ᒐᓂᓯᔅ 35:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᓇᓇᒐ ᒐᑭᑉ ᑭᔭ ᐅᑦ ᐃᔨᒪ ᒋ ᑎᒪᒋᐅᒡ ᑭᔭ ᐱᓯᒧᑕᒡ ᐸᑕᓪ ᐅᒡ ᒋ ᐃᓯ ᔅᑐᑕᐅᒡ᙮ ᐛᔪᐤ ᐃᑉᕋᑦ ᐅᒡ ᐊᔅᒄ ᒋ ᑕᐅᒡ ᐃᔅᐱ ᑲ ᐅᑎᒋᐱᔨᒡ ᒐᒋ ᐛᐱᒪᐅᓱᑦ ᕋᐃᒍᓪ᙮

ᒐᓂᓯᔅ 35:16 ပူးပေါင်းရင်းမြစ်များ

ᒐᓂᓯᔅ 3:16

ᐊᑯ ᑎᐸᔨᒋᒐᓱᐤ ᒋᓴᒪᓂᑐᐤ ᒂ ᐃᔨᒪᐊᑦ ᐃᔎᐛ ᐊᑕᑦ, “ᒪᐅ ᒐ ᐃᓯ ᐊᓏᔨᒥᑯᔨᓐ ᐅᓴᒻ ᐅ ᑲ ᐃᓯ ᐃᑐᑎᒥᓐ, ᑕᑥᐤ ᐊ ᐊᓱᐛᐱᒪᐅᓱᐎᓂ, ᒋᑭ ᐊᐧᑯᓯᓐ ᑭᔭ ᐛᐃᔪᐅᒋ ᒋᑦ ᐊᐛᓯᒻ ᐊᑎᑐᐤ ᒋᑭ ᐊᐧᑯᓯᓐ᙮ ᒥᒄ ᒋᒋᐛ ᒋᑭ ᓂᑐᐛᔨᑕᓐ ᒐᒋ ᑕᐅᑦ ᐊ ᑕᑦ ᒋᓇᐸᒻ, ᑭᔭ ᐎᔾ ᒋᑭ ᐅᒋᒪᐅ᙮”

ᒐᓂᓯᔅ 35:19

ᐃᔅᐱ ᑲ ᐳᓂᐱᒪᑎᓯᑦ ᕋᐃᒍᓪ, ᐅᐱᒪᔅᑭᓇᒡ ᐊᓐᑕ ᐃᑉᕋᑦ ᐊᑎ ᐃᑎᒧᒡ ᒋ ᓇᐃᐧᑯᐛᑭᓄᐤ, ᐸᑦᓕᔭᒥᒡ ᐊᓄᒡ ᐊᑎ ᐃᑎᒧᒡ ᐊᓐ ᒪᔅᑭᓄᐤ᙮

ᒐᓂᓯᔅ 48:7

ᒋᑲᐎᔾ ᕋᐃᒍᓪ ᐅ ᐛᒋ ᐃᑐᑎᒪᓐ ᐃᔅᐱ ᐸᑕᓐ ᑲ ᐅᒋ ᒋᐛᔭᓐ, ᑲᐃᓇᓐ ᐊᔅᒋᒡ ᒋ ᐳᓂᐱᒪᑎᓯᐤ᙮ ᒋᒋᐛ ᓂᒋ ᓇᐧᑲᑕᔨᑕᓐ᙮ ᑲ ᐸᓱᐛᐸᑎᒪᒡ ᐃᑉᕋᑦ, ᒥᒋᒪ ᐸᑦᓕᔭᒻ, ᒂ ᐳᓂᐱᒪᑎᓯᑦ᙮ ᐅᐱᒪᔅᑭᓇᒡ ᓂᒋ ᓇᐃᐧᑯᐛᐤ᙮”

ᑎᐱᑦ ᐅᓂᑭᒧᐅᓇ 132:6

ᐛᐸᑎᒥᒄ, ᓂᒋ ᐸᑕᓇᓐ ᐊᑉᕋᑕᐃᒡ; ᓂᒋ ᒥᔅᑲᓇᓐ ᑕᐧᑯᑕᒥᑎᓐ᙮

ᒪᑎᔪᐤ 2:1

ᐸᑦᓕᔭᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒡ ᐊᑯᑕ ᑲ ᐃᔪᑦ ᒋᓴᔅ᙮ ᐊᕈᑦ ᒪᒂᒡ ᒋ ᒋᓴᐅᒋᒪᐤ᙮ ᒋᕈᓯᓕᒥᒡ ᒪᒃ ᒋ ᑎᑯᓯᓄᐅᒡ ᑲ ᑭᒐᑕᐛᔨᑕᒡ ᓇᐸᐅᒡ ᐛᐱᓄᑕᒡ ᐊ ᐅᑐᑕᒡ᙮

ᒪᑎᔪᐤ 2:16

ᐊᔅᒄ ᒪᒃ ᒪᒂᒡ ᐊᒋ ᐱᒪᑎᓯᑦ ᐊᕈᑦ ᐃᔅᐱ ᒐᔅᒐᔨᑕᐧᒃ ᐊ ᒋᐎᔭᓯᒥᑯᑦ ᐊᓂᔭ ᑲ ᑭᒐᑕᐛᔨᑎᒥᔨᒋ ᓇᐸᐛ ᒋ ᒥᔅᑎ ᒋᔄᓱᐤ᙮ ᐊᑯ ᒂ ᐃᑎᓱᐛᑦ ᒐᒋ ᓂᐸᐊᑭᓄᔨᒋ ᒥᓯᐛ ᑲ ᓂᓱᐳᓇᓯᔨᒋ ᑭᔭ ᐊᐛᓯᐎᔨᒋ ᐊ ᓇᐸᓯᐎᔨᒋ ᐊᐛᓴ ᐊᓐᑕ ᐸᑦᓕᔭᒥᒡ ᑲ ᑕᔨᒋ ᑭᔭ ᐛᔅᑲ ᐊᓐᑕ ᑲ ᑕᔨᒋ, ᐊᐅᒄ ᐅᔭ ᐛᒋ ᐃᑐᑐᐛᑦ ᐛᔅ ᐊᐅᑯᓐ ᒂᔄᓐ ᑲ ᐃᔅᐱᔅ ᐎᑎᒪᑯᑦ ᐊᓂᔭᔪᐛ ᑲ ᑭᒐᑕᐛᔨᑎᒥᔨᒋ ᓇᐸᐛ ᓂᓱ ᐱᐳᓇ ᐊᓐᑕ ᐅᑕᒡ ᐊᑯᑕ ᓂᔅᑎᒻ ᑲ ᐛᐱᒪᔨᒂᓂ ᐊᓂᔭ ᐅᒐᑭᑕᒂ᙮

ᒪᑎᔪᐤ 2:18

ᒋ ᐸᑕᑯᓐ ᐊ ᓂᓇᐧᑲᑥᐅᑕᑭᓄᐅᒡ ᐊᓐᑕ ᕋᒪ ᐅᑕᓇᒡ, ᐊᐅᒄ ᕋᐃᒍᓪ ᐊᒧᔎᑕᑦ ᐅᑦ ᐊᐛᓯᒪ, ᓇᒪ ᒪᒃ ᐅᒋ ᓂᑐᐛᔨᑎᒻ ᒐᒋ ᒥᔽᔨᒧᐃᑯᑦ ᐊᐛᔪᐛ ᐛᔅ ᒥᓯᐛ ᒋ ᓂᐱᔪᐛ ᐅᑦ ᐊᐛᓯᒪ᙮

1 ᑎᒧᑎ 2:15

ᐃᔭᐱᒡ ᒪᒃ ᒋᑭ ᐱᒪᒋᐊᑭᓄᐤ ᐃᔎᐤ ᐊᓂᔭ ᐅᒋ ᐊ ᐛᐱᒪᐅᓱᑦ ᐃᔭᐱᒡ ᒪᒃ ᒧᔅ ᓇᔅᒡ ᐃᓯ ᓂᓇᑭᑐᐛᔨᒥᓱᑦ ᑕᑈᑎᒧᐅᓂᒡ ᑭᔭ ᓴᒋᐃᐛᐅᓂᒡ ᑭᔭ ᐸᔭᒋ ᐱᒪᑎᓯᐅᓂᒡ ᒐᒋ ᐃᓯ ᐱᒧᑕᑦ᙮