ᒐᓂᓯᔅ 31:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᒥᒄ ᒪᒂᒡ ᑕᐱᔅᑲᔨᒡ ᒋ ᐃᔭᒂᒥᑯᐤ ᒋᓴᒪᓂᑐᐛ ᐅᐳᐛᒧᐅᓂᒡ ᒐ ᐊᑲ ᒐᒂᔪᐤ ᒥᒋ ᐃᑕᑦ ᒐᑭᐸ᙮

ᒐᓂᓯᔅ 31:24 ပူးပေါင်းရင်းမြစ်များ

ᒐᓂᓯᔅ 20:3

ᐸᐃᒂᐤ ᑕᐱᔅᑲᔨᒡ, ᒋᓴᒪᓂᑐᐤ ᒋ ᓄᑯᓯᔅᑐᐛᐤ ᐊᐱᒪᓕᑲ ᐅᐳᐛᒧᐅᓂᔨᒡ ᑭᔭ ᒂ ᐃᑕᑦ, “ᓂᑐᑕ ! ᒋᑭ ᐳᓂᐱᒪᑎᓯᓐ, ᐛᔅ ᐊᓐ ᐃᔎᐤ ᑲ ᐅᑎᓂᑦ ᓴᔅ ᐊ ᓂᐳᐅᑦ᙮”

ᒐᓂᓯᔅ 20:6

ᒋᓴᒪᓂᑐᐤ ᒂ ᓂᔎᐅᓯᐊᑦ, “ᓂ ᒋᔅᒐᔨᑕᓐ ᑯᐃᔅᒄ ᒐᒂᓐ ᓂᑦ ᐃᑐᑕᓐ ᐊᒋ ᐃᑕᔨᑎᒥᓐ, ᓇᒪ ᒋ ᐅᒋ ᒥᔨᑎᓐ ᒐᒋ ᐎᐸᒥᑦ ᓴᕋ, ᐊᑯ ᑭᔭ ᓂᔾ ᔅᒋ ᓂᑲᓂᑎᓐ ᒐᒋ ᐅᓂᑐᑐᐎᓐ᙮

ᒐᓂᓯᔅ 24:50

ᒋ ᐎᑎᒪᑯᐤ ᓚᐸᓇ ᑭᔭ ᐸᑎᐅᓚ, “ᑕᑈ, ᑎᐸᔨᒋᒐᓱᐤ ᐅᑕ ᔅᒋ ᐃᓯ ᒋᔅᒋᓄᑕᔨᒄ᙮ ᓂᑭ ᒋ ᐃᑐᑎᒺᓇᓐ ᒥᒄ ᒐᒂᔪᐤ ᑲ ᐃᔅᒋᔄᑦ ᑎᐸᔨᒋᒐᓱᐤ᙮

ᒐᓂᓯᔅ 28:5

ᑲᒋ ᐛᒋᔭᒪᑦ ᐊᐃᓯᒃ, ᐸᑕᓐ ᐊᕋᒻ ᒋ ᐃᑎᓴᐛᐤ ᒐᑭᐸ, ᐊᓐᑕ ᓚᐸᓇ ᐎᒋᔨᒡ ᐅᑲᐎᔭ ᐅᔅᑕᓯᔪᐛ᙮ ᐸᑎᐅᓚ ᒋ ᐅᑯᓯᑕᑯᐤ ᓚᐸᓐ, ᐊᕋᒻ ᐃᔪᐤ ᑲ ᐃᓯᓂᐧᑲᑕᑭᓄᐅᑦ ᐸᐃᒄ ᐃᔪᐤ᙮

ᒐᓂᓯᔅ 31:10

ᒪᒂᒡ ᑲ ᐎᓴᑯᒡ ᐊᐛᓯᓯᒡ ᓂᒋ ᐳᐛᒧᓐ ᑭᔭ ᓂᒋ ᐛᐱᒪᐅᒡ ᐊ ᐸᐸᑕᐅᓯᒡ ᑭᔭ ᐊ ᐸᐱᒥᓯᓇᓱᒡ ᓇᐸ ᒥᔅᑐᓯᒡ ᐊ ᐎᓴᑯᒡ,

ᒐᓂᓯᔅ 31:11

ᐊᑯ ᒋᓴᒪᓂᑐᐤ ᐅᑦ ᐊᓐᒋᓂᒪ ᓂᒋ ᐃᔨᒥᑯᔪᐛ ᓂᐳᐛᒧᐅᓂᒡ ᑭᔭ ᓂᒋ ᐃᑎᑯᔪᐛ, ‘ᒐᑭᑉ,’ ᑭᔭ ᒂ ᐃᑎᒃ, ‘ᒐᒂᓐ ?’

ᒐᓂᓯᔅ 31:23

ᐊᑯ ᓚᐸᓐ ᒂ ᐎᓴᒪᑦ ᐎᐧᑲᓂᓴ ᑭᔭ ᒪᒧᐤ ᒋ ᓇᓴᐛᐅᒡ ᒐᑭᐸ ᐃᔅᐱᔅ ᓂᔄᐅᑕᒡ ᑕᑐᐤ ᒋᓯᑲᐛ᙮ ᑭᓕᐊᑦ ᐱᔅᑯᑎᓇᐛ ᐊᑯᑕ ᑲ ᐸᔄᐱᒪᑦ᙮

ᒐᓂᓯᔅ 31:25

ᑭᓕᐊᑦ ᐱᔅᑯᑎᓇᒡ ᓚᐸᓐ ᒋ ᐅᑎ ᑕᐤ ᒐᑭᐸ ᐊᓐᑕ ᑲ ᐎᒋᔨᒋ᙮ ᓚᐸᓐ ᐃᔭᐱᒡ ᐊᑯᑕ ᑲ ᐎᒋᑦ ᐊᓯᒡ ᐎᐧᑲᓂᓴ᙮

ᒐᓂᓯᔅ 31:29

ᓂ ᑭᓄᐛᔨᑕᓐ ᓱᐧᑲᑎᓯᐅᓐ ᒐᒋ ᐊᐧᑯᐃᑕᓐ, ᒥᒄ ᑕᐱᔅᑲᔨᒡ ᓂᒋ ᐃᔭᒂᒥᒄ ᒍᑕᐎᔾ ᐅᒋᓴᒪᓂᑐᒪ ᒐ ᐊᑲ ᐊᐧᑯᐎᑕᓐ᙮

ᒐᓂᓯᔅ 31:42

ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 31:7

ᒥᒄ ᓇᒪ ᐅᒋ ᒥᔪᐃᑕᑎᓯᐤ, ᐸᐃᑯᔪᐛᐤ ᑕᑥᐤ ᒋ ᒥᔅᑯᑐᓂᒻ ᓂᑲᓂᔪᐅᓂᔪᐤ᙮ ᒥᒄ ᓇᒪ ᐅᒋ ᒥᔨᑯᐤ ᒋᓴᒪᓂᑐᐛ ᒐᒋ ᐊᐧᑯᐃᑦ᙮

ᒐᓂᓯᔅ 40:5

ᒥᒐᑐᒋᓯᑲᐛ ᒋ ᑕᐅᒡ ᐊ ᓂᓯᒡ ᑯᐸᓇᐅᒡ ᐊᓐᑕ ᑲᒪᑯᓄᐛᓯᐅᒋᐛᐱᒡ, ᐊᑯ ᐸᐃᒂᐤ ᑕᐱᔅᑲᔨᒡ ᑕᐱᔅᑯᓐ ᒋ ᐳᐛᒧᐅᒡ᙮ ᑕᑎᐸᓐ ᐊ ᐃᑥᒥᑭᓂᔨᒋ ᐅᐳᐛᒧᐅᓄᐛᐛ᙮

ᒐᓂᓯᔅ 41:1

ᓂᓱ ᐱᐳᓇ ᑲᒋ ᐎᒪᐱᔨᒡ, ᐃᒋᑉᑎᒡ ᒋᓴᐅᒋᒪᐤ ᒋ ᐳᐛᒧᐤ ᐊ ᓂᐳᐅᑦ ᓇᓯᐸᑎᒥᒡ ᓇᐃᔭᓪ ᓯᐱᒡ᙮

ᒪᑎᔪᐤ 1:20

ᒪᒂᒡ ᐅᔭ ᐊ ᒪᒥᑐᓇᔨᑕᐧᒃ, ᐃᔅᐱ ᒪᒃ ᓇᐸᑦ, ᐅᑎᐸᔨᒋᒐᐛ ᐅᑦ ᐊᓐᒋᓂᒥᔪᐛ ᒋ ᓄᑯᓯᔅᑕᑯᐤ ᐅᐳᐛᒧᐅᓂᒡ ᐊ ᐃᑎᑯᑦ, “ᒍᓯᑉ, ᒋᔾ ᐊᓂᔭ ᑎᐱᑦ ᐊᓂᔅᒐ ᐅᑯᓯᓴ, ᐊᑲᐎᔾ ᑯᔅᑕᒋ ᒐᒋ ᐎᒋᒥᑦ ᒪᕆ ᐛᔅ ᑲ ᐸᔭᒋᓯᔨᒋ ᐊᒐᒂ ᒋ ᐃᑐᑕᑯᐤ ᒐᒋ ᐊᔭᐛᑦ ᐊᓂᔭᔪᐛ ᐊᐛᓴ᙮

ᒪᑎᔪᐤ 2:12

ᐃᔅᐱ ᒪᒃ ᒐ ᒋᐛᒡ ᓇᒪ ᐊᓐᑕ ᒋᕈᓯᓕᒥᒡ ᐃᑕᒐ ᐅᒋ ᐃᓯ ᒋᐛᐅᒡ ᒐᒋ ᐎᑎᒧᐛᒡ ᐊᕈᑕ ᑕᓐᑕ ᐊ ᑕᔨᒋ ᐊᓂᔭᔪᐛ ᐊᐛᓴ᙮ ᐛᔅ ᒋᓴᒪᓂᑐᐛ ᒋ ᐃᔭᒂᒥᒥᑯᐅᒡ ᐅᐳᐛᒧᐅᓄᐛᒡ ᒐ ᐊᑲ ᑲᐤ ᓂᑐᐛᐱᒪᒡ ᐊᕈᑕ ᐊᑯ ᒪᒃ ᐃᔭᒡ ᑲ ᐃᓯ ᒋᐛᒡ᙮

ᒪᑎᔪᐤ 27:19

ᒪᒂᒡ ᒪᒃ ᑈᓚᑦ ᐊ ᐊᐱᑦ ᐊᓐᑕ ᑎᐸᔅᑯᓂᒐᐅᒋᐛᐱᒡ ᐎᐛ ᒋ ᐸᒋ ᐃᑎᓴᐛᔪᐛ ᐊᐛᔪᐛ ᒐᒋ ᐃᑎᑯᑦ, “ᐊᑲᐎᔾ ᐎᔭᔅᑐᑐᐤ ᐊᓐ ᑲ ᑯᐃᔅᑯᑕᑎᓯᑦ ᓇᐸᐤ᙮ ᐛᔅ ᐊᓐ ᓇᔅᒡ ᓂ ᒥᑯᔅᑲᑕᔨᑎᒥᐃᑯᐛᓐ ᑕᓐ ᑲ ᐃᓯ ᐳᐛᑎᒃ ᑕᐱᔅᑲᔨᒡ᙮”