ᒐᓂᓯᔅ 44:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᑯ ᒍᑕ ᒥᒋᒪ ᓂᔭᑕᑦ ᒍᓯᐸ ᑭᔭ ᐃᑕᐤ, “ᐅᒋᒪᐤ, ᓇᐃᒥ ᐛᐃᐱᔅᒋᔅ ᒐᒋ ᐃᔨᒥᐃᑕᓐ, ᓄᒋᒪᒻ᙮ ᒧᔭᒻ ᐃᒋᑉᑎᒡ ᒋᓴᐅᒋᒪᐤ ᒋᑦ ᐃᑕᔨᑕᑯᓯᓐ᙮ ᒐᒂᓐ ᐎᔭᔨᑎᒥᓐ, ᒋᑭ ᐃᑐᑎᒧᒡ ᐃᔪᒡ᙮ ᓂᔾ ᒥᒄ ᒋᑦ ᐊᐱᒋᐊᑭᓐ ᓂᑦ ᐃᑕᔨᑕᑯᓯᓐ᙮ ᐊᑯ ᐊᑲ ᒋᔄᐱᔅᑐᐎ ᐊ ᑯᒂᒋᒥᑕᓐ ᒐᒋ ᐃᔨᒥᑕᓐ᙮

ᒐᓂᓯᔅ 44:18 ပူးပေါင်းရင်းမြစ်များ

ᒐᓂᓯᔅ 18:30

ᐊᑯ ᐊᑉᕋᐊᒻ ᐊᑕᑦ, “ᑎᐸᔨᒋᒐᓱᐤ, ᒋ ᐱᑯᓴᔨᒥᑎᓐ ᒐ ᐊᑲ ᒋᔄᐱᔅᑐᐎᓐ, ᒥᒄ ᓇᐃᒥᔾ ᒐᒋ ᒥᓐ ᑯᒂᒋᒥᑕᓐ, ᒐᒂᓐ ᒐ ᐃᑐᑎᒥᓐ ᒥᒄ ᓂᔅᑐᔪᐤ ᑕᑎᓯᑥᐛ ᑲ ᑯᐃᔅᑯᑕᑎᓯᒡ ᐃᔪᒡ ᐊᓐᑕ ᐅᑕᓇᒡ ?” ᑎᐸᔨᒋᒐᓱᐤ ᒋ ᐃᑕᐤ, “ᓂᑭ ᐱᒪᒋᐊᐅᒡ ᒥᓯᐛ ᑯᑎᑭᒡ, ᒋᒡ ᐊᓐᒡ ᓂᔅᑐᔪᐤ ᐃᔪᒡ ᑲ ᑯᐃᔅᑯᑕᑎᓯᒡ᙮”

ᒐᓂᓯᔅ 18:32

ᐊᑉᕋᐊᒻ ᒥᓐ ᑲ ᑯᒂᒋᒪᑦ, “ᑎᐸᔨᒋᒐᓱᐤ, ᒋ ᐱᑯᓴᔨᒥᑎᓐ ᒐ ᐊᑲ ᒋᔄᐱᔅᑐᐎᓐ, ᐊᐅᑯᐤ ᒪᔅᑕᔾ ᒐ ᐃᔨᒥᔭᓐ, ᒐᒂᓐ ᒐ ᐃᑐᑎᒥᓐ ᒥᒄ ᐸᐃᑯᔪᐤ ᑲ ᑯᐃᔅᑯᑕᑎᓯᒡ ᐃᔪᒡ ᒥᔅᑯᑥᐛ ?” ᑎᐸᔨᒋᒐᓱᐤ ᐃᑕᐤ, “ᐊᑎ ᒥᒄ ᐸᐃᑯᔪᐤ ᑕᑥᐛ ᑲ ᑯᐃᔅᑯᑕᑎᓯᒡ ᐃᔪᒡ, ᓇᒪ ᓂᑭ ᒋ ᓂᓱᐅᓇᒋᑕᓐ ᐊᓐ ᐅᑕᓇᐤ᙮”

ᒐᓂᓯᔅ 37:6

ᒋ ᐃᑕᐤ ᒪᒃ, “ᓂᑐᑎᒧᒄ ᐅᒪ ᑲ ᐃᓯ ᐳᐛᒧᔭᓐ᙮

ᒐᓂᓯᔅ 37:7

ᓂᑕᐅᒋᑕᑭᓂᒡ ᒋᑦ ᐃᑕᓇᓄᐤ ᐊ ᒪᒧᐛᐱᐧᑲᑎᒪᐧᒄ ᐸᒂᓯᑭᓂᒥᓇ, ᐊᑯ ᑲ ᒪᒧᐛᐱᐧᑲᑎᒪᓐ ᐸᒂᓯᑭᓂᒥᓐ ᒋ ᐱᓯᑯᒥᑭᓐ ᑭᔭ ᒋᓯᒥᒋᑲᐳᐎᒥᑭᓐ, ᒋᐸᒂᓯᑭᓂᒥᓄᐛᐛ ᐛᔅᑲ ᒋᓯᒥᒋᑲᐳᐎᒥᑭᓇ ᑭᔭ ᒋ ᔭᓱᑎᓇ ᒋᓂᔅᑐᐎᒥᑭᓇ ᓂᐸᒂᓯᑭᓂᒥᒡ᙮”

ᒐᓂᓯᔅ 37:8

ᒋ ᐃᑎᑯᐤ ᒪᒃ ᐎᐧᑲᓂᓴ, “ᑕᑈ ᐊ ᒋᑦ ᐃᑕᔨᑕᓐ ᒐ ᒋᓴᐅᒋᒪᐎᔨᓐ ᑭᔭ ᒐ ᑎᐸᔨᒥᔭᒡ ?” ᐊᑯ ᐊᑎᑐᐤ ᒋ ᐛᐧᑲᑎᑯᐤ ᐅᐳᐛᒧᐅᓇ ᐅᒡ ᑭᔭ ᐊᓂᔭ ᑲ ᐃᑕᑦ᙮

ᒐᓂᓯᔅ 41:40

ᒋᔾ ᒋᑭ ᑭᓄᐛᔨᑎᔨᑎᓐ ᓂᒋᓴᐅᒋᒪᐅᒋᐛᑉ ᑭᔭ ᓂᑎᐸᔨᑎᒧᐅᓇ᙮ ᒥᓯᐛ ᐊᐛᓐᒋ ᒋᑭ ᓂᓇᐃᑕᑯᒡ ᒐᒂᔪᐤ ᐊ ᐃᑎᑥᐤ᙮ ᓂᔾ ᒥᒄ ᐅᔅᑕ ᓂᑭ ᐃᑕᔨᑕᑯᓯᓐ ᐃᔅᐱᔅ ᒋᔾ᙮”

ᒐᓂᓯᔅ 41:44

ᒋᓴᐅᒋᒪᐤ ᒂ ᐃᑕᑦ ᒍᓯᐸ, “ᐊᑎᓱᐧᒄ ᓂᔾ ᒋᓴᐅᒋᒪᐎᔭᓐ ᐃᒋᑉᑎᒡ, ᒋᑭ ᓇᐃᒥᑎᓐ ᒐᒋ ᓄᑎᒻ ᑎᐸᔨᒥᑥᐤ ᓂᑦ ᐃᔨᒥᒡ᙮ ᓇᒪ ᒐᒂᔪᐤ ᒋᑭ ᐃᑐᑎᒧᒡ ᐸᑐᔅ ᓂᔅᑯᒧᔨᓇ᙮”

ᒐᓂᓯᔅ 44:17

ᒥᒄ ᒍᓯᑉ ᒂ ᐃᑕᑦ, “ᓇᒪ, ᓇᒪ ᓂᒋ ᑐᑕᓐ᙮ ᒥᒄ ᐊᓐ ᐊᐛᓐ ᑲ ᐊᔭᑦ ᒥᓂᒂᑭᓂᔪᐤ ᓂᑭ ᐅᑦ ᐊᑐᔅᒐᔭᑭᓂᒥᓐ᙮ ᒥᒄ ᒋᔨᐛᐤ ᒥᓯᐛ ᐊᑎᓯᔭᒄ ᒋᔭᒪᔨᐃᑎᒧᐅᓂᒡ ᒐ ᒋᐛᔭᒄ ᒐ ᓂᑐᐛᐱᒪᒄ ᒍᑕᐎᐛᐤ᙮”

ᑎᐱᑦ ᐅᓂᑭᒧᐅᓇ 79:5

ᑕᓐ ᐃᔅᐱᔅ ᐊᔅᒄ, ᑎᐸᔨᒋᒐᓱᐤ ? ᑲᒋᒡ ᐊ ᒋᑭ ᒋᔄᓯᓐ ? ᒋᑦ ᐅᑕᔨᑎᒧᐅᓐ ᐊ ᒋᑭ ᐃᔎᓯᒐᒥᑭᓐ ᒧᔭᒻ ᐃᔅᑯᑕᐤ ?

ᐊᒃᓱᑕᔅ 32:22

ᐊᕋᓐ ᒂ ᐃᑕᑦ, “ᐊᑲ ᒋᔄᐱᔅᑐᐎ, ᒋ ᒋᔅᒐᔨᒪᐅᒡ ᐅᒡ ᐃᔪᒡ ᐊᔅᐱᔅ ᓱᒐᔨᒧᒡ ᒐᒋ ᒥᒋᑐᑕᒡ᙮

ᒠᓐ 5:22

ᐅᑕᐎᒪᐤ ᓇᒪ ᑎᐸᔅᑯᓇᐤ ᐊᐛᔪᐛ᙮ ᐎᔾ ᓇᔅᒡ ᒋ ᒥᔭᐤ ᐅᑯᓯᓯᒪᐛ ᒐᒋ ᑎᐸᔅᑯᓂᒐᔨᒋ᙮

ᐊᑈᔅᑕᓇᒡ 2:29

ᐊᑯ ᐱᑕᕐ ᒥᓐ ᒂ ᐊᑎ ᐃᔅᒋᔄᑦ, “ᓂᐧᑲᓂᓯᑐᒄ, ᓂ ᒐᔅᑎᓇᐅᓐ ᐊᓂᔭ ᒋᓴᐅᒋᒪᐤ ᑎᐱᑦ ᓇᒪ ᐎᔾ ᐅᒋ ᐊᔨᒧᒥᓱᐤ ᐅᔭ ᑲ ᐃᓯ ᐃᔨᒥᑦ, ᐛᔅ ᒋ ᓂᐳᐤ ᐎᔾ ᑭᔭ ᒋ ᓇᐃᐧᑯᐛᑭᓄᐤ᙮ ᐊᓂᔭ ᒪᒃ ᐊᓐᑕ ᑲᒋ ᓇᐃᐧᑯᐛᑭᓄᐅᑦ ᐊᔅᒄ ᒋ ᒋᔅᒐᔨᑎᒺᓇᓄᐤ ᑕᓐᑕ ᐊ ᑎᑯᓂᔨᒡ᙮