ᒐᓂᓯᔅ 47:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᓂᑭ ᐳᓂᐱᒪᑎᓯᓇᓐ ᑭᔭ ᒋᑭ ᒧᓱᐛᐛ ᓂᑦ ᐊᔅᒋᓇᓇ᙮ ᐃᔭᐅᓇᓐ ᑭᔭ ᓂᑦ ᐊᔅᒋᓇᓇ ᒥᔅᑯᒡ ᒥᒋᒻ᙮ ᓂᑭ ᐅᑦ ᐊᐱᒋᐊᑭᓂᒥᑕᑯᓇᓐ ᐸᕈᐤ᙮ ᒋᑭ ᑎᐸᔨᑎᒻ ᓂᑦ ᐊᔅᒋᓇᓇ᙮ ᐸᒂᓯᑭᓂᒥᓇ ᐸᒋ ᒥᔨᓇᓐ ᐊᑯ ᒪᒃ ᒐ ᑭᓄᐛᔨᑎᒪᒡ ᒥᒋᒻ ᒐ ᒥᒋᔭᒡ ᑭᔭ ᒐ ᐊᑲ ᐳᓂᐱᒪᑎᓯᔭᒡ᙮ ᓂᑭ ᓂᑕᐅᒋᐊᓇᓐᒡ ᓯᒥᓐᒡ ᐊᑯ ᒪᒃ ᒐ ᓂᑕᐅᒋᒋ ᐸᒂᓯᑭᓂᒥᓇ ᓂᑕᐅᒋᑕᑭᓂᒡ ᑭᔭ ᒐ ᐊᑲ ᒧᓱᐛᒋ᙮”

ᒐᓂᓯᔅ 47:19 ပူးပေါင်းရင်းမြစ်များ

ᒐᓂᓯᔅ 41:36

ᐊᐅᑯᐤ ᒥᒋᒻ ᒐ ᐃᔅᑯᓇᑭᓄᐅᒡ ᐃᔪᒡ ᒐ ᒥᒋᒡ ᒪᒂᒡ ᒐ ᐅᑎᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᒐ ᐊᑲ ᑎᒂᒡ ᒥᒋᒻ ᐅᑕ ᐃᒋᑉᑦ ᐊᔅᒋᒡ᙮ ᐊᐅᑯᐤ ᐅᒡ ᒐ ᐊᑲ ᑯᐧᑭᑕᒡ ᐃᔪᒡ ᒪᒂᒡ ᐊᑲ ᑎᒂᒐ ᒥᒋᒻ᙮”

ᒐᓂᓯᔅ 47:15

ᑲᒋ ᒥᓯᐛ ᒪᔅᑎᓇᒡ ᐅᓱᓇᔭᓂᒧᐛᐤ ᐃᒋᑉᑦ ᑭᔭ ᑲᐃᓇᓐ ᐃᔪᒡ ᐊ ᐃᔭᒡ ᐸᒂᓯᑭᓂᒥᓇ, ᒥᓯᐛ ᐃᒋᑉᑦ ᐃᔪᒡ ᑲᐤ ᒋ ᓂᑐᐛᐱᒪᐅᒡ ᒍᓯᐸ, ᑭᔭ ᒂ ᐃᑕᒡ, “ᓴᔅ ᓇᒪ ᓂ ᑭᓄᐛᔨᑕᓇᓐ ᓱᓇᔭᐤ᙮ ᐸᒋ ᒥᔨᓇᓐ ᒥᒋᒻ ᑭᔭ ᒪᒃ ᓂᑭ ᑯᐧᑭᑕᓇᓐ ᐅᑎᔅᑯᐤ ᐅᑕ ᐊ ᑕᔨᓐ !”

ᒐᓂᓯᔅ 47:18

ᑲᒋ ᐸᐃᑯᐳᓂᔨᒡ, ᑲᐤ ᓇᑐᐛᐱᒪᒡ ᐃᔪᒡ ᒍᓯᐸ ᑭᔭ ᒋ ᐃᑕᐅᒡ, “ᐅᒋᒪᐤ, ᓴᔅ ᓇᒪ ᓂᐅᓱᓇᔭᓂᒥᓇᓐ ᒐᒋ ᐃᔭᔭᒡ ᒥᒋᒻ ᑭᔭ ᒥᓯᐛ ᓴᔅ ᒋ ᑎᐸᔨᒪᐅᒡ ᓂᑦ ᐊᐛᓯᓯᒥᓇᓐᒡ᙮ ᓇᒪ ᒐᒂᓐ ᓂᑦ ᐃᔅᑯᐱᔨᓇᓐ ᒥᒄ ᓂᑦ ᐊᔅᒋᓇᓇ ᑭᔭ ᑎᐱᔨᐛ ᓂᔭᓇᓇ᙮

ᒐᓂᓯᔅ 47:20

ᐊᑯ ᒍᓯᑉ ᒂ ᓂᓇᔅᑯᒧᑦ ᒐᒋ ᐃᔭᐛᑦ ᐅᑦ ᐊᔅᒋᔪᐛ᙮ ᒪᒃ ᒥᓯᐛ ᐃᒋᑉᑦ ᐃᔪᐤ ᒂ ᑕᐛᒐᑦ ᐅᑦ ᐊᔅᒋᔾ, ᐛᔅ ᒋᒋᐛ ᒋ ᐊᔨᒥᐅᐎᒡ ᐊᑲ ᐅᒋ ᑎᑯᓂᔨᒡ ᒥᒋᒥᔪᐤ᙮ ᐊᐅᑯᔪᐤ ᐊᓂᔭ ᒋᓴᐅᒋᒪᐤ ᑲ ᐅᒋ ᒥᓯᐛ ᑎᐸᔨᑕᐧᒄ ᐃᒋᑉᑦ ᐊᔅᒋᔪᐤ᙮

ᒪᑎᔪᐤ 16:26

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?