ᒐᓂᓯᔅ 46:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮

ᒐᓂᓯᔅ 46:1 ပူးပေါင်းရင်းမြစ်များ

ᒐᓂᓯᔅ 12:8

ᐊᑉᕋᒻ ᒪᒃ ᒋ ᐃᑐᑕᐤ ᐱᔅᑯᑎᓇᒡ ᐛᐱᓄᑕᒡ ᐸᑕᓪ ᐃᑕᒐ ᑭᔭ ᐊᑯᑕ ᑲ ᒋᒥᑕᑦ ᐅᐱᒍᐎᔭᓂᒋᐛᑉ, ᐸᑕᓪ ᐊᑎᒪᐱᓯᒧᒡ ᐊ ᑎᑯᓂᔨᒡ ᐃᑕᒐ ᑭᔭ ᐊᐃ ᐛᐱᓄᑕᒡ ᐃᑕᒐ᙮ ᐊᑯᑕ ᐱᔅᑎᓂᒐᐅᓇᐱᔅᑯᔪᐤ ᑲ ᐅᓯᑎᒧᐛᑦ ᑎᐸᔨᒋᒐᓱᐛ ᑭᔭ ᒋ ᓂᑐᑎᒧᐛᐤ ᑎᐸᔨᒋᒐᓱᐛ᙮

ᒐᓂᓯᔅ 21:14

ᐎᐱᒡ ᒥᓐ ᒋᔭᒋᓴᐸᔭᔨᒡ ᒋ ᐅᓂᔪᐤ ᐊᑉᕋᐊᒻ, ᒂ ᐅᑎᓇᐧᒃ ᐱᔅᒐ ᒥᒋᒥᔪᐤ ᑭᔭ ᓂᐱᔪᐤ ᐱᓴᑭᓄᐅᑕᒡ ᐊ ᓴᑭᔅᒋᓇᐸᔨᒡ ᑭᔭ ᒂ ᒥᔭᑦ ᐦᐊᐃᑲᕋ᙮ ᐅᑎᑎᒥᓂᔨᒡ ᒋ ᐊᔅᑕᐛᐤ ᐊᑯ ᑭᔭ ᒂ ᒋᑎᓴᐛᑦ ᐊᓯᒡ ᓇᐸᓴ᙮ ᐦᐊᐃᑲᕐ ᒂ ᔅᑐᑕᑦ ᑭᔭ ᒂ ᐱᐸᒧᑕᑦ ᐊᓐᑕ ᐱᕐ-ᓯᐸ ᐸᐧᑯᑎᔅᑭᒥᑲᒡ᙮

ᒐᓂᓯᔅ 21:31

ᐊᐅᑯᓐ ᐊᓂᔭ ᐛᒋ ᐃᓯᓂᐧᑲᑕᐧᒃ ᐊᐛᓐ ᐊᓂᔭ ᐃᑕᐅᓂᔪᐤ ᐱᕐ-ᓯᐸ, ᐛᔅ ᐊᑯᑕ ᐊᓐᑕ ᑲ ᑐᑕᒡ ᓂᔅᑯᒧᐅᓂᔪᐤ ᐊᓐᒡ ᐊ ᓂᓯᒡ ᓇᐸᐅᒡ᙮

ᒐᓂᓯᔅ 21:33

ᐊᑉᕋᐊᒻ ᐛᒋᓇᑭᓇᑎᒂ ᒋ ᓂᑕᐅᒋᐊᐤ ᐊᓐᑕ ᐱᕐ-ᓯᐸ, ᐊᑯᑕ ᑭᔭ ᑲ ᓂᑐᑕᒺᑦ ᐅᑦ ᐃᓯᓂᐧᑲᓱᐅᓂᔪᐤ ᑎᐸᔨᒋᒐᓱᐛ ᒋᓴᒪᓂᑐᐛ ᒧᔅ ᑲᒋᒡ ᐸᒪᑎᓯᔨᒋ᙮

ᒐᓂᓯᔅ 22:13

ᒋ ᐅᐸᐳᐤ ᐊᑉᕋᐊᒻ ᑭᔭ ᒂ ᐛᐱᒪᑦ ᓇᐸ ᒪᔭᑕᓂᓴ ᐊᓴᑲᔅᑯᒋᒪᔨᒋ ᐅᑦ ᐊᔅᑭᓂᔪᐛ ᐊᓐᑕ ᓯᑲᒡ᙮ ᒋᓇᑕᐤ ᑭᔭ ᒂ ᐅᑎᓇᑦ ᑭᔭ ᐸᔅᑎᓂᒐᑦ ᓇᐸ ᒪᔭᑕᓂᓴ ᒧᔭᒻ ᒥᑐᔅᑕᐊᒪᒐᐅᓂᔪᐤ, ᐊᑲ ᒥᔅᑯᒡ ᐊᓂᔭ ᐅᑯᓴ᙮

ᒐᓂᓯᔅ 28:10

ᐃᔅᐱ ᒐᑭᑉ ᑲ ᓂᑭᑕᐧᒃ ᐱᕐ-ᓯᐸ, ᐦᐊᕋᓐ ᐃᑕᒐ ᒋ ᐃᑐᑕᐤ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 31:42

ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 31:53

ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ᓂᔅᑯᒥᑐᔭᐧᒄ᙮” ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮

ᒐᓂᓯᔅ 33:20

ᐊᑯᑕ ᐊᓐᑕ ᒐᑭᑉ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐃᓪ ᐃᓗᐃ ᐃᔅᕋᐃᓪ ᒂ ᐃᓯᓂᐧᑲᑕᐧᒄ, “ᒋᓴᒪᓂᑐᐤ ᐊᐅᑯᓐ ᐃᔅᕋᐃᓪ ᒋᓴᒪᓂᑐᐤ᙮”

ᒐᓂᓯᔅ 35:3

ᒋᑭ ᓂᑭᑕᓇᓄᐤ ᐅᑕ ᑭᔭ ᐸᑕᓪ ᒋᑭ ᐃᑐᑕᓇᓄᐤ, ᐊᓐᑕ ᒐ ᐃᑐᑎᒧᐛᐧᒄ ᐱᔅᑎᓂᒐᐅᓇᐱᔅᑯᔪᐤ ᒋᓴᒪᓂᑐᐤ ᐊᓐ ᑲ ᐎᒋᐃᑦ ᑲ ᐅᔅᑕᐱᔪᐅᒡ ᑭᔭ ᐊᓐ ᑲ ᐎᒐᐅᑦ ᒥᒂᑕ ᑲ ᐊᑎ ᐃᑕᐅᒡ᙮”

ᒐᓂᓯᔅ 35:7

ᐊᑯᑕ ᑭᔭ ᒋᓴᒪᓂᑐᐤ ᐸᑕᓪ ᐅᒡ ᒋ ᐃᓯᓂᐧᑲᑎᒻ ᐊᓂᔭ ᐅᑕᓇᔪᐤ ᐛᔅ ᐊᑯᑕ ᐊᓐᑕ ᑲ ᓄᑯᓯᔅᑐᐛᑦ ᒋᓴᒪᓂᑐᐤ ᒐᑭᐸ ᐃᔅᐱ ᑲᒋ ᒋᑎᓴᒪᔨᒋ ᐅᔅᑕᓯᔪᐛ᙮

ᒐᓂᓯᔅ 4:4

ᐊᐳᓪ ᑭᔭ ᐎᔾ ᒋ ᐸᓱᐛᐤ ᐱᔅᒐ ᐊᔭᐱᓯᓯᔨᒋ ᓂᔅᑎᒻ ᑲ ᑕᔨᒋ ᐅᒪᔭᑕᓂᓯᒪ ᑭᔭ ᒂ ᓂᐸᐊᑦ ᑭᔭ ᒋ ᒥᔭᐤ ᑎᐸᔨᒋᒐᓱᐛ ᐊ ᐎᔪᔨᒋ ᒧᔭᒻ ᐱᔅᑎᓂᒐᐅᓂᔪᐤ᙮ ᑎᐸᔨᒋᒐᓱᐤ ᒋ ᒥᔽᔨᑕᒥᑯᐤ ᐊᐳᓚ ᑭᔭ ᐅᐱᔅᑎᓂᒐᐅᓂᔪᐤ,

ᒐᓂᓯᔅ 45:28

ᐊᑯ ᒐᑭᑉ ᐊᔅᒋᔄᑦ, “ᓂ ᓯᔅᒋᑯᒋᒥᑯᐅᓐ, ᒍᓯᑉ ᓂᑯᔅ ᐊᔅᒄ ᐸᒪᑎᓯᑦ ! ᓂᑭ ᓂᑐᐛᐱᒪᐤ ᐊᒺᔭ ᓂᐱᔭᓐ᙮”

ᒐᓂᓯᔅ 8:20

ᒋ ᐃᑐᑎᒧᐛᐤ ᓄᐛ ᐅᑎᐸᔨᒋᒐᐛ ᐱᔅᑎᓂᒐᐅᓇᐱᔅᑯᔪᐤ ᑭᔭ ᒂ ᓂᐸᐊᑦ ᐊᓐᑕ ᐱᔅᒐ ᐊ ᒥᔪᓯᔨᒋ ᐊᐛᓯᓴ ᑭᔭ ᐱᔭᓱᐛ ᑭᔭ ᒋ ᒥᑐᔅᑕᐊᒪᒐᐤ ᐱᔅᑎᓂᒐᐅᓇᐱᔅᑯᒡ ᐊ ᓂᑐᑎᒪᑦ᙮

ᐊᑈᔅᑕᓇᒡ 7:15

ᐊᑯ ᒐᑭᑉ ᒂ ᐃᑐᑕᑦ ᐊᓐᑕ ᐃᒋᑉᑎᒡ, ᐊᑯᑕ ᒪᒃ ᒐᒃ ᒂ ᐳᓂᐱᒪᑎᓯᑦ ᑭᔭ ᐊᓂᔭᔪᐛ ᒥᓯᐛ ᐅᑯᓴ ᐊᑯᑕ ᑭᔭ ᐎᔨᐛᐤ ᒐᒃ ᑲ ᐳᓂᐱᒪᑎᓯᒡ᙮