ᒐᓂᓯᔅ 33:5 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵ ᐃᔅᐱ ᐎᔭᐱᒪᑦ ᐃᓴᐅ ᐃᔎᐛ ᑭᔭ ᐊᐛᓴ, ᒂ ᑯᒂᒋᒪᑦ, “ᐊᐛᓐᒋ ᐅᒡ ᐃᔪᒡ ᑲᒋ ᐎᒐᐛᐅᒋ ?” ᒐᑭᑉ ᒋ ᐃᑕᐤ, “ᓂᒋ ᒥᔪᑐᑕᒄ ᒋᓴᒪᓂᑐᐤ᙮ ᐊᐛᓴ ᓂᒋ ᒥᔨᒄ᙮”

ᒐᓂᓯᔅ 33:5 ပူးပေါင်းရင်းမြစ်များ

ᒐᓂᓯᔅ 30:2

ᒐᑭᑉ ᒋ ᐃᑕᐤ ᐊᒋᓯᒧᑦ, “ᒐᒂᓐ ᓂᐸ ᒋ ᐃᑐᑕᓐ ? ᒋᓴᒪᓂᑐᐤ ᒥᒄ ᒋ ᒥᔨᐛᐤ ᐊᐛᓴ᙮ ᐎᔾ ᓇᒪ ᒋ ᓇᐃᒥᒄ ᒐᒋ ᐅᑦ ᐊᐛᓯᒧᐅᑦ᙮”

ᒐᓂᓯᔅ 33:6

ᐊᑯ ᑯᐸᓇᔎᐅᒡ ᒂ ᐸᑐᑕᒡ ᐊ ᐎᒐᐅᑯᒡ ᐅᑦ ᐊᐛᓯᒧᐛᐛ ᑭᔭ ᒂ ᓄᐛᑲᐳᔅᑐᐛᒡ ᐊ ᒋᔅᑕᔨᒪᒡ ᐃᓴᐅᐛ᙮

ᒐᓂᓯᔅ 48:9

ᐊᑯ ᒍᓯᑉ ᐊᑕᑦ ᐅᑕᐎᔭ, “ᐊᐅᑯᓐᒡ ᐅᒡ ᓂᑯᓯᒡ ᐊᓂᔭ ᑲ ᒥᔨᑦ ᒋᓴᒪᓂᑐᐤ ᐅᑕ ᐃᒋᑉᑎᒡ᙮” ᐊᑯ ᒐᑭᑉ ᐃᑕᐤ, “ᐸᓱᐅᒡ ᐅᑕ ᐊᑯ ᒪᒃ ᒐ ᒥᔨᒂᐤ ᓂᓱᐛᔨᒋᒐᐅᓂᔪᐤ᙮”

ᑎᐱᑦ ᐅᓂᑭᒧᐅᓇ 127:3

ᐛᐸᑎᒧᒃ ᐊᐛᓯᒡ ᑎᐸᔨᒥᑯᐅᒡ ᑎᐸᔨᒋᒐᓱᐛ; ᑭᔭ ᒥᔅᐸᔭᒡ ᑲ ᐅᒋᐱᔨᒡ ᐊᔪᐅᒄ ᐅᒥᔨᐛᐅᓐ᙮

ᐃᑉᕈᐛ 2:13

ᑭᔭ ᒋ ᐃᑕᐤ, “ᓇᔅᒡ ᓂᑭ ᒐᔅᑎᓇᑕᔨᒪᐤ ᒋᓴᒪᓂᑐᐤ᙮” ᐊᑯ ᒥᓐ ᒂ ᐃᔅᒋᔄᑦ, “ᒪᐅᑕ ᐊ ᑕᔭᓐ, ᐊᑯᑕ ᑭᔭ ᐅᑕ ᐊ ᑕᒡ ᓂᑦ ᐊᐛᓯᒥᒡ ᐊᓂᔭᔪᐛ ᒋᓴᒪᓂᑐᐤ ᑲ ᐸᒋ ᒥᔨᑦ᙮”