21 ᒐᑭᑉ ᐅᑯᓴ ᒋ ᐃᑐᑎᒥᔪᐛ ᑲ ᐃᑕᑭᓄᔨᒋ᙮ ᒧᔭᒻ ᑲ ᐃᑎᑯᑦ ᐸᕈᐛ, ᒍᓯᑉ ᒋ ᒥᔭᐤ ᑎᑎᐱᑕᐸᓇᔎ, ᑭᔭ ᒋᓂᒪᐊᐤ᙮
ᐃᔭᐱᒡ ᒐ ᐃᑎᑥᐤ, ᐅᑎᓇᐧᑯᒡ ᑎᑎᐱᑕᐸᓇᔅᑯᒡ ᐃᒋᑉᑦ ᐊᔅᒋᒡ ᐅᒡ, ᒐ ᐊᐱᒋᐊᒡ ᒋᑦ ᐊᐛᓯᒧᐛᐅᒡ ᑭᔭ ᒋᐅᐛᐅᒡ᙮ ᐸᓱᐎᐧᒄ ᒪᒃ ᒍᑕᐎᐛᐤ ᑭᔭ ᒐ ᐸᒋ ᑎᑯᓯᓂᔭᒄ᙮
ᒐ ᐊᑲ ᒪᒃ ᐅᑎᒪᔨᑎᒪᒄ ᒐᒂᓐ ᑲ ᐃᓯ ᑎᐸᔨᑎᒪᒄ, ᐛᔅ ᒋᔨᐛᐤ ᒋᑭ ᑎᐸᔨᑕᓇᐛᐤ ᐊ ᐃᓯ ᒥᔽᓯᒡ ᐃᒋᑉᑦ ᐊᔅᒋᒡ᙮”
ᒋ ᐎᑎᒧᐛᐅᒡ ᒥᓯᐛ ᑲ ᐃᑎᑯᒡ ᒍᓯᐸ ᑭᔭ ᐃᔅᐱ ᒐᑭᑉ ᐎᔭᐸᑕᐧᒃ ᐊᓂᔭ ᑎᑎᐱᑕᐸᓇᔎ ᒍᓯᐸ ᑲ ᐃᑎᓴᐊᒪᑯᑦ ᒐ ᐃᑐᑕᐃᑯᑦ ᐃᒋᑉᑎᒡ, ᒋ ᐊᒂᑕᔨᑎᒻ ᑭᔭ ᑎᔭᑈᑕᐧᒃ ᐊᔅᒋᔄᔨᒋ᙮
ᐊᑯ ᒐᑭᑉ ᓇᑭᑕᐧᒃ ᐱᕐ-ᓯᐸ ᑭᔭ ᐃᒋᑉᑎᒡ ᐊᑐᑕᑦ᙮ ᑲᑎᑎᐱᔨᒋ ᐅᑕᐸᓇᔎ ᐃᒋᑉᑎᒡ ᒋᓴᐅᒋᒪᐛ ᑲ ᐃᑎᓴᐊᒪᑯᑦ ᐊᑯᑕ ᑎᔭᑯᓴᐃᑯᑦ ᐅᑯᓴ, ᐊᓯᒡ ᐅᑦ ᐊᐛᓯᒥᔪᐛ, ᑭᔭ ᐎᐎᐛ᙮
ᒥᓯᐛ ᐃᔅᕋᐃᓪ ᐃᔪᒡ, ᓯᓐ ᐸᐧᑯᑎᔅᑭᒥᑲᒡ ᒋ ᐅᒋ ᔅᑐᑕᐅᒡ, ᐊᔭᑎᐊᑐᒐᒡ ᒧᔭᒻ ᑲ ᐃᑎᓱᒥᑯᒡ ᑎᐸᔨᒋᒐᓱᐛ᙮ ᐸᐃᒂᐤ ᕆᐱᑎᒻ ᒋ ᐎᒍᐅᒡ, ᒥᒄ ᓇᒪ ᐅᒋ ᑎᑯᓂᔪᐤ ᐊᓐᑕ ᓂᐱᔪᐤ ᒐᒋ ᒥᓂᒡ ᐃᔪᒡ᙮