ᒐᓂᓯᔅ 32:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”

ᒐᓂᓯᔅ 32:28 ပူးပေါင်းရင်းမြစ်များ

ᒐᓂᓯᔅ 17:15

ᐊᑯ ᒥᓐ ᒋᓴᒪᓂᑐᐤ ᐊᑕᑦ ᐊᑉᕋᐊᒪ, “ᒋᐅ ᓴᕋᐃ, ᒐ ᐊᑲ ᐃᓯᓂᐧᑲᑎᑦ ‘ᓴᕋᐃ’, ᒥᒄ ‘ᓴᕋ’ ᒋᑭ ᐃᓯᓂᐧᑲᓱᐤ᙮

ᒐᓂᓯᔅ 17:5

ᓂ ᒥᔅᑯᑐᓇᓐ ᒋᑦ ᐃᓯᓂᐧᑲᓱᐅᓐ᙮ ᓇᒪ ᒋᑭ ᒋ ᓴᔅ ᐃᓯᓂᐧᑲᓱᓐ ‘ᐊᑉᕋᒻ’, ᒥᒄ ‘ᐊᑉᕋᐊᒻ’ ᒋᑭ ᐃᓯᓂᐧᑲᑎᑯᐅᓐ᙮

ᒐᓂᓯᔅ 25:31

ᒐᑭᑉ ᐃᑕᐤ, “ᓂᔅᑎᒻ, ᐸᒋ ᒥᔾ ᒋᓂᔅᑎᒧᓴᓇᐅ-ᑎᐸᔨᑎᒧᐅᓐ᙮”

ᒐᓂᓯᔅ 31:24

ᒥᒄ ᒪᒂᒡ ᑕᐱᔅᑲᔨᒡ ᒋ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ᒐᒂᔪᐤ ᒥᒋ ᐃᑕᑦ ᒐᑭᐸ᙮

ᒐᓂᓯᔅ 32:24

ᒥᒄ ᐎᔾ ᒂ ᑕᑦ ᐊᓐᑕ ᐊ ᐸᐃᑯᓯᑦ᙮ ᐊᑯ ᑕᑯᓯᓂᔨᒋ ᓇᐸᐛ ᑭᔭ ᒥᔭᓯᐧᑲᑯᑦ ᐃᔅᐱᔅ ᐊᒺᔭ ᐸᑕᐱᓂᔨᒡ᙮

ᒐᓂᓯᔅ 32:27

ᐊᑯ ᓇᐸᐤ ᐊᑕᑦ, “ᐎᑎᒧᐎ ᒋᑦ ᐃᓯᓂᐧᑲᓱᐅᓐ᙮” ᒐᑭᑉ ᐃᑕᐤ, “ᒐᑭᑉ ᓂᑦ ᐃᓯᓂᐧᑲᑎᑯᐅᓐ᙮”

ᒐᓂᓯᔅ 33:20

ᐊᑯᑕ ᐊᓐᑕ ᒐᑭᑉ ᑲ ᐅᓯᑕᑦ ᐱᔅᑎᓂᒐᐅᓇᐱᔅᑯᔪᐤ ᑭᔭ ᐃᓪ ᐃᓗᐃ ᐃᔅᕋᐃᓪ ᒂ ᐃᓯᓂᐧᑲᑕᐧᒄ, “ᒋᓴᒪᓂᑐᐤ ᐊᐅᑯᓐ ᐃᔅᕋᐃᓪ ᒋᓴᒪᓂᑐᐤ᙮”

ᒐᓂᓯᔅ 33:4

ᒥᒄ ᐃᓴᐅ ᒋ ᒋᒋᓇᐤ ᒐᒋ ᓂᒋᔅᑯᐛᑦ ᒐᑭᐸ ᑭᔭ ᒂ ᐛᐅᒋᓇᑦ ᑭᔭ ᓴᐛᔨᒪᑦ᙮ ᑕᐱᔅᑯᓐ ᒋ ᒪᐅᒡ ᐊ ᒥᔽᔨᑕᒡ᙮

ᒐᓂᓯᔅ 35:10

ᒋᓴᒪᓂᑐᐤ ᒂ ᐃᑕᑦ, “ᒐᑭᑉ ᒋᑦ ᐃᓯᓂᐧᑲᑎᑯᐅᓐ, ᒥᒄ ᐊᓄᒡ ᐃᔅᕋᐃᓪ ᒋᑭ ᐃᓯᓂᐧᑲᑎᑯᐅᓐ᙮” ᐊᑯ ᒋᓴᒪᓂᑐᐤ ᐃᔅᕋᐃᓪ ᒂ ᐃᓯᓂᐧᑲᑕᑦ ᒐᑭᐸ᙮

ᒠᓐ 1:42

ᐊᑯ ᒂ ᐃᑐᑕᐊᑦ ᓴᐃᒥᓇ ᐊᓐᑕ ᒋᓴᓴ ᐊ ᑕᔨᒋ᙮ ᒋᓴᔅ ᒪᒃ ᒋ ᑭᓄᐛᐱᒪᐤ ᐊᓂᔭ ᓴᐃᒥᓇ ᐊᑯ ᒂ ᐃᑕᑦ, “ᒋᔾ ᓴᐃᒥᓐ, ᒠᓐ ᐅᑯᓴ, ᓯᐸᔅ ᒋᑭ ᐃᓯᓂᐧᑲᓱᓐ᙮” ᓯᐸᔅ ᐊ ᐱᔭᑭᔅᒋᑕᑯᓯᓇᓄᐅᒡ ᐱᑕᕐ ᒪᒃ ᐊᓯᓂᔾ ᐃᓇᓄᐤ᙮

ᒋᔅᒐᔨᑕᑯᑕᒐᐅᓐ 2:17

“ᒥᓯᐛ ᒋᔨᐛᐤ ᑲ ᓂᑐᑎᒪᒄ, ᓱᒃ ᐎ ᓂᔅᑐᑎᒧᒄ ᑕᓐ ᐊ ᐃᑕᑦ ᑲ ᐸᔭᒋᓯᑦ ᐊᒐᐧᒄ ᐅᒪᒧᐊᔭᒥᐊᐛ᙮ ᐊᓐᒡ ᒐ ᓴᐧᑯᒋᑕᐛᒂ ᑕᓐ ᒐ ᐃᓯ ᑯᒂᒋᐃᑯᒡ ᒥᒋ ᒐᒂᔪᐤ, ᓂᑭ ᐊᓯᒪᐅᒡ ᐊᓂᔭ ᒋᒋᒋᓯᒄ ᐸᒂᓯᑭᓇ ᑲ ᑲᔭᑭᓄᔨᒋ᙮ ᓂᑭ ᒥᔭᐅᒡ ᐊᓯᓂᔭ ᐊ ᐛᐸᐱᔅᒋᓯᔨᒋ ᐊᓐᑕ ᒪᓯᓇᑕᔨᒡ ᐊ ᐅᔅᑲᔨᒡ ᐃᓯᓂᐧᑲᓱᐅᓂᔪᐤ᙮ ᓇᒪ ᒪᒃ ᐊᐛᓐ ᒋᔅᒐᔨᑎᒻ ᐅᔭ ᐃᓯᓂᐧᑲᓱᐅᓂᔪᐤ, ᒥᒄ ᐊᓐ ᐊᐛᓐ ᒐ ᒥᔭᑭᓄᐅᒂ, ᐊᐅᑯᓐ ᒐ ᒋᔅᒐᔨᑕᐧᒃ᙮”