6 ᒋ ᐃᑕᐤ ᒪᒃ, “ᓂᑐᑎᒧᒄ ᐅᒪ ᑲ ᐃᓯ ᐳᐛᒧᔭᓐ᙮
ᒍᓯᑉ ᒋ ᐳᐛᒧᐤ ᑭᔭ ᒂ ᐎᑎᒧᐛᑦ ᐎᐧᑲᓂᓴ, ᐊᑎᑐᐤ ᒋ ᐛᐧᑲᑎᑯᐤ᙮
ᓂᑕᐅᒋᑕᑭᓂᒡ ᒋᑦ ᐃᑕᓇᓄᐤ ᐊ ᒪᒧᐛᐱᐧᑲᑎᒪᐧᒄ ᐸᒂᓯᑭᓂᒥᓇ, ᐊᑯ ᑲ ᒪᒧᐛᐱᐧᑲᑎᒪᓐ ᐸᒂᓯᑭᓂᒥᓐ ᒋ ᐱᓯᑯᒥᑭᓐ ᑭᔭ ᒋᓯᒥᒋᑲᐳᐎᒥᑭᓐ, ᒋᐸᒂᓯᑭᓂᒥᓄᐛᐛ ᐛᔅᑲ ᒋᓯᒥᒋᑲᐳᐎᒥᑭᓇ ᑭᔭ ᒋ ᔭᓱᑎᓇ ᒋᓂᔅᑐᐎᒥᑭᓇ ᓂᐸᒂᓯᑭᓂᒥᒡ᙮”
ᒂ ᒋᔅᒋᑦ ᒍᓯᑉ ᐅᐳᐛᒧᐅᓇ ᑲ ᐳᐛᑕᑦ ᐎᐧᑲᓂᓴ ᐃᔅᐱ ᑲ ᐅᔅᑎᓂᒋᐅᑦ ᐊᓐᑕ ᑲᐃᓇᓐ ᐊᔅᒋᒡ᙮ ᒋ ᐃᑕᐤ ᒪᒃ, “ᒋ ᑲᑭᒋᒧᑎᓯᓇᐛᐤ, ᒋ ᐸᒋ ᑎᑯᓯᓇᐛᐤ ᒐᒋ ᓇᓂᑐ ᒋᔅᒐᔨᑎᒪᒄ ᑕᓐᑕ ᐊᔨᔨᒥᓯᒥᑲᒡ ᓂᑦ ᐊᔅᒋᓇᓐ᙮”
ᐊᑯ ᒍᑕ ᒥᒋᒪ ᓂᔭᑕᑦ ᒍᓯᐸ ᑭᔭ ᐃᑕᐤ, “ᐅᒋᒪᐤ, ᓇᐃᒥ ᐛᐃᐱᔅᒋᔅ ᒐᒋ ᐃᔨᒥᐃᑕᓐ, ᓄᒋᒪᒻ᙮ ᒧᔭᒻ ᐃᒋᑉᑎᒡ ᒋᓴᐅᒋᒪᐤ ᒋᑦ ᐃᑕᔨᑕᑯᓯᓐ᙮ ᒐᒂᓐ ᐎᔭᔨᑎᒥᓐ, ᒋᑭ ᐃᑐᑎᒧᒡ ᐃᔪᒡ᙮ ᓂᔾ ᒥᒄ ᒋᑦ ᐊᐱᒋᐊᑭᓐ ᓂᑦ ᐃᑕᔨᑕᑯᓯᓐ᙮ ᐊᑯ ᐊᑲ ᒋᔄᐱᔅᑐᐎ ᐊ ᑯᒂᒋᒥᑕᓐ ᒐᒋ ᐃᔨᒥᑕᓐ᙮
