ᐃᑉᕈᐛ 11:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᒧᓱᔅ ᒪᒃ ᐊᒋ ᑕᑈᔭᔨᒪᑦ ᒋᓴᒪᓂᑐᐛ ᒋ ᐃᑕᔨᑎᒻ ᒐᒋ ᓂᑭᑕᐧᒃ ᐃᒋᑉᑦ ᐊᔅᒋᔪᐤ ᐊᑲ ᐅᒋ ᑯᔅᑕᒋᑦ, ᐊᑎ ᐊᒋ ᒥᔅᑎ ᒋᔄᓯᔨᒋ ᒋᓴᐅᒋᒪᐛ᙮ ᒧᓱᔅ ᓇᔅᒡ ᑕᑈ ᒋ ᓯᐱᔪᐛᓱᐤ ᒧᔭᒻ ᓇᔅᒡ ᐊ ᐛᐱᒪᑦ ᒋᓴᒪᓂᑐᐛ, ᐊᓂᔭ ᐊᑲ ᓂᑕ ᐅᒋ ᐛᐱᒥᑯᔨᒋ ᓇᐸᐛ ᐊᐅᑯᓐ ᑲ ᐃᓯ ᐱᒪᑎᓯᑦ ᒧᓱᔅ᙮

ᐃᑉᕈᐛ 11:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 16:8

ᒧᔅ ᓂ ᓂᑲᓇᔭᐤ ᑎᐸᔨᒋᒐᓱᐤ: ᓂᒥᔪᐅᓂᒡ ᐊ ᑕᑦ, ᓇᒪ ᓂᑕ ᓂᑭ ᐊᒋᐸᔨᐃᑯᐅᓐ᙮

ᐊᒃᓱᑕᔅ 11:8

ᒥᓯᐛ ᒋᑦ ᐊᐱᒋᐊᑭᓐᒡ ᓂᑭ ᓂᑐᐛᐱᒥᑯᒡ ᒐ ᐊᑎ ᓂᐱᔅᑯᐱᔅᑐᐅᒡ ᑭᔭ ᒐ ᐃᔅᒋᔄᒡ, ‘ᒪᒋᒄ ᔅᑐᑕᒄ ! ᒋᔾ ᑭᔭ ᒥᓯᐛ ᒋᑦ ᐃᔨᒥᒡ !’ ᐊᑯ ᐸᑐᔅ ᒐᔅᑐᑕᔭᓐ᙮” ᐊᑯ ᓇᔅᒡ ᐊ ᒋᔄᐱᑦ ᒧᓱᔅ ᒂ ᓂᑭᑕᑦ ᒋᓴᐅᒋᒪᐛ᙮

ᐊᒃᓱᑕᔅ 12:11

ᐊᐅᒄ ᒪᒃ ᒐ ᐃᓯ ᒥᒋᔭᒄ; ᐊ ᐱᒂᑕᐅᔭᒄ, ᐊ ᒋᑭᔅᒋᓇᔭᒄ, ᑭᔭ ᐊ ᑕᐧᑯᓂᒪᒄ ᒋᓯᔅᑲᐅᓄᐛᐛ: ᑭᔭ ᒋᑭ ᔭᓯᒋᐳᓇᐛᐤ; ᐊᐅᒄ ᐅᒪ ᑎᐸᔨᒋᒐᓱᐤ ᐅᐎᒪᔅᑲᒐᐎᓐ᙮

ᐊᒃᓱᑕᔅ 12:50

ᒥᓯᐛ ᐃᔅᕋᐃᓪ ᐃᔪᒡ ᒋ ᐃᑐᑎᒧᒡ ᒐᒂᔪᐤ ᑎᐸᔨᒋᒐᓱᐛ ᑲ ᐃᑎᓱᒪᔨᒋ ᒧᓱᓴ ᑭᔭ ᐊᕋᓇ᙮

ᐊᒃᓱᑕᔅ 4:19

ᑎᐸᔨᒋᒐᓱᐛ ᒂ ᐃᑎᑯᑦ ᒧᓱᔅ ᐊᔅᒄ ᐊᑕᑦ ᐊᓐᑕ ᒥᑎᐊᓐ, “ᑲᐤ ᐃᑐᑕᒪ ᐊᓐᑕ ᐃᒋᑉᑎᒡ, ᐊᓐᒡ ᓇᐸᐅᒡ ᑲ ᐎ ᓂᐸᐃᔅᒡ ᓄᑎᒻ ᐊᓂᔭᐧᑲ ᓂᐳᐅᒡ᙮”

ᒪᑎᔪᐤ 10:22

ᒥᓯᐛ ᐊᐛᓐᒋ ᒋᑭ ᐛᐧᑲᑎᑯᐛᐅᒡ ᐊ ᓇᓴᐅᐎᔭᒄ᙮ ᐊᓐ ᒪᒃ ᐊᐛᓐ ᐊᑲ ᓴᐧᑯᒋᐊᑭᓄᐅᑦ ᐊ ᐸᒋ ᓇᓴᐅᑦ ᐊᐅᒄ ᐊᓐ ᒐ ᐱᒪᒋᐊᑭᓄᐅᑦ᙮

ᒪᑎᔪᐤ 24:13

ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᐅᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:13

ᒥᓯᐛ ᐊᐛᓐ ᒋᑭ ᐛᐧᑲᑎᑯᐛᐤ ᐊ ᓇᓴᐎᔭᒄ᙮ ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:17

ᒥᒄ ᒪᒃ ᓇᒪ ᑎᑯᓂᔪᐤ ᑕᓐᑕ ᒐᒋ ᐅᒋ ᔭᐃᒡ ᓂᑕᐅᒋᒡ ᑭᔭ ᓇᒪ ᓇᐅᔅ ᒋ ᐃᓯᑲᐳᐎᒡ᙮ ᐃᔅᐱ ᓇᒋᔅᑲᒡ ᐊ ᐊᔨᒥᓂᔨᒡ ᒪᒃ ᐊ ᒪᔭᔨᒪᑭᓄᐅᒡ ᐊᓂᔭ ᐃᔨᒧᐅᓂᔪᐤ ᐅᒋ ᐊᑯᑕ ᑎᐛᒡ ᒂ ᒋᐛᑲᐳᐅᒡ᙮

ᐊᑈᔅᑕᓇᒡ 2:25

ᐊᓂᔭ ᒪᒃ ᒋᓴᐅᒋᒪᐤ ᑎᐱᑦ ᒋ ᓂᑲᓐ ᐊᔨᒧᒪᑯᐱᓇ ᒋᓴᓴ ᑲ ᐃᔅᒋᔄᑦ, ᒧᔅ ᓂ ᐛᐱᒪᐤ ᐅᑎᐸᔨᒋᒐᐤ ᐅᑎᔅᑯᐤ ᐅᑕ ᐊ ᑕᔭᓐ᙮ ᒥᒋᒪ ᐊ ᑕᔭᓐ ᑕᐤ ᓇᒪ ᒪᒃ ᓂᑭ ᐅᒋ ᒥᑯᔅᑲᑕᔨᑕᓐ᙮

1 ᑯᕆᓐᑎᔭᓇ 13:7

ᐊ ᓴᒋᐊᑦ ᐊᐛᓐ ᐊᐛᔪᐛ ᒧᔅ ᒥᔽᔨᑕᑯᓯᔅᑐᐛᐤ ᒥᒄ ᑕᓐ ᐊ ᐃᑎᒂᓂᔨ᙮ ᑭᔭ ᒧᔅ ᑕᑈᐅᒐᔨᒪᐤ ᐊᓂᔭᔪᐛ ᐊᐛᔪᐛ ᑭᔭ ᒧᔅ ᑎᑯᓂᔪᐤ ᐊ ᐃᓯ ᐊᔅᐸᔨᒧᑦ ᒐᒋ ᒥᔪᐱᔨᒋ᙮ ᓇᒪ ᐳᓂᐤ ᐊ ᒥᔽᔨᑕᑯᓯᔅᑐᐛᑦ ᐊᓂᔭᔪᐛ ᐊᐛᔪᐛ᙮

2 ᑯᕆᓐᑎᔭᓇ 4:18

ᐛᔅ ᑕᐸ ᐊᓂᔭᔪᐛ ᐊᓄᒡ ᑲ ᓄᐧᑯᒂᒋ ᒐᒂᔪᐛ ᒋ ᑭᓄᐛᐸᑕᓇᓄᐤ᙮ ᐊᓂᔭ ᐊᑲ ᓄᐧᑯᒂᒋ ᐊᐅᑯᓂ ᐊᓂᔭᔪᐛ ᑲᓄᐛᐸᑎᒪᐧᒄ᙮ ᐊᓐ ᐊᓄᒡ ᑲ ᓄᒂᒡ ᐛᐃᐱᔅᒋᔅ ᒥᒄ ᑎᑯᓐ᙮ ᐊᑯ ᐊᓐ ᐊᑲ ᓄᒂᒡ ᐊᐅᒄ ᑲᒋᒡ ᐊ ᑎᒂᒡ᙮

ᑯᓚᓯᔭᓇ 1:15

ᐎᔾ ᙭ ᒧᔭᒻ ᐊᐅᑯᓐ ᐊ ᐃᑕᔨᑕᑯᓯᑦ ᑕᓐ ᐊ ᐃᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐊᑲ ᓄᑯᓯᔨᒋ᙮ ᙭ ᐊᐅᒄ ᒋᓴᒪᓂᑐᐤ ᐅᓂᔅᑎᒧᓴᓇ, ᐊᓐ ᒪᐅᒡ ᓂᑲᓐ ᐊ ᐃᑕᔨᑕᑯᓯᑦ ᐊ ᐃᑕᔨᑕᑯᓂᔨᒡ ᒥᓯᐛ ᒐᒂᔪᐤ ᑲ ᐅᓯᑕᑭᓄᐎᒋ᙮

1 ᑎᒧᑎ 1:17

ᐊᑯ ᒪᒃ ᑲᒋᒡ ᒋᑭ ᐎ ᒋᔅᑕᔨᒪᑭᓄᐤ ᑭᔭ ᐎᔾ ᓇᔅᒡ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓐ ᑲᒋᒡ ᑲ ᒋᓴᐅᒋᒪᐅᑦ, ᐊᓐ ᒐ ᐊᑲ ᓂᑕ ᓂᐱᑦ, ᐊᑲ ᓄᑯᓯᑦ ᑭᔭ ᐊᓐ ᒥᒄ ᐱᔭᐃᑯᓯᑦ ᒋᓴᒪᓂᑐᐤ᙮ ᐊᒥᓐ᙮

1 ᑎᒧᑎ 6:16

ᐎᔾ ᒥᒄ ᑲᒋᒡ ᐱᒪᑎᓯᐤ, ᐊᓐᑕ ᒪᒃ ᐊᑲ ᓂᑕ ᒧᓴ ᒐᒋ ᓇᑕᑭᓄᐎᒡ ᐛᔅᑕᐅᓂᔪᐤ ᐊᑯᑕ ᐊ ᑕᑦ, ᐊᓐᑕ ᐊᑲ ᐊᐛᔪᐛ ᒐᒋ ᓇᑎᑯᑦ᙮ ᓇᒪ ᓂᑕ ᐅᑎᔅᑯᐤ ᐅᒋ ᐛᐱᒥᑯᐤ ᐊᐛᔪᐛ ᑭᔭ ᓇᒪ ᓂᑕ ᒋᑭ ᒋ ᐛᐱᒥᑯᐤ᙮ ᐎᔾ ᒪᒃ ᒋᑭ ᒋᔅᑕᔨᑕᑯᐊᑭᓄᐤ ᑭᔭ ᐎᔾ ᐊᔭᐤ ᑲᒋᒡ ᓱᐧᑲᑎᓯᐅᓂᔪᐤ᙮ ᐊᒥᓐ᙮

ᐃᑉᕈᐛ 10:32

ᓱᒃ ᒪᒃ ᒪᒥᑐᓇᔨᑎᒥᐃᑯᒄ ᓂᔅᑎᒻ ᑕᓐ ᑲ ᐃᓯ ᐸᑎᒪᒄ ᐊ ᐊᔨᒧᒪᑭᓄᐅᑦ ᙭᙮ ᒪᒥᑐᓇᔨᑎᒧᒄ ᑕᓐ ᑲ ᐃᓯ ᓱᒋᑲᐳᐅᔭᒄ ᑲ ᓂᓇᐧᑲᒋᐃᑯᐅᔭᒄ ᐃᔅᐱ ᑲ ᐱᒪᒋᐅᔭᒄ᙮ ᓇᔅᒡ ᑕᑈ ᒋ ᔭᐃᑎᓐ ᒋᑕᑈᑎᒧᐅᓄᐛᐤ᙮

ᐃᑉᕈᐛ 11:1

ᐊ ᑕᑈᔭᔨᒪᐧᒄ ᒋᓴᒪᓂᑐᐤ ᒋ ᒐᔅᑎᓇᐅᓇᓄᐤ ᒐ ᐃᔅᐱᔨᒡ ᑕᓐ ᐊ ᐃᓯ ᐊᔅᐸᔨᒧᔭᐧᒄ, ᒋ ᒐᔅᑎᓇᐅᓇᓄᐤ ᐊ ᑎᒂᒋ ᐊᓂᔭ ᒐᒂᔪᐛ ᐊᑲ ᐛᐸᑎᒪᐧᒄ᙮

ᐃᑉᕈᐛ 11:13

ᐅᒡ ᒪᒃ ᒥᓯᐛ ᐊᐛᓐᒋ ᑲ ᐊᔨᒧᒥᒂᐤ, ᒥᓯᐛ ᒋ ᑕᑈᔭᔨᒪᐅᒡ ᒋᓴᒪᓂᑐᐛ ᐱᐃᒻ ᑲ ᐊᑎ ᐳᓂᐱᒪᑎᓯᒡ᙮ ᐊᐅᑯᓐ ᑲ ᐃᓯ ᐳᓂᐱᒪᑎᓯᒡ ᐊᔅᒄ ᐊ ᑕᑈᑕᒡ ᐊᓂᔭ ᑕᓐ ᑲ ᐃᔅᒋᔄᔨᒋ ᒋᓴᒪᓂᑐᐛ ᑕᑈ ᒐ ᐅᑎᒋᐱᔨᒡ᙮ ᐊᑎ ᐊᑲ ᐎᔨᐛᐤ ᓇᓂᑎᒻ ᐅᒋ ᐛᐸᑕᒡ ᒐᒋ ᐅᑎᒋᐱᔨᒡ ᐃᔭᐱᒡ ᒋ ᒐᔅᑎᓇᑕᔨᑎᒥᐃᑯᐅᒡ ᒐ ᐅᑎᒋᐱᔨᒡ ᐊᓐᑕ ᓂᔅᑕᒥᒡ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᓴᒐᔾ ᐃᓯᓇᑯᓂᔨᒡ ᐊᓂᔭ ᑕᓐ ᑲ ᐃᓯ ᑕᑈᔭᔨᒪᒡ ᒋᓴᒪᓂᑐᐛ᙮ ᑭᔭ ᒋ ᒋᔅᒐᔨᑎᒧᒡ ᐊᑲ ᐅᑕ ᐊᔅᒋᒡ ᒋᒋᐛ ᐅᒋ ᐅᒋᒡ ᑭᔭ ᐎᔨᐛᐤ ᓇᓂᑎᒻ ᒋ ᐃᔅᒋᔄᐅᒡ ᒥᒄ ᒪᓐᑕᐤ ᐊᒋ ᐃᓯ ᑭᓄᐛᐱᒥᓱᒡ᙮

ᐃᑉᕈᐛ 6:15

ᒋ ᓯᐱᔪᐛᓯᐤ ᒪᒃ ᐊᑉᕋᐊᒻ ᐊ ᐊᓱᐛᐱᑦ ᒐ ᐃᔅᐱᔅ ᐃᑐᑎᒧᐛᑭᓄᐅᑦ ᐊᓂᔭ ᑲ ᐃᑕᑭᓄᐅᑦ ᒐᔅᑎᓇᔅ ᒐ ᐃᑐᑎᒧᐛᑭᓄᐅᑦ᙮ ᒐᒃ ᒥᒐᑐᐤ ᐱᐳᓇ ᑲ ᐊᓱᐛᐱᑦ᙮ ᐊᑯ ᑲ ᒥᔨᑯᑦ ᒋᓴᒪᓂᑐᐛ ᐊᓂᔭ ᑲ ᐃᔅᒋᔄᔨᒋ ᒐᔅᑎᓇᔅ ᒐ ᒥᔨᑯᑦ᙮

ᒋᒥᔅ ᐅᒥᓯᓇᐊᒪᒐᐅᓐ 5:11

ᐛᔅ ᑕᑈ ᓱᐛᔨᑕᑯᓱᐅᒡ ᒋᑦ ᐃᑕᔨᒪᓄᐅᒡ ᐊᓐᒡ ᐊᑲ ᐅᒋ ᐳᓂᒡ᙮ ᔅᒋ ᐸᑕᓇᐛᐤ ᑕᓐ ᑲ ᐃᔅᐱᔅ ᓯᐱᔪᐛᓯᑦ ᒠᑉ ᒪᒂᒡ ᑲ ᐊᔨᒥᐅᑦ᙮ ᒋ ᒋᔅᒐᔨᒪᓄᐤ ᒪᒃ ᑕᓐ ᑲ ᐃᓯ ᒥᔪᐱᔨᑎᒪᑯᑦ ᐅᑎᐸᔨᒋᒐᐛ ᐃᔅᐱ ᑲᒋ ᐃᓯ ᐊᔨᒥᐅᑦ᙮ ᓴᑭᔅᒋᓇᔅᑲᑯᐤ ᒋᓴᐛᑎᓯᐅᓂᔪᐤ ᐅᑎᐸᔨᒋᒐᐤ ᑭᔭ ᓴᑭᔅᒋᓇᔅᑲᑯᐤ ᐊ ᒋᔅᑎᒪᒐᔨᒪᑦ ᐊᐛᔪᐛ᙮

1 ᐱᑕᕐ 1:8

ᐊᑎ ᐊᑲ ᓂᑕ ᐅᒋ ᐛᐱᒪᒄ ᒋᓴᔅ, ᐃᔭᐱᒡ ᒋᓴᒋᐊᐛᐤ ᑭᔭ ᐊᑎ ᐊᑲ ᐛᐱᒪᒄ ᐊᓄᒡ, ᐃᔭᐱᒡ ᔅᒋ ᑕᑈᔭᔨᒪᐛᐤ᙮ ᔅᒋ ᒧᒋᒐᔨᑕᓇᐛᐤ, ᐊᓐ ᒪᒃ ᐊ ᐃᔅᐱᔅ ᒧᒋᒐᔨᑎᒪᒄ, ᓇᒪ ᐊᓐ ᔅᒋ ᐎᑕᓇᐛᐤ ᑕᓐ ᐊᔅᐱᔅ ᒥᔽᔨᑎᒪᒄ᙮