ᐃᑉᕈᐛ 11:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᑯᑎᑭᒡ ᒋ ᐛᐅᓯᓄᐛᑭᓄᐎᒡ ᐊ ᒪᔭᔨᒪᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ, ᑭᔭ ᒋ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐃᑉᕈᐛ 11:36 ပူးပေါင်းရင်းမြစ်များ

ᒐᓂᓯᔅ 39:20

ᒂ ᐃᑎᓱᐛᑦ ᒐᒋ ᒪᑯᓇᑭᓄᔨᒋ ᑭᔭ ᒋᐸᐛᑭᓄᔨᒋ ᒍᓯᐸ ᐊᓐᑕ ᒋᓴᐅᒋᒪᐤ ᐅᒋᐸᐛᑭᓇ ᑲ ᑭᓄᐛᔨᒪᑭᓄᔨᒋ᙮ ᒪᒂᒡ ᑲ ᑕᑦ ᐊᓐᑕ ᑲᒪᑯᓄᐛᓯᐅᒋᐛᐱᒡ,

ᒪᑎᔪᐤ 20:19

ᐊᑯ ᒪᒃ ᒥᓐ ᐊᓐᑕ ᐊᓂᔭᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᐊ ᑕᔨᒋ ᒐ ᐃᑐᑕᐊᒡ ᒐᒋ ᒪᔭᔨᒪᑭᓄᔨᒋ ᑭᔭ ᒐᒋ ᐸᐱᓯᔅᑕᐛᑭᓄᔨᒋ ᑭᔭ ᒐᒋ ᒋᔅᑕᔎᑕᑭᓄᔨᒋ᙮ ᒥᒄ ᒪᒃ ᒋ ᓂᔅᑐ ᒋᓯᑲᔨᒐ ᑲᐤ ᒋᑭ ᐅᓂᐤ᙮”

ᒪᑎᔪᐤ 21:35

ᐊᑯ ᐊᓐᒡ ᑲ ᓂᓇᑭᑐᐛᔨᑕᒡ ᐊᓂᔭ ᓂᑕᐅᒋᑕᑭᓂᔪᐤ ᒋ ᒪᓯᐧᑯᐛᐅᒡ ᐸᐃᒄ ᐊᓂᔭ ᐊᐱᒋᐊᑭᓇ ᑲ ᐸᑎᓴᐛᑭᓄᔨᒋ ᐊᑯ ᑯᑎᑲ ᒂ ᓂᐸᐊᒡ ᐊᑯ ᒥᓐ ᐊᓂᔭ ᑯᑎᑲ ᒋ ᓂᐸᐊᐅᒡ ᐊᒋ ᐸᐱᒧᓯᓇᑕᐛᒡ᙮

ᒪᑎᔪᐤ 23:34

ᐊᑯ ᒋᓴᔅ ᒂ ᐃᑕᑦ, “ᐊᐅᒄ ᒪᒃ ᐅ ᐛᒋ ᐃᑎᑎᑯᒡ, ᓂᑭ ᐸᒋ ᐃᑎᓴᐛᐅᒡ ᐊᓐᒡ ᐅᒋᔅᒋᐛᐃᒐᓱᒡ ᑭᔭ ᐊᓐᒡ ᑲ ᑭᒐᑕᐛᔨᑕᒡ ᑭᔭ ᑲ ᒋᔅᑯᑎᒪᒐᒡ ᐎᓱᐛᐅᓂᔪᐤ᙮ ᐃᔭᐱᒡ ᒪᒃ ᐛᔅ ᐊᑯᓐ ᒐ ᐃᓯᓇᑯᓯᔭᒄ ᐊ ᓂᓂᐸᐊᑯᒡ ᐱᔅᒐ, ᑯᑎᑭᒡ ᐊ ᒋᔅᑕᔎᑕᑯᒡ ᒋᐱᔭᑎᑯᒡ ᑭᔭ ᑯᑎᑭᒡ ᐊ ᐸᐱᓯᔅᑕᐛᑯᒡ ᐊᓐᑕ ᒋᒋᓴᐊᔭᒥᐊᐅᒋᐛᐳᐛᒡ, ᑭᔭ ᓂᓇᐧᑯᐤ ᐅᑕᓇᒡ ᐊ ᐃᑕᒧᒐᔭᒄ᙮

ᒪᑎᔪᐤ 27:26

ᐊᑯ ᑈᓚᑦ ᒂ ᐃᑎᓱᐛᑦ ᒐᒋ ᐱᔅᑎᓇᑭᓄᔨᒋ ᐸᕋᐸᓴ᙮ ᐃᔅᐱ ᒪᒃ ᑲ ᐃᑎᓱᐛᑦ ᒐᒋ ᐱᓯᔅᑕᐛᑭᓄᔨᒋ ᒋᓴᓴ, ᐊᑯ ᒂ ᐱᔅᑎᓱᐛᑕᑦ ᒐᒋ ᒋᔅᑕᔎᑕᑭᓄᔨᒋ ᒋᐱᔭᑎᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:34

ᐊᐅᑯᓐᒡ ᐅᒡ ᒐ ᒪᔭᔨᒪᒡ ᑭᔭ ᒐ ᓯᔅᑎᒂᑕᒡ, ᑭᔭ ᒐ ᐱᓯᔅᑕᐛᒡ, ᑭᔭ ᒐ ᓂᐸᐊᒡ᙮ ᓂᔅᑐ ᒋᓯᑲᐛ ᒪᒃ ᒋ ᐅᑎᒋᐱᔨᒐ ᑲᐤ ᒋᑭ ᐅᓂᔅᑲᐤ᙮”

ᓗᒃ 18:32

ᒋᑭ ᐱᔅᑎᓂᒧᐛᑭᓄᐎᒡ ᐊᓐᒡ ᐃᔪᒡ ᐊᑲ ᒍᐤ ᐃᑎᔅᑲᓇᓯᒡ, ᒐᒋ ᒪᔭᔨᒪᒡ ᑭᔭ ᒐᒋ ᔭᐃᑲᐊᒡ ᓂᑎᒥᒄ ᐊ ᐃᔅᒋᔄᑕᒡ ᑭᔭ ᒐᒋ ᓯᔅᑎᒂᑕᒡ᙮

ᓗᒃ 23:11

ᐊᑯ ᒪᒃ ᐊᕈᑦ ᑭᔭ ᐅᑦ ᐊᓯᒪᑭᓂᓯᒪ ᒋ ᐎᔭᐅᒡ ᒋᓴᓴ ᐊ ᒪᔭᔨᒪᒡ ᑭᔭ ᐊᔭᒡ ᐊ ᐃᑐᑐᐛᒡ ᐊ ᐳᔅᑎᔅᑭᒧᑎᔭᒡ ᐊᑯᐱᔪᐤ ᐊ ᒥᔽᓯᔨᒡ᙮ ᐊᑯ ᒪᒃ ᐊᕈᑦ ᑲᐤ ᒂ ᒋᐛᑎᓴᐛᑦ ᒋᓴᓴ, ᑈᓚᑕ ᐊ ᑕᔨᒋ᙮

ᓗᒃ 23:36

ᐊᓯᒪᑭᓂᓯᒡ ᑭᔭ ᒋ ᒪᔭᔨᒪᐅᒡ ᒋᓴᓴ, ᐊᑯ ᒂ ᓇᑕᒡ ᒥᒋᒪ ᒂ ᐎ ᒥᓇᐊᒡ ᐊ ᐎᓯᑲᐧᑭᒥᔨᒡ ᓱᒥᓇᐳᔪᐤ᙮

ᐊᑈᔅᑕᓇᒡ 21:33

ᐊᑯ ᐊᓐ ᓂᑐᐱᔪᐅ-ᐅᒋᒪᐤ ᒂ ᓂᑐᐛᐱᒪᑦ ᐊᓂᔭ ᑈᓚ, ᐊᑯ ᒂ ᒪᑯᓇᑦ᙮ ᒂ ᐃᑎᓱᐛᑦ ᒐᒋ ᒪᒋᒂᐱᐧᑲᑕᑭᓄᔨᒋ, ᓂᓱ ᐃᓴᒂᔭᐱᔭ ᐊ ᐊᐱᑎᓂᔨᒋ᙮ ᐊᑯ ᒂ ᐃᔅᒋᔄᑦ, “ᒐᒄ ᓇᐸᐤ ᐅ, ᑕᓐ ᑲ ᐃᑎᑦ ?”

ᐊᑈᔅᑕᓇᒡ 24:27

ᓂᓱ ᐱᐳᓇ ᒪᒃ ᐃᔅᐱᔅ ᐊᑯ ᑯᑎᑲ ᐊᐛᔪᐛ ᑲ ᒥᔅᑯᑎᔅᑲᑯᑦ ᐊᓐ ᒋᓴᐅᒋᒪᐤ ᐱᓕᑭᔅ᙮ ᐳᕐᑭᔭᔅ ᐸᔅᑕᔅ ᒋ ᐃᓯᓂᐧᑲᓱᔪᐛ ᐊᓂᔭ ᑲ ᒥᔅᑯᑎᔅᑲᑯᑦ᙮ ᐊᑯ ᒪᒃ ᐱᓕᑭᔅ ᒥᒄ ᐊ ᐎ ᓂᓇᐃᑎᒪᐊᑦ ᐊᓂᔭ ᒍᐤ ᐃᔪᐛ ᐊᑯᑕ ᐊᓐᑕ ᑲᒪᑯᓄᐛᓯᐅᒋᐛᐱᒡ ᑲ ᓂᑭᑕᑦ ᐊᓂᔭᔪᐛ ᑈᓚ᙮

ᐊᑈᔅᑕᓇᒡ 4:3

ᓴᔅ ᒪᒃ ᒋ ᐅᑕᑯᓯᔪᐤ ᑲ ᒪᑯᓇᑭᓄᐎᒡ ᐱᑕᕐ ᑭᔭ ᒠᓐ᙮ ᑲᒪᑯᓄᐛᓯᐅᒋᐛᐱᒡ ᒪᒂᒡ ᑲ ᑭᓄᐛᔨᒪᑭᓄᐎᒡ ᐊᓂᔭᔪᐤ ᑕᐱᔅᑲᔨᒡ᙮

ᐊᑈᔅᑕᓇᒡ 5:18

ᒋ ᒪᑯᓇᐅᒡ ᐊᑯ ᒂ ᐱᑎᑲᐊᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐊᑈᔅᑕᓇᒡ 5:40

ᐊᓐᒡ ᒪᒃ ᓇᐸᐅᒡ ᑲ ᒪᒧᐎᒡ ᒋ ᑕᑈᑐᐛᐅᒡ ᐊᓂᔭᔪᐛ ᑲᒪᓕᔭᓚ ᐅᔭ ᑲ ᐃᔅᒋᔄᔨᒋ᙮ ᐊᑯ ᒂ ᐎᓴᒪᒡ ᐊᓂᔭᔪᐛ ᐊᑈᔅᑕᓇ, ᐊᑯ ᒂ ᐃᔅᒋᔄᒡ ᒐᒋ ᐸᐱᓯᔅᑕᐛᑭᓄᔨᒋ, ᑭᔭ ᒋ ᐃᑎᓱᒪᐅᒡ ᐊᑲ ᒥᓐ ᓂᑕ ᒐᒋ ᐛᐎᑎᒥᔨᒋ ᒋᓴᓴ ᐅᑦ ᐃᓯᓂᐧᑲᓱᐅᓂᔪᐤ, ᐊᑯ ᒂ ᐱᔅᑎᓇᒡ᙮

ᐊᑈᔅᑕᓇᒡ 8:3

ᓴᓪ ᒪᒃ ᒋ ᐎ ᓂᓱᐅᓇᒋᐊᐤ ᐅᒪᒧᐊᔭᒥᐊᐛ᙮ ᒥᓯᐛ ᒥᒋᐛᐸ ᒋ ᐱᒐᐤ, ᐊ ᐎᐎᔅᐱᒥᑕᑦ ᐊᓂᔭ ᑲ ᑕᑈᑎᒥᒋ, ᑕᐱᔅᑯᓐ ᐃᔎᐛ ᑭᔭ ᓇᐸᐛ, ᒐᒋ ᓂᐸᐊᑭᓄᔨᒋ᙮

ᐃᐱᓯᔭᓇ 3:1

ᓂᔾ ᑈᓪ, ᐊ ᐊᑐᔅᑯᐅᒃ ᒋᓴᔅ ᙭ ᑭᔭ ᐊ ᐛᐎᒋᐃᑎᑯᒡ ᒋᔨᐛᐤ ᐊᑲ ᒍᐤ ᐃᑎᔅᑲᓇᓯᔭᒄ ᐊᐅᒄ ᐛᒋ ᑕᔭᓐ ᑲᒪᑯᓄᐛᓯᐅᒋᐛᐱᒡ᙮

ᐃᐱᓯᔭᓇ 4:1

ᐊᒋ ᐱᐸᐎᑎᒧᒡ ᐅᑎᐸᔨᒋᒐᐤ ᐅᒥᔽᒋᒧᐅᓐ ᐊᐅᑯᐤ ᐛᒋ ᒋᐸᐅᑯᔭᓐ᙮ ᐊᐅᒄ ᒪᒃ ᐛᒋ ᓯᒋᒥᑎᑯᒡ ᐊᓂᔭ ᐊ ᐃᓯ ᓂᑐᐛᔨᒥᑕᒄ ᒋᓴᒪᓂᑐᐤ ᒐᒋ ᐃᓯ ᐱᒪᑎᓯᐛᒄ ᒐᒋ ᐃᓯ ᐱᒪᑎᓯᔭᒄ᙮

2 ᑎᒧᑎ 1:16

ᓂᑦ ᐊᔭᒥᐊᔅᑎᒧᒪᔪᐛ ᐅᓂᓯᑈᕋᔅ ᐊᓐᑕ ᐊᓂᔭ ᐊ ᐸᐃᑯᔅᑲᓇᓯᑦ ᐊ ᑕᔨᒋ ᒐᒋ ᒋᔅᑎᒪᒐᔨᒥᑯᒡ ᒋᓴᒪᓂᑐᐛ ᐛᔅ ᒧᔅ ᒋ ᑎᑯᓂᔪᐤ ᑕᓐ ᑲᒋ ᐃᓯ ᐸᒋ ᐛᐎᒋᐃᑦ ᐅᓂᓯᐳᕋᔅ, ᓇᒪ ᓇᔅᒡ ᐅᒋ ᓴᒂᔨᒧᐃᑯᐤ ᐊ ᒋᐸᐅᑯᐎᒡ᙮

2 ᑎᒧᑎ 2:9

ᐛᔅ ᐊ ᐛᐎᑎᒪᓐ ᐅ ᒥᔽᒋᒧᐅᓐ ᐊᐅᒄ ᐛᒋ ᓂᓇᐧᑲᑕᔨᒧᔭᓐ, ᑭᔭ ᒧᔭᒻ ᐊᐛᓐ ᐊᒋ ᒥᒋᑐᑕᐧᒃ ᑲᒋ ᒪᒪᒋᒂᐱᔅᑲᐛᑭᓄᐅᑦ ᐊᐅᑯᓐ ᐊ ᐃᑐᑕᑯᐅᔭᓐ, ᒥᒄ ᒪᒃ ᓇᒪ ᒋᑭ ᒋ ᒪᒪᒋᒂᐱᔅᑲᐃᑭᓄᐅᔪᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮

ᐃᑉᕈᐛ 10:34

ᔅᒋ ᒋᔅᑎᒪᒐᔨᒪᐛᐅᒡ ᐊᓐᒡ ᑲᒪᑯᓄᐛᓯᐅᒋᐛᐱᒡ ᑲ ᑕᒡ ᐊᓐᒡ ᑲ ᑕᑈᑕᒡ ᐛᔅ ᑭᔭ ᒋᔨᐛᐤ ᐊᐅᑯᓐ ᒧᔭᒻ ᑲ ᐃᓯ ᓂᒋᔅᑭᒪᒄ᙮ ᐃᔅᐱᔅ ᑲ ᒪᑯᓂᑭᓄᐅᒋ ᒋᑦ ᐊᐱᒋᑕᐅᓄᐛᐛ ᐊ ᒪᔭᔨᒥᑯᔭᒄ ᔅᒋ ᒥᔽᔨᑕᓇᐛᐤ ᐛᔅ ᔅᒋ ᒋᔅᒐᔨᑕᓇᐛᐤ ᐊᑐᐎᔅ ᐊ ᒥᔽᒡ ᐊᓐ ᒐᒂᓐ ᑲ ᐃᓯ ᐊᔭᔭᒄ, ᑭᔭ ᑲᒋᒡ ᒐ ᑎᒂᒡ᙮

ᒋᔅᒐᔨᑕᑯᑕᒐᐅᓐ 2:10

ᐊᑲᐎᔾ ᑯᔅᑕᒋᒄ ᑕᓐ ᒐ ᐃᓯ ᓂᓇᐧᑲᑕᔨᒧᔭᒄ᙮ ᒥᒋᒥᓂᑐᐤ ᒋᑭ ᑯᒂᒋᐃᑯᐛᐤ ᐊ ᐃᑐᑕᑕᒄ ᐱᔅᒐ ᒐᒋ ᒋᐸᐅᑯᐛᒄ ᑲᒪᑯᓄᐛᓯᐅᒋᐛᐱᒡ᙮ ᐸᐃᑯᔪᐛ ᒋᓯᑲᐛ ᒋᑭ ᐃᔅᐱᔅ ᓂᓇᐧᑲᑕᔨᒧᓇᐛᐤ᙮ ᐊᑲᐎᔾ ᒪᒃ ᐳᓂᒄ ᐊ ᑕᑈᔭᔨᒥᔭᒄ ᐊᑎ ᐎ ᓂᐸᐃᑯᔭᒂ᙮ ᐊᑯ ᒪᒃ ᒐ ᑲᓂᔪᐅᔭᒄ ᒋᓴᐅᒋᒪᐅᑯᓂᔎᐅᓐ ᐊᐅᒄ ᑲᒋᒡ ᐱᒪᑎᓯᐅᓐ᙮”