᒋᓂᒋᔎᐤ ᐊᒋ ᒥᔪᓇᑯᐃᓱᑦ ᒐ ᐅᓇᐸᒥᑦ ᐊᐅᑯᓐ ᑲ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 22:19

ᐊᓐ ᒪᒃ ᐊᐛᓐ ᒐ ᐊᒍᓂᒧᒂ ᑕᓐ ᐊ ᐃᓯ ᓂᑲᓐ ᐎᑕᑭᓄᐎᒡ ᐅᑕ ᒥᓯᓇᐃᑭᓂᒡ, ᒋᓴᒪᓂᑐᐛ ᒋᑭ ᐅᑎᓂᒥᔪᐛ ᑕᓐ ᑲ ᐃᓯ ᐊᔭᑦ ᒐᒋ ᐅᒋ ᒥᒋᑦ ᒥᓂᓴ ᐊᓐᑕ ᐊᓂᔭᔪᐛ ᒥᔅᑎᒂ ᑲ ᓂᑕᐅᒋᓂᔨᒋ, ᐊᓐᑕ ᐛᒋ ᐊᔭᔨᒋ ᐊᐛᔪᐛ ᐱᒪᑎᓯᐅᓂᔪᐤ ᑭᔭ ᓇᒪ ᒋᑭ ᒋ ᐱᒐᐤ ᐊᓐᑕ ᒋᓴᒪᓂᑐᐛ ᐅᑦ ᐃᑕᐅᓂᔨᒡ᙮”

ᒋᔅᒐᔨᑕᑯᑕᒐᐅᓐ 3:12

ᐊᓐᒡ ᐊᐛᓐᒋ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐃᓯᐊᐅᒡ ᒧᔭᒻ ᓯᑥᔎᐃᑭᓐ ᒋᒋᐛ ᐊ ᐊᐱᑎᒡ ᐊᓐᑕ ᐅᒋᓴᐊᔭᒥᐊᐅᒋᐛᐱᒡ ᐊᓐ ᒋᓴᒪᓂᑐᐤ ᑲ ᐊᑐᔅᑯᐅᒃ ᒐᒋ ᐃᓯᓇᑯᓯᒡ᙮ ᓇᒪ ᒪᒃ ᒥᓐ ᓂᑕ ᒋᑭ ᐅᒋ ᓂᑭᑎᒧᒡ᙮ ᓂᑭ ᒥᓯᓇᐊᒺᓐ ᒋᓴᒪᓂᑐᐛ ᐅᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮ ᓂᑭ ᒥᓯᓇᐊᒧᐛᓐ ᑕᓐ ᐊ ᐃᓯᓂᐧᑲᑕᔨᒡ ᒋᓴᒪᓂᑐᐛ ᐅᑦ ᐃᑕᐅᓂᔪᐤ ᐊᓐᑕ ᐊ ᑕᒡ, ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒋᓴᒪᓂᑐᐤ ᒋᑭ ᐸᒋ ᐃᑎᓴᐊᒻ ᐅᔭ ᒋᒋᒋᓯᑯᒡ ᐅᒡ᙮ ᑭᔭ ᓂᑭ ᒥᓯᓇᐊᒺᓐ ᑲ ᐅᔅᑲᔨᒡ ᓂᑦ ᐃᓯᓂᐧᑲᓱᐅᓂᔪᐤ ᐊᓐᑕ ᐊ ᑕᒡ᙮”

ᒋᔅᒐᔨᑕᑯᑕᒐᐅᓐ 7:2

ᒥᓐ ᒪᒃ ᑯᑎᒃ ᐊᓐᒋᓐ ᓂᒋ ᐛᐱᒪᐤ ᐊᓐᑕ ᐛᐱᓄᑕᒡ ᐊ ᐅᑐᑕᑦ᙮ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᒋ ᐸᒋ ᑕᐧᑯᓂᒺᐤ᙮ ᒋ ᒋᔄᐛᐤ ᐊ ᑕᑈᑕᑦ ᐊᓂᔭᔪᐛ ᓇᐤ ᐊᓐᒋᓇ ᑲ ᒥᔭᑭᓄᔨᒋ ᒐᒋ ᓂᓱᐅᓇᒋᑕᔨᒋ ᐊᔅᒋᔪᐤ ᑭᔭ ᐎᓂᐸᑯᔪᐤ᙮ ᒋ ᐃᑕᐤ ᐊᓂᔭᔪᐛ ᐊᓐᒋᓇ,