ᒐᓂᓯᔅ 37:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑕᒪᑕᐅᓐᒋ ᐃᔅᒪᐃᓪ ᐃᔪᒡ ᒋᐧᑲᓂᓯᓄᐛ ᒥᔅᑯᒡ ᒐ ᐊᑲ ᓂᐸᐊᐧᒄ᙮ ᓇᒪ ᐃᓯᓇᑯᓐ ᒐᒋ ᓂᐸᐊᐧᒄ ᐊᐛᓐ ᑎᐱᔨᐛ ᐊ ᐎᐧᑲᓂᓯᔭᐧᒄ᙮” ᐎᐧᑲᓂᓯᒪᐅᒡ ᒋ ᐎᔭᔨᑎᒧᒡ ᒐᒋ ᑐᑕᒡ ᐊᔅᒋᔄᔨᒋ ᒍᑕᔨᒋ᙮

ᒐᓂᓯᔅ 37:27 ပူးပေါင်းရင်းမြစ်များ

ᒐᓂᓯᔅ 29:14

ᑲᒋ ᓂᑐᑐᐛᑦ ᒐᑭᐸ, ᓚᐸᓐ ᒋ ᐃᑕᐤ, “ᓂᐦᐃ, ᒋᔾ ᑎᐱᔨᐛ ᓂᐧᑲᓂᔅ᙮” ᓚᐸᓐ ᒋ ᓂᑐᒪᐤ ᒐᑭᐸ ᒐᒋ ᑕᔨᒋ ᐊ ᑕᑦ᙮ ᒐᑭᑉ ᐸᐃᒄ ᐱᓯᒺ ᒋᑕᐛᐤ ᓚᐸᓇ ᐎᒋᔨᒡ᙮

ᒐᓂᓯᔅ 37:22

ᒋᔭᒻ ᐱᑕᐛᐱᓇᑕᐤ ᐅᑕ ᐸᒂᑎᔅᒋᐅ-ᒧᓇᐃᐸᓂᒡ, ᒥᒄ ᐊᑲ ᐅᓯᑯᐊᐧᒄ᙮” ᒋ ᐃᔅᒋᔄᐤ ᐅᔭ ᕈᐱᓐ ᐊ ᐅᔭᔨᑕᐧᒄ ᒐᒋ ᐱᒪᒐᐊᑦ ᒍᓯᐸ ᐎᐧᑲᓂᓴ ᐅᒡ ᑭᔭ ᐅᑕᐎᐛᐛ ᐃᔅ ᒐᒋ ᐃᑎᓴᐛᑦ᙮

ᒐᓂᓯᔅ 42:21

ᐎᐧᑲᓂᓯᒪᐅᒡ ᒂ ᐃᔨᒥᑐᒡ ᐅᑦ ᐃᔨᒧᐅᓄᐛᒡ, “ᐊᐅᑯᐤ ᐊᓯᓇᑯᓯᔭᐧᒄ ᑲ ᐃᓯ ᐎᓂᑐᑐᐛᐧᒄ ᒋᐧᑲᓂᓯᓄᐤ᙮ ᐃᔅᐱ ᑲ ᐳᑎᓯᐛᐱᓇᐧᒄ ᒧᓇᐃᐸᓂᒡ, ᑲ ᐱᑯᓴᔨᒥᑕᐧᒄ ᒐ ᒋᔅᑎᒪᒐᔨᒪᐧᒄ ᒥᒄ ᓇᒪ ᒋ ᐅᒋ ᓂᑐᑐᐛᓄᐤ᙮ ᐊᐅᑯᐤ ᐛᒋ ᐅᔅᑕᐱᐃᔭᐧᒄ᙮”

ᒐᓂᓯᔅ 50:20

ᐊᑎᓱᐧᒄ ᑲᒋ ᐎᔭᔨᑎᒪᒄ ᒐᒋ ᒥᒋᑐᑐᐅᔭᒄ, ᒋᓴᒪᓂᑐᐤ ᒋ ᐃᑐᑎᒻ ᒐ ᐅᒋᐱᔨᒡ ᐊ ᒥᔽᔨᒡ ᒐᒂᔪᐤ ᐊᓐᑕ ᑲ ᐃᓯ ᐎᔭᔨᑎᒪᒄ᙮ ᐛᔅ ᒋᓴᒪᓂᑐᐤ ᑲᒋ ᓂᑲᓂᑎᓴᐅᑦ ᐅᑕ ᐃᒋᑉᑎᒡ, ᒥᒐᑦ ᐊᐛᔪᐛ ᒋ ᐱᒪᒋᑕᐛᐤ ᐅᐱᒪᑎᓯᐅᓂᔪᐛ᙮

ᐊᒃᓱᑕᔅ 21:16

ᐊᐛᓐ ᐊ ᒋᒧᑎᑦ ᑯᑎᑲ ᐊᐛᔪᐛ ᐊ ᐎ ᑕᐛᒐᑦ ᑭᔭ ᒪᒃ ᒐᒋ ᑭᓄᐛᔨᒪᑦ ᒧᔭᒻ ᐊᐱᒋᐊᑭᓇ, ᒋᑭ ᐎ ᓂᐸᐊᑭᓄᐤ᙮

ᐊᒃᓱᑕᔅ 21:21

ᒥᒄ ᐊᔅᒄ ᐃᔪᐎᒐᓂ ᐸᐃᑯᒋᓯᑲᐛ ᑭᔭ ᒪᒃ ᓂᓱᒋᓯᑲᐛ ᐃᔅᐱᔅ ᑭᔭ ᒐᒃ ᓂᐱᔨᒐᓂ, ᓇᒪ ᒋᑭ ᐊᓏᔨᒪᑭᓄᐤ ᐊᓐ ᐅᒋᒪᐤ, ᐛᔅ ᓴᔅ ᐊᓂᔭ ᐅᓇᐊᐤ ᑲ ᑎᐸᔨᒪᑦ᙮

ᒪᑎᔪᐤ 16:26

ᐊᑯ ᒪᒃ ᐊᓐ ᐊᐛᓐ ᑲ ᐎ ᑭᓄᐛᔨᑎᒪᓱᑦ ᐅᐱᒪᑎᓯᐅᓐ, ᐳᓂᐱᒪᑎᓯᒐ ᒪᒃ ᑕᓐᑕ ᒐᒋ ᐅᒋ ᐎᒋᐃᑯᑦ ᐊᑎ ᒋ ᐎᐧᑯᒋᑎᒪᓱᒐ ᒥᓯᐛ ᒐᒂᔪᐤ ᐅᑕ ᐊᔅᒋᒡ, ᐎᔾ ᑕᓐ ᑲ ᐃᓯ ᓂᑐᐛᔨᑕᐧᒃ ᒐᒋ ᐃᓯ ᐊᔭᑦ ? ᓇᒪ ᒋᑭ ᐅᒋ ᒥᔭᑭᓄᐤ ᐎᔾ ᐱᒪᑎᓯᐅᓂᔪᐤ᙮ ᓇᒪ ᓇᔅᒡ ᑎᑯᓂᔪᐤ ᒐᒂᔪᐤ ᒐᒋ ᐱᔅᑎᓇᒄ ᑲᐤ ᒐᒋ ᒥᔭᑭᓄᐅᑦ ᐅᐱᒪᑎᓯᐅᓐ ?

ᒪᑎᔪᐤ 26:15

ᐊᑯ ᒂ ᐃᑕᑦ, “ᒐᒂᓐ ᒐ ᒥᔨᔭᒄ ᐎᒋᐃᑎᑯᒐ ᒐᒋ ᒪᑯᓇᒄ ᒋᓴᔅ ?” ᓂᔅᑐᔪᐤ ᒪᒃ ᓱᓇᔭᐱᔎ ᒋ ᐛᐸᑎᔨᑯᐤ ᐊᑯ ᒂ ᐃᑎᑯᑦ, ᒪᐅ ᓱᓇᔭᐤ ᒐ ᒥᔨᑕᒡ᙮

1 ᑎᒧᑎ 1:10

ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ᐃᑕᒋᒧᒡ ᐊᑎ ᐊᒋ ᓇᔅᐱᒡ ᐎ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ᐃᑎᓱᐛᒥᑭᓂᔨᒡ ᐅᔭ ᒥᔪ ᒋᔅᑯᑎᒪᒐᐅᓂᔪᐤ᙮

ᒋᔅᒐᔨᑕᑯᑕᒐᐅᓐ 18:13

ᓇᒪ ᑭᔭ ᑕᔪᐛ ᐊᐛᔪᐛ ᒐᒋ ᐅᑎᓂᒥᔨᒋ ᓂᑕᐅᒋᑕᑭᓂᒡ ᑲ ᐅᑎᓇᑭᓄᐎᒡ ᐱᒥᔪᐤ ᑲ ᐎᒋᒪᑯᓂᔨᒡ ᒪᒃ ᐊᓂᔭᔪᐛ ᓂᐱᓯᔭ ᑲ ᐎᒋᒪᑯᓂᔨᒋ᙮ ᑭᔭ ᒋ ᐊᔭᐅᒡ ᐊ ᐊᑕᐛᒡ ᐊᓂᔭᔪᐛ ᑲ ᐎᒋᒪᑯᓂᔨᒋ ᐊ ᐃᔎᓯᑭᓄᔨᒋ, ᑲ ᓱᓇᔭᐎᔨᒋ ᑐᒥᓂᑭᓇ, ᑲ ᐎᒋᒪᓱᔨᒋ ᐱᒍᐛ, ᑭᔭ ᓱᒥᓇᐳᔪᐤ, ᐱᒥᔪᐤ, ᐸᒂᓯᑭᓇ ᑲ ᒥᔪᓯᓯᔨᒋ, ᐊᔪᒥᓇ, ᒥᔅᑐᓴ, ᒪᔭᑕᓂᓴ, ᑲᐸᐃᑭᔎᐛ, ᑭᔭ ᐊᓂᔭᔪᐛ ᑎᑎᐱᑕᐸᓇᔎ ᑲᐸᐃᑭᔎᐛ ᑲᒋ ᐅᑕᐸᔨᒋ᙮ ᑭᔭ ᓇᒪ ᐅᒋ ᑕᔪᐛ ᐊᐛᔪᐛ ᒐ ᐅᑎᓇᔨᒋ ᐊᓂᔭᔪᐛ ᐊᐱᒋᐊᑭᓇ ᑲ ᐊᑕᐛᒡ᙮”