ᒐᓂᓯᔅ 50:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ‘ᒐ ᐛᐸᔨᑎᒧᑥᐤ ᒥᓯᐛ ᑲ ᐃᔅᐱᔅ ᐅᓂᑐᑎᔅᒡ ᒋᐧᑲᓂᓯᒡ᙮ ᒋᒋᐛ ᒪᔭᑎᓂᔪᐤ ᒐᒂᔪᐤ ᑲ ᐃᓯ ᑐᑕᔅᒡ᙮’ ᐊᑯ ᒪᒃ ᐊᓄᒡ ᒋ ᑯᒂᒋᒥᑎᓇᓐ ᒐᒋ ᐛᐸᔨᑎᒧᐅᔭᒡ ᓂᒥᒋᑐᑎᒧᐅᓇᓇ ᐛᔅ ᐸᐃᑯᓱᐤ ᐊᑐᔅᑯᐅᒋᒡ ᒋᓴᒪᓂᑐᐤ ᐊᓂᔭ ᒍᑕᐎᓄᐤ ᑲ ᐊᑐᔅᑯᐛᑦ᙮” ᒋ ᒪᐤ ᒍᓯᑉ ᐃᔅᐱ ᑲ ᐸᑎᒺᑦ ᐎᐧᑲᓂᓴ ᐅᑦ ᐃᔨᒧᐅᓂᔪᐤ᙮

ᒐᓂᓯᔅ 50:17 ပူးပေါင်းရင်းမြစ်များ

ᒐᓂᓯᔅ 31:42

ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 45:8

ᐊᑯ ᓇᒪᔭᐤ ᒋᔨᐛᐤ ᑲᐸᒡ ᐃᑎᓴᐎᔭᒄ ᐅᑕ, ᒥᒄ ᒋᓴᒪᓂᑐᐤ᙮ ᓂᒋ ᐃᓯᐃᒄ ᒐᒋ ᐅᑕᐎᑐᐎᒋ ᐸᕈᐛ, ᑭᔭ ᒐᒋ ᑎᐸᔨᑎᒧᒡ ᒥᓯᐛ ᐎᒋᔨᒡ ᑭᔭ ᒥᓯᐛ ᐊᔅᐱᓴᔨᒡ ᐃᒋᑉᑦ ᐊᔅᒋᔪᐤ᙮

ᒐᓂᓯᔅ 49:25

ᐊᐅᑯᓐ ᐊᓐ ᐊᔭᒥᐊᔅᑐᐅᒃ ᒋᓴᒪᓂᑐᐤ ᒐ ᐛᐎᒋᐃᔅᒃ᙮ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐ ᒐ ᓱᐛᔨᒥᔅᒃ, ᒐ ᒥᔨᔅᒃ ᓱᐛᔨᒋᒐᐅᓇ ᒋᒋᒋᓯᑯᒡ ᐅᒡ, ᓂᐱᔪᐤ ᒧᔅᒋᒍᐅᓇᐳᒡ ᐅᒡ ᐊᓐᑕ ᑕᒥᔅᑭᒥᑲᒡ ᐅᒡ, ᑭᔭ ᓱᐛᔨᒋᒐᐅᓇ ᒐᒋ ᒥᒐᑎᒡ ᒋᒥᒋᑎᐧᑯᒥᒡ ᑭᔭ ᒋᑦ ᐊᐛᓯᒥᒡ᙮

ᒐᓂᓯᔅ 50:16

ᐊᑯ ᐎᐧᑲᓂᓯᒪᐅᒡ ᐊᑎᓴᒧᐛᒡ ᐃᔨᒧᐅᓂᔪᐤ ᒍᓯᐸ, “ᒋ ᒥᔪᐤ ᐎᑎᒧᐛᐅᒡ ᒐᒂᔪᐤ ᑲ ᐃᑎᑯᒡ ᐅᑕᐎᐛᐛ ᒐᒋ ᐃᑕᒡ ᒍᓯᐸ ᐊᒺᔭ ᐅᒋ ᐳᓂᐱᒪᑎᓯᔨᒋ᙮

ᒐᓂᓯᔅ 50:18

ᐊᑯ ᐎᐧᑲᓂᓯᒪᐅᒡ ᑲ ᓂᑐᐛᐱᒪᒡ ᒍᓯᐸ ᑭᔭ ᑎᐱᑕᔨᒧᐅᓂᒡ ᓇᐛᒋᔅᑐᐛᐅᒡ, ᒋ ᐃᔨᒪᐊᐅᒡ ᑭᔭ ᐊ ᐃᑕᒡ᙮ “ᓂᑦ ᐊᔭᔅᑯᐎᓇᓐ ᒐᒋ ᐅᑦ ᐊᑐᔅᒐᔭᑭᓂᒥᑐᐅᔭᒡ᙮”

ᒐᓂᓯᔅ 50:20

ᐊᑎᓱᐧᒄ ᑲᒋ ᐎᔭᔨᑎᒪᒄ ᒐᒋ ᒥᒋᑐᑐᐅᔭᒄ, ᒋᓴᒪᓂᑐᐤ ᒋ ᐃᑐᑎᒻ ᒐ ᐅᒋᐱᔨᒡ ᐊ ᒥᔽᔨᒡ ᒐᒂᔪᐤ ᐊᓐᑕ ᑲ ᐃᓯ ᐎᔭᔨᑎᒪᒄ᙮ ᐛᔅ ᒋᓴᒪᓂᑐᐤ ᑲᒋ ᓂᑲᓂᑎᓴᐅᑦ ᐅᑕ ᐃᒋᑉᑎᒡ, ᒥᒐᑦ ᐊᐛᔪᐛ ᒋ ᐱᒪᒋᑕᐛᐤ ᐅᐱᒪᑎᓯᐅᓂᔪᐛ᙮

ᑎᐱᑦ ᐅᓂᑭᒧᐅᓇ 21:11

ᐛᔅ ᒋ ᐃᑕᔨᑎᒧᒡ ᒐᒋ ᒥᒋᑐᑕᔅᒡ: ᒋ ᒥᑐᓇᔨᑎᒧᒡ ᑭᑭᒋᔭᓯᐤ ᒐᒂᔪᐤ, ᐊᑲ ᑭᔅᒋᑕᒡ ᒐᒋ ᐃᑐᑕᒡ᙮

ᒪᑎᔪᐤ 10:42

ᑕᑈ ᒋᑦ ᐃᑎᓇᐛᐤ, ᐊᑎ ᒥᒄ ᒥᓇᐊᒐ ᐊᐛᓐ ᐊ ᑕᒋᑭᒥᔨᒡ ᓂᐱᔪᐤ ᐅᔭ ᐸᐃᒄ ᐊᐛᓴ ᐊᓂᔭ ᐅᒋ ᐊ ᐸᒋ ᓇᓴᐅᔨᒋ, ᑕᑈ ᒋᑦ ᐃᑎᓇᐛᐤ ᒐᔅᑎᓇᔅ ᒋᑭ ᒥᔅᑭᒻ ᐅᑎᐸᐊᒪᑯᓯᐅᓐ᙮”

ᒪᑎᔪᐤ 18:35

ᐊᑯ ᒋᓴᔅ ᒥᓐ ᒂ ᐃᔅᒋᔄᑦ, “ᐊᐅᑯᓐ ᒪᒃ ᒧᔭᒻ ᒐ ᐃᑐᑕᑕᐧᒄ ᓄᑕᐎᔾ ᒋᒋᒋᓯᑯᒡ ᐊ ᑕᑦ, ᐊᑲ ᐛᐸᔨᑎᒧᐛᒂᓂᒋ ᒋᐧᑲᓂᓱᐛᐅᒡ ᒋᑕᐃᐛᒡ ᐅᒡ᙮”

ᒪᑎᔪᐤ 25:40

ᐊᑯ ᒋᓴᐅᒋᒪᐤ ᒐ ᐃᑕᑦ, ‘ᒋ ᐎᑎᒪᑎᓇᐛᐤ, ᐊᓂᔭᔪᐤ ᑕᓐ ᑲ ᐃᓯ ᐃᑐᑐᐛᒄ ᐸᐃᒄ ᐊᓐ ᓂᐧᑲᓂᔅ ᐊᑲ ᓇᔅᒡ ᐊᐱᑕᔨᑕᑯᓯᑦ ᑲ ᐃᑕᔨᒪᑭᓄᐅᑦ, ᓂᔾ ᔅᒋ ᐃᑐᑐᓇᐛᐤ᙮’

ᒪᑎᔪᐤ 6:12

ᐛᐸᔨᑎᒧᐅᓇᓐ ᓂᒥᒋᑥᐅᓇᓇ ᐛᔅ ᑭᔭ ᓂᔭᓐ ᓂ ᐛᐸᔨᑎᒧᐅᓇᓐ ᒥᓯᐛ ᐊᐛᓐ ᑲ ᒥᒋᑐᑐᐎᔨᒥᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:41

ᐃᔅᐱ ᒪᒃ ᐊᓐᒡ ᑯᑎᑭᒡ ᐸᐃᑯᔪᐤ ᒋᔅᒋᓄᐊᒧᐛᑭᓐᒡ ᐱᔭᑐᐛᒡ ᐅᔭ ᐊ ᐃᓯ ᑯᒂᒋᒐᒧᔨᒋ ᒋᒥᓴ ᑭᔭ ᒠᓇ, ᒋ ᒋᔄᐃᑯᐅᒡ᙮

ᑲᓚᓯᔭᓇ 6:10

ᒥᒄ ᒪᒃ ᒐ ᐃᔅᐱᔅ ᒥᔨᑯᐛᐅᒂ ᒐᒋ ᒥᔪᑐᑎᒪᐧᒄ ᐊᐅᑯᓐ ᒧᔅ ᐃᓯ ᑯᒋᑕᑕᐤ ᒐᒋ ᐃᓯ ᒥᔪᑐᑎᒪᐧᒄ, ᒧᔅ ᒥᓯᐛ ᐊᐛᓐ ᒐᒋ ᐛᐎᒋᐊᐧᒄ᙮ ᐊᑐᐎᔅ ᒪᒃ ᐊᓐᒡ ᑲ ᑕᑈᔭᔨᒪᒡ ᒋᓴᓴ ᒋᐸ ᐎ ᒥᔪᑐᑐᐛᓄᐅᒡ᙮

ᑲᓚᓯᔭᓇ 6:16

ᐊᑯ ᒪᒃ ᒥᓯᐛ ᐊᓐᒡ ᑲ ᓇᓴᐊᒡ ᐅᔭ ᒋᔅᑯᑎᒪᒐᐅᓂᔪᐤ, ᒋᓴᒪᓂᑐᐛ ᒋᑭ ᒥᔨᑯᐅᒡ ᒋᔭᒪᔨᑎᒧᐅᓂᔪᐤ ᑭᔭ ᒋᑭ ᒋᔅᑎᒪᒐᔨᒥᑯᐅᒡ ᑭᔭ ᐊᐅᑯᓐ ᒐ ᐃᑐᑐᐛᑦ ᒥᓯᐛ ᐅᑦ ᐃᔨᒪ᙮

ᐃᐱᓯᔭᓇ 4:32

ᒋᐸ ᒥᔪᑐᑐᐛᐛᐅᒡ ᐊᐛᓐᒋ ᑭᔭ ᒋᐸ ᔪᔅᐸᑎᓯᓇᐛᐤ᙮ ᑭᔭ ᒋᐸ ᐛᐸᔨᑎᒧᐛᐛᐅᒡ ᐊᐛᓐᒋ ᒧᔭᒻ ᑕᓐ ᑲ ᐃᓯ ᐛᐸᔨᑎᒪᑕᒄ ᒋᓴᒪᓂᑐᐤ ᙭ᑕ ᐅᒡ᙮

ᒋᒥᔅ ᐅᒥᓯᓇᐊᒪᒐᐅᓐ 5:16

ᐛᐎᑎᒪᑐᒄ ᒪᒃ ᒋᒥᒋᑐᑎᒧᐅᓄᐛᐛ ᑭᔭ ᐊᔭᒥᐊᔅᑎᒪᑐᒄ ᒐᒋ ᐅᒋ ᒥᓏᑎᓯᔭᒄ᙮ ᐊᓂᔭ ᑕᓐ ᐊ ᐃᓯ ᐊᔭᒥᐊᑦ ᐊᐛᓐ ᐊ ᑯᐃᔅᑯᑕᑎᓯᑦ, ᓇᔅᒡ ᑕᑈ ᓱᒋᐱᔪᐤ ᑕᓐ ᐊ ᐃᓯ ᐃᑐᑕᒐᒥᑭᓂᔨᒡ᙮