ᒐᓂᓯᔅ 41:54 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁴ ᐊᑯ ᒐ ᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᐊ ᓯᐛᔨᓇᓄᐅᒡ, ᒧᔭᒻ ᒍᓯᑉ ᑲ ᐃᔅᒋᔄᑦ ᒐ ᐃᔅᐱᔨᒡ᙮ ᓇᒪ ᐅᒋ ᑎᑯᓐ ᒥᒋᒻ ᐊᓐᑕ ᑯᑎᑲ ᐊᔅᒋᔭ, ᒥᒄ ᒋ ᑎᑯᓐ ᒥᒋᒻ ᐊᓐᑕ ᒥᓯᐛ ᐃᒋᑉᑎᒡ᙮

ᒐᓂᓯᔅ 41:54 ပူးပေါင်းရင်းမြစ်များ

ᒐᓂᓯᔅ 41:27

ᒥᒄ ᐊᓐᒡ ᓂᔄᐅᑕᒡ ᐊᐱᔅᒐᐛᒡ ᒥᒋᑎᐧᑯᒡ ᓇᓇᒐ ᑲ ᐸᒋ ᒧᔅᒋᐸᐱᔪᐅᒡ ᑭᔭ ᐊᐱᓴᔅᑯᓯᒡ ᐊ ᐅᔅᑎᒂᓄᐎᒡ ᐸᒂᓯᑭᓂᒥᓐᒡ ᐊ ᐸᔅᑕᔨᒋ ᐛᐱᓄᑕᒡ ᐅᒡ ᐊ ᐅᑎᒡ ᐊᐅᑯᓐ ᓂᔄᐅᑕᒡ ᑕᑐᐤ ᐱᐳᓇ ᒐ ᓯᐛᔨᓇᓄᐅᒡ᙮

ᒐᓂᓯᔅ 41:30

ᒋ ᐳᓂᐱᔨᒐ ᐅᔭ ᐱᐳᓇ ᒐ ᐛᔪᑎᒡ ᒥᒋᒻ, ᐊᑯ ᒐ ᐅᑎᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᒐ ᓯᐛᔨᓇᓄᐅᒡ᙮ ᒋᑭ ᐅᓂᒋᔅᒋᐅᒡ ᐃᔪᒡ ᑕᓐ ᑲ ᐃᑕᔨᑕᑯᓂᔨᒡ ᐃᔅᐱ ᑲ ᐛᔪᑎᓂᔨᒡ ᒥᒋᒥᔪᐤ ᐊᓐᑕ ᐃᒋᑉᑎᒡ᙮ ᒋᑭ ᐊᔨᒥᐅᐎᒡ ᐃᔪᒡ ᐊ ᓯᐛᔨᓇᓄᐅᒡ᙮

ᒐᓂᓯᔅ 41:53

ᐃᔅᐱ ᑲ ᐳᓂᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᑲ ᐛᔪᑎᒡ ᒥᒋᒻ ᐊᓐᑕ ᐃᒋᑉᑎᒡ,

ᒐᓂᓯᔅ 42:2

ᓂᒋ ᐸᑕᓐ ᐊᑎᒂᒋ ᐸᒂᓯᑭᓂᒥᓇ ᐃᒋᑉᑎᒡ, ᐃᑐᑕᒄ ᐊᓐᑕ ᑭᔭ ᒐ ᐊᔭᔭᒄ ᐊᑯ ᒪᒃ ᒐᒋ ᐱᒪᑎᓯᔭᐧᒄ ᑭᔭ ᒐ ᐊᑲ ᒋᒪᐧᑭᑕᔭᐧᒄ᙮”

ᒐᓂᓯᔅ 43:1

ᐊᔅᒄ ᒋ ᐱᒥᐱᔪᐤ ᐊ ᓯᐛᔨᓇᓄᐅᒡ ᐊᓐᑕ ᑲᐃᓇᓐ ᐊᔅᒋᒡ᙮

ᒐᓂᓯᔅ 45:11

ᐊᑯᑕ ᒪᒃ ᒐ ᑭᓄᐛᔨᒥᑕᓐ ᑭᔭ ᓇᒪ ᒋ ᓂᑐᐛᔨᒥᑎᓐ ᒋᔾ ᑭᔭ ᐊᑕᑎᓯᔨᓐ ᑭᔭ ᒋᑦ ᐊᐛᓯᓯᒥᒡ ᒐ ᒋᔅᑎᒪᑎᓯᔭᒄ, ᐛᔅ ᐊᔅᒄ ᐱᑕᑕᒡ ᑕᑐᐤ ᐱᐳᓇ ᒐ ᐃᔅᐱᔅ ᑯᐅᐧᑭᑕᓄᐅᒡ᙮

ᒐᓂᓯᔅ 47:13

ᒋᒋᐛ ᒋ ᐊᔨᒥᓐ ᓄᑕᐧᑭᑕᐅᓐ ᓇᒪ ᐅᒋ ᑎᑯᓐ ᒥᒋᒻ ᒐ ᒥᒋᓇᓄᐅᒡ ᐊᓐᑕ ᒥᓯᐛ ᐊᔅᒋᒡ, ᐊᑯ ᐃᒋᑉᑦ ᑭᔭ ᑲᐃᓇᓐ ᐃᔪᒡ ᓇᒪ ᐅᒋ ᓴᐱᓯᐅᒡ ᐊ ᓯᐛᔨᒡ᙮

ᑎᐱᑦ ᐅᓂᑭᒧᐅᓇ 105:16

ᑭᔭ ᒋ ᑕᑈᑎᒻ ᒐᒋ ᑯᐅᐧᑭᑕᓄᐎᒡ ᐊᔅᒋᒡ: ᒋ ᐱᑯᓇᐤ ᐊᒥᓯᐛᔭᔅᑯᓯᔨᒋ ᐸᒂᓯᑭᓇ᙮

ᐊᑈᔅᑕᓇᒡ 7:11

“ᒐᒃ ᒪᒃ ᒋ ᓄᑕᐱᔪᐤ ᒥᒋᒻ ᒥᓯᐛ ᐊᓐᑕ ᐃᒋᑉᑎᒡ ᑭᔭ ᑲᐃᓇᓐ ᐊᔅᒋᒡ᙮ ᐊᓐᑕ ᒪᒃ ᑲᐃᓇᓐ ᐊᔅᒋᒡ ᐊᑯᑕ ᑲ ᑕᔨᒋ ᒍᓯᑉ ᐅᑕᐎᔭ ᑭᔭ ᐎᐧᑲᓂᓴ᙮ ᓇᔅᒡ ᐊᒋ ᓂᓇᐧᑲᑕᔨᒧᒡ ᐊᐛᓐᒋ᙮ ᒐᑭᑉ ᑭᔭ ᐊᓂᔭᔪᐛ ᐅᑯᓴ ᐊᓐᒡ ᒋᑦ ᐊᓂᔅᒐ ᒍᑕᐎᓄᒡ ᓇᒪ ᓇᔅᒡ ᐅᒋ ᒥᔅᑭᒧᒡ ᒥᒋᒥᔪᐤ᙮