38 ᒥᒄ ᒐᑭᑉ ᐃᑕᐤ, “ᓇᒪ ᒋᑭ ᐎᒐᑯᐛᐤ ᓂᑯᔅ᙮ ᐛᔅ ᒋ ᓂᐱᔨᐛ ᐅᔅᑕᓴ ᑭᔭ ᐎᔾ ᒥᒄ ᐸᐃᑯᓱᐤ ᐅᑲᐎᔭ ᐅᒡ᙮ ᐎᔭᔅᑎᒐ ᐊᓐᑕ ᒐ ᐊᑎ ᐃᑐᑕᔭᒄ᙮ ᒋᑭ ᓇᔍᔨᑎᒥᐃᓇᐛᐤ᙮”
ᐃᔅᐱ ᒐᑭᑉ ᐎᔭᐸᑕᐧᒃ ᐊᑯᐱᔪᐤ ᒂ ᐃᔅᒋᔄᑦ, “ᓂᑯᔅ ᐅᔭ ᐅᑦ ᐊᑯᑉ, ᒋ ᒋᒋᓂᑯᒐ ᒥᒋ ᐊᐛᓯᓴ ᑭᔭ ᒋᒧᐅᑯᒐ, ᐊᐸᐱᑯᐱᑎᑯᑦ᙮”
ᒋ ᐱᑯᐱᑎᒻ ᐅᑦ ᐊᐱᒋᑕᐅᓇ ᐊᑯᐸᑕᔨᑕᐧᒃ᙮ ᒂ ᐳᔅᑯᐛᑦ ᐊ ᐎᐱᓯᔨᒋ ᒥᔅᑐᓱᔭᓇ ᐊᓂᔭ ᑈᔅᑯᐛᒡ ᐃᔪᒡ ᐳᓂᐱᒪᑎᓯᔨᒋ ᐊᐛᔪᐛ᙮ ᓇᒪ ᐅᒋ ᐳᓂᔪᐤ ᐊ ᓇᐧᑲᑕᔨᑕᐧᒃ ᐛᔅ ᑲ ᐃᓯᓇᑯᓯᔨᒋ ᒍᓯᐸ᙮
ᒥᓯᐛ ᐅᑯᓴ ᑭᔭ ᐅᑕᓂᓴ ᒋ ᐸᒋ ᓂᑐᐛᐱᒥᑯᐤ ᒐᒋ ᒥᔽᔨᒧᐃᑯᑦ, ᒥᒄ ᓇᒪ ᐅᒋ ᑕᑈᑎᒻ ᒐᒋ ᒥᔽᔨᒧᐛᑭᓄᐅᑦ᙮ ᒂ ᐃᔅᒋᔄᑦ, “ᓂᑭ ᐃᑐᑕᓐ ᒋᐱᔾ ᐊᔅᒋᒡ ᐊᔅᒄ ᐊ ᓇᐧᑲᑕᔨᒧᔭᓐ ᓂᑯᔅ ᒍᓯᑉ ᐅᒡ᙮”
ᐊᑯ ᐊᑕᒡ, “ᑲᐃᓇᓐ ᐊᔅᒋᒡ ᓂ ᐅᒋᓇᓐ᙮ ᓂᓱᓴᑉ ᓂᒋ ᑕᑥᐸᐅᓇᓐ᙮ ᐊᓄᒡ ᐊ ᐅᔅᑎᓂᒋᐅᑦ ᓂᐧᑲᓂᓯᓇᓐ ᓄᑕᐎᓇᓇ ᑕᐤ ᐊ ᑕᔨᒋ᙮ ᑯᑎᒃ ᓂᐧᑲᓂᓯᓇᓐ ᒋ ᐳᓂᐱᒪᑎᓯᐤ᙮”
ᐊᑯ ᕈᐱᓐ ᐊᑕᑦ ᐅᑕᐎᔭ, “ᓇᐃᒻ ᒋᑯᔅ ᐱᓐᒋᒥᓐ ᒐᒋ ᐎᒐᐅᑦ ᐃᒋᑉᑎᒡ, ᒋᑦ ᐊᓱᑎᒪᑎᓐ ᑲᐤ ᒐ ᐸᑥᑕᓐ᙮ ᒐ ᓂᐸᐃᑥᐤ ᐊ ᓂᓯᒡ ᓂᑯᓯᒡ ᐊᑲ ᑲᐤ ᐸᑥᑕᓇ᙮”
ᒥᒄ ᒐᑭᑉ ᓇᒪ ᐅᒋ ᐃᑎᓴᐛᐤ ᒍᓯᐸ ᐅᓯᒥᔪᐛ ᐱᓐᒋᒥᓇ ᐛᔅ ᒋ ᑯᔅᑕᐤ ᒐᒋ ᐃᔅᐱᔨᒋ ᒐᒂᓂᔪᐤ᙮
ᔅᑐᑕᐃᐧᒄ ᒋᓯᒧᐛᐤ ᑭᔭ ᓂᑐᐛᐱᒥᐧᒄ ᐊᓄᒡ ᐊᓐ ᐃᔪᐤ ᑲ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ᙮
ᔅᒋ ᐎᑎᒪᑎᓇᓐ, ‘ᐊ ᑕᑦ ᓄᑕᐎᓇᓐ ᑭᔭ ᓂᓯᒥᓇᓐ, ᐊᓐ ᑲ ᐃᔪᑦ ᐊ ᒋᓴᐃᔪᔨᒋ ᓄᑕᐎᓇᓇ᙮ ᒋ ᐳᓂᐱᒪᑎᓯᔨᐛ ᐎᐧᑲᓂᓴ᙮ ᐎᔾ ᒥᒄ ᐸᐃᑯᓱᐤ ᐸᒪᑎᓯᑦ ᐅᑲᐎᔭ ᐅᒡ ᑭᔭ ᒋᒋᐛ ᓴᒋᐃᑯᐤ ᐅᑕᐎᔭ᙮’
ᒥᒄ ᔅᒋ ᐃᑎᑎᓇᓐ ᐊᑲ ᒋ ᓂᑭᑕᑦ ᐅᑕᐎᔭ, ᐛᔅ ᒪᒃ ᓂᑭᑕᑦ, ᒋᐸ ᐳᓂᐱᒪᑎᓯᔨᐛ ᐅᑕᐎᔭ᙮
ᐊᓄᒡ ᑭᔭ, ᐊ ᒋᓴᐃᔪᐎᔭᓐ ᑭᔭ ᐊ ᐛᐱᔅᑎᒂᓇᔭᓐ, ᐊᑲᐎᔾ ᓇᑭᓯ; ᐸᑎᒪ ᒋ ᐛᐸᑎᔨᒂᐛ ᒋᒥᔅᑯᐅᓯᐅᓂᔪᐤ ᐊᓄᒡ ᑲ ᐱᒪᑎᓯᒡ, ᑭᔭ ᒋᑭᔅᒋᐅᓂᔪᐤ ᒥᓯᐛ ᑕᑐᐤ ᐊᐛᓐ ᒐ ᐸᒋ ᓄᑯᓯᑦ᙮
ᓂᔄᐅᑕᒡ ᑕᑐᔪᐤ ᑕᑐᐤ ᐱᐳᓇ ᓂ ᒥᔨᑯᐅᓇᓐ; ᑭᔭ ᒪᒃ ᔭᓇᐤ ᑕᑐᔪᐤ ᐱᐳᓇ ᓂ ᓱᒋᓯᓇᓂᐎᒡ; ᐃᔭᐱᒡ ᐊᓂᔭᔪᐤ ᐛᒋ ᒪᒪᑕᑯᒧᒡ ᓇᓇᐧᑲᑎᓯᒥᑭᓂᔪᐤ ᑭᔭ ᐊᔨᒥᓯᒥᑭᓂᔪᐤ; ᐛᔅ ᐎᐱᒡ ᓇᒪ ᑎᑯᓐ, ᐊᑯ ᐃᔭᒐᐎᔭᒡ᙮