ᒐᓂᓯᔅ 41:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᒋᓴᐅᒋᒪᐤ ᒋ ᒥᔭᐤ ᒍᓯᐸ ᑯᑎᑲ ᑲ ᑎᑎᐱᔨᒋ ᐅᑕᐸᓇᔎ ᒐᒋ ᐳᓯᔨᒋ ᑭᔭ ᐅᓂᑐᐱᔪᐅ-ᐃᔨᒪ ᓇᑲᓄᐸᑕᔨᒋ ᑭᔭ ᑎᔭᑈᔨᒋ, “ᑐᐎᔅᑐᐛᐧᒄ᙮” ᐊᑯ ᒍᓯᑉ ᒂ ᒋᓴᐅᒋᒪᐧᑲᑕᑭᓄᐅᑦ ᒥᓯᐛ ᐃᒋᑉᑎᒡ᙮

ᒐᓂᓯᔅ 41:43 ပူးပေါင်းရင်းမြစ်များ

ᒐᓂᓯᔅ 41:42

ᒋᓴᐅᒋᒪᐤ ᒂ ᒥᓇᑦ ᐅᒋᓴᐅᒋᒪᐅ ᑕᐱᒋᒐᐱᓱᓇ ᐅᑎᒋᒡ ᐅᒡ ᑭᔭ ᒐᑭᒧᐃᒪᑦ ᐊᓐᑕ ᒍᓯᐸ ᐅᑎᒋᔨᒡ, ᐃᔭᐱᒡ ᒋᒋᑭᒧᑕᑎᔭᐤ ᐊ ᒥᔽᔨᒋ ᐊᐱᒋᑕᐅᓇ ᑭᔭ ᑎᔭᐱᔅᑯᒧᑎᔭᑦ ᑲ ᐎᔄᐅᓱᓇᔭᐎ ᑲᐃᑕᐸᔅᑲᑭᓄᐎᒡ᙮

ᒐᓂᓯᔅ 41:44

ᒋᓴᐅᒋᒪᐤ ᒂ ᐃᑕᑦ ᒍᓯᐸ, “ᐊᑎᓱᐧᒄ ᓂᔾ ᒋᓴᐅᒋᒪᐎᔭᓐ ᐃᒋᑉᑎᒡ, ᒋᑭ ᓇᐃᒥᑎᓐ ᒐᒋ ᓄᑎᒻ ᑎᐸᔨᒥᑥᐤ ᓂᑦ ᐃᔨᒥᒡ᙮ ᓇᒪ ᒐᒂᔪᐤ ᒋᑭ ᐃᑐᑎᒧᒡ ᐸᑐᔅ ᓂᔅᑯᒧᔨᓇ᙮”

ᒐᓂᓯᔅ 42:30

“ᐊᓐ ᐃᔪᐤ ᑲ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ᒋᓯᒧᑕᑯᓇ᙮ ᓂᒋ ᐃᑕᔨᒥᑯᓇᓐ ᐊ ᑲᑭᒋᒧᑎᓯᐅᒋᒡ ᒐᒋ ᓇᓂᑐ ᒋᔅᒐᔨᑎᒧᒋᒡ ᑕᓐᑕ ᐊᔨᔨᒥᓯᒥᑲᓂᔨᒡ ᐅᑦ ᐊᔅᒋᐛᐤ᙮

ᒐᓂᓯᔅ 42:33

ᒥᒄ ᐊᓐ ᐃᔪᐤ ᑲ ᑎᐸᔨᑕᐧᒃ ᐊᓂᔭᔪᐤ ᐊᔅᒋᔪᐤ ᓂᒋ ᐃᑎᑯᓇᓐ, ‘ᐊᐅᑯᐤ ᒐ ᐅᒋ ᒋᔅᒐᔨᑎᒪᓐ ᒪᔪᐃᑕᑎᓯᐛᐛᒂ, ᓂᑭᑎᒧᐅᒄ ᐸᐃᒄ ᒋᐧᑲᓂᓱᐛᐤ; ᒋᔨᐛᐤ ᒪᒃ ᒋᐛᑐᐛᑯᒡ ᐸᒂᓯᑭᓂᒥᓇ ᑲ ᓯᐛᔨᒡ ᒋᒡ ᐃᔪᐛᐅᒡ᙮

ᒐᓂᓯᔅ 42:6

ᒍᓯᑉ ᒋ ᑎᐸᔨᑎᒻ ᐊᓂᔭᔪᐤ ᐊᔅᒋᔪᐤ, ᐎᔾ ᒪᒃ ᒋ ᐊᑕᒪᐤ ᐸᒂᓯᑭᓂᒥᓇ ᐃᔪᐛ ᒥᓯᐛ ᐊᔅᒋᒡ ᐅᒡ, ᐊᑯ ᐃᔅᐱ ᑲ ᑎᑯᓯᓂᔨᒋ ᒍᓯᑉ ᐎᐧᑲᓂᓴ ᑭᔭ ᒋ ᓇᐛᒋᔅᑕᑯᐤ ᐊ ᒋᔅᑕᔨᒥᑯᑦ᙮

ᒐᓂᓯᔅ 45:26

ᐊᑯ ᐛᑎᒧᐛᒡ ᐊ ᐃᑕᒡ, “ᒍᓯᑉ ᐊᔅᒄ ᐱᒪᑎᓯᐤ ! ᒥᓯᐛ ᐃᒋᑉᑦ ᐊᔅᒋᔪᐤ ᑎᐸᔨᑎᒻ !” ᒋ ᓯᔅᒋᑯᒋᐃᑯᐤ ᒐᑭᑉ ᐛᔅ ᓇᒪ ᐅᒋ ᑕᑈᑐᐛᐤ᙮

ᒐᓂᓯᔅ 45:8

ᐊᑯ ᓇᒪᔭᐤ ᒋᔨᐛᐤ ᑲᐸᒡ ᐃᑎᓴᐎᔭᒄ ᐅᑕ, ᒥᒄ ᒋᓴᒪᓂᑐᐤ᙮ ᓂᒋ ᐃᓯᐃᒄ ᒐᒋ ᐅᑕᐎᑐᐎᒋ ᐸᕈᐛ, ᑭᔭ ᒐᒋ ᑎᐸᔨᑎᒧᒡ ᒥᓯᐛ ᐎᒋᔨᒡ ᑭᔭ ᒥᓯᐛ ᐊᔅᐱᓴᔨᒡ ᐃᒋᑉᑦ ᐊᔅᒋᔪᐤ᙮

ᒐᓂᓯᔅ 50:18

ᐊᑯ ᐎᐧᑲᓂᓯᒪᐅᒡ ᑲ ᓂᑐᐛᐱᒪᒡ ᒍᓯᐸ ᑭᔭ ᑎᐱᑕᔨᒧᐅᓂᒡ ᓇᐛᒋᔅᑐᐛᐅᒡ, ᒋ ᐃᔨᒪᐊᐅᒡ ᑭᔭ ᐊ ᐃᑕᒡ᙮ “ᓂᑦ ᐊᔭᔅᑯᐎᓇᓐ ᒐᒋ ᐅᑦ ᐊᑐᔅᒐᔭᑭᓂᒥᑐᐅᔭᒡ᙮”

ᒐᓂᓯᔅ 50:9

ᐊᓯᒪᑭᓂᓯᒡ ᐃᔭᐱᒡ ᒋ ᐎᒐᐛᐅᒡ ᒍᓯᐸ᙮ ᐱᔅᒐ ᑲᑎᑎᐱᔨᒋ ᐅᑕᐸᓇᔎ ᒋ ᐳᓱᐅᒡ, ᑯᑎᑭᒡ ᑲᐸᐃᑭᔎᐛ᙮ ᒋ ᒥᒐᑐᐅᒡ ᐃᔪᒡ ᑲ ᐎᒐᐛᒡ ᒍᓯᐸ᙮

ᐊᑈᔅᑕᓇᒡ 7:10

ᒋ ᐎᒋᐃᑯᐤ ᒪᒃ ᐊᓐᑕ ᒪᒂᒡ ᓇᔅᒡ ᐊ ᐊᔨᒥᓂᔨᒡ ᐊ ᑕᑦ᙮ ᐃᔅᐱ ᒪᒃ ᒍᓯᑉ ᑲ ᐅᑎᔅᑯᑲᐳᔅᑐᐛᑦ ᐊᓂᔭ ᒋᓴᐅᒋᒪᐛ ᐸᕈᐤ ᑲ ᐃᓯᓂᐧᑲᑕᑭᓄᔨᒋ ᐊᓐᑕ ᐃᒋᑉᑎᒡ ᑲ ᑕᔨᒋ, ᒋᓴᒪᓂᑐᐛ ᒋ ᒥᔨᑯᐤ ᒍᓯᑉ ᑭᒐᑕᐛᔨᑎᒧᐅᓂᔪᐤ ᑭᔭ ᒋ ᐃᑐᑕᑯᐤ ᒐᒋ ᒥᔽᔨᑕᑯᓯᑦ᙮ ᒋ ᒥᔽᔨᒥᑯᐤ ᒪᒃ ᐸᕈᐛ, ᐊᑯ ᑲ ᐅᒋᒪᐅᐧᑲᑎᑯᑦ ᐊᓐᑕ ᐊᓂᔭ ᐅᑕᓇᔪᐤ ᐃᒋᑉᑎᒡ ᑲ ᐅᒋᒪᐅᔨᒋ ᑭᔭ ᐊᓂᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᒋ ᒥᔨᑯᐤ ᒐᒋ ᓂᓇᑭᑐᐛᐸᑕᐧᒃ᙮”

ᐱᓕᐱᔭᓇ 2:10

ᐊᑯ ᒪᒃ ᒥᓯᐛ ᐊᐛᓐ ᒐ ᒪᒥᒋᒪᑦ ᒋᓴᔅ ᑲ ᐃᓯᓂᐧᑲᑕᑭᓄᔨᒋ, ᒥᓯᐛ ᐊᐛᓐ ᒋᒋᒋᓯᑯᒡ ᑭᔭ ᐊᔅᒋᒡ ᑭᔭ ᑕᒥᒡ ᐊᔅᒋᒡ ᐊ ᑕᑦ᙮