ᒐᓂᓯᔅ 43:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐃᔅᐱ ᒍᓯᑉ ᐎᔭᐱᒪᑦ ᐱᓐᒋᒥᓇ ᐊ ᐎᒐᐛᔨᒋ, ᒋ ᐃᑕᐤ ᐊᓂᔭ ᑭᓄᐛᔨᑎᔭᑭᓇ ᑲ ᑭᓄᐛᔨᑎᒥᔨᒋ ᐎᒡ, “ᓂᒋᒡ ᐃᑐᑕᐃᒡ ᐅᒡ ᐃᔪᒡ, ᒐ ᓂᐸᐃᑦ ᐊᐛᓯᔅ ᑭᔭ ᒐ ᐊᔭᔅᑯᔅᑕᔨᓐ ᒐ ᒥᒋᓱᓇᓄᐅᒡ, ᐛᔅ ᓂᑭ ᐎᒋᒥᒋᓱᒥᑯᒡ ᐅᒡ ᐃᔪᒡ ᐊᐱᑕᒋᓯᑲᔨᒐ᙮”

ᒐᓂᓯᔅ 43:16 ပူးပေါင်းရင်းမြစ်များ

ᒐᓂᓯᔅ 15:2

ᒥᒄ ᐊᑉᕋᒻ ᐃᑕᐤ, “ᑎᐸᔨᒋᒐᓱᐤ ᒋᓴᒪᓂᑐᐤ, ᒐᒂᓐ ᒐ ᒥᔨᓐ ? ᐊᔅᒄ ᓇᒪ ᓂ ᐅᑦ ᐊᐛᓯᒥᓐ᙮ ᐃᓕᐃᓱᐤ ᑕᒪᔅᑲᔅ ᑲ ᐅᒋᑦ ᐊᐅᑯᓐ ᒐ ᑎᐸᔨᑕᐧᒃ ᓂᑎᐸᔨᑎᒧᐅᓇ ᐃᔅᐱ ᐳᓂᐱᒪᑎᓯᔭᓇ᙮”

ᒐᓂᓯᔅ 21:8

ᐃᔅᐱ ᑲᒋ ᐃᓯ ᓂᑕᐅᒋᑦ ᐊᐃᓯᒃ ᑭᔭ ᐊᓂᔭ ᒋᓯᑯᔪᐤ ᑲ ᐳᓂ ᓄᓴᓂᑦ, ᒋ ᒥᒋᓱᓇᓂᒐᐤ ᐊᑉᕋᐊᒻ᙮

ᒐᓂᓯᔅ 26:30

ᐊᐃᓯᒃ ᒋ ᐃᑐᑐᐛᐤ ᐅᑦ ᐊᐱᒋᐊᑭᓇ ᒐ ᐊᔭᔅᑯᔅᑕᔨᒋ ᒐ ᒥᒋᓱᓇᓄᐎᒡ, ᐊᑯ ᐎᔾ ᑭᔭ ᐅᒪᓐᑕᒪ ᒂ ᒥᒋᓱᒡ᙮

ᒐᓂᓯᔅ 31:54

ᐊᑯ ᒐᑭᑉ ᒂᓂᐸᐊᑦ ᐊᐛᓯᓴ ᑭᔭ ᒂ ᒥᑐᔅᑕᐊᒪᒐᑦ ᐊᓐᑕ ᐱᔅᑯᑎᓇᒡ, ᐊᑯ ᒂ ᓂᑐᒪᑦ ᐎᐧᑲᓂᓴ ᒐᒋ ᒥᒋᓱᔨᒋ᙮ ᑲᒋ ᒥᒋᓱᐅᒡ, ᒋ ᐸᐃᑯᑎᐱᔎᐅᒡ ᐊᓐᑕ ᐱᔅᑯᑎᓇᒡ᙮

ᒐᓂᓯᔅ 43:17

ᑭᓄᐛᔨᑎᔭᑭᓐ ᒋ ᐃᑐᑎᒻ ᑲ ᐃᑎᓱᐛᔨᒋ ᒍᓯᐸ᙮ ᒋ ᐃᑐᑕᐤ ᒪᒃ ᐎᐧᑲᓂᓯᒪᐛ ᒍᓯᐸ ᐎᒋᔨᒡ᙮

ᒐᓂᓯᔅ 43:19

ᐊᑯ ᓂᔭᑕᒡ ᑲ ᑭᓄᐛᔨᑎᒥᔨᒋ ᒥᒋᐛᐱᔪᐤ ᑭᔭ ᒋ ᐃᔨᒪᐊᐅᒡ ᒪᒃ ᒋᐱᔎᒡ ᒥᒋᐛᐱᒡ,

ᒐᓂᓯᔅ 44:1

ᑲᒋ ᐃᓯ ᒥᒋᓱᓇᓄᐅᒡ, ᒍᓯᑉ ᒋ ᐃᑎᓱᒪᐤ ᐅᑭᓄᐛᔨᑎᔭᑭᓇ ᑲ ᑭᓄᐛᔨᑎᒥᔨᒋ ᐎᒡ, “ᓴᑭᔅᒋᓂᑕᐤ ᐎᐅᑐᐛᐛ ᐸᒂᓯᓂᒥᓇ ᒥᒄ ᐊᔅᐱᔅ ᒋ ᐎᐅᓴᐊᒡ ᑲᓂᐧᑲᑎᓯᔨᒋ ᐅᑲᐸᐃᑭᔎᒧᐛᐛ ᑭᔭ ᒥᓯᐛ ᐊᑎᓯᒡ ᐅᓱᓇᔭᓂᒧᐛᐤ ᒐ ᐱᑕᐊᒧᑦ ᑕᐧᑯᒡ ᐎᐅᑐᐛᒡ᙮

ᒐᓂᓯᔅ 44:4

ᐃᔅᐱ ᑲᒋ ᓂᑭᑕᒡ ᐅᑕᓇᔪᐤ ᑭᔭ ᐊᑲ ᐛᔪᐤ ᐅᒋ ᑕᒡ, ᒍᓯᑉ ᒋ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᓇᓴᐛᔨᒋ ᐊᓂᔭ ᐎᐧᑲᓂᓯᒪᐛ ᑭᔭ ᒐ ᓂᑲᓇᔨᒋ ᒐ ᐊᑲ ᐊᑎᑐᐤ ᒋ ᔅᑐᑕᔨᒋ᙮ ᒋ ᐃᑕᐤ ᐅᑭᓄᐛᔨᑎᔭᑭᓇ ᒐᒋ ᒥᔭᔨᒋ ᐅᔭ ᐃᔨᒧᐅᓂᔪᐤ, “ᒐᒂᓐ ᐛᒋ ᒋᐛᑎᐸᒪᒐᔭᒄ ᑲ ᒪᔭᑎᒡ ᒥᔅᑯᒡ ᑲ ᒥᔽᓯᒡ ?