ᒐᓂᓯᔅ 29:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒐᑭᑉ ᒋ ᓴᒋᐊᐤ ᕋᐃᒍᓚ ᐊᑯ ᐊᑕᑦ ᓚᐸᓇ, “ᓂᔄᐅᑕᒡ ᑕᑐᐳᓇ ᒋᑭ ᐊᑐᔅᒐᔅᑕᑎᓐ ᓇᐃᒥᓇ ᒐᒋ ᐎᒋᒥᒄ ᒋᑕᓂᔅ ᕋᐃᒍᓪ᙮”

ᒐᓂᓯᔅ 29:18 ပူးပေါင်းရင်းမြစ်များ

ᒐᓂᓯᔅ 24:67

ᐊᑯ ᐊᐃᓯᒃ ᒋ ᐃᑐᑕᐊᐤ ᕋᐸᑲᔨᒋ ᐱᒍᐎᔭᓂᒋᐛᐱᒡ ᐊᓐᑕ ᑲᒋ ᐎᒋᔨᒋ ᐅᑲᐎᔭ ᓴᕋᔨᒋ᙮ ᐊᐃᓯᒃ ᒋ ᐎᒋᒪᐤ ᕋᐸᑲᔨᒋ᙮ ᒋᒋᐛ ᒋ ᓴᒋᐊᐤ ᑭᔭ ᒂ ᒥᔅᑲᐧᒃ ᐊᐃᓯᒃ ᒥᔽᔨᒧᐅᓂᔪᐤ ᑲᒋ ᐳᓂᐱᒪᑎᓯᔨᒋ ᐅᑲᐎᔭ᙮

ᒐᓂᓯᔅ 29:19

ᒋ ᓇᐃᑎᒻ ᓚᐸᓐ ᑭᔭ ᒋ ᐃᑕᐤ, “ᒋᒋᐛ ᓂ ᒥᔽᔨᑕᓐ ᒐᒋ ᒥᔨᑕᓐ ᓂᑕᓂᔅ ᐃᔅᐱᔅ ᒪᒃ ᑯᑎᒃ ᐊᐛᓐ᙮ ᐊᑯ ᒐ ᑕᔨᓐ ᐊ ᑕᔭᓐ ᑭᔭ ᒐ ᐊᑐᔅᒐᔅᑐᐎᔨᓐ ᐃᔅᐱᔅ ᓂᔄᐅᑕᒡ ᑕᑐᐳᓇ᙮”

ᒐᓂᓯᔅ 29:20

ᐊᑯ ᓂᔄᐅᑕᒡ ᑕᑐᐳᓇ ᒋ ᐊᑐᔅᒐᐤ ᒐᑭᑉ ᒐᒋ ᐎᒋᒪᑦ ᕋᐃᒍᓚ, ᒥᒄ ᐛᐃᐱᔅᒋᔅ ᒋ ᐃᑕᔨᑎᒻ ᐛᔅ ᑲ ᐃᔅᐱ ᓴᒋᐊᑦ ᕋᐃᒍᓚ᙮

ᒐᓂᓯᔅ 29:30

ᒐᑭᑉ ᐃᔭᐱᒡ ᒋ ᐎᐸᒪᐤ ᕋᐃᒍᓚ ᑭᔭ ᐊᑎᑐᐤ ᒋ ᓴᒋᐊᐤ ᕋᐃᒍᓚ ᐃᔅᐱᔅ ᓕᐊᔨᒋ᙮ ᑲᒋ ᐎᒋᒪᑦ ᒐᑭᑉ ᕋᐃᒍᓚ, ᓂᔄᐅᑕᒡ ᑕᑐᐳᓇ ᒥᓐ ᒋ ᐊᑐᔅᒐᔅᑐᐛᐤ ᓚᐸᓇ᙮

ᒐᓂᓯᔅ 30:26

ᑭᔭ ᒋ ᐃᑕᐤ, “ᒋᔅᒐᔨᑕᓐ ᑲ ᐃᔅᐱᔅ ᒥᔪ ᐊᑐᔅᒐᔅᑕᑕᓐ᙮ ᓂᒋ ᒋᔅᑕᓐ ᒥᓯᐛ ᐊᑐᔅᒐᐅᓐ ᑲ ᓂᔅᑯᒧᔭᓐ ᒐᒋ ᐃᑐᑎᒪᓐ ᓂᐅᒡ ᑭᔭ ᓂᑦ ᐊᐛᓯᒥᒡ ᐅᒡ᙮ ᐊᓄᒡ ᒋ ᑯᒂᒋᒥᑎᓐ, ᓇᐃᒥ ᒐᒋ ᐅᑎᓂᒂᐤ ᑭᔭ ᒐ ᒋᐛᔭᓐ᙮”

ᒐᓂᓯᔅ 31:41

ᓂᓱᔪᐛᐳᓇ ᐃᔅᐱᔅ ᓂᒋ ᑕᓐ ᒋᒋᒡ, ᓇᐅᓴᐱᐳᓇ ᔅᒋ ᐊᑐᔅᒐᔅᑕᑎᓐ ᐊᑯ ᒪᒃ ᒐᒋ ᐎᒋᒥᒂᐤ ᐊ ᓂᓯᒡ ᒋᑕᓂᓯᒡ ᑭᔭ ᐊᓱᑕᒡ ᑕᑐᐳᓇ ᐊᐛᓯᓯᒡ ᐅᒡ ᐊᓐᒡ ᑲ ᒥᔨᓐ ᒧᔭᒻ ᒋᓯᐧᑲᑐᐅᓐ᙮ ᐸᐃᑯᔪᐤ ᑕᑥᐤ ᔅᒋ ᒥᔅᑯᑐᓇᓐ ᓂᑲᓂᔪᐅᓐ᙮

ᒐᓂᓯᔅ 34:12

ᐎᑎᒧᐅᒄ ᒐᒄ ᒥᔨᐛᐅᓇ ᓇᑐᐛᔨᑎᒪᒄ ᒐ ᒥᔨᑎᑯᒡ ᑭᔭ ᒋᑭ ᒋ ᐃᔅᐱᐱᑕᓇᐛᐤ ᐅᔅᒋᓂᐳ-ᒥᔨᐛᐅᓐ ᒥᒄ ᐊᔅᐱᔅ ᒥᔽᔨᑎᒪᒄ᙮ ᓇᐊᔨᑎᒪᒂ ᒐᒋ ᐎᒋᒥᑦ, ᒋᑭ ᒥᔨᑎᓇᐛᐤ ᐊᔅᐱᔅ ᓂᑐᐛᔨᑎᒪᒄ ᒥᔨᔭᒂ ᐊᓐ ᐃᔎᔅ ᒐᒋ ᐎᐅᔭᓐ᙮”