ᐃᑉᕈᐛ 11:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᐛᔅ ᒋ ᑎᑯᓂᔪᐤ ᑕᓐ ᑲ ᐃᓯ ᐎᔭᔨᑎᒪᑕᐧᒄ ᒋᓴᒪᓂᑐᐤ ᐊᑐᐎᔅ ᐊ ᒥᔽᔨᒡ᙮ ᓇᒪ ᐅᒋ ᐎ ᒥᔨᑯᐅᒡ ᒪᒂᒡ ᒋᓴᒪᓂᑐᐛ ᐊᓂᔭ ᑕᓐ ᑲ ᐃᑎᑯᒡ ᒐ ᐃᓯ ᒥᔨᑯᒡ ᐛᔅ ᒪᒧᐤ ᔅᒋ ᐎ ᒥᔪᓇᑯᐃᑯᓄᐤ᙮

ᐃᑉᕈᐛ 11:40 ပူးပေါင်းရင်းမြစ်များ

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᐃᑉᕈᐛ 5:9

ᐊᓂᔭ ᒪᒃ ᓇᔅᒡ ᐊᒋ ᓂᓇᐃᑕᐧᒃ ᒋᓴᔅ ᒐᒋ ᓂᓇᐧᑲᒋᐊᑭᓄᐅᑦ, ᐊᑯᑕ ᑲ ᐅᒋ ᒥᔭᑭᓄᐅᑦ ᑲᒋᒡ ᒐᒋ ᐱᒪᒋᐊᑦ ᒥᓯᐛ ᐊᓂᔭᔪᐛ ᑲ ᓂᓇᐃᑕᑯᑦ᙮

ᐃᑉᕈᐛ 7:19

ᐛᔅ ᐊᓂᔭᔪᐛ ᐎᓱᐛᐅᓇ ᒧᓱᔅ ᑲ ᐱᔅᑎᓇᐧᒃ ᓇᒪ ᐅᒋ ᐃᑐᑕᑯᐅᒡ ᐃᔪᒡ ᒐᒋ ᑯᐃᔅᑯᑕᑎᓯᒡ᙮ ᒥᒄ ᒪᒃ ᑯᑎᒡ ᒐᒂᓐ ᐅᔅᑕ ᐊ ᒥᔽᒡ ᒋ ᒥᔨᑯᓇᓄᐤ, ᐊᐅᒄ ᐊᔅᐸᔨᒧᐅᓐ᙮ ᐊᔅᐸᔨᒧᐅᓐ ᐊᔭᐛᒂ ᐊᐅᒄ ᒐ ᐎᒋᐃᑯᔭᐧᒄ ᒐᒋ ᐸᓱᐛᐱᒪᐧᒄ ᒋᓴᒪᓂᑐᐤ᙮

ᐃᑉᕈᐛ 7:22

ᒋ ᒋᔅᒐᔨᑕᓇᓄᐤ ᐅ ᐛᔅ ᐎᔾ ᒋᓴᒪᓂᑐᐤ ᒋ ᓇᔅᐱᒡ ᑕᑈᐤ ᐅᔭ ᑲ ᐃᑕᑦ ᒋᓴᓴ᙮ ᐅᔅᑕ ᒪᒃ ᐅᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᒥᔨᑕᐧᒄ ᒋᓴᒪᓂᑐᐤ ᒥᔽᔪᐤ ᐃᔅᐱᔅ ᐊᓐ ᐛᔅᑭᒡ ᓂᔅᑯᒧᐅᓐ᙮ ᒋ ᒐᔅᑎᓇᐅᓇᓄᐤ ᒪᒃ ᒐ ᓂᓇᑭᑐᐛᔨᑕᐧᒃ ᒋᓴᔅ ᒐᔅᑎᓇᔅ ᒐᒋ ᒥᔅᑭᒪᐧᒄ ᐊᓂᔭᔪᐛ ᒐᒂᔪᐛ ᒋᓴᒪᓂᑐᐛ ᑲ ᐃᔅᒋᔄᔨᒋ ᒐ ᒥᔨᑎᑕᐧᑯ᙮

ᐃᑉᕈᐛ 8:6

ᐊᑯ ᒪᒃ ᓇᔅᑐᑎᒪᐧᒄ ᐅᔅᑕ ᐊ ᒋᔅᑕᔨᑕᑯᓂᔨᒡ ᐊᓂᔭ ᐅᑦ ᐊᔭᒥᐊᐤ ᐊᑐᔅᒐᐅᓐ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᓴᔅ ᐊ ᐃᑕᔨᑕᑯᓂᔨᒡ ᐅᑦ ᐊᔭᒥᐊᐅᒋᒪᐤ ᐊᐱᑎᓯᐅᓂᔪᐤ ᐊᓂᔭᔪᐛ ᐊᔭᒥᐊᐅᒋᒪᐛ ᐅᑕ ᐊᔅᒋᒡ ᑲ ᐊᔭᒥᐊᐅᒋᒪᐤ ᐊᐱᑎᓯᔨᒋ᙮ ᑭᔭ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲ ᐅᓯᑕᑦ ᒋᓴᔅ ᐊᔪᐅᒄ ᐊᓂᔭ ᐅᔅᑕ ᒐᔅᑕᔨᑕᑯᓂᔨᒡ ᐃᔅᐱᔅ ᐊᓂᔭ ᐛᔅᑭᒡ ᓂᔅᑯᒧᐅᓂᔪᐤ᙮ ᐛᔅ ᒋᓴᒪᓂᑐᐤ ᓇᔅᐱᒡ ᑕᑈᐤ ᐊᔪᐛᒃ ᒥᔅᑎ ᒐ ᒥᔪᑐᑎᒧᐛᑦ ᐃᔪᐛ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐅᒡ᙮

ᐃᑉᕈᐛ 9:23

ᒋ ᓂᑐᐛᔨᑕᑯᓐ ᐅ ᒐᒋ ᐃᑎᓇᓄᐅᒡ ᒐᒋ ᐸᔭᐧᑲᒋ ᒥᓯᐛ ᐅᔭ ᒐᒂᔪᐛ᙮ ᐅ ᐊ ᐃᑎᓇᓄᐅᒡ ᒥᒄ ᐎ ᓄᑯᑕᑭᓄᐤ ᑕᓐ ᐊ ᐃᑕᔨᑕᒂᒋ ᐊᓂᔭ ᒋᒋᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮ ᒐᔅᑎᓇᔅ ᒪᒃ ᐅᔅᑕ ᐊ ᒥᔽᒋ ᒥᑐᔅᑕᐊᒪᒐᐅᓇ ᓂᑐᐛᔨᑕᑯᓇ ᐛᔅ ᐊᑐᐎᔅ ᒋᒋᐛ ᐃᑕᔨᑕᑯᓇ ᐊᓂᔭᔪᐛ ᒐᒂᔪᐛ ᐊᓐᑕ ᒋᒋᒋᓯᑯᒡ ᐊ ᑎᒂᒋ᙮

ᒋᔅᒐᔨᑕᑯᑕᒐᐅᓐ 6:11

ᐊᑯ ᐸᐸᐃᒄ ᒂ ᒥᔭᑭᓄᐎᒡ ᐊ ᐛᐸᐃᔨᒋ ᐊᑯᐸ᙮ ᒋ ᐃᑕᑭᓄᐎᒡ ᒪᒃ ᒥᓐ ᐛᐃᐱᔅᒋᔅ ᒐᒋ ᐊᔽᐱᒡ ᐸᑐᔅ ᑎᑉ ᒋ ᐃᔅᐱᔅ ᓂᐸᐊᑭᓄᔨᒐ ᐎᒋ ᐊᐱᒋᐊᑭᓄᐛᐛ ᑭᔭ ᐎᐧᑲᓂᓱᐛᐛ ᑕᓐ ᐊᓂᔭᔪᐛ ᒋᐸ ᓂᐸᐊᑭᓄᐅᔪᐛ ᒧᔭᒻ ᐎᔨᐛᐤ ᐊᒋ ᓂᐸᐊᑭᓄᐎᒡ᙮