ᒐᓂᓯᔅ 42:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ “ᐊᓐ ᐃᔪᐤ ᑲ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ᒋᓯᒧᑕᑯᓇ᙮ ᓂᒋ ᐃᑕᔨᒥᑯᓇᓐ ᐊ ᑲᑭᒋᒧᑎᓯᐅᒋᒡ ᒐᒋ ᓇᓂᑐ ᒋᔅᒐᔨᑎᒧᒋᒡ ᑕᓐᑕ ᐊᔨᔨᒥᓯᒥᑲᓂᔨᒡ ᐅᑦ ᐊᔅᒋᐛᐤ᙮

ᒐᓂᓯᔅ 42:30 ပူးပေါင်းရင်းမြစ်များ

ᒐᓂᓯᔅ 42:16

ᐊᐅᑯᐤ ᒐ ᐎ ᐃᑐᑎᒪᒄ, ᐸᐃᒄ ᐊ ᐃᑎᓯᔭᒄ ᒋᑭ ᒋᐛᐤ ᒐᒋ ᓂᑐᐛᐱᒪᑦ ᒋᓯᒧᐛᐛ᙮ ᒋᔨᐛᐤ ᒪᒃ ᒋᑭ ᒋᐸᐅᑯᓇᐛᐤ᙮ ᐃᔅᐱ ᑎᑯᓯᒐ ᐊᓯᒡ ᒋᓯᒧᐛᐛ, ᐊᑯ ᒐᔅᒐᔨᑎᒪᓐ ᑕᑈᐅᓐ ᑲᒋ ᐎᑎᒪᒄ᙮ ᒥᒄ ᓂ ᑕᑈᓐ ᐃᒋᑉᑎᒡ ᒋᓴᐅᒋᒪᐤ ᐅᐱᒪᑎᓯᐅᓂᒡ ᐅᒡ ᐊᑲ ᑎᑯᓯᒐ, ᐊᑯ ᒐᔅᒐᔨᑎᒪᓐ ᒋᒋᐛ ᑲ ᑭᒋᒧᑎᓯᔭᒄ ᑭᔭ ᓂᐳᐅᓂᒡ ᒋᑭ ᐃᓯ ᐱᔅᑎᓂᑎᓇᐛᐤ᙮”

ᒐᓂᓯᔅ 42:29

ᐃᔅᐱ ᐛᑎᑕᒡ ᐅᑕᐎᐛᐛ ᒐᑭᐸ ᑲᐃᓇᓐ ᐊᔅᒋᒡ, ᒋ ᐎᑎᒧᐛᐅᒡ ᒥᓯᐛ ᒐᒂᔪᐤ ᑲ ᐃᔅᐱᔨᒡ᙮ ᐊ ᐃᑕᒡ,

ᒐᓂᓯᔅ 42:7

ᐃᔅᐱ ᒍᓯᑉ ᐎᔭᐱᒪᑦ ᐎᐧᑲᓂᓴ, ᑎᐛᒡ ᒋᔅᒐᔨᒪᐤ᙮ ᒥᒄ ᓇᒪ ᐅᒋ ᒋᔅᒐᔨᒥᑯᐤ ᑭᔭ ᒂ ᐃᑕᔨᑕᐧᒃ ᒐ ᐊᑲ ᐎᑎᒧᐛᑦ᙮ ᒋ ᒋᓯᒧᑐᐛᐤ ᑭᔭ ᒋ ᐃᑕᐤ, “ᑕᓐᑕ ᐛᒋᔭᒄ ?” ᒋ ᐃᑎᑯᐤ ᒪᒃ, “ᑲᐃᓇᓐ ᐊᔅᒋᒡ ᐅᒡ ᒐᒋ ᐃᔭᔭᒡ ᒥᒋᒻ᙮”

ᒐᓂᓯᔅ 42:9

ᒂ ᒋᔅᒋᑦ ᒍᓯᑉ ᐅᐳᐛᒧᐅᓇ ᑲ ᐳᐛᑕᑦ ᐎᐧᑲᓂᓴ ᐃᔅᐱ ᑲ ᐅᔅᑎᓂᒋᐅᑦ ᐊᓐᑕ ᑲᐃᓇᓐ ᐊᔅᒋᒡ᙮ ᒋ ᐃᑕᐤ ᒪᒃ, “ᒋ ᑲᑭᒋᒧᑎᓯᓇᐛᐤ, ᒋ ᐸᒋ ᑎᑯᓯᓇᐛᐤ ᒐᒋ ᓇᓂᑐ ᒋᔅᒐᔨᑎᒪᒄ ᑕᓐᑕ ᐊᔨᔨᒥᓯᒥᑲᒡ ᓂᑦ ᐊᔅᒋᓇᓐ᙮”