ᒐᓂᓯᔅ 31:54 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁵⁴ ᐊᑯ ᒐᑭᑉ ᒂᓂᐸᐊᑦ ᐊᐛᓯᓴ ᑭᔭ ᒂ ᒥᑐᔅᑕᐊᒪᒐᑦ ᐊᓐᑕ ᐱᔅᑯᑎᓇᒡ, ᐊᑯ ᒂ ᓂᑐᒪᑦ ᐎᐧᑲᓂᓴ ᒐᒋ ᒥᒋᓱᔨᒋ᙮ ᑲᒋ ᒥᒋᓱᐅᒡ, ᒋ ᐸᐃᑯᑎᐱᔎᐅᒡ ᐊᓐᑕ ᐱᔅᑯᑎᓇᒡ᙮

ᒐᓂᓯᔅ 31:54 ပူးပေါင်းရင်းမြစ်များ

ᒐᓂᓯᔅ 21:8

ᐃᔅᐱ ᑲᒋ ᐃᓯ ᓂᑕᐅᒋᑦ ᐊᐃᓯᒃ ᑭᔭ ᐊᓂᔭ ᒋᓯᑯᔪᐤ ᑲ ᐳᓂ ᓄᓴᓂᑦ, ᒋ ᒥᒋᓱᓇᓂᒐᐤ ᐊᑉᕋᐊᒻ᙮

ᒐᓂᓯᔅ 26:30

ᐊᐃᓯᒃ ᒋ ᐃᑐᑐᐛᐤ ᐅᑦ ᐊᐱᒋᐊᑭᓇ ᒐ ᐊᔭᔅᑯᔅᑕᔨᒋ ᒐ ᒥᒋᓱᓇᓄᐎᒡ, ᐊᑯ ᐎᔾ ᑭᔭ ᐅᒪᓐᑕᒪ ᒂ ᒥᒋᓱᒡ᙮

ᒐᓂᓯᔅ 37:25

ᒪᒂᒡ ᐅᑎ ᒥᒋᓱᑕᐤ ᐊᓐᒡ ᐎᐧᑲᓂᓯᒪᐅᒡ, ᒐᒃ ᐎᔭᐱᒪᒡ ᐃᔅᒪᐃᓪ ᐃᔪᐛ ᑭᓕᐊᑦ ᐅᒋ ᐃᒋᑉᑎᒡ ᐃᔅ ᐊᑐᑕᔨᒋ᙮ ᐅᑲᐱᔎᐅᑭᒥᔪᐛ ᒋ ᐎᐅᓴᔪᐛ ᑲᐎᒋᒪᑯᓯᔨᒋ ᑭᔭ ᐊ ᐎᒋᒪᑯᓯᔨᒋ ᐱᒍᐛ᙮

ᐊᒃᓱᑕᔅ 18:12

ᐊᑯ ᒐᑦᕈᐤ ᒂ ᐸᑕᑦ ᐱᔅᑎᓂᒐᐅᓂᔪᐤ ᒐᒋ ᐃᔎᓴᑭᓄᐎᒡ ᑭᔭ ᑯᑎᑲ ᒥᑐᔅᑕᐊᒪᒐᐅᓇ ᒐᒋ ᒥᔭᑭᓄᐅᑦ ᒋᓴᒪᓂᑐᐤ᙮ ᐊᕋᓐ ᑭᔭ ᐃᔅᕋᐃᓪ ᐅᒋᒪᐅᒡ ᒋ ᑎᑯᓯᓄᐅᒡ ᒐᒋ ᒥᒋᓱᐅᒡ ᐊᓐᑕ ᐊᔭᒥᐊᓄᐎᒡ᙮ ᐊᕈᓐ ᒋ ᑎᑯᓯᓄᐤ ᐊ ᐎᒐᐛᑦ ᒥᓯᐛ ᐃᔅᕋᐃᓪ ᐅᒋᒪᐅᒡ ᒐᒋ ᐎᒋᒥᒋᓱᒪᒡ ᒧᓱᓴ ᐅᒋᓴᐃᒥᔪᐛ ᐅᑎᔅᑯᐤ ᒋᓴᒪᓂᑐᐛ᙮