ᐃᑉᕈᐛ 10:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᓇᓂᑯᑎᓂᔾ ᔅᒋ ᓂᓇᐧᑲᒋᐃᑯᐅᓇᐛᐤ, ᑭᔭ ᐊᓐᑕ ᐊ ᒥᒐᑎᓇᓄᐅᒡ ᔅᒋ ᒪᔭᔨᒥᑯᓇᐛᐤ ᑭᔭ ᓇᒪ ᑯᐃᔅᒄ ᒋ ᐅᒋ ᐃᑐᑕᑯᐅᓇᐛᐤ ᑭᔭ ᔅᒋ ᐎᒋᑲᐳᔅᑐᐛᐛᐅᒡ ᐊᓐᒡ ᑯᑎᑭᒡ ᑲ ᓂᓇᐧᑲᑕᔨᑎᒥᐊᑭᓄᐎᒡ᙮

ᐃᑉᕈᐛ 10:33 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 69:9

ᐛᔅ ᐊᔅᐱᔅ ᓴᒋᑕᔭᓐ ᒋᒥᒋᐛᐱᒻ ᓂᒋ ᒋᑕᒪᑯᐅᓐ; ᐅᒋᑐᓯᐛᐅᓄᐛᐛ ᒪᒃ ᐊᓐᒡ ᑲᒋ ᒋᑐᑎᔅᒡ ᓂᒋ ᐅᑕᒥᔅᑲᑯᐛᓐ᙮

ᑎᐱᑦ ᐅᓂᑭᒧᐅᓇ 71:7

ᒥᒐᑦ ᓂ ᒪᒥᔅᑲᑎᑯᒡ; ᒋᔾ ᒪᒃ ᓂ ᒥᔅᑯᓯᐤ ᓇᑕᓯᒧᐅᓐ᙮

ᑎᐱᑦ ᐅᓂᑭᒧᐅᓇ 74:22

ᐱᓯᑯᐤ, ᐅ ᒋᓴᒪᓂᑐᐤ, ᐃᔨᒥᔅᑎᒪᓱᐤ: ᒋᔅᒋᓯ ᒧᓴᒡ ᐊ ᐃᓯ ᒥᒋ ᐃᑎᔅᒃ ᑲ ᑭᒐᐸᑎᓯᑦ ᐃᔪᐤ᙮

ᑎᐱᑦ ᐅᓂᑭᒧᐅᓇ 79:12

ᑭᔭ ᒥᔨᒡ ᓂᒡ ᐃᔨᒥᓇᓐᒡ ᓂᔄᐅᑕᒡ ᐃᔅᐱᔅ ᐅᐱᔪᒧᐅᓄᐛᒡ, ᐅᒋᑐᓱᐛᐅᓄᐛᐤ, ᑲ ᐅᒋ ᒋᑐᑎᔅᒡ, ᐅ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 89:51

ᑲ ᐃᓯ ᒋᔅᑐᓱᐛᒡ ᑲ ᐛᐧᑲᑎᔅᒡ; ᑲ ᐃᓯ ᒥᒋᐃᑕᒡ ᒋᑐᒥᔅᑯᓂᑭᓇ ᐊ ᑕᑕᑯᔅᒐᔨᒋ᙮

1 ᑯᕆᓐᑎᔭᓇ 4:9

ᓂᔾ ᒪᒃ ᐊ ᐃᑕᔨᑎᒪᓐ ᒋᓴᒪᓂᑐᐤ ᓂᒋ ᐃᓯᐃᑯᐅᓇᓐ ᓂᔭᓐ ᐊᑈᔅᑕᓇᒡ ᑲ ᐃᑎᐱᔭᒡ ᓇᔅᒡ ᓂᑕᒡ ᒐᒋ ᐃᑕᔨᑕᑯᓯᔭᒡ ᐃᔅᐱᔅ ᐎ ᒐᒋ ᒋᓴᐅᒋᒪᐎᔭᒡ᙮ ᓇᒪ ᓇᔅᒡ ᓂ ᒋᔅᑕᔨᑕᑯᓯᓇᓐ᙮ ᒧᔭᒻ ᓇᐸᐅᒡ ᒐ ᑎᐸᔅᑯᓇᑭᓄᐎᒡ ᒐ ᓂᐸᐊᑭᓄᐎᒡ ᐊᐅᑯᓐ ᐊ ᐃᓯᓇᑯᓯᔭᒡ᙮ ᓂᒋ ᐊᐃᑯᐅᓇᓐ ᐊᓐᑕ ᒥᓯᐛ ᐊᐛᓐ ᒐᒋ ᓂᓇᑭᑐᐛᔨᒥᔨᒥᑦ ᑕᓐ ᐊ ᐃᓯ ᓂᓇᐧᑲᑕᔨᒧᐃᑯᐅᔭᒡ᙮ ᑕᐱᔅᑯᓐ ᐃᔪᒡ ᑭᔭ ᐊᓐᒋᓐᒡ ᓂᓇᑭᑐᐛᔨᒥᑯᓇᓐᒡ᙮

2 ᑯᕆᓐᑎᔭᓇ 12:10

ᐊᐅᑯᓐ ᑭᔭ ᐛᒋ ᐃᔭᐱᒡ ᓯᒋᔭᓯᔭᓐ ᑕᓐ ᐊᔅᐱᔅ ᐊᑲ ᓴᐱᓯᔭᓐ ᐅᑕ ᓂᔭᒡ ᐊ ᓇᓴᐅᒄ ᙭, ᑭᔭ ᑕᓐ ᐊ ᐃᓯ ᒪᔭᔨᒥᑯᐅᔭᓐ, ᑕᓐ ᐊᔅᐱᔅ ᐊᔨᒥᐅᔭᓐ ᒪᓐ, ᑕᓐ ᐊᔅᐱᔅ ᓂᓇᐧᑲᒋᐃᑯᐅᔭᓐ, ᑭᔭ ᑕᓐ ᐊ ᐃᓯ ᓂᓇᐧᑲᑕᔨᒧᔭᓐ᙮ ᐃᔭᐱᒡ ᓂ ᓯᒋᔭᓯᓐ ᐅ ᐊ ᐃᓯ ᐊᔨᒥᐅᔭᓐ ᐛᔅ ᐊᑯᑕ ᐛᒋ ᒋᔅᒐᔨᑎᒧᒡ ᙭ ᐅᓱᐧᑲᑎᓯᐅᓐ᙮ ᐊᓐᑕ ᐊᑲ ᓴᐱᓯᔭᓐ ᐊᑯᑕ ᐛᒋ ᓱᒐᔨᑕᑯᓯᔭᓐ᙮

ᐱᓕᐱᔭᓇ 1:7

ᑕᑈᐅᓂᒡ ᒪᒃ ᐅ ᒋ ᐊᑎ ᐃᓯ ᒪᒥᑐᓇᔨᒥᑎᓇᐛᐤ ᐛᔅ ᒋᓴᒋᐃᑎᓇᐛᐤ᙮ ᐛᔅ ᒥᓯᐛ ᐊ ᑎᓯᔭᒄ ᔅᒋ ᒥᔨᑯᐅᓇᐛᐤ ᒋᓴᐛᑎᓯᐅᓐ ᒧᔭᒻ ᑕᓐ ᑲ ᐃᓯ ᒥᔨᑯᐅᔭᓐ ᓂᔾ ᐊᑎ ᐅᑕ ᒪᒂᒡ ᑲᒪᑯᓄᐛᓯᐅᒋᐛᐱᒡ ᐊ ᑕᔭᓐ ᑭᔭ ᒪᒂᒡ ᑲᒋ ᒋᔅᐸᐛᑐᑎᒪᓐ ᒥᔽᒋᒧᐅᓐ ᑭᔭ ᑲᒋ ᐊᑐᔅᑲᔅᑎᒪᓐ ᒐᒋ ᑕᑈᑕᑭᓄᐅᒡ᙮

ᐱᓕᐱᔭᓇ 4:14

ᑕᑈ ᔅᒋ ᒥᔪᑐᑐᓇᐛᐤ ᑲ ᐛᐎᒋᐃᔭᒄ ᑕᓐ ᑲ ᐃᓯ ᐊᔨᒥᐅᔭᓐ᙮

1 ᑕᓴᓗᓂᔭᓇ 2:14

ᓂᐧᑲᓂᓯᑐᒄ, ᐊᐅᑯᓐ ᒧᔭᒻ ᑲ ᐃᔅᐱᔨᔭᒄ ᑕᓐ ᑲ ᐃᔅᐱᔨᒋ ᒋᓴᒪᓂᑐᐤ ᐅᑦ ᐃᔨᒪ ᐊᓐᑕ ᒍᑎᔭ ᑲ ᐃᓯᓂᐧᑲᑕᔨᒡ ᐊᔅᒋᔪᐤ ᐊ ᑕᔨᒋ, ᐊᓐᒡ ᙭ᑕ ᑲ ᐎ ᒋᔅᒋᓄᐛᐱᒪᒡ᙮ ᐊᐅᑯᓐ ᒧᔭᒻ ᑲ ᐃᓯ ᓂᓇᐧᑲᑕᔨᒧᐃᑕᑯᒡ ᑎᐱᔨᐛ ᒋᑦ ᐃᔨᒧᐛᐅᒡ ᑕᓐ ᑲ ᐃᓯ ᓂᓇᐧᑲᑕᔨᒧᐃᑯᒡ ᐅᑦ ᐃᔨᒧᐛᐛ ᑭᔭ ᐎᔨᐛᐤ ᐊᓐᒡ ᒍᐤ ᑲ ᐃᑎᔅᑲᓇᓯᒡ᙮

2 ᑎᒧᑎ 1:8

ᐊᑲᐎᔾ ᒪᒃ ᒋᑭ ᐅᒋ ᓇᓂᑲᐎᔅᑎᒺᓐ ᒋᑎᐸᔨᒋᒐᓯᒥᓄᐤ ᐅᒥᔽᒋᒧᐅᓐ ᒐᒋ ᐊᔨᒧᑎᒧᑦ᙮ ᑭᔭ ᐊᑎ ᐅ ᒪᒂᒡ ᐊ ᒋᐸᐅᑯᐅᔭᓐ ᙭ ᐅᒋ ᐊᑲᐎᔾ ᒋᑭ ᐅᒋ ᓴᒂᔨᒧᓐ ᐊ ᐎᒐᐛᑭᓂᑕᑕᓐ᙮ ᐊᔭᔅᑯᐎᔅᑕ ᐃᔭᐱᒡ ᑕᓐ ᒐ ᐃᓯ ᓂᓇᐧᑲᑕᔨᒧᔨᓐ ᐊ ᐛᐎᑎᒥᓐ ᒥᔽᒋᒧᐅᓐ ᐛᔅ ᒋᑭ ᒥᔨᒄ ᒋᓴᒪᓂᑐᐤ ᒥᔅᑯᓯᐅᓂᔪᐤ᙮

ᐃᑉᕈᐛ 11:26

ᐊᓂᔭ ᒪᒃ ᒧᓱᔅ ᐊᒋ ᑕᑈᑕᐧᒃ, ᒋ ᐃᑕᔨᑎᒻ ᐊᔪᐛᒃ ᐊ ᒥᔽᔨᒡ ᒐᒋ ᒪᔭᔨᒪᑭᓄᐅᑦ ᐊᓂᔭ ᐅᒋ ᐊ ᒋᔅᒐᔨᒪᑦ ᐊᓂᔭ ᙭ᑕ ᒐ ᑎᑯᓯᓂᔨᒋ ᐃᔅᐱᔅ ᐎ ᒐᒋ ᐊᔭᑦ ᐛᔪᑎᓯᐅᓂᔪᐤ ᐊᓐᑕ ᐃᒋᑉᑎᒡ᙮ ᓴᔅ ᒋ ᐊᔭᔅᑯᐛᔨᑎᒻ ᒐᒋ ᐱᔅᑎᓇᐧᒃ ᒥᓯᐛ ᐊᓂᔭ ᐛᔅ ᐊᓐᑕ ᓂᑲᓄᒡ ᒋ ᐃᓯ ᐊᓱᐛᐸᑎᒻ ᐊᓂᔭ ᒐᒂᔪᐤ ᒐ ᒥᔨᑯᑦ ᒋᓴᒪᓂᑐᐛ ᐊ ᑎᐸᐊᒪᑯᑦ᙮

ᐃᑉᕈᐛ 11:36

ᑯᑎᑭᒡ ᒋ ᐛᐅᓯᓄᐛᑭᓄᐎᒡ ᐊ ᒪᔭᔨᒪᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ, ᑭᔭ ᒋ ᒪᓯᐧᑯᐛᑭᓄᐎᒡ ᑭᔭ ᐛᐛᒡ ᒋ ᒪᒪᒋᒂᐱᔅᑲᐛᑭᓄᐎᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ᙮

ᐃᑉᕈᐛ 12:4

ᓂᐦᐃ, ᔅᒋ ᐅᔅᑯᐎᔅᑕᓐ ᒐ ᐊᑲ ᒋ ᒥᒋᑐᑎᒥᓐ᙮ ᒥᒄ ᒪᒃ ᓇᒪ ᐊᔅᒄ ᒋ ᐅᒋ ᐃᔅᐱᔅ ᓂᒋᔅᑲᓐ ᐊ ᓂᓇᐧᑲᑕᔨᒧᔨᓐ ᒐᒋ ᐃᓯᓇᒂᒡ ᓇᔅᒡ ᒐᒋ ᐎ ᓂᐸᐃᑯᔨᓐ ᒋᑕᑈᑎᒧᐅᓐ ᐅᒡ᙮

ᐃᑉᕈᐛ 13:13

ᐊᑯ ᒪᒃ ᐎᐎᑕᐤ ᐊᓐᑕ ᐅᑕᓇᒡ ᒐ ᓂᑐᐛᐱᒪᐧᒄ ᒋᓴᔅ ᑭᔭ ᒋᔭᓄᐤ ᒐᒋ ᒧᓯᑕᐛᐧᒄ ᑕᓐ ᑲ ᐃᓯ ᒪᔭᔨᒪᑭᓄᐅᑦ᙮