ᒐᓂᓯᔅ 35:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᐊᑯ ᒐᑭᑉ ᐊᑕᑦ ᐅᑦ ᐃᔨᒪ, “ᐱᔅᒐ ᒋᔨᐛᐤ ᒋᑦ ᐊᔭᒥᐊᔅᑐᐛᐛᐅᒡ ᒥᓂᑐᐧᑲᓐᒡ ᐃᔭᒡ ᐊᔅᒋᒡ ᐅᒡ ᑲ ᐅᑎᓇᑯᒡ᙮ ᓂᔅᑐᐅᓇᐧᑯᒡ, ᒋᑭ ᐎᐛᐱᓇᓄᐅᒡ ᐊᓐᒡ᙮ ᐸᔭᒋᐃᓱᒄ ᑭᔭ ᒐ ᐳᔅᑎᔅᑭᒪᒄ ᐊ ᐛᔅᑭᒪᒋ ᐊᐱᒋᑕᐅᓇ᙮

ᒐᓂᓯᔅ 35:2 ပူးပေါင်းရင်းမြစ်များ

ᒐᓂᓯᔅ 18:19

ᐛᔅ ᐎᔾ ᓂᒋ ᐛᔭᐱᒪᐤ ᒐᒋ ᒋᔅᑯᑎᒧᐛᑦ ᐅᑦ ᐊᐛᓯᒪ ᑭᔭ ᒐ ᐊᓂᔅᒐ ᐱᒪᑎᓯᔨᒋ ᐅᑦ ᐊᓂᔅᑯᑕᐸᓇ ᒐᒋ ᓇᐊᔨᑎᒥᔨᒋ ᓂᑦ ᐃᑎᓱᐛᐅᓇ ᑭᔭ ᐃᑐᑎᒥᔨᒋ ᑯᐃᔅᑯᑐᑎᒧᐅᓂᔪᐤ ᑭᔭ ᑎᐸᔅᑯᓂᒐᐅᓂᔪᐤ ᑭᔭ ᐊᑯ ᒪᒃ ᒐ ᒥᔨᒃ ᐊᑉᕋᐊᒻ ᒥᓯᐛ ᒐᒂᔪᐤ ᑲ ᐃᓯ ᐊᓱᑎᒧᐅᒃ᙮”

ᒐᓂᓯᔅ 31:19

ᒥᒄ ᐊᒺᔭ ᒐᑭᑉ ᑭᔭ ᐊ ᐸᐃᑯᔅᑲᓇᓯᑦ ᑲᐃᓇᓐ ᐃᔅ ᐃᑐᑕᒡ, ᕋᐃᒍᓪ ᐅᑕᐎᔭ ᐎᒋᔨᒡ ᒋ ᐱᒐᐛᐤ ᑭᔭ ᒂ ᒋᒧᑎᑦ ᒪᓂᑐᐛ ᐅᑕᐎᔭ ᑲ ᑎᐸᔨᒪᔨᒋ᙮ ᒧᔭᒻ ᓇᒪ ᐅᒋ ᑕᐤ ᐎᒋᒡ ᓚᐸᓐ, ᒋ ᓇᒋ ᐱᔅᑯᔄᐤ ᐅᒪᔭᑕᓂᓴᒪ᙮

ᒐᓂᓯᔅ 31:30

ᓂ ᒋᔅᒐᔨᑕᓐ ᐊᓐ ᐛᒋ ᔅᑐᑕᔨᓐ ᐛᔅ ᒋᒋᐛ ᒋ ᐱᒂᐃᑕᓐ ᒐᒋ ᒋᐛᔨᓐ, ᒥᒄ ᒐᒂᓐ ᐛᒋ ᒋᒧᑎᔨᓐ ᓂᒪᓂᑐᒥᒡ ?”

ᒐᓂᓯᔅ 31:34

ᐊᒺᔭ ᐱᒐᔨᒋ ᓚᐸᓇ, ᕋᐃᒍᓪ ᒋ ᐅᑎᓇᐤ ᒪᓂᑐᐛ ᑭᔭ ᒋᐱᑕᐛᐤ ᐊᓐᑕ ᑲᐱᔎᐅᑭᓂᔨᒋ ᐅᐱᓴᑭᓂᒥᐅᑎᔨᒡ ᑭᔭ ᒂ ᐱᑎᑯᔅᑯᐅᒪᑦ᙮ ᒋ ᓇᓂᑐᐛᐸᒐᐛᐤ ᓚᐸᓐ ᐊᓐᑕ ᒥᓯᐛ ᐱᒍᐎᔭᓂᒋᐛᐱᒡ, ᒥᒄ ᓇᒪ ᐅᒋ ᒥᔅᑯᐛᐤ ᐅᒪᓂᑐᒪ᙮

ᒐᓂᓯᔅ 34:2

ᐃᔅᐱ ᓴᑭᒻ, ᐦᐊᒧᕐ ᐃᐎ ᐃᔪᐤ ᐅᑯᓴ, ᐅᒋᒪᐤ ᐊᓐᑕ ᐅᑕᓇᒡ᙮ ᐎᔭᐱᒪᑦ ᑕᐃᓇᔨᒋ, ᒋ ᐅᑎᓇᐤ ᑭᔭ ᒂ ᒥᒋᑐᑐᐛᑦ᙮

ᒐᓂᓯᔅ 35:22

ᒪᒂᒡ ᑲ ᐎᒋᒡ ᐊᓐᑕ ᐃᑕᐅᓂᒡ, ᕈᐱᓐ ᒋ ᐎᐸᒪᐤ ᐱᓚᔨᒋ, ᐸᐃᒄ ᐅᑕᐎᔭ ᐎᑎᒧᓯᔪᐛ᙮ ᓇᓇᒐ ᒋ ᐸᑎᒻ ᒐᑭᑉ ᑲ ᐃᑎᔨᒋ ᕈᐱᓇ᙮ ᐊᐅᑯᔪᐤ ᐅᔭ ᑲ ᐃᓯᓂᐧᑲᓱᔨᒋ ᑲ ᓂᓱᓴᐳᔨᒋ ᒐᑭᑉ ᐅᑯᓴ᙮

ᑎᐱᑦ ᐅᓂᑭᒧᐅᓇ 51:2

ᒋᔅᑕᐸᐎ ᒥᑐᓐ ᓂᒥᒐᑎᓯᐅᓂᒡ ᐅᒡ, ᐸᔭᒋᐃ ᒪᒃ ᓂᒥᒋᑐᑎᒧᐅᓂᒡ ᐅᒡ᙮

ᑎᐱᑦ ᐅᓂᑭᒧᐅᓇ 51:7

ᐸᔭᒋᐃ ᐃᓴᑉ ᐅᒡ, ᐊᑯ ᒐ ᐸᔭᒋᓯᔭᓐ: ᒋᔅᑕᐸᐛᔨ ᐊᑯ ᐊᑐᐎᔅ ᒐ ᐛᐱᓯᔭᓐ ᐃᔅᐱᔅ ᑯᓐ᙮

ᐊᒃᓱᑕᔅ 19:10

ᐊᑯ ᒂ ᐃᑎᑯᑦ ᒧᓱᔅ ᑎᐸᔨᒋᒐᓱᐛ, “ᒪᒋ ᓂᑐᐛᐱᒥᒡ ᐃᔪᒡ ᑭᔭ ᒐ ᐎᑎᒧᐅᑥᐤ ᒐᒋ ᐊᔭᔅᑯᐱᒡ ᒐ ᑎᑯᓯᓄᐅᒡ᙮ ᒋᑭ ᐸᔭᒋᐃᓱᐅᒡ ᐊᓄᒡ ᑭᔭ ᐛᐱᓂᒐ ᑭᔭ ᒋᑭ ᐎ ᒋᔅᑕᐸᐅᑕᐅᒡ ᐅᑦ ᐊᐱᒋᑕᐅᓄᐛᐛ᙮

ᐊᒃᓱᑕᔅ 19:14

ᑲᒋ ᓂᑎᒋᐛᑦ ᒧᓱᔅ ᐱᔅᑯᑎᓇᔪᐤ, ᒂ ᐊᑎ ᐃᑕᑦ ᐃᔪᐛ ᒐᒋ ᒥᔪᐧᑭᒥᔨᒋ ᐅᑦ ᐊᐱᒋᑕᐅᓂᔪᐛ ᑭᔭ ᒐᒋ ᐸᔭᒋᓯᔨᒋ ᑭᔭ ᒐᒋ ᐊᔭᒥᐊᔅᑐᐛᒡ ᒋᓴᒪᓂᑐᐛ᙮

ᐊᒃᓱᑕᔅ 23:13

ᓇᔅᒡ ᒐ ᐎ ᐃᑐᑎᒪᒄ ᒥᓯᐛ ᒐᒂᓐ ᑲ ᐃᑎᓱᒥᑎᑯᒡ ᒐᒋ ᐃᑐᑎᒪᒄ᙮ ᒐ ᐊᑲ ᐊᔭᒥᐊᔅᑐᐛᑯᒡ ᑯᑎᑭᒡ ᒪᓂᑐᐅᒡ, ᑭᔭ ᒐ ᐊᑲ ᐃᔅᒋᔄᐛᒄ ᐅᑦ ᐃᓯᓂᐧᑲᓱᓂᐛᐛ᙮” ᐊᑯ ᑎᐸᔨᒋᒐᓱᐤ ᐊᔅᒋᔄᑦ:

ᐊᑈᔅᑕᓇᒡ 19:26

ᒥᒐᑦ ᒋ ᐃᑐᑐᐛᐤ ᐃᔪᐛ ᒐᒋ ᑕᑈᑎᒥᔨᒋ ᑕᓐ ᐊ ᐃᓯ ᒋᔅᑯᑎᒪᒐᑦ ᒐ ᐊᑲ ᒋ ᐊᔭᒥᐊᔅᑎᒥᔨᒋ ᒐᒂᔪᐛ ᓱᓇᔭᐱᔅᑯᒡ ᐊᒋ ᐅᒋ ᐅᓯᑕᑭᓄᔨᒋ᙮ ᒥᒐᑦ ᒪᒃ ᐊᐛᔪᐛ ᒋ ᑕᑈᑕᑯᐤ ᐅᑕ ᐃᐱᓴᔅ ᑲ ᑕᔨᒋ ᑭᔭ ᒥᓯᐛ ᐊᓐᑕ ᐊᐃᓴ ᐊᔅᒋᒡ ᑲ ᑕᔨᒋ᙮

1 ᑯᕆᓐᑎᔭᓇ 10:7

ᐊᑯ ᒪᒃ ᐊᑲᐎᔾ ᒋᑭ ᐅᒋ ᐊᔭᒥᐊᔅᑐᐛᓄᐅᒡ ᒥᓂᑐᐧᑲᓐᒡ ᒧᔭᒻ ᐎᔨᐛᐤ ᑲ ᐃᑎᒡ᙮ ᒪᐅ ᐊᑎᔅᑕᒡ ᒥᓯᓇᐃᑭᓂᒡ, ᐊᓐᒡ ᐃᔪᒡ ᒋ ᒥᒋᓱᐅᒡ, ᑭᔭ ᒋ ᒥᓄᐅᒡ, ᑭᔭ ᒋ ᓂᒧᐅᒡ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

ᑲᓚᓯᔭᓇ 4:8

ᐊᓐᑕ ᐸᒋ ᐅᑕᒡ ᐊᔅᒄ ᐊᑲ ᐅᒋ ᒋᔅᒐᔨᒪᒄ ᒋᓴᒪᓂᑐᐤ ᔅᒋ ᒪᒋᒂᐱᐧᑲᑎᑯᐛᐅᒡ ᐊᓐᒡ ᒥᓂᑐᐅᒡ ᑲ ᐃᑕᔨᒪᑯᒡ ᐊᑲ ᒪᒃ ᒋᒋᐛ ᒥᓂᑐᐅᒡ ᐃᑕᔨᑕᑯᓯᒡ᙮

ᐃᑉᕈᐛ 10:22

ᐊᑯ ᒪᒃ ᒐᒋ ᓇᑕᐧᒄ ᒋᓴᒪᓂᑐᐤ ᒋᓴᔅ ᐊ ᐅᒋᓴᐊᔭᒥᐊᐅᒋᒪᒥᔭᐧᒄ, ᓇᔅᒡ ᐊ ᑕᑈᑎᒪᐧᒄ ᒐ ᒥᔽᔨᑕᐧᒄ ᓇᑕᒂ, ᒐ ᐊᑲ ᐅᒋ ᐊᑐᐛᔨᒥᑕᐧᒄ᙮ ᒋᑭ ᒋ ᓇᑕᓄᐤ ᐛᔅ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᒥᒋᑥᐅᓄᐛ᙮ ᓇᔅᒡ ᒋ ᐸᔭᒋᑕᑭᓄᐛ ᒋᑕᐃᓄᐛ ᑭᔭ ᓇᒪ ᐊᑯ ᒋ ᒥᑯᔅᑲᑕᔨᑎᒥᐃᑯᐅᓇᓄᐤ ᑕᓐ ᑲᒋ ᐃᓯ ᒥᒋᑐᑎᒪᐧᒄ᙮ ᒋ ᐸᔭᒋᑕᑭᓄᐛ ᒋᔪᓄᐛ ᐊ ᒥᔽᑭᒥᒡ ᓂᐱᔾ ᐅᒋ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮

ᒍᑦ 1:23

ᐎᒋᐊᐧᑯᒡ ᑯᑎᑭᒡ ᐊᐛᓐᒋ ᐊ ᐎᐧᑯᒋᐊᑯᒡ ᐃᔅᑯᑕᒡ ᐅᒋ ᑭᔭ ᒋᓴᐛᑐᑐᐛᐧᑯᒡ ᒥᒄ ᒪᒃ ᐃᔭᒂᒥᒄ, ᒐ ᐊᑲ ᒋ ᓴᐧᑯᒋᐃᑯᐛᒄ ᐅᒥᒐᑎᓯᐅᓄᐛᐤ᙮ ᒥᒄ ᐛᐧᑲᑎᒺᐧᒄ ᐛᐛᒡ ᐅᑦ ᐊᐱᒋᑕᐅᓄᐛᐛ, ᐛᔅ ᑎᑯᓂᔪᐤ ᐊ ᐃᓯ ᐎᓇᑯᑕᒡ ᐛᐛᒡ ᐊᓂᔭᔪᐛ ᐅᑦ ᐊᐱᒋᑕᐅᓄᐛᐛ ᑕᓐ ᐊ ᐃᓯ ᐎᓂᓱᐛᑎᓯᒡ᙮