ᒐᓂᓯᔅ 46:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐊᑯ ᒐᑭᑉ ᓇᑭᑕᐧᒃ ᐱᕐ-ᓯᐸ ᑭᔭ ᐃᒋᑉᑎᒡ ᐊᑐᑕᑦ᙮ ᑲᑎᑎᐱᔨᒋ ᐅᑕᐸᓇᔎ ᐃᒋᑉᑎᒡ ᒋᓴᐅᒋᒪᐛ ᑲ ᐃᑎᓴᐊᒪᑯᑦ ᐊᑯᑕ ᑎᔭᑯᓴᐃᑯᑦ ᐅᑯᓴ, ᐊᓯᒡ ᐅᑦ ᐊᐛᓯᒥᔪᐛ, ᑭᔭ ᐎᐎᐛ᙮

ᒐᓂᓯᔅ 46:5 ပူးပေါင်းရင်းမြစ်များ

ᒐᓂᓯᔅ 21:14

ᐎᐱᒡ ᒥᓐ ᒋᔭᒋᓴᐸᔭᔨᒡ ᒋ ᐅᓂᔪᐤ ᐊᑉᕋᐊᒻ, ᒂ ᐅᑎᓇᐧᒃ ᐱᔅᒐ ᒥᒋᒥᔪᐤ ᑭᔭ ᓂᐱᔪᐤ ᐱᓴᑭᓄᐅᑕᒡ ᐊ ᓴᑭᔅᒋᓇᐸᔨᒡ ᑭᔭ ᒂ ᒥᔭᑦ ᐦᐊᐃᑲᕋ᙮ ᐅᑎᑎᒥᓂᔨᒡ ᒋ ᐊᔅᑕᐛᐤ ᐊᑯ ᑭᔭ ᒂ ᒋᑎᓴᐛᑦ ᐊᓯᒡ ᓇᐸᓴ᙮ ᐦᐊᐃᑲᕐ ᒂ ᔅᑐᑕᑦ ᑭᔭ ᒂ ᐱᐸᒧᑕᑦ ᐊᓐᑕ ᐱᕐ-ᓯᐸ ᐸᐧᑯᑎᔅᑭᒥᑲᒡ᙮

ᒐᓂᓯᔅ 45:19

ᐃᔭᐱᒡ ᒐ ᐃᑎᑥᐤ, ᐅᑎᓇᐧᑯᒡ ᑎᑎᐱᑕᐸᓇᔅᑯᒡ ᐃᒋᑉᑦ ᐊᔅᒋᒡ ᐅᒡ, ᒐ ᐊᐱᒋᐊᒡ ᒋᑦ ᐊᐛᓯᒧᐛᐅᒡ ᑭᔭ ᒋᐅᐛᐅᒡ᙮ ᐸᓱᐎᐧᒄ ᒪᒃ ᒍᑕᐎᐛᐤ ᑭᔭ ᒐ ᐸᒋ ᑎᑯᓯᓂᔭᒄ᙮

ᒐᓂᓯᔅ 45:21

ᒐᑭᑉ ᐅᑯᓴ ᒋ ᐃᑐᑎᒥᔪᐛ ᑲ ᐃᑕᑭᓄᔨᒋ᙮ ᒧᔭᒻ ᑲ ᐃᑎᑯᑦ ᐸᕈᐛ, ᒍᓯᑉ ᒋ ᒥᔭᐤ ᑎᑎᐱᑕᐸᓇᔎ, ᑭᔭ ᒋᓂᒪᐊᐤ᙮

ᒐᓂᓯᔅ 45:27

ᒋ ᐎᑎᒧᐛᐅᒡ ᒥᓯᐛ ᑲ ᐃᑎᑯᒡ ᒍᓯᐸ ᑭᔭ ᐃᔅᐱ ᒐᑭᑉ ᐎᔭᐸᑕᐧᒃ ᐊᓂᔭ ᑎᑎᐱᑕᐸᓇᔎ ᒍᓯᐸ ᑲ ᐃᑎᓴᐊᒪᑯᑦ ᒐ ᐃᑐᑕᐃᑯᑦ ᐃᒋᑉᑎᒡ, ᒋ ᐊᒂᑕᔨᑎᒻ ᑭᔭ ᑎᔭᑈᑕᐧᒃ ᐊᔅᒋᔄᔨᒋ᙮

ᐊᒃᓱᑕᔅ 10:24

ᐊᑯ ᒋᓴᐅᒋᒪᐤ ᒂ ᐎᓴᒪᑦ ᒧᓱᓴ, ᒂ ᐃᑕᑦ, “ᒪᒋ ᔅᑐᑕᒪᒃ ᑭᔭ ᐊᔭᒥᐊᔅᑐᐛᐧᒃ ᑎᐸᔨᒋᒐᓱᐤ᙮ ᒐ ᔅᑐᑕᐊᑯᒡ ᐃᔭᐱᒡ ᐃᔎᐅᒡ ᑭᔭ ᐊᐛᓯᒡ ᒥᒄ ᒐ ᓂᑭᑕᑭᒡ ᒪᔭᑕᓂᓯᒡ ᑭᔭ ᑲ ᐱᓯᓯᒡ ᑲ ᐅᑕᔅᑭᓂᓯᒡ ᐊᐛᓯᓯᒡ ᑭᔭ ᒥᒋᑎᐧᑯᒡ᙮”

ᐊᒃᓱᑕᔅ 10:26

ᓂᑦ ᐊᐛᓯᓯᒥᓇᒡ ᐃᔭᐱᒡ ᓂᑭ ᔅᑐᑕᐊᓇᓐᒡ᙮ ᓇᒪ ᐛᒡ ᐸᐃᒄ ᒋᑭ ᓂᑭᑕᑭᓄᐎᒡ ᒐᒋ ᑕᒡ ᐅᑕ᙮ ᒥᒄ ᐱᔅᒐ ᓂᑭ ᐅᑎᓇᓇᓐᒡ ᒐᒋ ᐊᐱᒋᔨᒋᒡ ᐊᔭᒥᐊᔅᑐᐅᒋᒐ ᑎᐸᔨᒋᒐᓱᐤ ᓂᒋᓴᒪᓂᑐᒥᓇᓐ᙮ ᑭᔭ ᓇᒪ ᓂᑭ ᒋᔅᒐᔨᒪᓇᓐᒡ ᐊᓐᒡ ᒐ ᐊᐱᒋᔨᒋᒡ ᐸᑐᔅ ᒋ ᑎᑯᓯᓂᔭᒐ ᓇᑕ ᐊ ᐎ ᐃᑐᑕᔭᒡ ᒐᒋ ᐊᔭᒥᐊᔅᑐᐅᒋᒡ ᑎᐸᔨᒋᒐᓱᐤ᙮”

ᐊᑈᔅᑕᓇᒡ 7:15

ᐊᑯ ᒐᑭᑉ ᒂ ᐃᑐᑕᑦ ᐊᓐᑕ ᐃᒋᑉᑎᒡ, ᐊᑯᑕ ᒪᒃ ᒐᒃ ᒂ ᐳᓂᐱᒪᑎᓯᑦ ᑭᔭ ᐊᓂᔭᔪᐛ ᒥᓯᐛ ᐅᑯᓴ ᐊᑯᑕ ᑭᔭ ᐎᔨᐛᐤ ᒐᒃ ᑲ ᐳᓂᐱᒪᑎᓯᒡ᙮