ᒐᓂᓯᔅ 44:17 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁷ ᒥᒄ ᒍᓯᑉ ᒂ ᐃᑕᑦ, “ᓇᒪ, ᓇᒪ ᓂᒋ ᑐᑕᓐ᙮ ᒥᒄ ᐊᓐ ᐊᐛᓐ ᑲ ᐊᔭᑦ ᒥᓂᒂᑭᓂᔪᐤ ᓂᑭ ᐅᑦ ᐊᑐᔅᒐᔭᑭᓂᒥᓐ᙮ ᒥᒄ ᒋᔨᐛᐤ ᒥᓯᐛ ᐊᑎᓯᔭᒄ ᒋᔭᒪᔨᐃᑎᒧᐅᓂᒡ ᒐ ᒋᐛᔭᒄ ᒐ ᓂᑐᐛᐱᒪᒄ ᒍᑕᐎᐛᐤ᙮”

ᒐᓂᓯᔅ 44:17 ပူးပေါင်းရင်းမြစ်များ

ᒐᓂᓯᔅ 18:25

ᓂ ᒋᔅᒐᔨᑕᓐ ᒐ ᐊᑲ ᓂᓱᐅᓇᒋᐃᑥᐤ ᑲ ᑯᐃᔅᑯᑕᑎᓯᒡ ᐃᔪᒡ ᐊᓯᒡ ᐊᓐᒡ ᑲ ᒥᒐᑎᓯᒡ ᐃᔪᒡ᙮ ᒋᔾ ᐅ ᐅᑎᐸᔅᑯᓂᒐᐤ ᐅᑕ ᒥᓯᐛ ᐊᔅᒋᒡ ᑭᔭ ᒋᑦ ᐃᑐᑕᓐ ᒐᒂᓐ ᐊ ᒥᔽᒡ᙮”

ᒐᓂᓯᔅ 26:29

ᒐ ᐊᑲ ᐅᓂᑐᑐᐅᔭᒡ, ᒧᔭᒻ ᐊᑲ ᐅᒋ ᐅᓂᑐᑕᑕᒡ᙮ ᔅᒋ ᒥᔪᑐᑕᑎᓇᓐ ᑭᔭ ᔅᒋ ᒥᔨᑎᓇᓐ ᒋᔭᒻ ᒐᒋ ᔅᑐᑕᔨᓐ᙮ ᐊᓄᒡ ᐅᑎᐸᔨᒋᒐᐤ ᒋ ᒥᔪ ᑐᑕᒄ᙮”

ᒐᓂᓯᔅ 42:18

ᑲᒋ ᓂᔅᑐ ᒋᓯᑲᔨᒡ ᒋ ᐃᑎᓱᐛᐤ ᒍᓯᑉ ᒐᒋ ᐸᓱᐛᑭᓄᔨᒋ ᐎᐧᑲᓂᓴ ᐅᑎᔅᑯᐤ ᐊ ᑕᑦ ᑭᔭ ᒋ ᐃᑕᐤ, “ᓂᔾ ᐅ ᓇᐸᐤ ᑲ ᒋᔅᑕᔨᒪᑦ ᒋᓴᒪᓂᑐᐛ, ᐊᑯ ᒐ ᐃᑐᑎᒪᒄ ᒐ ᐃᑎᑯᒡ ᐊᑯ ᑭᔭ ᒐ ᐊᑲ ᓂᐸᐃᑯᐅᔭᒄ᙮

ᒐᓂᓯᔅ 44:10

ᐊᑯ ᑭᓄᐛᔨᑎᔭᑭᓐ ᐊᑕᑦ, “ᐊᐅᑯᓐ ᒐ ᐃᓯᓇᒂᒡ ᒧᔭᒻ ᐊᔅᒋᔄᔨᓐ᙮ ᐊᓐ ᐊᐛᓐ ᒪᔅᑯᐛᑭᓄᐅᑦ ᒐ ᑭᓄᐛᔨᑎᒧᒂ ᒥᓂᒂᑭᓂᔪᐤ ᓂᑭ ᐅᑦ ᐊᑐᔅᒐᔭᑭᓂᒥᑐᐛᐤ, ᐊᑯ ᒋᔨᐛᐤ ᒥᓯᐛ ᐊᑎᓯᔭᒄ ᒋᑭ ᒋ ᔅᑐᑕᓇᐛᐤ᙮”

ᒐᓂᓯᔅ 44:16

ᐊᑯ ᒍᑕ ᐊᑕᑦ, “ᓇᒪ ᓂ ᒋᔅᒐᔨᑕᓇᓐ ᒐᒂᓐ ᒐ ᐃᑎᑕᒡ, ᐅᒋᒪᐤ᙮ ᓇᒪ ᓂ ᒋᔅᒐᔨᑕᓇᓐ ᑕᓐᑕ ᒐ ᐅᒋ ᒋᔅᒐᔨᑕᒥᐃᑕᒡ ᐊ ᒥᔽᑎᓯᔭᒡ᙮ ᐛᔅ ᒋᓴᒪᓂᑐᐤ ᒋ ᐛᐸᑎᔨᐛᐤ ᒋᑦ ᐊᑐᔅᒐᔭᑭᓇ ᐅᒥᒐᑎᓯᐅᓂᔪᐛ᙮ ᐊᑯ ᒪᒃ ᐊᓄᒡ, ᓂᔭᓐ ᐅ ᒥᓯᐛ ᒋᑦ ᐊᑐᔅᒐᔭᑭᓐᒡ, ᑕᐱᔅᑯᓐ ᐊᓐ ᐊᐛᓐ ᑲ ᐃᔭᑦ ᒥᓂᒂᑭᓂᔪᐤ ᐎᐅᑎᒡ ᑭᔭ ᒥᓯᐛ ᓂᔭᓐ ᐊᑎᓯᔭᒡ᙮”

ᒐᓂᓯᔅ 44:18

ᐊᑯ ᒍᑕ ᒥᒋᒪ ᓂᔭᑕᑦ ᒍᓯᐸ ᑭᔭ ᐃᑕᐤ, “ᐅᒋᒪᐤ, ᓇᐃᒥ ᐛᐃᐱᔅᒋᔅ ᒐᒋ ᐃᔨᒥᐃᑕᓐ, ᓄᒋᒪᒻ᙮ ᒧᔭᒻ ᐃᒋᑉᑎᒡ ᒋᓴᐅᒋᒪᐤ ᒋᑦ ᐃᑕᔨᑕᑯᓯᓐ᙮ ᒐᒂᓐ ᐎᔭᔨᑎᒥᓐ, ᒋᑭ ᐃᑐᑎᒧᒡ ᐃᔪᒡ᙮ ᓂᔾ ᒥᒄ ᒋᑦ ᐊᐱᒋᐊᑭᓐ ᓂᑦ ᐃᑕᔨᑕᑯᓯᓐ᙮ ᐊᑯ ᐊᑲ ᒋᔄᐱᔅᑐᐎ ᐊ ᑯᒂᒋᒥᑕᓐ ᒐᒋ ᐃᔨᒥᑕᓐ᙮

ᑎᐱᑦ ᐅᓂᑭᒧᐅᓇ 75:2

ᐃᔅᐱ ᐸᒋᑎᓇᒪᐎᓱᓇ ᑲ ᒪᒧᒥᒐᑎᒡ, ᑯᐃᔅᒄ ᓂᑭ ᑎᐸᔅᑯᓂᒐᓐ᙮