ᒐᓂᓯᔅ 31:42 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴² ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 31:42 ပူးပေါင်းရင်းမြစ်များ

ᒐᓂᓯᔅ 11:5

ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ᐃᔅᐸᔨᒡ ᒥᒋᐛᐱᔪᐤ,

ᒐᓂᓯᔅ 16:11

ᑎᐸᔨᒋᒐᓱᐛ ᐅᑦ ᐊᓐᒋᓂᒥᔪᐛ ᐃᔭᐱᒡ ᒂ ᐃᑎᑯᑦ, “ᓂᑐᑐᐎ, ᒋᑭ ᐅᑯᓯᓐ᙮ ᐃᔅᒪᐃᓪ ᒐ ᐃᓯᓂᐧᑲᑎᑦ, ᐅᓴᒻ ᑎᐸᔨᒋᒐᓱᐤ ᒋ ᐸᑎᒻ ᑲ ᐃᔅᐱᔅ ᓂᓇᐧᑲᑕᔨᑎᒥᓐ᙮

ᒐᓂᓯᔅ 16:13

ᐊᑯ ᐦᐊᐃᑲᕐ ᒂ ᐃᔅᒋᔄᑦ, “ᒋᔾ ᐅ ᒋᓴᒪᓂᑐᐤ ᐎᔭᐸᑕᐧᒃ ᑕᓐᑕ ᐊ ᑕᐅᒡ᙮” ᒂ ᐃᔅᒋᔄᑦ, “ᐛᔅ ᓂᒋ ᐛᐱᒪᐤ ᐊᓐ ᐊᐛᓐ ᑲᓄᐛᔨᒥᑦ ᑭᔭ ᐊᔅᒄ ᓂ ᐱᒪᑎᓯᓐ᙮”

ᒐᓂᓯᔅ 27:33

ᐃᔅᐱ ᐊᐃᓯᒃ ᐱᔭᑕᐧᒃ ᐅᔭ, ᒋ ᑯᔅᑯᐱᔪᐤ ᐊᐃᓯᒃ᙮ ᐊ ᒥᔅᑎ ᓂᓇᒥᐱᔨᑦ ᒂ ᐃᔅᒋᔄᑦ, “ᐊᐛᓐ ᒪᒃ ᐊᓂᔭ ᑲ ᓂᑐᐎᔪᑦ ᑭᔭ ᑲ ᐸᑐᐅᑦ ᓄᒋᒥᔪᐤ ᒥᒋᒥᔪᐤ ? ᓂᒋ ᒥᒍᐛᓐ ᐊᒺᔭ ᑎᑯᓯᓂᔨᓐ ᑭᔭ ᓂᒋ ᓱᐛᔨᑕᑯᐛᐤ ᑭᔭ ᑕᑈ, ᒋᑭ ᓱᐛᔨᑕᑯᐊᑭᓄᐤ᙮”

ᒐᓂᓯᔅ 29:32

ᐊᑯ ᓕᐊ ᒋ ᐊᓱᐛᐱᒪᐅᓱᐤ ᑭᔭ ᒂ ᑕᔨᒋ ᐅᑯᓴ᙮ ᒂ ᐃᔅᒋᔄᑦ, “ᓂᒋ ᐛᐱᒥᒄ ᐅᑎᐸᔨᒋᒐᐤ ᐊᑲ ᐅᒋ ᒥᔽᔨᑎᒧᒡ ᑭᔭ ᓂᒋ ᒥᔨᒄ ᐅᑯᓯᒪᐛ᙮ ᐊᓄᒡ ᓂᑭ ᓴᒋᐃᒄ ᓂᐎᒋᒪᑭᓐ᙮” ᐊᑯ ᕈᐱᓐ ᒂ ᐃᓯᓂᐧᑲᑕᑦ ᐅᑯᓴ᙮

ᒐᓂᓯᔅ 31:12

ᒂ ᐃᔅᒋᔄᑦ, ‘ᒋ ᑕᐱᒥᒡ ᐊᐛᓯᓯᒡ, ᒥᓯᐛ ᐊᓐᒡ ᒥᔅᑐᓯᒡ ᐛᓴᑯᐅᒡ ᐸᐸᑕᐅᓯᐅᒡ ᑭᔭ ᐸᐱᒥᓯᓇᓱᐅᒡ᙮ ᓂ ᑐᑕᓐ ᐅ ᒐᒋ ᐃᓯᓇᒂᒡ ᐛᔅ ᓂᒋ ᐛᐸᑎᒺᓐ ᐊᓯ ᐎᔭᓯᒥᔅᒃ ᓚᐸᓐ᙮

ᒐᓂᓯᔅ 31:24

ᒥᒄ ᒪᒂᒡ ᑕᐱᔅᑲᔨᒡ ᒋ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ᒐᒂᔪᐤ ᒥᒋ ᐃᑕᑦ ᒐᑭᐸ᙮

ᒐᓂᓯᔅ 31:29

ᓂ ᑭᓄᐛᔨᑕᓐ ᓱᐧᑲᑎᓯᐅᓐ ᒐᒋ ᐊᐧᑯᐃᑕᓐ, ᒥᒄ ᑕᐱᔅᑲᔨᒡ ᓂᒋ ᐃᔭᒂᒥᒄ ᒍᑕᐎᔾ ᐅᒋᓴᒪᓂᑐᒪ ᒐ ᐊᑲ ᐊᐧᑯᐎᑕᓐ᙮

ᒐᓂᓯᔅ 31:5

ᐃᔅᐱ ᑕᑯᓯᓂᔨᒋ ᒂ ᐃᑕᑦ, “ᓂ ᒋᔅᒐᔨᒪᐤ ᐊᑲ ᒥᔪ ᐃᑕᔨᒥᑦ ᒍᑕᐎᐛᐤ ᒧᔭᒻ ᐅᔅᑭᒡ ᑲ ᑐᑐᐅᑦ᙮ ᒥᒄ ᓇᒪ ᓂ ᑯᔅᑕᒋᓐ, ᐛᔅ ᐊᓂᔭ ᑲ ᐊᑐᔅᒐᔅᑐᐛᑦ ᒋᓴᒪᓂᑐᐛ ᓄᑕᐎᔾ, ᓇᒪ ᓂ ᐅᒋ ᓂᑭᑎᑯᔪᐛ᙮ ᓇᓂᑎᒻ ᐊ ᑕᐤ ᐊ ᑕᐅᒡ᙮

ᒐᓂᓯᔅ 31:53

ᑭᒪ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓇᐃᐅᕐ ᐅᒋᓴᒪᓂᑐᒪ ᑐᑕᑕᐧᒄ ᔭᐃᑕᔾ ᒐᒋ ᑭᓄᐛᔨᑎᒪᐧᒄ ᑲ ᐃᓯ ᓂᔅᑯᒥᑐᔭᐧᒄ᙮” ᐊᑯ ᐊᓂᔭ ᐅᑕᐎᔭ ᐊᐃᓯᑲ ᒋᓴᒪᓂᑐᐛ ᑲ ᐊᔭᒥᐊᔅᑐᐛᔨᒋ ᐅᑦ ᐃᓯᓂᐧᑲᓱᓂᔨᒡ ᐅᒡ, ᒋ ᐊᓱᑎᒪᒐᐤ ᒐᑭᑉ ᒐᒋ ᑭᓄᐛᔨᑕᐧᒃ ᐅᒋᓴᓂᔅᑯᒧᐅᓐ᙮

ᒐᓂᓯᔅ 32:9

ᐊᑯ ᒐᑭᑉ ᓇᑐᑎᒧᐛᑦ ᒋᓴᒪᓂᑐᐛ, ᐊᑕᑦ, “ᒋᔾ ᐅ ᓂᒧᓱᒻ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᓄᑕᐎᔾ ᐊᐃᓯᒃ ᐅᒋᓴᒪᓂᑐᒪ᙮ ᒋᔾ ᐅ ᒋᓴᒪᓂᑐᐤ, ᐊᓐ ᐊᐛᓐ ᑲ ᐃᓯᑦ ᒐᒋ ᑲᐤ ᒋᐛᔭᓐ ᓂᑦ ᐊᔅᒋᒡ ᑭᔭ ᓂᑐᐛᐱᒥᒂᐤ ᓂᐧᑲᓂᓯᒡ᙮ ᔅᒋ ᐊᓱᑎᒧᐅᓐ ᒐᒋ ᒥᓯᐛ ᒐᒂᓐ ᐃᓯ ᒥᔪᐱᔨᔭᓐ᙮

ᒐᓂᓯᔅ 35:3

ᒋᑭ ᓂᑭᑕᓇᓄᐤ ᐅᑕ ᑭᔭ ᐸᑕᓪ ᒋᑭ ᐃᑐᑕᓇᓄᐤ, ᐊᓐᑕ ᒐ ᐃᑐᑎᒧᐛᐧᒄ ᐱᔅᑎᓂᒐᐅᓇᐱᔅᑯᔪᐤ ᒋᓴᒪᓂᑐᐤ ᐊᓐ ᑲ ᐎᒋᐃᑦ ᑲ ᐅᔅᑕᐱᔪᐅᒡ ᑭᔭ ᐊᓐ ᑲ ᐎᒐᐅᑦ ᒥᒂᑕ ᑲ ᐊᑎ ᐃᑕᐅᒡ᙮”

ᒐᓂᓯᔅ 46:1

ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮

ᑎᐱᑦ ᐅᓂᑭᒧᐅᓇ 31:7

ᓂᑭ ᓯᒋᔭᓯᓐ ᑭᔭ ᓂᑭ ᒥᔽᑕᓐ ᒋᓱᐛᔨᒋᒐᐅᓂᒡ: ᐛᔅ ᔅᒋ ᒪᒥᑐᓇᔨᑕᓐ ᓂᑦ ᐊᔨᒥᓱᐅᓐ; ᔅᒋ ᒋᔅᒐᔨᒪᐤ ᓂᑦ ᐊᒐᐧᒄ ᐊᔨᒥᓯᐅᓂᒡ;

ᐊᒃᓱᑕᔅ 3:7

ᐊᑯ ᑎᐸᔨᒋᒐᓱᐤ ᐊᔅᒋᔄᑦ, “ᓂᒋ ᐛᐱᒪᐅᒡ ᑕᓐ ᐊᔅᐱᔅ ᓂᓇᐧᑲᑕᔨᒧᒡ ᓂᑦ ᐃᔨᒥᒡ ᐊᓐᑕ ᐃᒋᑉᑎᒡ᙮ ᓂᒋ ᐸᑎᒺᓐ ᐊ ᐱᑯᓴᔨᑕᒡ ᒐᒋ ᐎᒋᐃᒂᐤ ᐛᔅ ᐊᑲ ᒥᔪᑐᑐᐛᑭᓄᐅᒡ ᑭᔭ ᓂ ᒋᔅᒐᔨᑎᒺᓐ ᐅᒥᓯᒪᐃᑎᒧᐅᓄᐛᐛ᙮

ᒍᑦ 1:9

ᓇᒪ ᐛᐛᒡ ᐊᓐ ᑲ ᓂᑲᓇᔨᑕᑯᓯᑦ ᐊᓐᒋᓐ ᒪᐃᑲᓪ ᑲ ᐃᓯᓂᐧᑲᓱᑦ, ᐅᒋ ᐃᑕᔨᑎᒻ ᐎᔾ ᒐᒋ ᓱᒐᔨᒧᑐᐛᑦ ᒥᒋᒥᓂᑐᐛ ᒐᒋ ᒪᔭᔨᒪᑦ᙮ ᒥᒄ ᒋ ᐃᑕᐤ, “ᐅᑎᐸᔨᒋᒐᐤ ᒋᑭ ᒋᑕᐊᒪᒄ᙮” ᐊᔪᐅᒄ ᐅᔭ ᑲ ᐃᑕᑦ ᐃᔅᐱ ᑲ ᐊᔭᔅᑕᒥᑐᒡ ᒥᒋᒥᓂᑐᐛ ᒧᓱᓴ ᐎᔭᔪᐤ ᐅᒡ᙮