ᐃᑉᕈᐛ 12:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᓂᓇᑭᑐᐛᔨᒥᑐᒄ ᐊᑲ ᐛᒋ ᐸᐃᒄ ᐊᓐᑕ ᐊ ᑎᓯᔭᒄ ᒐᒋ ᓄᑕᔅᑲᐧᒃ ᒋᓴᒪᓂᑐᐛ ᐅᒥᔨᐛᐅᓂᔪᐤ ᑲ ᐱᒪᒋᐃᐛᒥᑭᓂᔨᒡ᙮ ᑭᔭ ᐃᔭᒂᒥᒄ ᐊᑲ ᐊᐛᓐ ᐊᓐᑕ ᐊ ᑎᓯᔭᒄ ᒧᔭᒻ ᒥᒋ ᐅᑎᐱᔾ ᒐᒋ ᐃᓯ ᓂᑕᐅᒋᑦ᙮ ᐛᔅ ᐃᑕᑥᐛ ᐅᔭ ᐊ ᐃᓯᓇᑯᓯᒡ ᒥᒐᑦ ᐊᐛᔪᐛ ᒋᑭ ᒥᒋᐱᔭᐅᒡ᙮

ᐃᑉᕈᐛ 12:15 ပူးပေါင်းရင်းမြစ်များ

ᐊᒃᓱᑕᔅ 32:21

ᐊᑯ ᒂ ᐃᑕᑦ ᐊᕋᓇ, “ᒐᒂᔪᐤ ᑲ ᑐᑕᔅᒡ ᐊᓐᒡ ᐃᔪᒡ, ᐛᒋ ᒥᔨᑥᐤ ᒐᒋ ᑐᑕᒡ ᐅᔭ ᒥᒋᑐᑎᒧᐅᓂᔪᐤ ?”

ᓗᒃ 22:32

ᔅᒋ ᐊᔭᒥᐊᔅᑎᒪᑎᓐ ᒪᒃ ᒋᔾ ᒐ ᐊᑲ ᒋ ᐳᓂᔨᓐ ᐊ ᑕᑈᑎᒥᓐ᙮ ᐃᔅᐱ ᒪᒃ ᒋ ᑯᒂᒋᐃᔅᒐ ᒥᒋᒥᓂᑐᐤ ᒥᓐ ᒪᒃ ᑲᐤ ᒐ ᐸᒋ ᓇᓯᔨᓐ ᒐ ᐊᔨᒋᑲᐳᐃᑥᐤ ᒋᐧᑲᓂᓯᒡ ᑕᑈᑎᒧᐅᓂᒡ ᐃᔅ᙮”

1 ᑯᕆᓐᑎᔭᓇ 10:12

ᐃᔭᒂᒥ ᒋᔾ ᑲ ᐃᑕᔨᑎᒥᓐ ᒧᔅ ᐊ ᓱᒋᑲᐳᔨᓐ ᒐ ᐊᑲ ᒋ ᐸᒋᓯᓂᔨᓐ ᒥᒋᑥᐅᓂᒡ ᐃᔅ᙮

1 ᑯᕆᓐᑎᔭᓇ 13:8

ᓇᒪ ᓂᑕ ᒋᑭ ᐅᒋ ᐃᔎᐱᔪᐤ ᓴᒋᐃᐛᐅᓐ᙮ ᑎᑯᓐ ᐛᒋᒡ ᐊ ᐃᔨᒥᔅᑎᒧᐛᑭᓄᐅᑦ ᒋᓴᒪᓂᑐᐤ ᒥᒄ ᒪᒃ ᐊᔅᒄ ᒋᑭ ᐃᔎᐱᔪᐤ ᐅ ᐊ ᐃᑎᓇᓄᐅᒡ᙮ ᑭᔭ ᒋᑭ ᐳᓂᐱᔪᐤ ᐊ ᒂᔅᒋᐃᔨᒥᓇᓄᐅᒡ᙮ ᑭᔭ ᒋᔅᒐᔨᑎᒧᐅᓐ ᒋᑭ ᐃᔎᐱᔪᐤ᙮

1 ᑯᕆᓐᑎᔭᓇ 15:33

ᐊᑲᐎᔾ ᒋᑭ ᐅᒋ ᐎᔭᓯᒥᑯᓇᐛᐤ᙮ ᑕᑈᒥᑭᓐ ᐊᓐ ᑲ ᐃᓇᓄᐅᒡ, “ᐊᓐᒡ ᑲ ᒥᒐᑎᓯᒡ ᐊᐛᓐᒋ ᐊ ᐱᐸᐎᒐᐛᑭᓄᐎᒡ ᐊᑯᑕ ᐛᒋᐱᔨᒡ ᓂᑎᒥᒄ ᐊ ᐃᑎᓇᓄᐅᒡ᙮”

1 ᑯᕆᓐᑎᔭᓇ 5:6

ᓇᒪ ᓇᔅᒡ ᐃᓯᓇᑯᓐ ᒋᒋᐛ ᒐᒋ ᐃᑕᔨᒥᓱᔭᒄ᙮ ᒋ ᒋᔅᒐᔨᑕᓇᐛᐤ ᐊᐱᓯᔅ ᑲᐅᐱᔨᒡ ᐊ ᐱᔅᑎᓂᑭᓄᐅᒡ ᐸᒂᓯᑭᓂᒡ ᒥᓯᐛ ᐊ ᐃᔅᐱᑎᑦ ᐊᓐ ᐸᒂᓯᑭᓐ ᐅᐱᔪᐤ᙮

2 ᑯᕆᓐᑎᔭᓇ 13:5

ᐃᔭᒂ ᓂᑐ ᒋᔅᒐᔨᒥᓱᒄ᙮ ᓂᑐ ᒋᔅᒐᔨᒥᓱᒄ ᐊᔅᒄ ᑕᑈ ᑎᔭᑈᑎᒧᐛᒂ᙮ ᒋ ᓂᔅᑐᑕᓇᐛᐤ ᐊ ᒋᓴᔅ ᙭ ᐊ ᐱᒋᔅᑲᑎᑕᒄ ? ᐊᑲ ᑎᔭᑈᑎᒧᐛᒂ ᓇᒪᐎᔾ ᑭᑈ ᑕᑈ ᒋᐱᒋᔅᑲᑯᐛᐤ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᑲᓚᓯᔭᓇ 2:13

ᐊᑯ ᒪᒃ ᐊᓐᒡ ᑯᑎᑭᒡ ᐃᔪᒡ ᒍᐤ ᑲ ᐃᑎᔅᑲᓇᓯᒡ ᐊᓐᑕ ᑲ ᑕᒡ ᐊᐅᑯᓐ ᒧᔭᒻ ᑲ ᐃᑎᒡ, ᐊ ᒋᔅᒋᓄᐛᐱᒪᒡ ᐱᑕᕋ ᑕᓐ ᐊ ᐃᑎᔨᒋ᙮ ᒋ ᒋᔅᒐᔨᑎᒧᒡ ᒪᒃ ᐊᑲ ᐅᔭ ᒋᐸ ᐅᒋ ᐃᑐᐅᒡ᙮ ᐛᐛᒡ ᐸᕐᓇᐸᔅ ᒋ ᐊᑎ ᐊᔅᒋᐱᔭᑭᓄᐤ ᑭᔭ ᐎᔾ ᐅᔭ ᒐᒋ ᐃᑎᑦ᙮

ᑲᓚᓯᔭᓇ 5:4

ᒋᔨᐛᐤ ᑲ ᐃᑕᔨᑎᒪᒄ ᑯᐃᔅᑯᑕᑎᓯᐅᓂᒡ ᒐ ᐃᓯ ᑭᓄᐛᐱᒥᑕᒄ ᒋᓴᒪᓂᑐᐤ ᐊ ᓂᓇᐃᑎᒪᒄ ᒍᐤ ᐊᔭᒥᐊᐅ ᐎᓱᐛᐅᓇ ᓇᒪᐎᔾ ᒋᓴᔅ ᙭ ᒋ ᐎᒐᐛᐛᐤ᙮ ᓇᒪ ᒋ ᐎ ᐅᑎᓂᒺᓇᐛᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᐃᐱᓯᔭᓇ 5:3

ᒋᔨᐛᐤ ᐊ ᑕᑈᑎᒪᒄ ᓇᒪ ᓇᔅᒡ ᒋᐸ ᐅᒋ ᑎᑯᓐ ᐎᓂᓱᐅᓐ ᐊᓐᑕ ᐊ ᑕᔭᒄ᙮ ᓇᒪ ᑭᔭ ᒋᐸ ᐅᒋ ᑎᑯᓐ ᓂᑎᒥᒄ ᐃᑐᐅᓐ ᑭᔭ ᒧᔅᑕᓇᔨᑎᒧᐅᓐ᙮

ᑯᓚᓯᔭᓇ 3:5

ᓂᓱᐅᓇᒋᑕᒄ ᒥᒐᑎᓯᐅᓐ ᑕᓐ ᐊ ᐃᓯ ᑎᒂᒡ ᒋᐱᒪᑎᓯᐅᓄᐛᒡ᙮ ᓂᓱᐅᓇᒋᑕᒄ ᐎᓂᓱᐤ ᐱᒪᑎᓯᐅᓐ, ᐎᓂᓱᐤ ᒪᒥᑐᓇᔨᑎᒧᐅᓐ, ᒥᒋ ᓂᑐᐛᔨᑎᒧᐅᓐ, ᑭᔭ ᐊᓐ ᐊ ᒧᔅᑕᓇᔨᑎᒪᒄ ᒐᒋ ᐛᔪᐅᒡ ᐊᔭᔭᒄ ᒐᒂᓐ ᐅᑕ ᐊᔅᒋᒡ᙮ ᐊᓐ ᐊᐛᓐ ᒧᔅ ᑲ ᒧᔅᑕᓇᔨᑕᐧᒃ ᒐᒋ ᐛᔪᐅᒡ ᐊᔭᑦ ᒐᒂᔪᐛ ᒧᔭᒻ ᐊ ᐅᒥᓂᑐᐧᑲᓂᒥᑦ ᐊᓂᔭ ᒐᒂᔪᐛ ᐃᓯᓇᑯᓂᔪᐤ᙮

ᑕᐃᑕᔅ 1:15

ᐊᓐ ᐊᐛᓐ ᑲ ᐸᔭᒋ ᐱᒪᑎᓯᑦ ᒥᓯᐛ ᒐᒂᔪᐤ ᐸᔭᒋᓇᑯᓂᔪᐤ, ᐊᑯ ᐊᓐ ᐊᐛᓐ ᑲ ᒥᒐᑎᓯᑦ ᑭᔭ ᐊᑲ ᑕᑈᑕᐧᒃ ᓇᒪ ᒐᒂᔪᐤ ᐸᔭᒋᓇᑯᓂᔪᐤ ᐛᔅ ᓇᔅᒡ ᑕᑈ ᐎᓇᔪᐤ ᐅᒥᑐᓇᔨᒋᑭᓐ ᑭᔭ ᐅᑕᐃ᙮

ᐃᑉᕈᐛ 3:12

ᓂᐧᑲᓂᓯᑐᒄ, ᐃᔭᒂᒥᒄ ᒐ ᐊᑲ ᒋ ᑕᑦ ᐊᐛᓐ ᐊᓐᑕ ᐊ ᑎᓯᔭᒄ ᐊ ᒥᒋᑕᐊᑦ ᐊ ᐊᔭᑦ ᐊᓏᑎᒧᐅᓂᔪᐤ ᐛᔅ ᒐᒃ ᒋᑭ ᒋ ᐃᓯᓇᑯᓂᔪᐤ ᒐᒋ ᐊᑎ ᓂᑭᑕᑦ ᒋᓴᒪᓂᑐᐛ ᐊᓂᔭᔪᐛ ᐸᒪᑎᓯᔨᒋ᙮

ᐃᑉᕈᐛ 4:1

ᒋᓴᒪᓂᑐᐤ ᒪᒃ ᒋ ᐃᔅᒋᔄᐤ ᒐᔅᑎᓇᔅ ᒐ ᐊᔭᔅᑯᔅᑎᒧᐛᑦ ᐅᑦ ᐃᔨᒪ ᑕᓐᑕ ᒐ ᐊᔽᐱᔨᒋ᙮ ᐊᔅᒄ ᒪᒃ ᐅ ᐊᓄᒡ ᒐᓯᑲᒡ ᒋᑭ ᒋ ᐱᒐᓇᓄᐤ ᑭᔭ ᒋᔭᓄᐤ ᐊᓐᑕ ᒐᒋ ᐊᔽᐱᔭᐧᒄ᙮ ᐊᑯ ᒪᒃ ᐃᔭᒂᒥᑕᐤ ᒐ ᐊᑲ ᒋ ᐃᓯ ᐱᒪᑎᓯᔭᐧᒄ ᒐᒋ ᐅᒋ ᐃᑕᔨᒥᑕᐧᒄ ᒋᓴᒪᓂᑐᐤ ᐊᑲ ᒋᔅᑕᔨᑕᑯᓱᐛᐧᒄ ᐊᓐᑕ ᒐᒋ ᐱᒐᐛᐧᒄ᙮

ᐃᑉᕈᐛ 4:11

ᐊᑯ ᒪᒃ ᓱᒃ ᑯᒋᑕᑕᐤ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᓱᒃ ᐃᔭᒂᒥᑕᐤ ᒐ ᐊᑲ ᒋ ᓄᑕᔅᑭᒪᐧᒄ ᒐᒋ ᐱᒐᔭᐧᒄ ᐊᓐᑕ ᐊ ᑎᒂᒡ ᐊᔪᐛᐳᐅᓐ᙮ ᐊᑲ ᓂᓇᐃᑐᐛᒂ ᒋᓴᒪᓂᑐᐤ ᒋᑭ ᓄᑕᔅᑲᓇᓄᐤ ᐊᓐᑕ ᒐᒋ ᐱᒐᔭᐧᒄ ᒧᔭᒻ ᐊᓂᔭᐧᑲ ᐃᔅᕋᐃᓪ ᐃᔪᒡ ᐊᓐᑕ ᐸᒋ ᐅᑕᒡ ᑲ ᐃᓯ ᓄᑕᔅᑲᒡ᙮

ᐃᑉᕈᐛ 6:11

ᒋ ᐱᑯᓴᔨᒥᑎᓇᓐ ᒥᓯᐛ ᒧᓯᓇᐤ ᒐᒋ ᒥᔪᑐᑎᒪᒄ ᐱᐃᒻ ᐊᑎ ᐃᔎᐱᔨᒂᐛ ᒋᐱᒪᑎᓯᐅᓄᐛᐛ᙮ ᐊᑯ ᒪᒃ ᒐ ᒐᔅᑎᓇᐅᔭᒄ ᑕᑈ ᒐ ᒥᔨᑕᒄ ᒋᓴᒪᓂᑐᐤ ᒥᓯᐛ ᑕᓐ ᐛ ᐃᓯ ᒥᔨᑕᒄ᙮

2 ᐱᑕᕐ 1:10

ᐊ ᒪᒥᑐᓇᔨᑎᒪᒄ ᒪᒃ ᒥᓯᐛ ᐅ ᑲ ᐃᓯ ᐃᑐᑎᒪᑯᐅᔭᒄ, ᓂᐧᑲᓂᓯᑐᒄ, ᓱᒃ ᐊᑐᐎᔅ ᑯᒋᑕᒄ ᑕᑈ ᒐᒋ ᓄᒂᒡ, ᑕᑈ ᒐᒋ ᓂᔅᑐᓇᒂᒡ ᒋᐱᒪᑎᓯᐅᓄᐛᒡ ᐊᒋ ᐎᔭᔨᒥᑕᒄ ᒋᓴᒪᓂᑐᐤ ᑭᔭ ᐊ ᑎᑯᓂᔨᒡ ᑕᓐ ᑲ ᐃᓯ ᑕᑈᑎᑕᒄ ᒐᒋ ᐃᑕᐱᑎᓱᐛᒄ᙮ ᐛᔅ ᒧᔭᒻ ᐅ ᑎᔭᒂ, ᓇᒪ ᓂᑕ ᒋᑭ ᐅᒋ ᐸᒋᓯᓇᐛᐤ ᒋᑕᑈᑎᒧᐅᓄᐛᒡ ᐅᒡ᙮

2 ᐱᑕᕐ 2:18

ᐛᔅ ᓇᔅᒡ ᑕᑈ ᒋᔅᑕᒋᒥᓱᐅᒡ ᑭᔭ ᒋᔎ ᐊᔨᒥᐅᒡ᙮ ᑕᓐ ᐊ ᐃᓯ ᒥᒋ ᓂᑐᐛᔨᑎᒧᒥᑭᓂᔨᒋ ᒪᒃ ᐎᔭᓱᐤ ᐱᒪᑎᓯᐅᓂᔪᐤ, ᐊᑯᑕ ᐊᓯᐃᐅᒡ ᒐᒋ ᑲᔅᑎᓇᒡ ᐊᓂᔭ ᐊᐛᔪᐛ ᐊᓄᒡ ᑲ ᐅᒋ ᐎᐧᑯᒋᐅᔨᒋ ᐊᓐᑕ ᐊ ᐛᓂᐱᔨᓇᓄᐎᒡ ᐊᒋ ᐃᓯ ᐎᒋᐃᐛᔨᒋ᙮

2 ᐱᑕᕐ 3:11

ᐊ ᒋᔅᒐᔨᑎᒪᒄ ᒪᒃ ᐅ ᒐ ᐃᔅᐱᔨᒡ, ᑕᓐᑕ ᒋᐸ ᐃᓯ ᐱᒪᑎᓯᓇᐛᐤ ᒋᑦ ᐃᑕᔨᑕᓇᐛᐤ ? ᓇᒪᐎᔾ ᐊ ᐸᔭᒋᓯᐅᓂᒡ ᒋᐸ ᐃᓯ ᐱᒪᑎᓯᓇᐛᐤ, ᓇᔅᒡ ᐊ ᐃᓯ ᐱᔅᑕᔨᑎᒥᐃᑯᔭᒄ ᒋᐱᒪᑎᓯᐅᓄᐛᐛ ᒋᓴᒪᓂᑐᐤ ᐃᔅ ᐊ ᑕᑦ,

2 ᐱᑕᕐ 3:14

ᐊᑯ ᒪᒃ ᓂᐧᑲᓂᓯᑐᒄ ᒪᒂᒡ ᐅ ᐊ ᐊᓱᐛᐸᑎᒪᒄ ᐊᓐ ᐊ ᒋᓯᑲᒡ, ᒥᒄ ᐊ ᐃᔅᐱᔅ ᒋ ᐃᑎᔭᒄ ᐎ ᐸᔭᒋ ᐱᒪᑎᓯᒄ ᑭᔭ ᐊᑲᐎᔾ ᒐᒂᓐ ᒋᑭ ᐅᒋ ᐎ ᐊᑕᒪᔨᑕᑯᓯᓇᐛᐤ ᒋᓴᒪᓂᑐᐤ ᐃᔅ ᐊ ᑕᑦ᙮ ᓱᒃ ᒋᑭ ᐎ ᑯᐃᔅᑯᓇᑯᓇ ᒋᐱᒪᑎᓯᐅᓄᐛᐛ ᑭᔭ ᒐ ᐎ ᑎᒂᒡ ᒋᔭᒪᔨᑎᒧᐅᓐ ᐊᓐᑕ ᒪᒂᒡ ᐊ ᑕᔭᒄ᙮

2 ᒠᓐ 1:8

ᐃᔭᒂᒥᒄ ᒪᒃ ᒐ ᐊᑲ ᒋ ᐅᓂᑕᔭᒄ ᐊᓐ ᑎᐸᐊᒪᑯᓯᐅᓐ ᑲ ᐊᑐᔅᒐᔅᑎᒪᒄ ᒐᒋ ᐊᔭᔭᒄ, ᑕᑈ ᒐᒋ ᒥᔅᑭᒪᒄ ᒥᓯᐛ ᑕᓐ ᐊ ᐃᓯ ᐊᔭᔅᑯᔅᑎᒪᑕᒄ ᒋᓴᒪᓂᑐᐤ᙮