ᐃᑉᕈᐛ 11:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯᑕ ᒪᒃ ᑲ ᐅᒋ ᐃᓯᓇᑯᓂᔨᒡ ᐊᑉᕋᐊᒻ ᒐᒋ ᐅᑕᐎᒪᐅᑦ ᐊᑎ ᓴᔅ ᑭᔭ ᐎᔾ ᓇᔅᒡ ᐊᒋ ᒋᓴᐃᔪᑦ᙮ ᐊᑯ ᒪᒃ ᐊᑉᕋᐊᒻ ᒪᒐᑎᔨᒋ ᐅᑦ ᐊᓂᔅᒐ ᐅᑦ ᐊᐛᓯᒪ ᐊᑲ ᐛᐛᒡ ᒥᓯᐛ ᒋ ᐊᒋᒪᑭᓄᔨᒋ᙮ ᒧᔭᒻ ᑕᓐ ᐊᔅᐱᔅ ᒥᒐᑎᒡ ᐅᒐᑭᑕᐧᑯᒡ ᐊᓐᑕ ᒋᓯᑯᒡ ᐊᐅᑯᓐ ᐊ ᐃᔅᐱᒐᑎᔨᒋ ᐅᑦ ᐊᐛᓯᒪ, ᒧᔭᒻ ᑕᓐ ᐊᔅᐱᔅ ᐊᑲ ᒋ ᐊᒋᑕᑭᓄᐅᒡ ᓯᓱᒡ ᑲ ᑎᒂᒡ ᐃᔭᑲᐤ ᐛᓴ ᐊ ᐱᓴᐅᐧᑲᔅᒡ ᐊᐅᑯᓐ ᐊ ᐃᔅᐱᒐᑎᔨᒋ᙮

ᐃᑉᕈᐛ 11:12 ပူးပေါင်းရင်းမြစ်များ

ᒐᓂᓯᔅ 15:5

ᐊᑯ ᑎᐸᔨᒋᒐᓱᐤ ᐎᐎᑎᒥᒡ ᐊ ᑐᑕᐊᑦ ᐊᑉᕋᒪ ᑭᔭ ᒋ ᐃᑕᐤ, “ᒋᓯᑯᒡ ᐃᑕᐱᔾ ᑭᔭ ᑯᒋᑕ ᒐᒋ ᐊᒋᒥᑥᐤ ᐅᒐᑭᑕᐧᑯᒡ,” ᐊᑯ ᑎᐸᔨᒋᒐᓱᐤ ᐊᑕᑦ, “ᐊᐅᑯᓐ ᒐ ᐃᔅᐱᒐᑎᒡ ᒋᓂᑕᐅᒋᐊᑭᓐᒡ ᒐ ᑭᓄᐛᔨᒥᑥᐤ᙮”

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 32:12

ᒋᔅᒋᓯ ᑲ ᐊᓱᑎᒧᔨᓐ ᒐᒋ ᒥᓯᐛ ᐃᓯ ᒥᔪᐱᔨᔭᓐ ᑭᔭ ᐊᑎᑐᐤ ᒐᒋ ᒥᔨᓐ ᐊᓂᔅᑯᑕᐸᓐᒡ ᒧᔭᒻ ᐊᑕᑎᒡ ᐃᔭᑲᐤ ᓇᓯᐸᑎᒥᒡ ᒐ ᐊᑲ ᐊᐛᓐ ᒋᒋᒪᑦ᙮”

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 9:27

ᐊᑯ ᐊᓂᔭᐧᑲ ᐅᒋᔅᒋᐛᐃᒐᓱᐛ ᐊᐃᓴᔭ ᒋ ᑎᑯᓂᔪᐤ ᑕᓐ ᑲ ᐃᓯ ᐊᔨᒧᒪᑦ ᐃᔅᕋᐃᓪ ᐃᔪᐛ᙮ ᒋ ᐃᔅᒋᔄᑯᐱᓇ, ᐊᑎ ᐊ ᐃᔅᐱᔅ ᐛᔪᑎᓯᒡ ᐃᔅᕋᐃᓪ ᐃᔪᒡ ᒧᔭᒻ ᐊᔅᐱᔅ ᐛᔪᒡ ᒥᒐᓂᔨᒋ ᐃᔭᑲᐤ ᓯᓱᒡ ᐎᓂᐸᑯᒡ ᐃᔭᐱᒡ ᓇᒪ ᒥᒐᑦ ᒋᑭ ᐅᒋ ᐱᒪᒋᐅᐎᒡ᙮

ᒋᔅᒐᔨᑕᑯᑕᒐᐅᓐ 20:8

ᒋᑭ ᐎᔭᓯᒪᐤ ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᐅᑕ ᐊᔅᒋᒡ᙮ ᐊᐅᒄ ᐅᔭ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᑯᒃ ᑭᔭ ᒪᑯᒃ ᑲ ᐃᓯᓂᐧᑲᑕᑭᓄᔨᒋ᙮ ᒋᑭ ᒪᒧᓇᐤ ᒐᒋ ᒪᓯᒐᔨᒋ᙮ ᒥᔅᑎ ᒥᒐᑎᔪᐛ ᒪᓯᒐᓱᐛ᙮ ᒧᔭᒻ ᐃᔭᑲᐤ ᓯᓱᒡ ᐊᓐᑕ ᐎᓂᐸᑯᒡ ᐊ ᐃᔅᐱᔅ ᐛᔪᒋᒥᒐᓂᔨᒋ ᐊᑯᓐ ᐊ ᐃᔅᐱᔅ ᒥᒐᑎᔨᒋ᙮