ᒐᓂᓯᔅ 49:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐱᓐᒐᐱᓐ, ᒧᔭᒻ ᐊᒂᑎᓯᑦ ᒥᐃᐧᑭᓐ ᒂ ᐃᑕᔨᑕᑯᓯᔨᓐ, ᒋ ᓂᓱᐅᓇᒋᐊᐅᒡ ᑲ ᐛᐧᑲᑎᔅᒡ ᒋᔭᒋᓴᐸᔭᒋ ᑭᔭ ᐛᑕᑯᓯᔨᒋ᙮”

ᒐᓂᓯᔅ 49:27 ပူးပေါင်းရင်းမြစ်များ

ᒐᓂᓯᔅ 35:18

ᒥᒄ ᐎ ᐳᓂᐱᒪᑎᓯᐤ ᑭᔭ ᒪᔅᑕᔾ ᐊᑎ ᐊᔭᔭᑦ, ᐱᓐᐅᓂ ᒋ ᐃᓯᓂᐧᑲᑕᐤ ᐅᑯᓴ᙮ ᒥᒄ ᓇᓇᒐ ᒐᑭᑉ ᒋ ᒥᔅᑯᑐᓂᒺᐤ ᐊᓯᓂᐧᑲᓱᔨᒋ ᐅᑯᓴ, ᐱᓐᒋᒥᓐ ᒋ ᐃᓯᓂᐧᑲᑕᐤ᙮

ᒐᓂᓯᔅ 46:21

ᐱᓐᒋᒥᓐ ᐅᑯᓴ: ᐸᓚ, ᐸᑯᐤ, ᐊᔅᐱᓪ, ᑲᕋ, ᓇᒪᓐ, ᐃᐊᐦᐃ, ᕈᔅ ᒧᐱᒻ, ᐅᐱᒻ ᑭᔭ ᐊᕐᑦ᙮

ᒐᓂᓯᔅ 49:26

ᓱᐛᔨᒋᒐᐅᓇ ᓄᑕᐎᒡ ᑲ ᒥᔨᒡ ᐊᑎᑐᐤ ᒥᓴᐛ ᐃᔅᐱᔅ ᐊᓂᔭ ᑲ ᐅᑎᓂᒪᒄ ᐊ ᒥᔽᒋ ᒐᒂᔪᐛ ᐊᓐᑕ ᑲᒋᒡ ᐱᔅᑯᑎᓇᐛ᙮ ᑭᒪ ᒋᓴᒪᓂᑐᐤ ᒥᔭᑦ ᒍᓯᐸ ᐅᔭ ᓱᐛᔨᒋᒐᐅᓇ, ᐊᓐ ᓇᑲᓂᔅᑯᐛᑦ ᐎᐧᑲᓂᓴ᙮

ᒐᓂᓯᔅ 49:28

ᐊᐅᑯᓐᒡ ᐅᒡ ᐃᔅᕋᐃᓪ ᓂᓱᓴᑉ ᑲ ᐃᑎᔅᑲᓂᓯᒡ ᑭᔭ ᐊᐅᑯᔪᐤ ᐅᔭ ᒐᑭᑉ ᑲ ᐃᓯ ᐃᔨᒪᐊᑦ ᑲ ᓂᓱᓴᐳᔨᒋ ᐅᑯᓴ ᑭᔭ ᑲ ᐛᒋᔭᒪᑦ᙮ ᒥᓯᐛ ᐊᑎ ᐸᐸᐃᑯᓯᔨᒋ ᐅᑯᓴ ᒋ ᒥᔭᐤ ᒥᔪᐃᔨᒧᐅᓂᔪᐤ᙮

ᒪᑎᔪᐤ 10:16

“ᓂᑐᑎᒧᒄ, ᔅᒋ ᐃᑎᓴᐅᑎᓇᐛᐤ ᒧᔭᒻ ᒪᔭᑕᓂᓯᒡ ᐊ ᐃᑎᓴᐛᑭᓄᐎᒡ ᐊᓐᑕ ᐊ ᒥᒐᑎᔨᒋ ᒥᐃᐧᑭᓇ ᐊ ᑕᔨᒋ᙮ ᐃᔭᒂ ᐃᑎᒄ ᒧᔭᒻ ᒋᓇᐱᑯᒡ ᐊ ᐃᓯ ᐃᔭᒂ ᐃᑎᒡ, ᑭᔭ ᔪᔅᐱᓯᒄ ᒧᔭᒻ ᐅᒥᒥᐅᒡ ᐊ ᐃᔅᐱᔅ ᔪᔅᐱᓯᒡ᙮

ᒪᑎᔪᐤ 7:15

“ᐃᔭᒂᒥᔅᑐᐛᐧᑯᒡ ᒥᒋ ᐅᒋᔅᒋᐛᐃᒐᓱᒡ᙮ ᒧᔭᒻ ᒪᔭᑕᓂᓯᒡ ᐃᓯᓇᑯᓱᐅᒡ ᐅᑕ ᐅᔅᒡ, ᒥᒄ ᒪᒃ ᐱᒡ ᐊᓐᑕ ᐅᐱᒪᑎᓯᐅᓄᐛᒡ ᒧᔭᒻ ᒥᐃᐧᑭᓂᒡ ᐃᑕᔨᑕᑯᓱᐅᒡ᙮”

ᐊᑈᔅᑕᓇᒡ 20:29

ᓂ ᒋᔅᒐᔨᑕᓐ ᐛᔅ ᐃᔅᐱ ᒋ ᔅᑐᑕᔭᓇ, ᒐ ᐅᑎᑎᑕᑯᒡ ᐊᐛᓐᒋ ᐊᑲ ᑯᐃᔅᒄ ᐃᓯ ᒋᔅᑯᑎᒪᒐᒡ ᓇᔅᒡ ᐊᑲ ᑲ ᒪᒥᓇᑎᓯᒡ ᒧᔭᒻ ᒥᐃᐧᑭᓂᒡ ᐊ ᐃᑕᔨᑕᑯᓯᒡ, ᒋᑭ ᐎ ᓂᓱᐅᓇᒋᑕᐅᒡ ᒋᑕᑈᑎᒧᐅᓄᐛᔪᐤ᙮

ᐊᑈᔅᑕᓇᒡ 8:3

ᓴᓪ ᒪᒃ ᒋ ᐎ ᓂᓱᐅᓇᒋᐊᐤ ᐅᒪᒧᐊᔭᒥᐊᐛ᙮ ᒥᓯᐛ ᒥᒋᐛᐸ ᒋ ᐱᒐᐤ, ᐊ ᐎᐎᔅᐱᒥᑕᑦ ᐊᓂᔭ ᑲ ᑕᑈᑎᒥᒋ, ᑕᐱᔅᑯᓐ ᐃᔎᐛ ᑭᔭ ᓇᐸᐛ, ᒐᒋ ᓂᐸᐊᑭᓄᔨᒋ᙮

ᐊᑈᔅᑕᓇᒡ 9:1

ᓴᓪ ᒪᒃ ᐎᔾ ᐊᔅᒄ ᐊᐅᑯᓐ ᑲ ᐃᑎᑦ ᐊ ᐎ ᓯᓴᒋᐊᑦ ᐊᓂᔭ ᐊᐛᔪᐛ ᐅᑎᐸᔨᒋᒐᐛ ᒋᓴᓴ ᑲ ᑕᑈᔭᔨᒪᔨᒋ ᐊ ᐃᑕᑦ ᒐ ᓂᐸᐊᑭᓄᔨᒋ᙮ ᒋ ᓂᑐᐛᐱᒪᐤ ᒪᒃ ᒋᓴᐊᔭᒥᐊᐅᒋᒪᐛ,

ᐱᓕᐱᔭᓇ 3:5

ᐛᔅ ᓂᒋ ᒋᔅᒋᓄᐛᒋᐃᑯᐅᓐ ᔭᓇᐤ ᑕᑐᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔭᓐ᙮ ᐊᓐᑕ ᐃᔅᕋᐃᓪ ᐃᔪᒡ ᐊ ᑕᒡ ᓂᒋ ᐱᒪᑎᓯᓐ᙮ ᐱᓐᒋᒥᓐ ᐊ ᑕᑦ ᓂᒋ ᐅᒋ ᐊᓂᔅᒐ ᐱᒪᑎᓯᓐ᙮ ᑕᑈ ᒍᐤ ᐃᔪᐤ ᓂᔾ ᓂᒋ ᑭᓄᐛᔨᑕᓐ ᐎᓱᐛᐅᓐ ᒪᒂᒡ ᑲ ᐸᕆᓯᐅ-ᐃᔪᔭᓐ᙮