ᐃᑉᕈᐛ 10:29 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁹ ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮

ᐃᑉᕈᐛ 10:29 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 143:10

ᒋᔅᑯᑎᒧᐎ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ; ᐛᔅ ᒋᔾ ᓂᒋᓴᒪᓂᑐᒻ: ᒋᑦ ᐊᒐᐧᒄ ᒥᔽᑎᓯᐤ, ᐃᑐᑕᐃ ᑯᐃᔅᑯᑐᐤ ᐊᔅᒋᒡ᙮

ᑎᐱᑦ ᐅᓂᑭᒧᐅᓇ 91:13

ᒋᑭ ᑕᑯᔅᑲᑕᐤ ᒥᓯᐱᓱᐤ ᑭᔭ ᒋᓇᐱᒄ: ᒥᓯᐱᓯᔅ ᑭᔭ ᒥᔅᑎᒋᓇᐱᒄ ᒋᑭ ᒪᒪᑯᔅᑯᐛᐅᒡ᙮

ᐊᒃᓱᑕᔅ 24:8

ᒧᓱᔅ ᒂ ᐅᑎᓇᐧᒃ ᒥᐧᑯᔪᐤ ᒂ ᐱᓂᐱᔨᑐᐛᑦ ᐃᔪᐛ᙮ ᒥᓐ ᒂ ᐃᑕᑦ, “ᐅ ᒥᐧᒄ ᐅᒡ, ᐊᐅᑯᔪᐤ ᐅᔭ ᑎᐸᔨᒋᒐᓱᐤ ᐊᑐᑕᐧᒃ ᓂᔅᑯᒧᐅᓂᔪᐤ ᓯᒡ ᒋᔨᐛᐤ᙮”

ᒪᑎᔪᐤ 26:28

ᐛᔅ ᐊᐅᑯᓐ ᐅ ᓂᒥᐧᒄ ᒐ ᐅᒋ ᐅᔅᒋᑕᑭᓄᐅᒡ ᓂᔅᑯᒧᐅᓐ, ᐊᐅᒄ ᓂᒥᐧᒄ ᒐ ᓯᒋᓂᑲᑕᒡ ᒐᒋ ᐅᒋ ᐛᐸᔨᑎᒧᐛᑭᓄᐎᒡ ᒥᒐᑦ ᐊᐛᓐᒋ ᐅᒥᒋᑥᐅᓄᐛᐛ᙮

ᒪᑎᔪᐤ 7:6

“ᐊᑲᐎᔾ ᒥᔭᐧᑯᒡ ᐊᑎᒧᒡ ᐊ ᐸᔭᐧᑭᓂᔨᒡ ᒐᒂᔪᐤ᙮ ᐊᑲ ᑭᔭ ᐛᐱᓂᒧᐛᐧᑯᒡ ᑯᐧᑯᓯᒡ ᐊ ᓱᓇᔭᐎᔨᒋ ᐛᐛᓯᐅᓇ ᐛᔅ ᒥᒄ ᒋᑭ ᑕᑕᐧᑯᔅᑲᑕᒧᒡ ᑭᔭ ᒋᑭ ᐊᐱᒧᔅᑕᑯᐛᐅᒡ ᒐᒋ ᐅᓯᑯᐃᑕᑯᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:2

ᓇᔅᒡ ᒋ ᒋᐧᑲᔭᐱᒪᐅᒡ ᐊᓂᔭ ᒋᔅᒋᓄᐊᒧᐛᑭᓇ ᐊᓂᔭ ᐊᑲ ᐅᒋ ᑲᓯᑎᒐᔨᒋ ᐊᔅᒄ ᐊᑲ ᒥᒋᓱᔨᒋ᙮ ᐊᒋ ᒪᒃ ᐃᑎᓱᐛᔨᒋ ᐸᕆᓯᐊ ᒐᒋ ᑲᓯᑎᒐᔨᒋ ᐊᐛᔪᐛ ᐊᔅᒄ ᐊᑲ ᒥᒋᓱᔨᒋ᙮

ᓗᒃ 12:10

ᒥᓯᐛ ᐊᐛᓐ ᑲ ᒥᒋ ᐊᔨᒧᒪᑦ ᐃᔪᐤ ᐅᑯᓯᓴᓐ ᒋᑭ ᒋ ᐛᐸᔨᑎᒧᐛᑭᓄᐤ᙮ ᐊᑯ ᒪᒃ ᐊᓐ ᐊᐛᓐ ᑲ ᐸᔅᑕᒪᑦ ᑲ ᐸᔭᒋᓯᔨᒋ ᐊᒐᒂ ᓇᒪ ᒋᑭ ᐅᒋ ᐛᐸᔨᑎᒧᐎᑭᓄᐤ᙮”

ᒠᓐ 10:36

ᓂᔾ ᒪᒃ, ᐅᑕᐎᒪᐤ ᓂᒋ ᐅᑎᓂᒄ ᑭᔭ ᓂᒋ ᐸᒋ ᐃᑎᓴᐅᒄ ᐅᑕ ᐊᔅᒋᒡ᙮ ᑕᓐᑕ ᒐᒋ ᐅᒋ ᐃᔅᒋᔄᔭᒄ ᐊ ᐸᔅᑕᒧᔭᓐ ᐊ ᐃᔅᒋᔄᔭᓐ, ᐊᐅᒄ ᓂᔾ ᒋᓴᒪᓂᑐᐤ ᐅᑯᓴ ?

ᒠᓐ 17:19

ᒋᔾ ᐊ ᑕᔨᓐ ᓂᑦ ᐃᓯ ᐱᔅᑕᔨᒥᓱᓐ ᒐᒋ ᐅᒋ ᓇᔅᒡ ᐱᔅᑕᔨᒥᓱᔅᑕᔅᒡ ᑭᔭ ᐎᔨᐛᐤ᙮”

ᐊᑈᔅᑕᓇᒡ 7:51

ᔅᑎᐱᓐ ᐊᑐᐎᔅ ᑲ ᐊᑎ ᐃᔅᒋᔄᑦ, “ᒋᔅᒋᓯᑕᐤ ᒪ, ᐊᓂᔭ ᑕᓐ ᑲ ᐃᔅᐱᔅ ᓱᒋᔅᑎᒂᓇᒡ ᐊᓂᔭᐧᑲ ᐛᔅᑭᒡ ᒋᐧᑲᓂᓯᓄᐅᒡ ᐊᑯᓐ ᒧᔭᒻ ᑭᔭ ᒋᔨᐛᐤ ᐊ ᐃᔅᐱᔅ ᓱᒋᔅᑎᒂᓇᔭᒄ᙮ ᐊᑲ ᑕᑈᑎᒪᒄ ᐊᓐᑕ ᒋᑕᐃᐛᒡ, ᑭᔭ ᐊᑲ ᐎ ᓂᑐᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᒧᔭᒻ ᐊᓂᔭᐧᑲ ᒋᐧᑲᓂᓱᐛᐅᒡ ᐊ ᐃᑕᔨᑕᑯᓯᔭᒄ ᐊᑲ ᐅᒋ ᐎ ᓂᓇᐃᑐᐛᒡ ᑲ ᐸᔭᒋᓯᔨᒋ ᐊᒐᒂ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 16:20

ᐊᑯ ᒪᒃ ᒋᓴᒪᓂᑐᐤ ᐊᓐ ᑲ ᒥᔨᑕᒄ ᒋᔭᒪᔨᑎᒧᐅᓂᔪᐤ ᓴᔅ ᐎᐱᒡ ᓇᔅᒡ ᒋᑭ ᐱᑯᔅᑯᐛᐤ ᒥᒋᒥᓂᑐᐛ ᑭᔭ ᒋᑭ ᐃᑐᑕᑯᐛᐤ ᒐᒋ ᓴᐧᑯᒋᐃᒪᑯᐤ᙮ ᓂ ᓂᑐᑎᒪᓐ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᒧᔅ ᒐᒋ ᒥᔪᑐᑎᒪᑕᒄ᙮

1 ᑯᕆᓐᑎᔭᓇ 11:27

ᐊᑯ ᒪᒃ ᐊ ᒧᐛᒄ ᐅ ᐸᒂᓯᑭᓐ ᑭᔭ ᐊ ᒥᓂᔭᒄ ᐊᓐ ᒥᓂᒂᑭᓐ ᐅᒋ, ᒋᐸ ᒋᔅᑕᔨᑎᒥᐃᑯᓇᐛᐤ ᐊᓐ ᐊ ᐃᑎᔭᒄ᙮ ᐛᔅ ᐊᓐ ᐊᐛᓐ ᐊᑲ ᒋᔅᑕᔨᑎᒥᐃᑯᑦ ᐅᔭ ᐊ ᐃᑎᓇᓄᐎᒡ ᒪᔭᔨᑎᒺᐤ ᒋᓴᓴ ᐎᔭᔪᐤ ᑭᔭ ᐅᒥᐧᑯᔪᐤ ᒪᔭᔨᑎᒺᐤ᙮

1 ᑯᕆᓐᑎᔭᓇ 11:29

ᐊᐛᓐ ᐊᑲ ᒪᒥᑐᓇᔨᑕᒐ ᐊᓂᔭ ᙭ᑕ ᐊᒋ ᓂᐱᔅᑎᒪᑎᑕᐧᑯᐤ, ᒧᐛᒐ ᐊᓂᔭ ᐸᒂᓯᑭᓇ ᐊ ᑯᒥᓂᐅᑦ ᑭᔭ ᒥᓐᒐ ᐊᓐᑕ ᐅᒋ ᐊᓂᔭ ᒥᓂᒂᑭᓂᔪᐤ, ᒋᓴᒪᓂᑐᐛ ᒋᑭ ᑎᐸᔅᑯᓂᑯᐤ ᐅᔭ ᐊ ᐃᑎᑦ᙮

1 ᑯᕆᓐᑎᔭᓇ 15:25

ᐛᔅ ᐎᔾ ᒋᑭ ᐅᒋᒪᐤ ᙭ ᐸᑐᔅ ᒋᓴᒪᓂᑐᐛ ᒋ ᓴᒂᔨᒐᓂ ᒥᓯᐛ ᐊᓂᔭᔪᐛ ᑲ ᐛᐧᑲᑎᑯᑦ ᙭ ᑭᔭ ᒋ ᒥᔨᑯᒐ ᓇᔅᒡ ᒐᒋ ᑎᐸᔨᒪᑦ᙮

1 ᑯᕆᓐᑎᔭᓇ 15:27

ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, “ᒋᓴᒪᓂᑐᐤ ᒥᓯᐛ ᒐᒂᔪᐤ ᒋ ᒥᔭᐤ ᒐᒋ ᑎᐸᔨᑎᒥᔨᒋ᙮” ᐅ ᒪᒃ ᑲ ᐃᑎᔅᑕᒡ ᒥᓯᐛ ᒐᒂᔪᐤ ᒋ ᒥᔭᑭᓄᐤ ᐎᔾ ᒐᒋ ᑎᐸᔨᑕᐧᒃ ᓂᔅᑐᑕᑯᓐ ᐊᑲ ᐊᔅᑎᒋᒪᑭᓄᐅᑦ ᒋᓴᒪᓂᑐᐤ ᐊᓐᑕ ᐊᓂᔭ ᑲ ᐃᑎᔅᑕᔨᒡ᙮ ᐛᔅ ᒋᓴᒪᓂᑐᐤ ᙭ᑕ ᒥᔭᐤ ᒥᓯᐛ ᒐᒂᔪᐤ ᒐᒋ ᑎᐸᔨᑎᒥᔨᒋ᙮

1 ᑯᕆᓐᑎᔭᓇ 6:11

ᐱᔅᒐ ᐊᓐᑕ ᐊ ᑎᓯᔭᒄ ᐊᐅᑯᓐ ᑲᒋ ᐃᓯ ᐱᒪᑎᓯᔭᒄ᙮ ᒥᒄ ᒪᒃ ᓴᔅ ᔅᒋ ᒋᔅᑕᐸᐅᐎᑯᓇᐛᐤ, ᔅᒋ ᐸᔭᒋᐃᑯᓇᐛᐤ, ᑭᔭ ᔅᒋ ᑯᐃᔅᑯᓇᑯᐃᑯᓇᐛᐤ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᑭᔭ ᒋᓴᒪᓂᑐᐤ ᐅᑦ ᐊᒐᐧᑯᒡ ᐃᔅ᙮

ᐃᐱᓯᔭᓇ 4:30

ᐊᑲᐎᔾ ᒥᓯᒪᔨᑎᒥᐃᒪᐧᑯ ᒋᓴᒪᓂᑐᐤ ᐅᐸᔭᒋ ᐊᒐᒂ᙮ ᐅ ᐊᒐᐧᒄ ᐊ ᐊᔭᐛᒄ ᐊᑯᑕ ᐊ ᓄᒂᒡ ᒋᓴᒪᓂᑐᐤ ᐊ ᑎᐸᔨᒥᑕᒄ᙮ ᒐᔅᑎᓇᑕᔨᑕᑯᓐ ᒪᒃ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᑕᑈ ᒐ ᐊᐱᐧᑯᓂᑕᒄ ᒋᓴᒪᓂᑐᐤ᙮

ᐃᐱᓯᔭᓇ 5:26

ᐊᔪᐅᒄ ᐅᔭ ᑲ ᐃᑎᑦ ᙭ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᔅᑎᓇᑦ ᐅᒪᒧᐊᔭᒥᐊᐛ ᐃᔅᐱ ᑲ ᐸᔭᒋᐊᑦ, ᓂᐱᒡ ᐊᒋ ᒋᔅᑕᐸᐅᐎᔭᑦ ᐊᓂᔭ ᑕᓐ ᑲ ᐃᓯ ᐊᔨᒧᑕᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᒡ᙮

ᐃᑉᕈᐛ 10:10

ᐊᓂᔭ ᒪᒃ ᒋᓴᔅ ᓇᔅᒡ ᐊᒋ ᓂᓇᐃᑎᒺᑦ ᒋᓴᒪᓂᑐᐛ ᐅᑦ ᐃᑕᔨᑎᒧᐅᓂᔪᐤ, ᐸᐃᒂᐤ ᒋ ᐱᔅᑎᓂᒻ ᐅᐱᒪᑎᓯᐅᓐ, ᑲᒋᒡ ᒪᒃ ᐃᓯᓇᑯᓂᔪᐤ ᐅᔭ ᑲ ᐃᑎᑦ᙮ ᐅᔭ ᐊᒋ ᐃᑎᑦ ᐊᑯᑕ ᑲ ᐅᒋ ᐛᐸᔨᑎᒪᑯᐅᔭᐧᒄ ᒋᒥᒋᑥᐅᓄᐛ ᒐᒋ ᐃᓯᓇᑯᓱᐛᐧᒄ ᒧᔭᒻ ᐊᑲ ᓂᑕ ᐅᒋ ᒥᒋᑐᑎᒪᐧᒄ᙮

ᐃᑉᕈᐛ 12:25

ᐊᑯ ᒪᒃ ᐃᔭᒂᒥᒄ ᒐᒋ ᓂᑐᑐᐛᒄ ᒋᓴᒪᓂᑐᐤ ᐊ ᐃᔨᒥᐃᑕᒄ᙮ ᐊᓐᒡ ᐃᔅᕋᐃᓪ ᐃᔪᒡ ᓇᒪ ᐅᒋ ᐎ ᓂᓇᐃᑐᐛᐅᒡ ᐊᓂᔭ ᐅᑕ ᐊᔅᒋᒡ ᑲ ᑕᔨᒋ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᑲ ᐛᐎᑎᒥᔨᒋ, ᑭᔭ ᓇᒪ ᐅᒋ ᐱᒪᒋᐊᑭᓄᐅᒡ᙮ ᒋᑦ ᐃᑕᔨᑕᓇᓄᐤ ᐊ ᒪᒃ ᒐ ᐱᒪᒋᐃᑯᔭᐧᒄ ᒋᔭᓄᐤ ᐊᑲ ᓂᑐᑐᐛᒂ ᒋᓴᒪᓂᑐᐤ ᒋᒋᒋᓯᑯᒡ ᐊ ᐅᒋ ᐃᔨᒥᐃᑕᐧᒄ ? ᓇᒪ ᑭᔭ ᒋᔭᓄᐤ ᒋᑭ ᒋ ᒋᑎᓯᒧᑕᓇᓄᐤ ᐛᐛᓯᐃᑯᓯᐅᓐ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 2:11

ᒋᓴᔅ ᐛᐸᔨᑎᒧᐛᐤ ᐊᐛᔪᐛ ᒥᓯᐛ ᐅᒥᒋᑥᐅᓂᔪᐛ᙮ ᐃᑎᓯᓇᐤ ᒪᒃ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᒐᒋ ᐃᓯ ᐱᒪᑎᓯᔨᒋ᙮ ᐊᓐᒡ ᒪᒃ ᒋᓴᒪᓂᑐᐛ ᑲ ᐱᒪᑎᓯᔅᑐᐛᒡ ᐸᐃᑯᐊᐅᒡ ᐅᑕᐎᐛᐛ᙮ ᐊᐅᒄ ᒪᒃ ᐊᓂᔭ ᐛᒋ ᐊᑲ ᓯᓴᒂᔨᒧᑦ ᒋᓴᔅ “ᓂᐧᑲᓂᓯᒡ” ᒐᒋ ᐃᓯᓂᐧᑲᑕᑦ ᐊᓂᔭᔪᐛ ᑲ ᐛᐸᔨᑎᒧᐛᑭᓄᐎᒋ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

ᐃᑉᕈᐛ 4:14

ᓱᒃ ᒪᒃ ᒪᒥᒋᒥᓇᑕᐤ ᐊᓐ ᑲ ᐃᓯ ᐛᐎᑎᒪᐧᒄ ᐊ ᐃᓯ ᑕᑈᑎᒪᐧᒄ ᐛᔅ ᒋ ᑭᓄᐛᔨᒪᓄᐤ ᐊ ᒋᔅᑕᔨᑕᑯᓯᑦ ᒋᓴᐊᔭᒥᐊᐅᒋᒪᐤ ᓴᔅ ᐊᓐᑕ ᒋᓴᒪᓂᑐᐛ ᐊ ᑕᔨᒋ ᐊ ᑕᑦ, ᐊᐅᒄ ᒋᓴᔅ, ᒋᓴᒪᓂᑐᐤ ᐅᑯᓴ᙮

ᐃᑉᕈᐛ 6:4

ᑕᐅᒡ ᐊᐛᓐᒋ ᐊ ᓂᔅᑐᑕᒡ ᑕᓐ ᑲ ᐃᓯ ᒋᔅᑯᑎᒧᐛᑭᓄᐎᒡ ᒋᓴᓴ ᐊ ᐊᔨᒧᒪᑭᓄᔨᒋ᙮ ᒋ ᒥᔨᑯᐅᒡ ᒋᓴᒪᓂᑐᐛ ᐊᓂᔭᔪᐛ ᒪᐅᒡ ᑲ ᒋᔅᑕᔨᑕᑯᓂᔨᒋ ᒥᔨᐛᐅᓇ ᑭᔭ ᑲ ᐸᔭᒋᓯᔨᒋ ᐊᒐᒂ ᒋ ᒥᔨᑯᐅᒡ᙮ ᐃᔭᐱᒡ ᒪᒃ ᒋᒋᐛ ᒋ ᐊᑎ ᒋᐛᑲᐳᔅᑐᐛᐅᒡ ᒋᓴᒪᓂᑐᐛ᙮ ᓇᒪ ᒪᒃ ᒋᑭ ᒋ ᐎᒋᐊᑭᓄᐎᒡ ᐅᒡ ᒥᓐ ᒐᒋ ᒂᔅᑲᑎᓯᒡ᙮

ᐃᑉᕈᐛ 6:6

ᒐ ᒋᐛᑲᐳᔅᑎᒧᐛᒂ ᒪᒃ ᐅᒡ ᐃᔪᒡ ᒥᓯᐛ ᑲ ᐃᓯ ᒋᔅᒐᔨᑎᒥᐊᑭᓄᐎᒡ ᒋᐸ ᐃᓯ ᑕᑈᑎᒧᒡ ᓇᒪ ᒥᓐ ᒋᑭ ᒋ ᐃᑐᑐᐛᑭᓄᐎᒡ ᒐᒋ ᒥᑕᒋᔨᐛᔨᑕᒡ ᐅᒥᒋᑥᐅᓄᐛᐛ᙮ ᐊᑐᐛᔨᒪᐅᒡ ᒋᓴᒪᓂᑐᐛ ᐅᑯᓯᔪᐛ᙮ ᒧᓯᓇᐤ ᒧᓴ ᒪᔭᔨᒪᐅᒡ ᒋᓴᓴ ᑭᔭ ᒧᔭᒻ ᒥᓐ ᐊ ᒋᔅᑕᔎᑕᒡ ᒋᐱᔭᑎᑯᒡ ᐃᓯᓇᑯᓂᔪᐤ ᐊᓂᔭ ᐊ ᐃᑕᑎᓯᒡ᙮

ᐃᑉᕈᐛ 9:13

ᐊᓐᑕ ᒧᓱᔅ ᐅᐎᓱᐛᐅᓂᒡ ᒋ ᐃᑎᔅᑕᐤ ᒐ ᐊᑲ ᒋ ᐊᔭᒥᐊᔅᑐᐛᒡ ᒋᓴᒪᓂᑐᐛ ᐊᓐᒡ ᐊᑲ ᐸᔭᒋᓯᒡ ᐊᔭᒥᐊᐅᓂᒡ ᐃᔅ᙮ ᐊ ᐸᔭᒋᓯᒡ ᒋ ᐃᓯ ᑭᓄᐛᐱᒪᑭᓄᐎᒡ ᐃᔅᐱ ᑲ ᐱᒋᑯᓂᑭᓄᐎᒡ ᒪᔭᑕᓂᓴ ᑭᔭ ᓇᐸ ᒥᔅᑐᓴ ᐅᒥᐧᑯᔪᐤ ᐊᓐᑕ ᐊ ᑕᒡ᙮ ᑭᔭ ᐊᓂᔭ ᐃᔎᔅᒐᔪᐤ ᐊᒋ ᐃᔎᔄᑭᓄᔨᒋ ᐅᔅᒋ ᓄᓴ ᒥᔅᑐᓴ ᒋ ᐅᓯᔄᐛᓂᑭᓄᐅᔪᐤ ᐊᓐᑕ ᐊ ᑕᒡ᙮

ᐃᑉᕈᐛ 9:20

ᐅᔭ ᒪᒃ ᐊᒋ ᐃᑎᑦ, ᒋ ᐃᑕᐤ ᐊᓂᔭ ᐃᔪᐛ, “ᐊᑯᑕ ᐅᑕ ᒥᐧᑯᒡ ᐛᒋ ᓄᒂᒡ ᐊ ᐊᐱᑎᓂᔨᒡ ᒋᓴᒪᓂᑐᐤ ᐅᓂᔅᑯᒧᐅᓐ ᑲ ᐅᓯᑎᒧᐛᑦ ᐅᑦ ᐃᔨᒪ᙮ ᒋᑦ ᐃᑎᑯᐛᐤ ᒐᒋ ᓂᓇᐃᑎᒺᒄ᙮”

ᒋᔅᒐᔨᑕᑯᑕᒐᐅᓐ 1:5

ᒋᓴᔅ ᙭ ᑭᔭ, ᐊᓐ ᒧᔅ ᑯᐃᔅᒄ ᑲ ᐎᑕᐧᒃ ᐊ ᑎᐸᒋᒪᑦ ᒋᓴᒪᓂᑐᐛ, ᓂ ᐱᑯᓴᔨᒪᐤ ᒐᒋ ᓱᐛᔨᒥᑕᒄ ᑭᔭ ᒐᒋ ᒥᔨᑕᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋᓴᔅ ᙭ ᒪᐅᒡ ᓂᔅᑎᒻ ᒋ ᐅᓂᔅᑲᓇᑭᓄᐤ ᓂᐳᐅᓂᒡ ᐅᒋ ᑲᒋᒡ ᒐᒋ ᐱᒪᑎᓯᑦ᙮ ᐎᔾ ᒋᓴᐅᒋᒪᐅᐤ ᒥᓯᐛ ᒋᓴᐅᒋᒪᐛ ᐅᑕ ᐊᔅᒋᒡ᙮ ᒋᓴᒋᐃᑯᓄᐤ ᑭᔭ ᒋ ᐱᔅᑎᓂᓱᐤ ᒐᒋ ᓂᐸᐊᑭᓄᐅᑦ ᒋᔭᓄᐤ ᐅᒋ ᒐ ᐊᑲ ᒋ ᑎᐸᔨᒥᑯᔭᐧᒄ ᒋᒥᒋᑥᐅᓄᐛ᙮