ᒐᓂᓯᔅ 47:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᐊᑯ ᐃᔪᒡ ᒍᓯᐸ ᒋ ᐸᑐᐛᐅᒡ ᐅᑲᐸᐃᑭᔎᒧᐛᐛ, ᐅᒪᔭᑕᓂᓯᒧᐛᐛ ᑭᔭ ᐅᒥᔅᑐᓯᒧᐛᐛ, ᐅᒥᒋᑎᐧᑯᒧᐛᐛ ᒥᔅᑯᒡ ᒥᒋᒥᔪᐤ᙮ ᒪᒂᒡ ᐊᓂᔭ ᐱᐳᓂᔪᐤ, ᒥᓯᐛ ᒍᓯᐸ ᒋ ᐸᑐᐛᐅᒡ ᐅᑦ ᐊᐛᓯᓯᒧᐛᐛ ᑭᔭ ᒋ ᐅᑎᓂᒪᑯᐅᒡ ᒥᒋᒥᔪᐤ᙮

ᒐᓂᓯᔅ 47:17 ပူးပေါင်းရင်းမြစ်များ

ᒐᓂᓯᔅ 47:16

ᐊᑯ ᒍᓯᑉ ᐊᑕᑦ, “ᐊᑲ ᑭᓄᐛᔨᑎᒧᐛᒂ ᓱᓇᔭᐤ, ᐸᓱᐛᑯᒡ ᒋᑦ ᐊᐛᓯᓯᒧᐛᐅᒡ ᑭᔭ ᒋᑭ ᒥᔨᑎᓇᐛᐤ ᒥᒋᒻ ᒥᔅᑯᒡ ᒋᑦ ᐊᐛᓯᓯᒧᐛᐅᒡ᙮”

ᒐᓂᓯᔅ 47:18

ᑲᒋ ᐸᐃᑯᐳᓂᔨᒡ, ᑲᐤ ᓇᑐᐛᐱᒪᒡ ᐃᔪᒡ ᒍᓯᐸ ᑭᔭ ᒋ ᐃᑕᐅᒡ, “ᐅᒋᒪᐤ, ᓴᔅ ᓇᒪ ᓂᐅᓱᓇᔭᓂᒥᓇᓐ ᒐᒋ ᐃᔭᔭᒡ ᒥᒋᒻ ᑭᔭ ᒥᓯᐛ ᓴᔅ ᒋ ᑎᐸᔨᒪᐅᒡ ᓂᑦ ᐊᐛᓯᓯᒥᓇᓐᒡ᙮ ᓇᒪ ᒐᒂᓐ ᓂᑦ ᐃᔅᑯᐱᔨᓇᓐ ᒥᒄ ᓂᑦ ᐊᔅᒋᓇᓇ ᑭᔭ ᑎᐱᔨᐛ ᓂᔭᓇᓇ᙮

ᐊᒃᓱᑕᔅ 9:3

ᑎᐸᔨᒋᒐᓱᐤ ᐅᓱᐧᑲᑎᓯᐅᓐ ᐅᒡ ᒋᑭ ᐸᒋ ᐃᑎᓴᒻ ᒥᔅᑎ ᐊᐧᑯᓱᐅᓂᔪᐤ ᒐ ᐃᔭᒡ ᒋᑦ ᐊᐛᓯᓯᒧᐛᐅᒡ ᐊᓐᑕ ᑲ ᑕᒡ ᓂᑕᐅᒋᒋᑭᓂᒡ᙮ ᐊᓐᒡ ᑲᐸᐃᑭᔎᐅᒡ ᑭᔭ ᐅᐧᑲᓐᒡ ᑭᔭ ᑲ ᒥᔅᑎ ᐱᔎᐅᑯᓇᒡ ᐊᐛᓯᓯᒡ ᑭᔭ ᒥᔅᑐᓯᒡ, ᒪᔭᑕᓂᓯᒡ ᑭᔭ ᑲ ᐅᑦ ᐊᔅᑭᓂᓯᒡ᙮

ᒪᑎᔪᐤ 6:24

“ᓇᒪ ᐊᐛᓐ ᒋᑭ ᒋ ᐊᑐᔅᑯᐛᐤ ᓂᓱ ᐅᒋᒪᐛ, ᐛᔅ ᐸᐃᒄ ᐊᓂᔭ ᒋᑭ ᓴᒋᐊᐤ, ᑭᔭ ᑯᑎᑲ ᒋᑭ ᐛᐧᑲᑕᐤ᙮ ᑭᔭ ᒪᒃ ᒋᑭ ᒋᔅᑕᔨᒪᐤ ᐊᓂᔭ ᐸᐃᒄ, ᑯᑎᑲ ᒪᒃ ᒋᑭ ᐊᑐᐛᔨᒪᐤ, ᓇᒪ ᒋᑭ ᒋ ᐊᑐᔅᑯᐛᐤ ᒋᓴᒪᓂᑐᐛ ᐊᔪᐤ ᒪᒃ ᓱᒃ ᐊ ᐊᑐᔅᒐᑦ ᐊ ᐎ ᐛᔪᑎᓯᑦ᙮”