ᒐᓂᓯᔅ 8:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮

ᒐᓂᓯᔅ 8:20 ပူးပေါင်းရင်းမြစ်များ

ᒐᓂᓯᔅ 13:18

ᐊᑯ ᐊᑉᕋᒻ ᒋ ᐊᑐᒐᐤ ᑭᔭ ᒋ ᐎᒍᐤ ᒥᒋᒪ ᒪᒻᕋ ᒥᔅᑎᒂ ᐊ ᑕᔨᒋ ᐊᓐᑕ ᐃᑉᕈᓐ, ᐊᑯᑕ ᑲ ᐃᑐᑕᐧᒃ ᐱᔅᑎᓂᒐᐅᓇᐱᔅᑯᔪᐤ ᒐᒋ ᓂᑐᑎᒧᐛᑦ ᑎᐸᔨᒋᒐᓱᐛ᙮

ᒐᓂᓯᔅ 13:4

ᐊᓐᑕ ᐅᔅᑭᒡ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ᙮ ᐊᑯᑕ ᑲ ᓂᑐᑎᒧᐛᑦ ᑎᐸᔨᒋᒐᓱᐛ᙮

ᒐᓂᓯᔅ 22:2

ᐊᑯ ᒋᓴᒪᓂᑐᐛ ᐊᑎᑯᑦ, “ᐅᑎᓐ ᒋᑯᔅ, ᑲ ᐸᐃᑯᓯᑦ ᒥᒄ ᒋᑯᔅ ᐊᐃᓯᒃ ᐊᓐ ᒪᐅᒡ ᑲ ᓴᒋᐃᑦ ᑭᔭ ᒐ ᐃᑐᑕᔭᒄ ᐊᓐ ᐱᔅᑯᑎᓇᐤ ᒐ ᐛᐸᑎᔨᑕᓐ ᐊᓐᑕ ᒧᕋᔭ ᐊᔅᒋᒡ᙮ ᒐ ᐱᔅᑎᓂᒐᔨᓐ ᒋᑯᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᑐᔅᑕᐊᒪᒐᐅᓐ᙮”

ᒐᓂᓯᔅ 22:9

ᐃᔅᐱ ᐛᑎᑕᒡ ᐃᑕᐅᓂᔪᐤ ᑲ ᐊᔨᒧᑎᒪᑯᑦ ᒋᓴᒪᓂᑐᐛ, ᒋ ᐅᓯᑕᐤ ᒪᒃ ᐊᑉᕋᐊᒻ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᑕᐧᑯᑎᔅᑕᐤ ᐊᓐᑕ ᒥᑕ᙮ ᒋ ᒪᑯᐱᑕᐤ ᐅᑯᓴ ᐊᐃᓯᑲ ᑭᔭ ᐱᔅᑎᓂᒐᐅᓇᐱᔅᑯᒡ ᒂ ᑕᑯᒋᐱᔅᑎᓇᑦ ᒥᑎᒡ᙮

ᒐᓂᓯᔅ 26:25

ᒋ ᐅᓯᑕᐤ ᐊᓐᑕ ᐊᐃᓯᒃ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒋ ᓂᑐᑎᒧᐛᐤ ᑎᐸᔨᒋᒐᓱᐛ᙮ ᐊᑯᑕ ᑲ ᒪᓂᑲᓱᒡ ᑭᔭ ᐅᑦ ᐊᐱᒋᐊᑭᓇ ᑲ ᒧᓇᐊᒥᔨᒋ ᒧᓇᐃᐸᓂᔪᐤ᙮

ᒐᓂᓯᔅ 33:20

ᐊᑯᑕ ᐊᓐᑕ ᒐᑭᑉ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐃᓪ ᐃᓗᐃ ᐃᔅᕋᐃᓪ ᒂ ᐃᓯᓂᐧᑲᑕᐧᒄ, “ᒋᓴᒪᓂᑐᐤ ᐊᐅᑯᓐ ᐃᔅᕋᐃᓪ ᒋᓴᒪᓂᑐᐤ᙮”

ᒐᓂᓯᔅ 35:1

ᓇᓇᒐ ᐊᑯ ᒋᓴᒪᓂᑐᐤ ᐊᑕᑦ ᒐᑭᐸ, “ᐸᑕᓪ ᐅᑕᓇᐤ ᐃᑐᑕ ᑭᔭ ᐊᑯᑕ ᒐ ᐎᒋᔨᓐ᙮ ᓂᔾ ᐅ ᒋᓴᒪᓂᑐᐤ ᑲ ᓄᑯᓯᔅᑕᑕᓐ ᐃᔅᐱ ᑲ ᒋᑎᓯᒥᑦ ᒋᔅᑕᔅ ᐃᓴᐅ᙮ ᐊᑯ ᒐ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᐊᓐᑕ ᐸᑕᓪ ᑭᔭ ᐊᑯᑕ ᒐ ᐊᔭᒥᐊᔅᑐᐅᔭᒄ᙮” ᐊᑯ ᒐᑭᑉ ᒋ ᑕᑈᑐᐛᐤ ᒋᓴᒪᓂᑐᐛ ᑲ ᐃᑎᓱᒥᑯᑦ᙮

ᒐᓂᓯᔅ 35:7

ᐊᑯᑕ ᑭᔭ ᒋᓴᒪᓂᑐᐤ ᐸᑕᓪ ᐅᒡ ᒋ ᐃᓯᓂᐧᑲᑎᒻ ᐊᓂᔭ ᐅᑕᓇᔪᐤ ᐛᔅ ᐊᑯᑕ ᐊᓐᑕ ᑲ ᓄᑯᓯᔅᑐᐛᑦ ᒋᓴᒪᓂᑐᐤ ᒐᑭᐸ ᐃᔅᐱ ᑲᒋ ᒋᑎᓴᒪᔨᒋ ᐅᔅᑕᓯᔪᐛ᙮

ᒐᓂᓯᔅ 4:4

ᐊᐳᓪ ᑭᔭ ᐎᔾ ᒋ ᐸᓱᐛᐤ ᐱᔅᒐ ᐊᔭᐱᓯᓯᔨᒋ ᓂᔅᑎᒻ ᑲ ᑕᔨᒋ ᐅᒪᔭᑕᓂᓯᒪ ᑭᔭ ᒂ ᓂᐸᐊᑦ ᑭᔭ ᒋ ᒥᔭᐤ ᑎᐸᔨᒋᒐᓱᐛ ᐊ ᐎᔪᔨᒋ ᒧᔭᒻ ᐱᔅᑎᓂᒐᐅᓂᔪᐤ᙮ ᑎᐸᔨᒋᒐᓱᐤ ᒋ ᒥᔽᔨᑕᒥᑯᐤ ᐊᐳᓚ ᑭᔭ ᐅᐱᔅᑎᓂᒐᐅᓂᔪᐤ,

ᒐᓂᓯᔅ 7:2

ᒐ ᐅᑎᓂᑥᐤ ᓇᓂᔄᐅᑕᒡ ᑕᑐᐎᒡ ᒥᓯᐛ ᐊ ᐃᓯᓇᑯᓯᒡ ᐊᐛᓯᓯᒡ, ᒐᒋ ᒧᐛᑭᓄᐅᒡ ᑭᔭ ᒐᒋ ᒥᑐᔅᑕᐊᒪᒐᓄᐅᒡ ᑭᔭ ᓇᓂᓱ ᐊᓐᒡ ᑯᑎᑭᒡ, ᐸᐃᒄ ᓇᐸ ᐊᐛᓯᔅ ᑭᔭ ᐸᐃᒄ ᓄᓴ ᐊᐛᓯᔅ,

ᒐᓂᓯᔅ 7:3

ᑭᔭ ᒐ ᐅᑎᓂᑥᐤ ᓇᓂᔄᐅᑕᒡ ᑕᑐᐎᒡ ᒥᓯᐛ ᐊ ᐃᓯᓇᑯᓯᒡ ᐱᔭᓱᐅᒡ, ᐱᔅᒐ ᓇᐸᔭᓱᐅᒡ ᑭᔭ ᐃᔎᔭᓱᐅᒡ᙮ ᒐ ᐃᑐᑎᒥᓐ ᐅ ᒐᒋ ᓇᓂᑎᒻ ᐃᑕᒡ ᐊᐛᓯᓯᒡ ᑭᔭ ᐱᔭᓱᐅᒡ ᐊᔅᒋᒡ᙮

ᒐᓂᓯᔅ 8:19

ᒥᓯᐛ ᐊᐛᓯᓯᒡ, ᒥᓯᐛ ᐱᔭᓱᐅᒡ ᑭᔭ ᒥᓯᐛ ᒥᓐᑐᓯᒡ, ᒋ ᐎᐎᐅᒡ ᐅᐤᑎᒡ ᑭᔭ ᒋ ᔅᑐᑕᐅᒡ ᐊᑎ ᐱᐸᐃᑯᑕᐅᓯᒡ᙮

ᐊᒃᓱᑕᔅ 10:25

ᒧᓱᔅ ᒂ ᐃᑕᑦ, “ᓇᒪ, ᒋᑭ ᐎ ᓇᐃᒥᓇᓐ ᐃᔭᐱᒡ ᒐᒋ ᔅᑐᑕᔨᒋᒡ ᒪᔭᑕᓂᓯᒡ ᑭᔭ ᑲ ᐱᓯᓯᒡ ᑲ ᐅᑕᔅᑭᓂᓯᒡ ᐊᐛᓯᓯᒡ ᑭᔭ ᒥᒋᑎᐧᑯᒡ ᒐᒋ ᐱᔅᑎᓂᒧᐅᒋᒡ ᑭᔭ ᒥᑐᔅᑕᐊᒧᐅᒋᒡ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮

ᐊᒃᓱᑕᔅ 29:18

ᒐ ᐃᔎᓱᑦ ᒥᓯᐛ ᓇᐸ ᒪᔭᑕᓂᔅ ᐊᓐᑕ ᐱᔅᑎᓂᒐᐅᓇᐱᔅᑯᒡ ᒧᔭᒻ ᒥᒋᒻ ᐱᔅᑎᓂᒐᐅᓐ᙮ ᓂ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ ᐱᔅᑎᓂᒐᐅᓐ᙮

ᐊᒃᓱᑕᔅ 29:25

ᒋ ᑐᑕᐧᑲᐛ ᐅᔭ ᐊᑯ ᒐ ᐅᑎᓂᒧᑦ ᑭᔭ ᒐ ᐊᑎ ᑕᐧᑯᑎᔅᑕᔨᓐ ᐊᓐᑕ ᐱᔅᑎᓂᒐᐅᓇᐱᔅᑯᒡ, ᑕᐧᑯᒡ ᐊᓐᑕ ᑲ ᒥᑐᔅᑕᐊᒪᒐᓄᒋ ᒐᒂᔪᐛ᙮ ᐊᐅᑯᓐ ᐃᔭᐱᒡ ᒐ ᐱᔅᑎᓂᒪᑯᐅᔭᓐ ᑭᔭ ᓂᑭ ᓇᐊᔨᑎᒥᔨᑯᓐ ᐊᓐ ᐊ ᒥᔭᒂᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:1

ᐊᓂᔭ ᐊ ᐃᔅᐱᔅ ᒥᓴᔨᒡ ᒋᓴᒪᓂᑐᐤ ᐅᒋᓴᐛᑎᓯᐅᓐ, ᒋ ᓂᑐᐛᔨᒥᑎᓇᐛᐤ, ᓂᐧᑲᓂᓯᑐᒄ, ᒐᒋ ᐱᔅᑎᓂᒧᐛᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᐛ ᒧᔭᒻ ᐊ ᐱᒪᑎᓯᒥᑲᒋ ᒥᔨᐛᐅᓇ ᐊ ᐃᓯᓇᒂᒋ, ᐊ ᐸᔭᐧᑲᒋ ᑭᔭ ᐊ ᓇᐊᔨᑎᒥᐃᑯᑦ ᒋᓴᒪᓂᑐᐤ᙮ ᐊᐅᒄ ᒋᐸ ᐃᑎᓇᐛᐤ ᒋᒋᐛ ᒐᒋ ᐃᓯ ᐊᑐᔅᑯᐛᒄ ᒋᓴᒪᓂᑐᐤ᙮

ᐃᑉᕈᐛ 13:10

ᐊᓐᒡ ᒍᐤ ᐊᔭᒥᐊᐅᒋᒪᐅᒡ ᐊᔅᒄ ᑲ ᒥᑐᔅᑕᐊᒪᒡ ᓇᒪ ᐃᓯᓇᑯᓂᔪᐤ ᒐᒋ ᒥᒋᒡ ᐎᔨᐛᐤ ᐊᓂᔭ ᒥᒋᒥᔪᐤ ᒋᔭᓄᐤ ᒋᐱᔅᑎᓂᒐᐅᓇᐱᔅᑯᓇᒡ ᑲ ᑎᑯᓂᔨᒡ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮