ᒐᓂᓯᔅ 30:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᑯ ᕋᐃᒍᓪ ᒂ ᒥᔭᑦ ᒐᑭᐸ ᐅᑯᐸᓇᔎᒪ ᐱᓚᔨᒋ ᒧᔭᒻ ᐎᐛ ᑭᔭ ᒂ ᐎᐸᒪᑦ ᒐᑭᑉ ᐱᓚᔨᒋ᙮

ᒐᓂᓯᔅ 30:4 ပူးပေါင်းရင်းမြစ်များ

ᒐᓂᓯᔅ 16:2

ᐊᑯ ᓴᕋᐃ ᐊᑕᑦ ᐊᑉᕋᒪ, “ᑎᐸᔨᒋᒐᓱᐤ ᓇᒪ ᓂ ᒥᔨᒄ ᒐᒋ ᐅᑦ ᐊᐛᓯᒧᐅᒡ, ᒐ ᐎᐸᒥᑦ ᓂᑯᐸᓇᔎᒻ, ᒂᔄᓐ ᓂ ᐸᒋ ᐅᑦ ᐊᐛᓯᒥᓐ ᐎᔾ ᐅᒡ᙮” ᐊᑉᕋᒻ ᒋ ᑕᑈᑎᑐᐛᐤ ᑲ ᐃᔅᒋᔄᔨᒋ ᓴᕋᐃᔨᒋ᙮

ᒐᓂᓯᔅ 21:10

ᐊᑯ ᓴᕋ ᐊᑕᑦ ᐊᑉᕋᐊᒪ, “ᐃᒐᑎᓴᐤ ᐊᓐ ᐃᔎᐤ ᐊᑐᔅᒐᔭᑭᓐ ᑭᔭ ᐅᑯᓴ᙮ ᓇᒪ ᓂᑐᐛᔨᒪᔪᐛ ᐅᑯᓴ ᒐᒋ ᑎᐸᔨᑎᒥᔨᒋ ᒐᒂᓂᔪᐤ, ᒋᑯᓯᓄᐤ ᐊᐃᓯᒃ ᒥᓯᐛ ᒐᒂᔪᐤ ᒋᑭ ᑎᐸᔨᑎᒻ᙮”

ᒐᓂᓯᔅ 22:24

ᒋ ᑕᔪᐛ ᑯᑎᑲ ᐎᐛ ᓇᐅᕐ, ᕈᒪ ᒋ ᐃᓯᓂᐧᑲᓱᔪᐛ᙮ ᓇᐅᕐ ᑭᔭ ᕈᒪ ᒋᓇᐅᔪᐛ ᐅᑯᓱᐛᐛ, ᑎᐸ, ᑲᐊᒻ, ᑕᐊᔅ ᑭᔭ ᒪᐊᑲ᙮

ᒐᓂᓯᔅ 25:1

ᐊᑉᕋᐊᒻ ᒋ ᐎᒋᒪᐤ ᑯᑎᑲ ᐃᔎᐛ ᑲᑐᕋ ᐊᓯᓂᐧᑲᓱᔨᒋ,

ᒐᓂᓯᔅ 25:6

ᒥᒄ ᐊᔅᒄ ᐊᒋ ᐱᒪᑎᓯᑦ, ᒋ ᒥᔭᐤ ᒥᔨᐛᐅᓇ ᐊᓂᔭ ᐅᑯᓯᔪᐛ ᑯᑎᑲ ᐃᔎᐛ ᑲ ᐎᔪᑦ ᑭᔭ ᒋ ᐃᑎᓴᐛᐤ ᐊᓐᑕ ᐛᐱᓄᑕᒡ ᐊᔅᒋᒡ ᐃᑕᒐ, ᓇᒪ ᐅᒋ ᓂᑐᐛᔨᒪᐤ ᒐᒋ ᐎᒋᔨᒋ ᐊᓐᑕ ᐸᐃᑯᑕᐤ ᐃᑕᐅᓂᒡ ᒧᔭᒻ ᐅᑯᓴ ᐊᐃᓯᑲ᙮

ᒐᓂᓯᔅ 29:29

ᒋ ᑭᓄᐛᔨᒪᐤ ᓚᐸᓐ ᐃᔎᐤ ᐊᐱᒋᐊᑭᓇ ᐱᓚ ᑲ ᐃᓯᓂᐧᑲᓱᔨᒋ᙮ ᕋᐃᒍᓚ ᒋ ᒥᔭᐤ ᒐ ᐊᑐᔅᒐᔅᑕᑯᔨᒋ᙮

ᒐᓂᓯᔅ 30:5

ᒋ ᐊᓱᐛᐱᒪᐅᓱᐤ ᐱᓚ ᑭᔭ ᒂ ᓂᑕᐅᒋᐊᑦ ᐅᑯᓯᒪᐛ᙮

ᒐᓂᓯᔅ 33:2

ᓂᔅᑎᒻ ᐅᑯᐸᓇᔎᒪ ᒋ ᑎᔭᐤ ᑭᔭ ᐅᑦ ᐊᐛᓯᒥᔪᐛ, ᒂ ᐅᒋ ᓇᓴᐅᑯᒡ ᓕᐊᔨᒋ ᑭᔭ ᐅᑦ ᐊᐛᓯᒥᔪᐛ ᑭᔭ ᒪᔅᑕᔾ ᐛᒋ ᐱᒧᑕᒡ ᕋᐃᒍᓪ ᑭᔭ ᒍᓯᑉ᙮

ᒐᓂᓯᔅ 35:22

ᒪᒂᒡ ᑲ ᐎᒋᒡ ᐊᓐᑕ ᐃᑕᐅᓂᒡ, ᕈᐱᓐ ᒋ ᐎᐸᒪᐤ ᐱᓚᔨᒋ, ᐸᐃᒄ ᐅᑕᐎᔭ ᐎᑎᒧᓯᔪᐛ᙮ ᓇᓇᒐ ᒋ ᐸᑎᒻ ᒐᑭᑉ ᑲ ᐃᑎᔨᒋ ᕈᐱᓇ᙮ ᐊᐅᑯᔪᐤ ᐅᔭ ᑲ ᐃᓯᓂᐧᑲᓱᔨᒋ ᑲ ᓂᓱᓴᐳᔨᒋ ᒐᑭᑉ ᐅᑯᓴ᙮

ᒐᓂᓯᔅ 46:25

ᐊᐅᑯᔪᐛ ᐅᔭ ᒍᓯᑉ ᑭᔭ ᐱᓚ ᐅᑯᓱᐛᐛ, ᐊᓂᔭ ᐃᔎᐛ ᓚᐸᓐ ᑲ ᒥᔭᑦ ᐅᑕᓂᓴ ᕋᐃᒍᓚ᙮ ᒪᒧᐤ ᓂᔄᐅᑕᒡ ᒋ ᑕᑥᐸᐎᔪᐛ᙮