ᐃᑉᕈᐛ 11:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᐊᑎ ᒪᒃ ᐊ ᒥᔽᓯᔨᒡ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ ᒥᓯᐛ ᐅᒡ ᐃᔪᒡ, ᑭᔭ ᐊᑎ ᐊᒋ ᐃᑕᑭᓄᐎᒡ ᐊᒋ ᓂᓇᐃᑎᒪᐊᒡ ᒋᓴᒪᓂᑐᐛ, ᐃᔭᐱᒡ ᓇᒪ ᐅᒋ ᐅᑎᓴᐸᑎᒧᒡ ᒪᒂᒡ ᑲ ᐱᒪᑎᓯᒡ ᐊᓂᔭ ᑕᓐ ᑲ ᐃᑎᑯᒡ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮

ᐃᑉᕈᐛ 11:39 ပူးပေါင်းရင်းမြစ်များ

ᐃᑉᕈᐛ 10:36

ᒋ ᓂᑐᐛᔨᑕᑯᓯᓇᐛᐤ ᒐᒋ ᓯᐱᔪᐛᓯᔭᒄ ᑭᔭ ᒐᒋ ᐃᑐᑎᒺᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ ᑭᔭ ᒐᒋ ᒥᔅᑭᒺᒄ ᐊᓂᔭ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᑕᒄ᙮

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

ᐃᑉᕈᐛ 11:2

ᐊᓂᔭ ᒪᒃ ᑲ ᐃᔅᐱᔅ ᒋ ᑕᑈᑕᒡ ᐊᓂᔭᐧᑲ ᐛᔅᑭᒡ ᐊᐛᓐᒋ ᐊᔪᐅᒄ ᐅᔭ ᓇᔅᒡ ᑲ ᓇᐊᔨᑎᒥᔨᒋ ᒋᓴᒪᓂᑐᐛ᙮

ᐃᑉᕈᐛ 9:15

ᐊᑯ ᒪᒃ ᐎᔾ ᑎᐱᔨᐛ ᐅᒥᐧᑯᒡ ᐅᒡ ᒋᓴᔅ ᒋ ᐅᓯᑕᐤ ᐊ ᐅᔅᑲᔨᒡ ᓂᔅᑯᒧᐅᓂᔪᐤ᙮ ᐊᑯ ᒪᒃ ᐊᓐᒡ ᒋᓴᒪᓂᑐᐛ ᑲ ᑕᑈᑎᑯᒡ ᒐᒋ ᐅᑦ ᐃᔨᒥᑐᑕᑯᒡ ᑲᒋᒡ ᒐ ᐊᔭᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᒐᔅᑎᓇᔅ ᒐ ᒥᔨᑯᒡ᙮ ᒋᓴᓴ ᐅᓂᐳᐅᓂᔨᒡ ᐅᒡ ᐊᑯᑕ ᐊ ᑎᒂᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ ᐊᓂᔭ ᑕᓐ ᑲ ᐃᓯ ᒥᒋᑐᑕᒡ ᐊᔅᒄ ᐊᒋ ᐊᐱᑎᓂᔨᒡ ᐛᔅᑭᒡ ᓂᔅᑯᒧᐅᓂᔪᐤ᙮

1 ᐱᑕᕐ 1:12

ᒋ ᒋᔅᒐᔨᑎᒥᐊᑭᓄᐅᒡ ᒪᒃ ᐊᓂᔭᐧᑲ ᐅᒋᔅᒋᐛᐃᒐᓱᒡ ᐊᑲ ᐎᔨᐛᐤ ᒪᒂᒡ ᐊ ᐱᒪᑎᓯᒡ ᒐ ᐃᔅᐱᔨᒡ ᐅᔭ᙮ ᒋᔨᐛᐤ ᒐᒋ ᒋᔅᒐᔨᑎᒺᒄ ᐊᐅᒄ ᐛᒋ ᐊᔨᒧᑕᒡ ᐊᓂᔭᔪᐛ ᒐᒂᔪᐛ ᐊᓄᒡ ᑕᓐ ᐊ ᐃᓯ ᐛᐎᑎᒪᑕᑯᒡ ᐊᓐᒡ ᑲ ᐛᐎᑕᒡ ᒥᔽᒋᒧᐅᓂᔪᐤ᙮ ᑲ ᐸᔭᒋᓯᑦ ᐊᒐᐧᒄ ᐊᓐ ᑲ ᐸᒋ ᐃᑎᓴᐛᑭᓄᐅᑦ ᒋᒋᒋᓯᑯᒡ ᐅᒡ, ᐊᐅᑯᓐ ᐊᓐ ᑲ ᒥᔭᑦ ᒐᒋ ᐛᐎᑎᒥᔨᒋ ᐅᔭ ᒥᔽᒋᒧᐅᓂᔪᐤ᙮ ᐊᔪᐅᒄ ᐅᔭ ᒐᒂᔪᐤ ᐛᐛᒡ ᐊᓐᒋᓐᒡ ᐎ ᒋᔅᒐᔨᑎᒧᒡ᙮