ᒐᓂᓯᔅ 48:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᐊᑯ ᒍᓯᑉ ᑲ ᑐᑐᐛᑦ ᐅᑯᓴ ᒐᒋ ᐱᑲᔨᒋ ᑲ ᑕᐧᑯᓇᑭᓄᔨᒋ ᑭᔭ ᓇᐱᔅᑯᐱᑦ᙮

ᒐᓂᓯᔅ 48:12 ပူးပေါင်းရင်းမြစ်များ

ᒐᓂᓯᔅ 18:2

ᐊᑉᕋᐊᒻ ᒋ ᐅᐸᐳᐤ ᑭᔭ ᒋ ᐛᐱᒪᐤ ᓂᔅᑐ ᐊᓐᒋᓇ ᒥᒋᒪ ᑲ ᓂᐳᔨᒋ᙮ ᐃᔅᐱ ᐎᔭᐱᒪᑦ, ᒋ ᓂᑭᑎᒻ ᐅᐱᒍᐎᔭᓂᒋᐛᑉ ᑭᔭ ᒂ ᒋᒋᓇᑦ ᒐᒋ ᓂᒋᔅᑯᐛᑦ᙮ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒐᓂᓯᔅ 19:1

ᐊᑎ ᐅᑕᑯᓯᔨᒡ ᑲ ᓂᓯᒡ ᐊᓐᒋᓐᒡ ᒋ ᐅᑎᑕᒧᒡ ᓱᑕᒻ ᐅᑕᓇᔪᐤ, ᓗᑦ ᒋ ᐊᐳᐤ ᐊᓐᑕ ᐛᒋ ᐱᒐᓄᐎᒡ ᐅᑕᓇᔪᐤ᙮ ᐃᔅᐱ ᐎᔭᐱᒪᑦ ᐊ ᓂᓯᔨᒋ ᐊᓐᒋᓇ, ᒋ ᐱᓯᑯᓯᐸᑕᐤ, ᒋ ᓇᑕᐤ ᒐᒋ ᓂᒋᔅᑯᐛᑦ ᑭᔭ ᒂ ᓂᐱᔅᑯᐱᔅᑐᐛᑦ ᐊ ᒋᔅᑕᔨᒪᑦ᙮

ᒐᓂᓯᔅ 23:7

ᐊᑯ ᐸᓯᑯᑦ ᐊᑉᕋᐊᒻ ᑭᔭ ᐊ ᒋᔅᑕᔨᒪᑦ ᒋ ᓄᐛᑲᐳᔅᑐᐛᐤ᙮

ᒐᓂᓯᔅ 33:3

ᐎᔾ ᒋ ᓂᑲᓄᑕᐤ ᒐᑭᑉ ᒐᒋ ᓂᒋᔅᑯᐛᑦ ᐃᓴᐅᐛ᙮ ᓂᔄᐅᑕᒡ ᑕᑥᐤ ᒋ ᓄᐛᑲᐳᔅᑐᐛᐤ ᒪᒂᒡ ᐊᑎ ᐅᑎᑕᑦ ᐅᔅᑕᓴ ᐃᓴᐅᐛ, ᐊ ᐎ ᐛᐸᑎᔭᑦ ᐊ ᒋᔅᑕᔨᒪᑦ᙮

ᒐᓂᓯᔅ 42:6

ᒍᓯᑉ ᒋ ᑎᐸᔨᑎᒻ ᐊᓂᔭᔪᐤ ᐊᔅᒋᔪᐤ, ᐎᔾ ᒪᒃ ᒋ ᐊᑕᒪᐤ ᐸᒂᓯᑭᓂᒥᓇ ᐃᔪᐛ ᒥᓯᐛ ᐊᔅᒋᒡ ᐅᒡ, ᐊᑯ ᐃᔅᐱ ᑲ ᑎᑯᓯᓂᔨᒋ ᒍᓯᑉ ᐎᐧᑲᓂᓴ ᑭᔭ ᒋ ᓇᐛᒋᔅᑕᑯᐤ ᐊ ᒋᔅᑕᔨᒥᑯᑦ᙮

ᒐᓂᓯᔅ 48:11

ᒐᑭᑉ ᒂ ᐃᑕᑦ ᒍᓯᐸ, “ᓇᒪ ᓂ ᐅᒋ ᐸᓱᐛᔨᑕᓐ ᒥᓐ ᒐᒋ ᐛᐱᒥᑕᓐ, ᑭᔭ ᐊᓄᒡ ᒋᓴᒪᓂᑐᐤ ᓂᒋ ᓇᐃᒥᒄ ᒐᒋ ᐛᐱᒥᑎᑯᒡ ᑕᐱᔅᑯᓐ ᒋᔾ ᑭᔭ ᒋᑦ ᐊᐛᓯᒪᒡ᙮”

ᒐᓂᓯᔅ 48:13

ᐊᑯ ᒍᓯᑉ ᒥᓐ ᐊ ᐃᑐᑐᐛᑦ ᐅᑕᐎᔭ ᐅᑯᓴ, ᐅᓂᔅᐸᒋᐅᓂᔨᒡ ᐃᑕᒐ ᐊᑯᑕ ᐊᔭᑦ ᐃᑉᕋᐃᒪ, ᐊᑯ ᒪᓇᓴᔨᒋ ᐅᒥᔪᓂᔨᒡ ᐃᑕᒐ᙮

ᐊᒃᓱᑕᔅ 20:12

ᒋᔅᑕᔨᒻ ᒍᑕᐎᔾ ᑭᔭ ᒋᑲᐎᔾ, ᐊᑯ ᒪᒃ ᓇᐅᔅ ᒐᒋ ᑕᔨᓐ ᐊᓐᑕ ᑲ ᐅᑦ ᐊᔅᒋᒥᑲᔅᒃ ᑎᐸᔨᒋᒐᓱᐤ ᒋᒋᓴᒪᓂᑐᒻ᙮

ᐊᒃᓱᑕᔅ 34:8

ᒧᓱᔅ ᒂ ᓂᐱᔅᑯᐱᑦ ᑭᔭ ᒂ ᐊᑎ ᐊᔭᒥᐊᔅᑐᐛᑦ ᑎᐸᔨᒋᒐᓱᐛ᙮

ᐃᐱᓯᔭᓇ 6:1

ᒋᔨᐛᐤ ᐊᐛᓴᑐᒄ ᐊ ᑕᑈᔭᔨᒪᒄ ᐅᑎᐸᔨᒋᒐᐤ ᒋᐸ ᓂᓇᐃᑐᐛᐛᐅᒡ ᒋᓂᒋᐃᑯᐛᐅᒡ ᐛᔅ ᑯᐃᔅᑯᓇᑯᓐ ᐅ ᒐᒋ ᐃᑎᔭᒄ᙮