ᒐᓂᓯᔅ 31:33 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³³ ᐊᑯ ᓚᐸᓐ ᒂ ᐃᑐᑕᐛᑦ ᑭᔭ ᓂᔭᓂᑐᐛᐸᒐᐛᑦ ᒐᑭᐸ ᐅᐱᒍᐎᔭᓂᒋᐛᐱᒡ᙮ ᓕᐊᔨᒋ ᒥᓐ ᐅᐱᒍᐎᔭᓂᒋᐛᐱᒡ ᐊᑐᑕᐛᑦ ᑭᔭ ᐊ ᓂᓯᔨᒋ ᑯᐸᓇᔎᐛ ᐅᐱᒍᐎᔭᓂᒋᐛᐱᒡ, ᒥᒄ ᓇᒪ ᐅᒋ ᒥᔅᑯᐛᐤ ᐅᒪᓂᑐᒪ᙮ ᕋᐃᒍᓚ ᒥᓐ ᐅᐱᒍᐎᔭᓂᒋᐛᐱᒡ ᐊᑐᑕᐛᑦ᙮

ᒐᓂᓯᔅ 31:33 ပူးပေါင်းရင်းမြစ်များ

ᒐᓂᓯᔅ 24:28

ᒪᒂᒡ ᑲ ᐊᔭᒥᐊᔨᒋ ᐊᐱᒋᐊᑭᓇ, ᒋ ᒋᐛᐸᑕᐤ ᕋᐸᑲ ᑭᔭ ᐛᑎᒧᐛᑦ ᐊᓂᔭ ᐎᐧᑲᓂᓴ ᒥᓯᐛ ᒐᒂᔪᐤ ᑲ ᐃᔅᐱᔨᒡ ᓇᑕ ᒧᓇᐃᐸᓂᒡ᙮

ᒐᓂᓯᔅ 24:67

ᐊᑯ ᐊᐃᓯᒃ ᒋ ᐃᑐᑕᐊᐤ ᕋᐸᑲᔨᒋ ᐱᒍᐎᔭᓂᒋᐛᐱᒡ ᐊᓐᑕ ᑲᒋ ᐎᒋᔨᒋ ᐅᑲᐎᔭ ᓴᕋᔨᒋ᙮ ᐊᐃᓯᒃ ᒋ ᐎᒋᒪᐤ ᕋᐸᑲᔨᒋ᙮ ᒋᒋᐛ ᒋ ᓴᒋᐊᐤ ᑭᔭ ᒂ ᒥᔅᑲᐧᒃ ᐊᐃᓯᒃ ᒥᔽᔨᒧᐅᓂᔪᐤ ᑲᒋ ᐳᓂᐱᒪᑎᓯᔨᒋ ᐅᑲᐎᔭ᙮

ᒐᓂᓯᔅ 31:32

ᒥᒄ ᓇᒪ ᓂ ᐅᒋ ᐅᑎᓇᐅᒡ ᒋᒪᓂᑐᒥᒡ᙮ ᒥᔅᑯᐅᑕ ᐅᑕ ᐊᐛᓐ ᑲᓄᐛᔨᒪᑦ, ᒋᑭ ᓂᐸᐊᑭᓄᐤ᙮ ᐊ ᑭᓄᐛᐱᒥᔅᑭᒡ ᒋᐧᑲᓂᓯᓄᐅᒡ, ᓇᓂᑐᐛᐸᑕ ᒥᒄ ᒐᒂᓐ ᑕᐱᔨᐛᐅᓯᓐ ᑭᔭ ᒐ ᐅᑎᓂᒥᓐ ᑕᐸᔨᑎᒥᓐ᙮” ᓇᒪ ᐅᒋ ᒋᔅᒐᔨᒪᐤ ᒐᑭᑉ ᐊᓂᔭ ᕋᐃᒍᓚ ᑲ ᒋᒧᑎᔨᒋ ᓚᐸᓇ ᐅᒪᓂᑐᒥᔪᐛ᙮

ᒐᓂᓯᔅ 31:34

ᐊᒺᔭ ᐱᒐᔨᒋ ᓚᐸᓇ, ᕋᐃᒍᓪ ᒋ ᐅᑎᓇᐤ ᒪᓂᑐᐛ ᑭᔭ ᒋᐱᑕᐛᐤ ᐊᓐᑕ ᑲᐱᔎᐅᑭᓂᔨᒋ ᐅᐱᓴᑭᓂᒥᐅᑎᔨᒡ ᑭᔭ ᒂ ᐱᑎᑯᔅᑯᐅᒪᑦ᙮ ᒋ ᓇᓂᑐᐛᐸᒐᐛᐤ ᓚᐸᓐ ᐊᓐᑕ ᒥᓯᐛ ᐱᒍᐎᔭᓂᒋᐛᐱᒡ, ᒥᒄ ᓇᒪ ᐅᒋ ᒥᔅᑯᐛᐤ ᐅᒪᓂᑐᒪ᙮