ᒐᓂᓯᔅ 41:30 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁰ ᒋ ᐳᓂᐱᔨᒐ ᐅᔭ ᐱᐳᓇ ᒐ ᐛᔪᑎᒡ ᒥᒋᒻ, ᐊᑯ ᒐ ᐅᑎᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᒐ ᓯᐛᔨᓇᓄᐅᒡ᙮ ᒋᑭ ᐅᓂᒋᔅᒋᐅᒡ ᐃᔪᒡ ᑕᓐ ᑲ ᐃᑕᔨᑕᑯᓂᔨᒡ ᐃᔅᐱ ᑲ ᐛᔪᑎᓂᔨᒡ ᒥᒋᒥᔪᐤ ᐊᓐᑕ ᐃᒋᑉᑎᒡ᙮ ᒋᑭ ᐊᔨᒥᐅᐎᒡ ᐃᔪᒡ ᐊ ᓯᐛᔨᓇᓄᐅᒡ᙮

ᒐᓂᓯᔅ 41:30 ပူးပေါင်းရင်းမြစ်များ

ᒐᓂᓯᔅ 41:21

ᒥᒄ ᑲᒋ ᒧᐛᒡ ᐊᓐᒡ ᑲ ᐱᔅᒐᐛᒡ ᒥᒋᑎᐧᑯᒡ ᐊᓂᔭ ᑲ ᑕᒋᐳᔨᒋ ᒥᒋᑎᒂ, ᐸᐃᑯᑕᐤ ᐊᔅᒄ ᒋ ᐃᓯᓇᑯᓱᐅᒡ᙮ ᒂ ᐊᑎ ᐸᑯᐱᔨᔭᓐ᙮

ᒐᓂᓯᔅ 41:27

ᒥᒄ ᐊᓐᒡ ᓂᔄᐅᑕᒡ ᐊᐱᔅᒐᐛᒡ ᒥᒋᑎᐧᑯᒡ ᓇᓇᒐ ᑲ ᐸᒋ ᒧᔅᒋᐸᐱᔪᐅᒡ ᑭᔭ ᐊᐱᓴᔅᑯᓯᒡ ᐊ ᐅᔅᑎᒂᓄᐎᒡ ᐸᒂᓯᑭᓂᒥᓐᒡ ᐊ ᐸᔅᑕᔨᒋ ᐛᐱᓄᑕᒡ ᐅᒡ ᐊ ᐅᑎᒡ ᐊᐅᑯᓐ ᓂᔄᐅᑕᒡ ᑕᑐᐤ ᐱᐳᓇ ᒐ ᓯᐛᔨᓇᓄᐅᒡ᙮

ᒐᓂᓯᔅ 41:31

ᒋᒋᐛ ᒋᑭ ᐊᔨᒥᓐ ᒐ ᐊᑲ ᑎᒂᒡ ᒥᒋᒻ, ᓇᒪ ᐊᐛᓐ ᐊᓐᑕ ᐊᔅᒋᒡ ᒋᑭ ᒋᔅᒋᑎᒻ ᐃᔅᐱ ᑲ ᐛᔪᑎᓂᔨᒡ ᒥᒋᒥᔪᐤ᙮

ᒐᓂᓯᔅ 41:51

“ᒪᓇᓴ” ᒋ ᐃᓯᓂᐧᑲᑕᐤ ᒍᓯᑉ ᓂᔅᑎᒻ ᐅᑯᓴ, “ᐊᓐ ᐊᐛᓐ ᐊ ᐃᑐᑕᐧᒃ ᒐ ᐅᓂᒋᔅᒋᓇᓄᐎᒡ,” ᐊ ᐃᑥᒥᑲᒡ᙮ ᐛᔅ ᒋ ᐃᔅᒋᔄᐤ, “ᓂᒋ ᑐᑕᒄ ᒋᓴᒪᓂᑐᐤ ᒐᒋ ᐅᓂᒋᔅᒋᑎᒧᒡ ᓂᐎᓯᒐᔨᑎᒧᐅᓇ ᑭᔭ ᒥᓯᐛ ᓄᑕᐎᔭ ᐎᒋᔨᒡ ᐊ ᑕᔨᒋ᙮”

ᒐᓂᓯᔅ 41:54

ᐊᑯ ᒐ ᒋᐱᔨᒡ ᓂᔄᐅᑕᒡ ᑕᑐᐤ ᐱᐳᓇ ᐊ ᓯᐛᔨᓇᓄᐅᒡ, ᒧᔭᒻ ᒍᓯᑉ ᑲ ᐃᔅᒋᔄᑦ ᒐ ᐃᔅᐱᔨᒡ᙮ ᓇᒪ ᐅᒋ ᑎᑯᓐ ᒥᒋᒻ ᐊᓐᑕ ᑯᑎᑲ ᐊᔅᒋᔭ, ᒥᒄ ᒋ ᑎᑯᓐ ᒥᒋᒻ ᐊᓐᑕ ᒥᓯᐛ ᐃᒋᑉᑎᒡ᙮

ᒐᓂᓯᔅ 41:56

ᐃᔅᐱ ᒪᓯᑕᐱᔨᒡ ᓄᑕᐧᑭᑕᐅᓐ ᒥᓯᐛ ᐊᔅᐱᑎᔅᑭᒥᑲᒡ ᐊᔅᒋᒡ, ᒂ ᓴᓇᐧᒃ ᒍᓯᑉ ᒥᓯᐛ ᐊᔅᑕᓱᐅᒋᐛᐸ ᐊᓐᑕ ᑲᓄᐛᔨᑕᑭᓄᐎᒡ ᒥᒋᒥᔪᐤ ᑲᒪᐅᑕᑭᓄᐎᒡ ᑭᔭ ᒂ ᐊᑕᒪᑦ ᒥᒋᒥᔪᐤ ᐃᒋᑉᑎᒡ ᐃᔪᐛ᙮

ᒐᓂᓯᔅ 47:13

ᒋᒋᐛ ᒋ ᐊᔨᒥᓐ ᓄᑕᐧᑭᑕᐅᓐ ᓇᒪ ᐅᒋ ᑎᑯᓐ ᒥᒋᒻ ᒐ ᒥᒋᓇᓄᐅᒡ ᐊᓐᑕ ᒥᓯᐛ ᐊᔅᒋᒡ, ᐊᑯ ᐃᒋᑉᑦ ᑭᔭ ᑲᐃᓇᓐ ᐃᔪᒡ ᓇᒪ ᐅᒋ ᓴᐱᓯᐅᒡ ᐊ ᓯᐛᔨᒡ᙮

ᑎᐱᑦ ᐅᓂᑭᒧᐅᓇ 105:16

ᑭᔭ ᒋ ᑕᑈᑎᒻ ᒐᒋ ᑯᐅᐧᑭᑕᓄᐎᒡ ᐊᔅᒋᒡ: ᒋ ᐱᑯᓇᐤ ᐊᒥᓯᐛᔭᔅᑯᓯᔨᒋ ᐸᒂᓯᑭᓇ᙮

ᓗᒃ 4:25

ᓂᑐᑎᒧᒄ ᒪ᙮ ᑕᑈᒥᑭᓐ ᐅ ᒐ ᐃᓯ ᐎᑎᒪᑎᑯᒡ᙮ ᒪᒂᒡ ᐊᓂᔭ ᐃᓚᐃᒐ ᑲ ᐱᒪᑎᓯᑦ ᒋ ᐱᒥᐱᔪᐤ ᐊ ᑯᐅᐧᑭᑕᓄᐅᒡ ᐊᓐᑕ ᐃᔅᕋᐃᓪ ᐊᔅᒋᒡ ᐊᑲ ᐅᒋ ᒋᒺᒡ ᓂᔅᑐᐳᓇ ᒪᒃ ᐳᔅᒄ ᐃᔅᐱᔅ᙮ ᒋ ᑕᐅᒡ ᒪᒃ ᐊᓐᑕ ᒥᒐᑦ ᐃᔎᐅᒡ ᐊ ᐸᐃᑯᓯᒡ᙮ ᓇᒪ ᒪᒃ ᐅᒋ ᐃᑎᓴᐛᑭᓄᐤ ᐃᓚᐃᒐ ᐛᐛᒡ ᐸᐃᒄ ᒐᒋ ᓂᑐᐛᐱᒪᑦ ᐅᔭ ᐃᔎᐛ ᒐᒋ ᐎᒋᐊᑦ᙮

ᒋᒥᔅ ᐅᒥᓯᓇᐊᒪᒐᐅᓐ 5:17

ᐊᓂᔭᐧᑲ ᐃᓚᐃᒐ ᒧᔭᒻ ᒋᔭᓄᐤ ᐊ ᐃᑕᔨᑕᑯᓱᐛᐧᒄ ᒋ ᐃᑕᔨᑕᑯᓱᐤ᙮ ᐃᔅᐱ ᓱᐧᒃ ᑲ ᐊᔭᒥᐊᑦ ᒐ ᐊᑲ ᒋ ᒋᒧᓂᔨᒡ ᓇᒪ ᐅᒋ ᒋᒧᓂᔪᐤ ᓂᔅᑐ ᐱᐳᓇ ᒪᒃ ᐳᔅᒄ ᐃᔅᐱᔅ᙮