ᒐᓂᓯᔅ 37:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᒋ ᐃᑎᑯᐤ ᒪᒃ ᐎᐧᑲᓂᓴ, “ᑕᑈ ᐊ ᒋᑦ ᐃᑕᔨᑕᓐ ᒐ ᒋᓴᐅᒋᒪᐎᔨᓐ ᑭᔭ ᒐ ᑎᐸᔨᒥᔭᒡ ?” ᐊᑯ ᐊᑎᑐᐤ ᒋ ᐛᐧᑲᑎᑯᐤ ᐅᐳᐛᒧᐅᓇ ᐅᒡ ᑭᔭ ᐊᓂᔭ ᑲ ᐃᑕᑦ᙮

ᒐᓂᓯᔅ 37:8 ပူးပေါင်းရင်းမြစ်များ

ᒐᓂᓯᔅ 27:41

ᒋ ᐛᐧᑲᑕᐤ ᒐᑭᐸ ᐃᓴᐅᐛ, ᐛᔅ ᐅᑕᐎᔭ ᒋ ᒥᔭᔪᐛ ᐅᓱᐛᔨᒋᒐᐅᓂᔪᐤ᙮ ᐃᓴᐅ ᒋ ᐛᑕᔨᑎᒻ ᒐ ᐃᑎᑦ, “ᐎᐱᒡ ᒋ ᐳᓂᐱᒪᑎᓯᒐ ᓄᑕᐎᔾ, ᓂᑭ ᓂᐸᐊᐤ ᓂᐧᑲᓂᔅ᙮”

ᒐᓂᓯᔅ 37:4

ᐃᔅᐱ ᒪᒃ ᐎᐧᑲᓂᓴ ᐎᔭᐸᑎᒥᔨᒋ ᐅᑕᐎᐛᐛ ᐅᔅᑕ ᐊᓴᒐᔨᒋ ᒍᓯᐸ ᐃᔅᐱᔅ ᐎᔨᐛᐤ, ᒋ ᐛᐧᑲᑕᐅᒡ ᒍᓯᐸ, ᓇᒪ ᑭᔭ ᐅᒋ ᒥᔪ ᐃᔨᒪᐊᐅᒡ᙮

ᒐᓂᓯᔅ 37:9

ᐊᑯ ᒍᓯᑉ ᒥᓐ ᒋ ᐳᐛᒧᐤ ᑭᔭ ᒋ ᐎᑎᒧᐛᐤ ᐎᐧᑲᓂᓴ, “ᒥᓐ ᓂᒋ ᐳᐛᒧᓐ, ᓂ ᐛᐱᒪᐅᒡ ᐱᓯᒻ, ᑎᐱᔅᑲᐤ ᐱᓯᒻ ᑭᔭ ᐸᐃᑯᓴᑉ ᐅᒐᑭᑕᐧᑯᒡ ᐊ ᓄᐅᒋᔅᑐᐅᒡ᙮”

ᒐᓂᓯᔅ 42:10

ᒋ ᐃᑕᐅᒡ ᒪᒃ, “ᓇᒪ, ᓄᒋᒪᒥᓇᓐ, ᒥᒄ ᒐᒋ ᐃᔭᒡ ᒥᒋᒥᔪᐤ ᒋ ᐅᒋ ᑎᑯᓯᓄᐅᒡ ᒋᑦ ᐊᑐᔅᒐᔭᑭᓂᒡ᙮

ᒐᓂᓯᔅ 44:18

ᐊᑯ ᒍᑕ ᒥᒋᒪ ᓂᔭᑕᑦ ᒍᓯᐸ ᑭᔭ ᐃᑕᐤ, “ᐅᒋᒪᐤ, ᓇᐃᒥ ᐛᐃᐱᔅᒋᔅ ᒐᒋ ᐃᔨᒥᐃᑕᓐ, ᓄᒋᒪᒻ᙮ ᒧᔭᒻ ᐃᒋᑉᑎᒡ ᒋᓴᐅᒋᒪᐤ ᒋᑦ ᐃᑕᔨᑕᑯᓯᓐ᙮ ᒐᒂᓐ ᐎᔭᔨᑎᒥᓐ, ᒋᑭ ᐃᑐᑎᒧᒡ ᐃᔪᒡ᙮ ᓂᔾ ᒥᒄ ᒋᑦ ᐊᐱᒋᐊᑭᓐ ᓂᑦ ᐃᑕᔨᑕᑯᓯᓐ᙮ ᐊᑯ ᐊᑲ ᒋᔄᐱᔅᑐᐎ ᐊ ᑯᒂᒋᒥᑕᓐ ᒐᒋ ᐃᔨᒥᑕᓐ᙮

ᒐᓂᓯᔅ 49:26

ᓱᐛᔨᒋᒐᐅᓇ ᓄᑕᐎᒡ ᑲ ᒥᔨᒡ ᐊᑎᑐᐤ ᒥᓴᐛ ᐃᔅᐱᔅ ᐊᓂᔭ ᑲ ᐅᑎᓂᒪᒄ ᐊ ᒥᔽᒋ ᒐᒂᔪᐛ ᐊᓐᑕ ᑲᒋᒡ ᐱᔅᑯᑎᓇᐛ᙮ ᑭᒪ ᒋᓴᒪᓂᑐᐤ ᒥᔭᑦ ᒍᓯᐸ ᐅᔭ ᓱᐛᔨᒋᒐᐅᓇ, ᐊᓐ ᓇᑲᓂᔅᑯᐛᑦ ᐎᐧᑲᓂᓴ᙮

ᒐᓂᓯᔅ 50:18

ᐊᑯ ᐎᐧᑲᓂᓯᒪᐅᒡ ᑲ ᓂᑐᐛᐱᒪᒡ ᒍᓯᐸ ᑭᔭ ᑎᐱᑕᔨᒧᐅᓂᒡ ᓇᐛᒋᔅᑐᐛᐅᒡ, ᒋ ᐃᔨᒪᐊᐅᒡ ᑭᔭ ᐊ ᐃᑕᒡ᙮ “ᓂᑦ ᐊᔭᔅᑯᐎᓇᓐ ᒐᒋ ᐅᑦ ᐊᑐᔅᒐᔭᑭᓂᒥᑐᐅᔭᒡ᙮”

ᑎᐱᑦ ᐅᓂᑭᒧᐅᓇ 118:22

ᐊᓐ ᐊᓯᓂᔾ ᑲ ᐊᑐᐛᔨᒥᑯᑦ ᑲᒪᓂᒐᓯᔨᒋ ᓴᔅ ᓂᑲᓐ ᐊᐳᐤ ᐊ ᒋᒐᔭᔨᒡ᙮

ᐊᒃᓱᑕᔅ 2:14

ᓇᐸᐛ ᐃᑎᑯᐤ, “ᐊᐛᓐ ᑲ ᒥᔨᔅᒃ ᒐᒋ ᐅᒋᒪᐎᓐ ᑭᔭ ᒐᒋ ᑎᐸᔅᑯᓂᔭᒡ ? ᒋᑦ ᐃᑕᔨᑕᓐ ᐊ ᒐᒋ ᓂᐸᐃᔨᓐ ᒧᔭᒻ ᑲ ᓂᐸᐃᑦ ᐃᒋᑉᑦ ᐃᔪᐤ ᐅᑕᑯᓯᒡ ?” ᒧᓱᔅ ᒂ ᓴᒋᓯᑦ ᑭᔭ ᒂ ᐃᑕᔨᑕᐧᒃ ᓄᑎᒻ ᓴᔅ ᒐᔅᒐᔨᑕᑭᓄᐎᒡ᙮

ᓗᒃ 19:14

ᐊᓂᔭᔪᐛ ᒪᒃ ᐃᔪᐛ ᑲ ᐅᒋᒪᐧᑲᑐᐛᑦ ᒋ ᐛᐧᑲᑎᑯᐤ᙮ ᐃᔅᐱ ᑲ ᔅᑐᑕᑦ, ᐊᓂᔭ ᐅᑦ ᐃᔨᒪ ᒋ ᐃᑎᓴᐛᔪᐛ ᐊᐛᔪᐛ ᒐᒋ ᐳᑯᓄᒥᑯᑦ ᐊᓐᑕ ᐊᓂᔭ ᒐ ᐃᑐᑕᑦ ᒐᒋ ᐃᔅᒋᔄᔨᒋ ᐊᑲ ᓂᑐᐛᔨᒥᑯᑦ ᒐᒋ ᒋᓴᐅᒋᒪᐅᐊᑭᓄᐅᑦ᙮”

ᓗᒃ 20:17

ᒋ ᑭᓄᐛᐱᒪᐤ ᒪᒃ ᐊᑯ ᒂ ᐃᑕᑦ, “ᑕᓐ ᐊ ᐃᔅᒋᔄᒥᑲᒡ ᒪᒃ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮”

ᐊᑈᔅᑕᓇᒡ 7:35

“ᒋ ᐊᑐᐛᔨᒪᐅᒡ ᒪᒃ ᐃᔅᕋᐃᓪ ᐃᔪᒡ ᐅᔭ ᒧᓱᓴ ᐊᒋ ᐃᑕᒡ, ‘ᐊᐛᓐ ᑲ ᐃᑕᐃᔅᒃ ᒐᒋ ᐅᒋᒪᒥᑕᑕᒡ ᑭᔭ ᒐᒋ ᑎᐸᔅᑯᓂᔭᒡ᙮’ ᐊᐅᒄ ᒪᒃ ᐅᔭ ᐃᔭᐱᒡ ᑲ ᐃᑎᓴᐛᑦ ᒋᓴᒪᓂᑐᐤ ᒐᒋ ᐅᒋᒪᒥᒡ ᑭᔭ ᒐᒋ ᐎᐧᑯᒋᐃᑯᒡ᙮ ᒋᓴᒪᓂᑐᐤ ᒋ ᐃᔨᒪᐊᐤ ᒧᓱᓴ ᐊᓂᔭ ᐊᓐᒋᓇ ᐊᒋ ᐊᐱᒋᐊᑦ ᐊᓐᑕ ᐅᒋ ᑲ ᐱᔅᑯᑲᐳᐃᔨᒋ ᓂᐱᓯᔭᑎᒂ ᑲ ᐃᔎᑕᔨᒡ᙮”

ᐃᑉᕈᐛ 10:29

ᐊᑐᐎᔅ ᒪᒃ ᒋᑭ ᐃᑕᔨᑕᑯᓂᔪᐤ ᐊᓐ ᐊᐛᓐ ᐃᔭᐱᒡ ᑲ ᒥᒋᑐᑕᐧᒃ ᐊᑎ ᐊ ᒋᔅᒐᔨᑕᐧᒃ ᐊᑲ ᑯᐃᔅᒄ ᐃᑎᑦ᙮ ᐅᔭ ᐊ ᐃᑎᑦ ᒪᔭᔨᒪᐤ ᒋᓴᒪᓂᑐᐛ ᐅᑯᓯᔪᐛ᙮ ᒪᔭᔨᑎᒺᐤ ᐅᒥᐧᑯᔪᐤ ᑲ ᓯᒋᓂᑲᑕᔨᒡ ᒋᐱᔭᑎᑯᒡ ᑲ ᓂᐸᐊᑭᓄᔨᒋ᙮ ᒪᔭᔨᑎᒻ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᐊᓂᔭ ᒋᓴᒪᓂᑐᐛ ᑲ ᐅᓯᑎᒧᐛᔨᒋ ᐅᑦ ᐃᔨᒥᔪᐛ᙮ ᐊᓐ ᐊᐛᓐ ᐅᔭ ᑲ ᐃᑎᑦ ᒪᔭᔨᒪᐤ ᑭᔭ ᑲ ᐸᔭᒋᓯᔨᒋ ᐊᒐᒂ ᐊᓐ ᑲ ᒋᔅᒐᔨᑎᒥᐃᑕᐧᒄ ᒋᓴᒪᓂᑐᐛ ᐅᓱᐛᔨᒋᒐᐅᓂᔪᐤ᙮ ᐅ ᐊᐛᓐ ᐃᓯᓇᑯᓂᔪᐤ ᑕᑈ ᒐᒋ ᐛᐛᓯᐊᑭᓄᐅᑦ᙮