ᐃᑉᕈᐛ 11:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᓄᐛ ᒋ ᐃᓯᓂᐧᑲᓱᐤ ᒥᓐ ᑯᑎᒃ ᓇᐸᐤ ᐊᒋ ᑕᑈᔭᔨᒪᑦ ᒋᓴᒪᓂᑐᐛ᙮ ᐃᔅᐱ ᒋᓴᒪᓂᑐᐛ ᑲ ᐎᑎᒪᑯᑦ ᑕᓐ ᒐ ᐃᔅᐱᔨᒡ ᐃᔅᒋᐳᑕᔨᒐ ᐊᔅᒋᔪᐤ, ᐊᑎ ᐊᑲ ᐅᒋ ᐛᐸᑕᐧᒃ ᐊᓂᔭ ᒐᒋ ᐃᔅᐱᔨᒡ ᐃᔅᐱ ᑲ ᐎᑎᒧᐛᑭᓄᐅᑦ, ᐃᔭᐱᒡ ᒋ ᑕᑈᑐᐛᐤ ᒋᓴᒪᓂᑐᐛ ᐊᑯ ᑲ ᒋᒋ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ ᐊᓐᑕ ᒐ ᑕᑦ ᐊ ᐸᐃᑯᔅᑲᓇᓯᑦ ᒐ ᐊᑲ ᒋ ᓂᔅᑕᐸᐛᒡ᙮ ᐊᓂᔭ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᓄᐛ ᑭᔭ ᐊᒋ ᓂᓇᐃᑐᐛᑦ, ᒋ ᐛᐸᑎᔨᐛᐤ ᒋᓴᒪᓂᑐᐛ ᒐ ᑎᐸᔅᑯᓇᔨᒋ ᑭᔭ ᒐ ᐛᐛᓯᐊᔨᒋ ᒥᓯᐛ ᐊᓂᔭ ᑯᑎᑲ ᐊᐛᔪᐛ ᐛᔅ ᓇᒪ ᐅᒋ ᐎ ᑕᑈᑎᒥᔪᐛ᙮ ᓄᐛ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᐅᑯᐃᔅᑯᑕᑎᓯᐤ ᒋ ᐃᓯ ᑭᓄᐛᐱᒥᑯᐤ᙮

ᐃᑉᕈᐛ 11:7 ပူးပေါင်းရင်းမြစ်များ

ᒐᓂᓯᔅ 19:14

ᓗᑦ ᒂ ᓂᑐᐛᐱᒪᑦ ᐊᓂᔭ ᓇᐸᐛ ᑲ ᐎᐎᒋᒪᔨᒋ ᐅᑕᓂᓴ, ᒂ ᐃᑕᑦ, “ᐃᔭᓯᒋᒄ, ᓂᑭᑎᒥᒄ ᐅ ᐅᑕᓇᐤ, ᐛᔅ ᑎᐸᔨᒋᒐᓱᐤ ᒋᑭ ᓂᓱᐅᓇᒋᑕᐤ ᐅᔭ ᐅᑕᓇᔪᐤ᙮” ᒥᒄ ᐅᐎᑥᐤ ᒋ ᐃᑕᔨᒥᑯᐤ ᐅᓇᒋᒪ ᑭᔭ ᓇᒪ ᐅᒋ ᑕᑈᑕᑯᐤ᙮

ᒐᓂᓯᔅ 6:13

ᐊᑯ ᒋᓴᒪᓂᑐᐤ ᐊᑕᑦ ᓄᐛᔨᒋ, “ᓂᒋ ᐎᔭᔨᑕᓐ ᒐᒋ ᓂᓱᐅᓇᒋᐃᒂᐤ ᒥᓯᐛ ᐃᔪᒡ ᐅᑕ ᐊᔅᒋᒡ, ᐎᔨᐛᐤ ᐛᒋ ᒥᓴᒡ ᒥᒋᑐᑎᒧᐅᓐ ᐅᑕ ᐊᔅᒋᒡ᙮ ᓂᐦᐃ, ᓂᑭ ᓂᓱᐅᓇᒋᑕᓐ ᐊᔅᒋᔾ ᑭᔭ ᐃᔪᒡ᙮

ᒐᓂᓯᔅ 6:22

ᓄᐛ ᒋ ᐃᑐᑎᒻ ᒥᓯᐛ ᑲ ᐃᑎᓱᒥᑯᑦ ᒋᓴᒪᓂᑐᐛ᙮

ᒐᓂᓯᔅ 6:9

ᐊᐅᑯᐤ ᐊ ᐃᓯ ᑎᐸᒋᒪᑭᓄᐅᑦ ᓄᐛ ᐅᑦ ᐊᓂᔅᑯᑕᐸᓇ᙮ ᓄᐛ ᒥᒄ ᒋ ᐸᐃᑯᓱᐤ ᑲ ᑯᐃᔅᑯᑕᑎᓯᑦ ᐃᔪᐤ ᐅᑕ ᐊᔅᒋᒡ ᑭᔭ ᓇᓂᑎᒻ ᒋ ᓇᐊᔨᑎᒪᐊᐤ ᒋᓴᒪᓂᑐᐛ ᒥᒄ ᒐᒂᔪᐤ ᑲ ᐃᑐᑕᐧᒃ,

ᒐᓂᓯᔅ 7:23

ᒋᓴᒪᓂᑐᐤ ᒋ ᓂᓱᐅᓇᒋᑕᐤ ᒥᓯᐛ ᑲ ᐱᒪᑎᓯᒥᑭᓂᔨᒡ ᒐᒂᔪᐤ ᐊᓐᑕ ᐊᔅᒋᒡ, ᐃᔪᐛ ᑭᔭ ᐊᐛᓯᓴ, ᑭᔭ ᐊ ᔭᔭᒋᒥᑭᓂᔨᒡ ᒐᒂᔪᐤ ᒧᔅᑎᔅᑭᒥᒡ, ᑭᔭ ᐱᔭᓱᐛ ᐃᔅᐱᒥᒡ, ᒥᓯᐛ ᒋ ᓂᓱᐅᓇᒋᐊᑭᓄᐎᒡ ᐅᑕ ᐊᔅᒋᒡ᙮ ᒥᒄ ᓄᐛ ᒋ ᑕᐤ ᑭᔭ ᐊᓐᒡ ᑲ ᑕᒡ ᐊᓐᑕ ᑲ ᒥᓴᔨᒡ ᐅᐤᑎᔪᐤ᙮

ᒐᓂᓯᔅ 7:5

ᑭᔭ ᓄᐛ ᒋ ᐃᑐᑎᒺᐤ ᒥᓯᐛ ᒐᒂᔪᐤ ᑲ ᐃᑎᑯᑦ ᒐ ᐃᑐᑕᐧᒃ᙮

ᒐᓂᓯᔅ 8:16

“ᒋᔾ, ᑭᔭ ᒋᐅ, ᑭᔭ ᒋᑯᓯᒡ ᑭᔭ ᒋᓇᐊᑭᓂᔎᒥᒡ ᐎᐎᒄ ᐊᓐᑕ ᐅᐤᑎᒡ᙮

ᒪᑎᔪᐤ 2:12

ᐃᔅᐱ ᒪᒃ ᒐ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ᒋᐛᒡ᙮

ᒪᑎᔪᐤ 24:15

“ᐃᔅᐱ ᒪᒃ ᐛᐱᒪᒂ ᐊᓐ ᐊᐛᓐ ᒪᐅᒡ ᑲ ᐛᐧᑲᑕᔨᑕᑯᓯᑦ ᐊ ᓂᐳᐅᑦ ᐊᓐᑕ ᒪᐅᒡ ᑲ ᐸᔭᐧᑭᓂᔨᒡ ᐊ ᒪᔭᔨᒪᑦ ᒋᓴᒪᓂᑐᐛ, ᐃᔭᒂᒥᒄ᙮ ᓴᔅ ᒋᑭ ᐸᓱᓇᑯᓐ ᒐ ᐃᔎᐱᔨᒡ ᐊᔅᒋᔾ᙮ ᐊᐅᑯᓐ ᐅᔭ ᐊᓂᔭ ᐅᒋᔅᒋᐛᐃᒐᓱᐤ ᑕᓂᔭᓪ ᑲ ᐊᔨᒧᒪᑦ᙮ ᒋᔨᐛᐤ ᑲ ᐃᔨᒥᑕᔭᒄ ᐅ ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᔅᒋᔄᒥᑲᒡ᙮

ᒪᑎᔪᐤ 24:25

ᓂᑐᑐᐅᒄ ᒪᒃ, ᐛᔅ ᓴᔅ ᓂᑲᓐ ᒋ ᐎᑎᒪᑎᓇᐛᐤ ᒐ ᐃᔅᐱᔨᒋ ᐅᔭ ᒐᒂᔪᐛ᙮”

ᒪᑎᔪᐤ 24:38

ᐊᔅᒄ ᐊᑲ ᐅᒋ ᐃᔅᒋᐳᑕᒡ ᐊᔅᒋᔾ ᒥᒄ ᐛ ᐃᑎᒡ ᒋ ᐃᑐᐅᒡ ᐊᓐᒡ ᐃᔪᒡ, ᒋ ᒥᒋᓱᐅᒡ, ᒋ ᒥᓄᐅᒡ, ᑭᔭ ᒋ ᓂᐳᐅᒡ ᐱᐃᒻ ᑲ ᐅᑎᒋᐱᔨᒡ ᒐ ᐱᒐᑦ ᓄᐛ ᐅᑦ ᐅᐤᑦ᙮

ᒪᑎᔪᐤ 3:7

ᐃᔅᐱ ᒪᒃ ᒠᓐ ᐎᔭᐱᒪᑦ ᒥᒐᑦ ᐸᕆᓯᐊ ᑭᔭ ᓴᑎᔪᓯᐊ ᐊ ᐸᒋ ᑎᑯᓯᓂᔨᒋ ᒐᒋ ᓯᑲᐃᑐᐛᑭᓄᔨᒋ, ᒋ ᐃᑕᐤ, “ᒧᔭᒻ ᑕᑈ ᒋᓇᐱᑯᒡ ᒂ ᐃᑕᔨᑕᑯᓯᔭᒄ᙮ ᐊᐛᓐ ᑲ ᐃᑎᑕᒄ ᒐᒋ ᒋᑎᓯᒧᑎᒺᒄ ᒋᓴᒪᓂᑐᐤ ᐅᑦ ᐊᐧᑯᔪᐛᓱᐅᓐ ?

ᓗᒃ 17:26

“ᒧᔭᒻ ᒪᒃ ᑕᓐ ᑲ ᐃᑕᔨᑕᑯᓂᔨᒡ ᐊᓐᑕ ᒪᒂᒡ ᑲ ᐱᒪᑎᓯᑦ ᐊᓂᔭᐧᑲ ᓄᐛ, ᐊᐅᑯᓐ ᒐ ᐃᑕᔨᑕᒂᒡ ᒥᓐ ᑎᑯᓯᒐ ᐃᔪᐤ ᐅᑯᓯᓴᓐ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:17

ᐊᑯᑕ ᑭᔭ ᒥᔽᒋᒧᐅᓂᒡ ᐛᒋ ᒋᔅᒐᔨᑎᒥᐃᑯᔭᐧᒄ ᑕᓐᑕ ᐛᒋ ᑯᐃᔅᑯᓇᑯᐊᑦ ᒋᓴᒪᓂᑐᐤ ᐊᐛᔪᐛ ᐎᔾ ᐃᔅ ᐊ ᑕᑦ᙮ ᐊ ᑕᑈᔭᔨᒪᑦ ᐊᐛᓐ ᒋᓴᓴ ᐊᑯᑕ ᒥᒄ ᐛᒋ ᑯᐃᔅᑯᓇᑯᐊᑭᓄᐅᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᑕᑈᑎᒧᐅᓂᔪᐤ ᐱᒪᒋᐃᑯᐤ ᐊᐛᓐ, ᑭᔭ ᐊᐅᒄ ᐅᔭ ᒐ ᒋᐛᑕᐃᑯᑦ᙮ ᒧᔭᒻ ᐊᑎᔅᑕᒡ ᒥᓯᓇᐃᑭᓂᒡ, ᐊᓐ ᑲ ᑯᐃᔅᑯᓇᑯᓯᑦ ᑕᑈᑎᒧᐅᓂᒡ ᐅᒡ ᐊᐅᒄ ᒐ ᐱᒪᑎᓯᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 10:6

ᒪᐅ ᒪᒃ ᐊ ᐃᓯ ᐊᔨᒧᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑕᑈᑎᒧᐅᓂᒡ ᐊ ᐅᒋ ᑯᐃᔅᑯᑕᑎᓯᐊᑭᓄᐅᑦ ᐊᐛᓐ, ᐊᑲᐎᔾ ᒋᑭ ᐅᒋ ᐃᑕᔨᑎᒻ ᐊᐛᓐ ᒋᒋᒋᓯᑯᒡ ᒋᑭ ᐃᑐᑕᐤ ᐊᐛᓐ ᒐᒋ ᐸᓱᐛᑦ ᙭ᑕ ᒐᒋ ᐊᔨᒧᑎᒪᑯᐅᐛᐧᒄ ᐱᒪᒋᐃᑯᓯᐅᓂᔪᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:22

ᐅᑯᐃᔅᑯᑕᑎᓯᐤ ᐃᓯ ᑭᓄᐛᐱᒪᐤ ᒋᓴᒪᓂᑐᐤ ᐊᓂᔭ ᐊᐛᔪᐛ ᑲ ᑕᑈᔭᔨᒪᔨᒋ ᒋᓴᔅ ᙭ᑕ᙮ ᒥᓯᐛ ᒪᒃ ᐊᐛᔪᐛ, ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᑭᔭ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ, ᑲ ᑕᑈᔭᔨᒪᔨᒋ ᒋᓴᓴ, ᐊᐅᑯᓐ ᐊ ᐃᓯ ᐃᑐᑎᒧᐛᑦ᙮ ᐛᔅ ᒥᓯᐛ ᐸᐃᑯᓄᒡ ᐃᓯ ᑭᓄᐛᐱᒪᐤ ᒥᓯᐛ ᐊᐛᔪᐛ ᒋᓴᒪᓂᑐᐤ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:11

ᐸᑎᒪ ᒋ ᒋᔅᒋᓄᐛᒋᔄᑭᓄᐤ᙮ ᐊᓂᔭ ᒪᒃ ᐊᒋ ᒋᔅᒋᓄᐛᒋᔄᑭᓄᐅᑦ ᐊᑯᑕ ᑲ ᐅᒋ ᒋᔅᒐᔨᑕᑯᑕᑭᓄᐎᒡ ᐊ ᑕᑈᔭᔨᒪᑦ ᒋᓴᒪᓂᑐᐛ, ᓴᔅ ᑯᐃᔅᑯᑕᑎᓯᐅᓂᒡ ᐊᒋ ᐃᓯ ᑭᓄᐛᐱᒥᑯᑯᐱᓇ ᒋᓴᒪᓂᑐᐛ᙮ ᓴᔅ ᑯᐃᔅᑯᑕᑎᓯᐅᓂᒡ ᒋ ᐃᓯ ᑭᓄᐛᐱᒥᑯᑯᐱᓇ ᐊᔅᒄ ᐊᑲ ᐛᐛᒡ ᐅᒋ ᒋᔅᒋᓄᐛᒋᔄᑭᓄᐅᑦ᙮ ᐊᑯ ᒪᒃ ᐊ ᐊᑎ ᐃᓯᓇᑯᓯᑦ ᐊ ᐅᑕᐎᒪᐅᑐᑕᑯᑦ ᒥᓯᐛ ᐊᓂᔭᔪᐛ ᑲ ᑕᑈᔭᔨᒪᔨᒋ ᒋᓴᒪᓂᑐᐛ, ᐊᓂᔭᔪᐛ ᑯᐃᔅᑯᑕᑎᓯᐅᓂᒡ ᑲ ᐃᓯ ᑭᓄᐛᐱᒥᑯᔨᒋ ᒋᓴᒪᓂᑐᐛ, ᐊᑎ ᐊᑲ ᐅᒋ ᒋᔅᒋᓄᐛᒋᔄᑭᓄᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 4:13

ᒋᓴᒪᓂᑐᐤ ᒋ ᐃᑕᐤ ᐊᑉᕋᐊᒪ ᑭᔭ ᐊᓂᔭ ᐊᓐᑕ ᐊ ᑕᑦ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᒐᔅᑎᓇᔅ ᑕᑈ ᒐ ᒥᔭᑦ ᒥᓯᐛ ᐅᔭ ᐊᔅᒋᔪᐤ᙮ ᐅᔭ ᒪᒃ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᐃᑐᑎᒪᑯᑦ ᐊᑉᕋᐊᒻ ᓇᒪ ᐎ ᐊᓂᔭ ᐊ ᓂᓇᐃᑕᐧᒃ ᐎᓱᐛᐅᓂᔪᐤ ᐛᒋ ᐃᑎᑯᑦ ᐅᔭ ᒐ ᐃᑐᑎᒪᑯᑦ᙮ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᑭᔭ ᐅᑯᐃᔅᑯᑕᑎᓯᐤ ᐊᒋ ᐃᓯ ᑭᓄᐛᐱᒥᑯᑦ ᐊᐅᑯᔪᐤ ᐛᒋ ᐃᑐᑎᒪᑯᑦ ᐅᔭ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:30

ᒪᐅ ᐊ ᐃᓯ ᐎᑎᒪᒐᒥᑲᒡ ᒥᓯᐛ ᐅ ᑲ ᐃᓯ ᐊᔨᒧᑕᒡ, ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᒪ ᐛᐛᒡ ᐅᒋ ᑯᒋᑕᐅᒡ ᒐᒋ ᑯᐃᔅᑯᓇᑯᐃᓱᒡ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐊᐅᑯᓂ ᒪᒃ ᐅᔭ ᒋᓴᒪᓂᑐᐤ ᑲ ᑯᐃᔅᑯᓇᑯᐊᑦ ᐃᔅᐱ ᑲ ᑕᑈᑎᒥᔨᒋ᙮

ᑲᓚᓯᔭᓇ 5:5

ᓂᔭᓐ ᒪᒃ ᐎ ᑲ ᑕᑈᑎᒪᒡ, ᑲ ᐸᔭᒋᓯᑦ ᐊᒐᐧᒄ ᐊ ᐎᒋᐃᒥᑦ ᓂᑦ ᐊᔅᐸᔨᒧᓇᓐ ᒋᓴᒪᓂᑐᐤ ᒐᒋ ᑯᐃᔅᑯᓇᑯᐃᔨᒥᑦ ᐎᔾ ᐃᔅ ᐊ ᐃᑕᑦ᙮

ᐱᓕᐱᔭᓇ 3:9

ᑭᔭ ᑕᑈ ᐎᔾ ᐊ ᑕᑦ ᒐᒋ ᐃᓯ ᑎᐸᔨᑕᑯᓯᔭᓐ᙮ ᓇᒪ ᐊᔅᒄ ᓂᑦ ᐃᑕᔨᑕᓐ ᐊ ᑯᐃᔅᑯᑕᑎᓯᔭᓐ ᒥᒄ ᐊᓐ ᐊ ᓂᓇᐃᑎᒪᓐ ᐎᓱᐛᐅᓐ᙮ ᐛᔅ ᐊ ᑕᑈᔭᔨᒥᒃ ᙭ ᐊᐅᑯᓐ ᐊᓐ ᐊ ᑯᐃᔅᑯᑕᑎᓯᐃᑯᔭᓐ᙮ ᐊᐅᑯᐤ ᑯᐃᔅᑯᑕᑎᓯᐅᓐ ᒋᓴᒪᓂᑐᐤ ᐊ ᑕᑦ ᑲ ᐅᒋᐱᔨᒡ᙮ ᒥᒄ ᑕᑈᑎᒧᐅᓂᒡ ᐅᒋ ᐊᔭᐤ ᐊᐛᓐ ᐅᔭ ᑯᐃᔅᑯᑕᑎᓯᐅᓂᔪᐤ᙮

ᐃᑉᕈᐛ 11:1

ᐊ ᑕᑈᔭᔨᒪᐧᒄ ᒋᓴᒪᓂᑐᐤ ᒋ ᒐᔅᑎᓇᐅᓇᓄᐤ ᒐ ᐃᔅᐱᔨᒡ ᑕᓐ ᐊ ᐃᓯ ᐊᔅᐸᔨᒧᔭᐧᒄ, ᒋ ᒐᔅᑎᓇᐅᓇᓄᐤ ᐊ ᑎᒂᒋ ᐊᓂᔭ ᒐᒂᔪᐛ ᐊᑲ ᐛᐸᑎᒪᐧᒄ᙮

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 5:7

ᒪᒂᒡ ᐅᑕ ᐊᔅᒋᒡ ᑲ ᐱᐸᒧᑕᑦ ᒋᓴᔅ ᒥᒐᑥᐤ ᒋ ᐃᓯᓇᑯᓱᐤ ᓱᒃ ᐊ ᓂᑐᑎᒧᐛᑦ ᐊᓂᔭᔪᐛ ᑲ ᒋᔅᒐᔨᒪᑦ ᒐᒋ ᐎᒋᐃᑯᑦ ᒐ ᐊᑲ ᒋ ᓂᐸᐊᑭᓄᐅᑦ᙮ ᒋ ᐸᑕᑯᐤ ᒪᒃ ᐛᔅ ᒋ ᓂᓇᐃᑐᐛᐤ᙮

ᐃᑉᕈᐛ 8:5

ᐅᒡ ᒪᒃ ᐊᔭᒥᐊᐅᒋᒪᐅᒡ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᒡ ᐊᓐᑕ ᒍᐤ ᐊᔭᒥᐊᐤ ᒥᒋᐛᐱᒡ ᒋ ᐊᑐᔅᒐᐅᒡ᙮ ᐊᓂᔭ ᒪᒃ ᐊᔭᒥᐊᐤ ᒥᒋᐛᐱᔪᐤ ᐊᓐᑕ ᑲ ᐊᑐᔅᒐᒡ ᒧᔭᒻ ᐊᓐ ᒋᒋᐛ ᐊᔭᒥᐊᐤ ᒥᒋᐛᑉ ᒋᒋᒋᓯᑯᒡ ᑲ ᑎᒂᒡ ᐊ ᐃᓯᓇᒂᒡ ᒋ ᐃᓯᓇᑯᓂᔪᐤ᙮ ᐛᔅ ᐃᔅᐱ ᒧᓱᔅ ᒐ ᐎᔨᑲᐳᐅᑕᑦ ᐊᓂᔭ ᐊᔭᒥᐊᐤ ᒥᒋᐛᐱᔪᐤ, ᒋ ᐃᑎᑯᐤ ᒋᓴᒪᓂᑐᐛ, “ᐊᓐᑕ ᐱᔅᑯᑎᓇᒡ ᐊ ᑕᔨᓐ ᑲ ᐛᐸᑎᔨᑕᓐ ᑕᓐ ᒐ ᐃᓯᑕᔨᓐ ᐊᐅᑯᓐ ᐊᓐ ᒐ ᐃᓯᑕᔨᓐ᙮”

1 ᐱᑕᕐ 3:20

ᐊᐅᑯᓐᒡ ᐅᒡ ᐊᓂᔭᐧᑲ ᑲ ᐱᒪᑎᓯᒡ ᒪᒂᒡ ᐊᓂᔭ ᓄᐛ ᑲ ᐅᓯᑕᑦ ᐊ ᒥᓴᔨᒡ ᐅᐤᑎᔪᐤ᙮ ᓇᒪ ᐅᒋ ᓂᓇᐃᑐᐛᓯᐱᓐᒡ ᒋᓴᒪᓂᑐᐛ, ᒥᒄ ᒪᒃ ᒋ ᓯᐱᔪᐛᓯᔅᑕᑯᐅᒡ ᒋᓴᒪᓂᑐᐛ᙮ ᒥᒄ ᔭᓇᐤ ᐊᐛᓐᒋ ᒋ ᐳᓱᐅᒡ ᐊᓂᔭ ᐅᐤᑎᔪᐤ, ᒋ ᐱᒪᒋᐃᑯᐅᒡ ᒪᒃ ᒋᓴᒪᓂᑐᐛ ᐊᓐᑕ ᐊᓂᔭ ᑲ ᐃᔅᒋᐳᑕᔨᒡ᙮

2 ᐱᑕᕐ 1:1

ᓂᔾ ᓴᐃᒥᓐ ᐱᑕᕐ, ᒋᓴᔅ ᙭ ᓂᑦ ᐊᑐᔅᑯᐛᐤ, ᐎᔾ ᓂᒋ ᐅᑎᓂᒄ ᐊᑈᔅᑕᓐ ᒐᒋ ᐃᑕᐱᑎᓯᐅᒡ᙮ ᒋ ᒥᓯᓇᐊᒪᑎᓇᐛᐤ ᒋᔨᐛᐤ ᑲ ᐊᔭᔭᒄ ᑕᑈᑎᒧᐅᓐ ᒧᔭᒻ ᐊᓐ ᐊ ᐃᑕᔨᑕᒂᒡ ᓂᔭᓐ ᑲ ᐊᔭᔭᒡ᙮ ᐊᔪᐅᒄ ᐅᔭ ᑕᑈᑎᒧᐅᓂᔪᐤ ᒋᐱᒪᒋᐃᐛᒥᓄᐤ ᑭᔭ ᒋᒋᓴᒪᓂᑐᒥᓄᐤ ᒋᓴᔅ ᙭ ᑲ ᒥᔨᑕᐧᒄ᙮ ᐎᔾ ᒋ ᐃᑐᑕᑯᓄᐤ ᒐᒋ ᑯᐃᔅᑯᓇᑯᓯᔭᐧᒄ ᒋᓴᒪᓂᑐᐤ ᐃᔅ ᐊ ᑕᑦ᙮

2 ᐱᑕᕐ 2:5

ᑭᔭ ᐊᓂᔭ ᓂᔅᑎᒻ ᐊᔅᒋᔪᐤ ᓇᒪ ᐅᒋ ᒥᓇᒋᑕᐤ ᒋᓴᒪᓂᑐᐤ᙮ ᐊᐅᑯᓐ ᑲ ᐃᓯ ᐊᔅᒋᐳᑕᑦ ᑲ ᐃᔅᐱᔅ ᐛᓴ ᒋ ᒥᒐᑎᓯᓇᓄᐎᒡ ᐊᓐᑕ ᐊᓂᔭ ᒪᒂᒡ᙮ ᒥᒄ ᔭᓇᐤ ᐊᐛᔪᐛ ᒋ ᐱᒪᒋᐊᐤ, ᐊᐅᒄ ᐅ ᓄᐛ ᐊᓐ ᑲ ᐊᔨᒧᑕᐧᒃ ᒐᒋ ᑯᐃᔅᒄ ᐃᑕᑎᓯᓇᓄᐎᒡ ᑭᔭ ᐊᓂᔭ ᓂᔄᐅᑕᒡ ᐊ ᑕᒡ ᐊᓐᑕ ᐊ ᐸᐃᑯᔅᑲᓇᓯᑦ᙮

2 ᐱᑕᕐ 3:6

ᑭᔭ ᓂᐱᒡ ᒋ ᐅᒋ ᓂᓱᐅᓇᒋᑕᑭᓄᐤ ᐊᓂᔭ ᐛᔅᑭᒡ ᐊᔅᒋᔾ᙮