15 ᐊᑯ ᒍᓯᑉ ᐊᑕᑦ, “ᒐᒂᓐ ᐅ ᑲ ᐃᑐᑎᒪᒄ ? ᓇᒪ ᓇ ᒋ ᐅᒋ ᒋᔅᒐᔨᑕᓇᐛᐤ ᐊᓐ ᓇᐸᐤ ᑕᐸᔨᒋᒐᑦ ᒧᔭᒻ ᓂᔾ ᐊᔭᑦ ᓱᐧᑲᑎᓯᐅᓂᔪᐤ ᒐ ᒋᔅᒐᔨᑕᐧᒃ ᒐᒂᔪᐤ ᐊ ᐊᑲ ᑯᑎᑲ ᒋᔅᒐᔨᑎᒥᔨᒋ ?”
ᒥᒄ ᐊᐱᒪᓕᒃ ᒋ ᐃᑕᐤ, “ᓇᒪ ᓂ ᒋᔅᒐᔨᒪᐤ ᐊᐛᓐ ᐅᔭ ᑲ ᐃᑐᑕᐧᒃ ᓇᒪ ᒋ ᐅᒋ ᐎᑎᒧᐅᓐ ᓂᑦ ᐊᐱᒋᐊᑭᓐᒡ ᑲᒋ ᐅᑎᓇᒡ ᐅᔭ ᒧᓇᐃᐸᓂᔪᐤ ᑭᔭ ᐃᔭᒄ ᐅ ᐊᓄᒡ ᐱᔭᑎᒪᓐ᙮”
ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᐊᑕᑦ ᐊᓂᔭ ᐃᔎᐛ, “ᒐᒂᓐ ᐅ ᐛᒋ ᐃᑐᑎᒥᓐ ?” ᐃᔎᐤ ᐃᑕᐤ ᒋᓴᒪᓂᑐᐛ, “ᒋᓇᐱᒄ ᐊᓐ ᓂᒋ ᐎᔭᓯᒥᒄ ᐊᑯ ᑭᑈ ᒪᒍᐅᒡ᙮”
ᒥᒄ ᓇᒪ ᐅᒋ ᑕᑈᑐᐛᐤ ᒍᓯᑉ᙮ ᒂ ᐃᑕᑦ, “ᓂᒋ ᒥᔨᒄ ᓄᒋᒪᒻ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᐊ ᐃᔅᐱᔨᒡ ᐅᑕ ᓄᑎᒻ ᐎᒋᒡ᙮ ᓂᒋ ᑕᑈᐅᒐᔨᒥᒄ ᒐᒋ ᑭᓄᐛᔨᑎᒧᒡ ᒥᓯᐛ ᒐᒂᔪᐤ ᑕᐱᔨᐛᐅᓯᑦ᙮
ᐊᑯ ᑎᐸᔨᒋᒐᓱᐤ ᐊᑕᑦ, “ᓂ ᐛᐸᑕᓐ ᑲ ᐃᓯ ᓂᐸᐃᑦ ᒋᓯᒻ᙮ ᒧᔭᒻ ᐊ ᑕᑈᑎᑯᐅᒡ ᐅᒥᐧᒄ ᐊ ᐃᑎᑯᒡ ᒐᒋ ᐊᓏᔨᒥᒋ ᐊᐛᔪᐛ ᑲ ᓂᐸᐃᑯᑦ᙮
ᐊᑯ ᒍᑕ ᐊᑕᑦ, “ᓇᒪ ᓂ ᒋᔅᒐᔨᑕᓇᓐ ᒐᒂᓐ ᒐ ᐃᑎᑕᒡ, ᐅᒋᒪᐤ᙮ ᓇᒪ ᓂ ᒋᔅᒐᔨᑕᓇᓐ ᑕᓐᑕ ᒐ ᐅᒋ ᒋᔅᒐᔨᑕᒥᐃᑕᒡ ᐊ ᒥᔽᑎᓯᔭᒡ᙮ ᐛᔅ ᒋᓴᒪᓂᑐᐤ ᒋ ᐛᐸᑎᔨᐛᐤ ᒋᑦ ᐊᑐᔅᒐᔭᑭᓇ ᐅᒥᒐᑎᓯᐅᓂᔪᐛ᙮ ᐊᑯ ᒪᒃ ᐊᓄᒡ, ᓂᔭᓐ ᐅ ᒥᓯᐛ ᒋᑦ ᐊᑐᔅᒐᔭᑭᓐᒡ, ᑕᐱᔅᑯᓐ ᐊᓐ ᐊᐛᓐ ᑲ ᐃᔭᑦ ᒥᓂᒂᑭᓂᔪᐤ ᐎᐅᑎᒡ ᑭᔭ ᒥᓯᐛ ᓂᔭᓐ ᐊᑎᓯᔭᒡ᙮”
ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”