ᒐᓂᓯᔅ 30:43 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴³ ᒋ ᐛᔪᑎᓯᐤ ᒐᑭᑉ, ᒥᒐᑦ ᒋ ᑭᓄᐛᔨᒪᐤ ᒪᔭᑕᓂᓴ ᑭᔭ ᒥᔅᑐᓴ, ᑲᐱᔎᐅᑭᓂᔨᒋ, ᑲᓂᐧᑲᑎᓯᔨᒋ ᑲᐸᐃᑭᔎᐛ, ᐃᔎᐤ ᐊᑐᔅᒐᔭᑭᓇ ᑭᔭ ᓇᐸᐤ ᐊᑐᔅᒐᔭᑭᓇ᙮

ᒐᓂᓯᔅ 30:43 ပူးပေါင်းရင်းမြစ်များ

ᒐᓂᓯᔅ 12:16

ᒋ ᒥᔪᑐᑐᐛᐤ ᒪᒃ ᐊᑉᕋᒪ, ᐊᒋ ᐃᑕᔨᒪᑦ ᓴᕋᐃᔨᒋ ᐊ ᐅᔅᑕᓯᔨᒋ᙮ ᐊᑉᕋᒻ ᒋ ᒥᔭᑭᓄᐤ ᒪᒃ ᒪᔭᑕᓂᓴ ᑭᔭ ᒥᔅᑐᓴ, ᓇᐸᐤ ᐊᐱᒋᐊᑭᓇ ᑭᔭ ᐃᔎᐤ ᐊᐱᒋᐊᑭᓇ, ᓇᐸ ᐅᐧᑲᓇ ᑭᔭ ᓄᓴ ᐅᐧᑲᓇ, ᑭᔭ ᑲ ᒥᔅᑎ ᐱᔎᐅᑯᓇᔨᒋ ᐊᐛᓯᓴ᙮

ᒐᓂᓯᔅ 13:2

ᐊᑉᕋᒻ ᒋ ᐛᔪᑎᓯᐤ᙮ ᒋ ᑎᐸᔨᒪᐤ ᒥᒐᑦ ᒥᒋᑎᒂ, ᒪᔭᑕᓂᓴ ᑭᔭ ᒥᔅᑐᓴ ᑭᔭ ᒋ ᒥᔅᑎ ᑭᓄᐛᔨᑎᒻ ᐛᐱᓯᐅᓱᓇᔭᐱᔎ ᑭᔭ ᐎᔄᐅᓱᓇᔭᔪᐤ᙮

ᒐᓂᓯᔅ 24:35

ᑎᐸᔨᒋᒐᓱᐤ ᒋ ᒥᔪᑐᑐᐛᐤ ᓄᒋᒪᒪ ᑭᔭ ᐃᑐᑐᐛᐤ ᒐᒋ ᐛᔪᑎᓯᔨᒋ᙮ ᒋ ᒥᔭᐤ ᒪᔭᑕᓂᓴ ᑭᔭ ᒥᔅᑐᓴ, ᐛᐱᓯᐅᓱᓇᔭᔪᐤ ᑭᔭ ᐎᔄᐅᓱᓇᔭᔪᐤ, ᓇᐸᐤ ᐊᑐᔅᒐᔭᑭᓇ ᑭᔭ ᐃᔎᐤ ᐊᑐᔅᒐᔭᑭᓇ, ᑲᐱᔎᐅᑭᓇᔨᒋ ᑭᔭ ᑲᓂᐧᑲᑎᓯᔨᒋ ᑲᐸᐃᑭᔎᐛ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 30:30

ᓇᒪ ᐅᒋ ᒥᒐᑐᐅᒡ ᒋᑦ ᐊᐛᓯᓯᒥᒡ ᐊᒺᔭ ᐅᒋ ᑎᑯᓯᓂᔭᓐ᙮ ᐊᓄᒡ ᒥᒐᑦ ᒋ ᑭᓄᐛᔨᒪᐅᒡ ᐊᐛᓯᓯᒡ ᑭᔭ ᔅᒋ ᒥᔪᑐᑕᒄ ᐅᑎᐸᔨᒋᒐᐤ ᑕᓐᑕ ᒥᒄ ᐊᑎ ᐃᑕᐅᒡ᙮ ᔅᒋ ᐊᑐᔅᒐᔅᑕᑎᓐ ᐊᓐᑕ ᐸᒡ ᐅᑕᒡ, ᐊᓄᒡ ᓂ ᐎ ᐅᑎᓂᒧᐛᐅᒡ ᓂᐅᒡ ᑭᔭ ᓂᑦ ᐊᐛᓯᒥᒡ᙮”

ᒐᓂᓯᔅ 30:42

ᒥᒄ ᓇᒪ ᐅᒋ ᐃᑐᑐᐛᐤ ᐊᑲ ᐎᔪᔨᒋ ᐊᐛᓯᓴ, ᐊᑯ ᐊᑲ ᐎᔪᔨᒋ ᓚᐸᓐ ᒋ ᑎᐸᔨᒪᐤ ᑭᔭ ᐊ ᐎᔪᔨᒋ ᒐᑭᑉ ᒋ ᑎᐸᔨᒪᐤ᙮

ᒐᓂᓯᔅ 31:1

ᒐᑭᑉ ᒋ ᐸᑎᒻ ᑲ ᐃᔅᒋᔄᔨᒋ ᓚᐸᓇ ᐅᑯᓯᔪᐛ, “ᒥᓯᐛ ᒐᒂᓂᔪᐤ ᒐᑭᑉ ᒋ ᐅᑎᓂᒺᐤ ᒍᑕᐎᓄᐛ ᑲ ᑎᐸᔨᑎᒥᔨᒋ᙮ ᒋ ᐛᔪᑎᓯᐛᒐᐛᐤ ᒍᑕᐎᓄᐛ ᑲ ᑎᐸᔨᑎᒥᔨᒋ᙮”

ᒐᓂᓯᔅ 31:42

ᐊᑲ ᐅᒋ ᑭᓄᐛᔨᒥᑕᒂ ᐊᐃᓯᒃ ᑭᔭ ᐊᑉᕋᐊᒻ ᐅᒋᓴᒪᓂᑐᒧᐛᐛ, ᒐᔅᑎᓇᔅ ᐱᓯᒄ ᒋᐸ ᒋᑎᓴᐅᓇᐱᓐ᙮ ᒋ ᐛᐸᑎᒻ ᒋᓴᒪᓂᑐᐤ ᑲ ᐃᓯ ᐎᓯᒐᔨᑎᒧᒡ ᑭᔭ ᑲ ᐃᓯ ᐅᔅᑯᐎᔭᓐ ᐊ ᐊᑐᔅᒐᔭᓐ᙮ ᐊᐅᑯᓐ ᑲ ᐅᒋ ᐛᐸᑎᔨᔅᒃ ᐅᑎᐸᔅᑯᓂᒐᐅᓐ᙮”

ᒐᓂᓯᔅ 32:10

ᒋᒋᐛ ᒋᔅᑎᒪᒐᔨᒧᐛᓐ᙮ ᓇᓂᑎᒻ ᔅᒋ ᑕᓐ ᒐᒋ ᐎᒋᐃᔨᓐ ᐃᔅᐱ ᓇᑐᐛᔨᒥᑕᓂ᙮ ᓇᒪ ᓂᒋ ᒋᔅᑕᔨᑕᑯᓯᓐ ᑲ ᐃᓯ ᒪᒥᔪᑐᑐᐎᔨᓐ᙮ ᒋᑭ ᐊᑐᔅᒐᔅᑕᑎᓐ ᑭᔭ ᒋᑭ ᓇᐃᑕᑎᓐ᙮ ᐃᔅᐱ ᐅᔅᑭᒡ ᑲ ᑎᔅᑭᒥᑲᓯᔭᓐ ᒠᕐᑕᓐ ᓯᐱᔾ ᐊᕋᓐ ᒐᒋ ᐃᑐᑕᔭᓐ, ᓯᔅᑲᐅᓐ ᒥᒄ ᓂᒋ ᑭᓄᐛᔨᑕᓐ᙮ ᐊᓄᒡ ᑲᐤ ᓂ ᒋᐛᓐ ᒋᒡ ᓂᓱᐎᒡ ᐃᔪᒡ ᑭᔭ ᒥᒐᑦ ᐊᐛᓯᓯᒡ᙮

ᒐᓂᓯᔅ 32:14

ᓂᓱ ᒥᑕᓯᒥᑎᓄᐤ ᓄᓴ ᒥᔅᑐᓴ ᑭᔭ ᓂᓱᔪᐤ ᓇᐸ ᒥᔅᑐᓴ, ᓂᓱ ᒥᑕᓯᒥᑎᓄᐤ ᓄᓴ ᒪᔭᑕᓂᓴ ᑭᔭ ᓂᓱᔪᐤ ᓇᐸ ᒪᔭᑕᓂᓴ,

ᒐᓂᓯᔅ 32:5

ᒥᒐᑦ ᐛᔪᑎᓯᐅᓐ ᓂᒋ ᐅᑎᓂᒪᓱᓐ ᒋᒡ ᒥᒋᑎᐧᑯᒡ ᑭᔭ ᑲᓂᐧᑲᑎᓯᒡ ᑲᐸᐃᑭᔎᐅᒡ, ᒪᔭᑕᓂᓯᒡ ᑭᔭ ᒥᔅᑐᓯᒡ, ᓇᐸᐤ ᑭᔭ ᐃᔎᐤ ᐊᐱᒋᐊᑭᓐᒡ᙮ ᒋᑦ ᐃᑎᓴᐊᒪᑎᓐ ᐅ ᐃᔨᒧᐅᓐ, ᐃᓴᐅ᙮ ᒪᐅᒡ ᐊᔅᐱᑕᔨᒥᑕᓐ, ᒐᒋ ᒥᔪ ᐅᑎᓂᔨᓐ ᐃᔅᐱ ᑎᑯᓯᓂᔭᓇ᙮”

ᒐᓂᓯᔅ 33:11

ᐅᑎᓇ ᓂᒥᔨᐛᐅᓐ᙮ ᐛᔅ ᓂᒋ ᑐᑕᒄ ᒋᓴᒪᓂᑐᐤ ᒐ ᒥᔪᐱᔪᐅᒡ ᑭᔭ ᓴᔅ ᓂᑦ ᐃᔅᐱᔨᓐ ᐊᐛᓯᓯᒡ᙮” ᐊᑯ ᒐᑭᑉ ᒋ ᓴᐧᑯᒋᒪᐤ ᐅᔅᑕᓴ ᑭᔭ ᐃᓴᐅ ᒐᒃ ᐛᑎᓂᒺᑦ ᐅᒥᔨᐛᐅᓂᔪᐤ᙮

ᒐᓂᓯᔅ 36:7

ᒋ ᔅᑐᑕᐤ ᐅᓴᒻ ᒋᒋᐛ ᒋ ᐱᓴᓯᔪᐤ ᐊᔅᒋᔪᐤ ᐎᔾ ᑭᔭ ᒐᑭᐸ ᐊᓐᑕ ᑲ ᐎᒋᒡ; ᒋ ᒥᒐᑎᔨᐛ ᐅᑦ ᐊᐛᓯᓯᒧᐛᐛ ᑭᔭ ᓇᒪ ᐅᒋ ᒪᒧᐤ ᑕᐅᒡ᙮

ᓗᒃ 12:45

ᒥᒄ ᒪᒃ ᐃᓯ ᒪᒥᑐᓇᔨᑕᒐ ᐊᓐ ᐊᐱᒋᐊᑭᓐ, ᐊᔅᒄ ᓇᐅᔅ ᒐ ᐃᔅᐱᔅ ᑎᑯᓯᐧᒃ ᒥᓐ ᓄᒋᒪᒻ, ᐃᑕᔨᑕᒐ᙮ ᐊᑯ ᒪᒃ ᓇᔅᒡ ᓂᓇᐧᑲᒋᐊᒐ ᐊᓂᔭ ᐎᒋ ᐊᐱᒋᐊᑭᓇ ᑲ ᐅᒋᒪᐧᑲᑐᐛᑦ ᐊ ᐅᑎᑕᒪᐛᑦ ᑭᔭ ᒥᒄ ᒥᒋᓱᒐ ᒪᒃ ᒋᔎᐸᒐ,