ᒐᓂᓯᔅ 28:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᐸᑕᓪ ᒋ ᐃᓯᓂᐧᑲᑎᒻ ᐊᓂᔭ ᐃᑕᐅᓂᔪᐤ, ᒋᓴᒪᓂᑐᐤ ᐎᒡ ᐊ ᐃᑥᒥᑲᒡ᙮ (ᓗᔅ ᐅᔅᑭᒡ ᒋ ᐃᓯᓂᐧᑲᑕᐤ ᒥᒋᒪ ᑲ ᑎᒂᒡ ᐊᓐᑕ ᐅᑕᓇᐤ᙮)

ᒐᓂᓯᔅ 28:19 ပူးပေါင်းရင်းမြစ်များ

ᒐᓂᓯᔅ 12:8

ᐊᑉᕋᒻ ᒪᒃ ᒋ ᐃᑐᑕᐤ ᐱᔅᑯᑎᓇᒡ ᐛᐱᓄᑕᒡ ᐸᑕᓪ ᐃᑕᒐ ᑭᔭ ᐊᑯᑕ ᑲ ᒋᒥᑕᑦ ᐅᐱᒍᐎᔭᓂᒋᐛᑉ, ᐸᑕᓪ ᐊᑎᒪᐱᓯᒧᒡ ᐊ ᑎᑯᓂᔨᒡ ᐃᑕᒐ ᑭᔭ ᐊᐃ ᐛᐱᓄᑕᒡ ᐃᑕᒐ᙮ ᐊᑯᑕ ᐱᔅᑎᓂᒐᐅᓇᐱᔅᑯᔪᐤ ᑲ ᐅᓯᑎᒧᐛᑦ ᑎᐸᔨᒋᒐᓱᐛ ᑭᔭ ᒋ ᓂᑐᑎᒧᐛᐤ ᑎᐸᔨᒋᒐᓱᐛ᙮

ᒐᓂᓯᔅ 28:11

ᒋ ᐅᑎᑐᒻ ᐸᐃᒄ ᐃᑕᐅᓂᔪᐤ ᑭᔭ ᒂ ᑕᑦ ᐊᓐᑕ ᑕᐱᔅᑲᔨᒡ, ᐛᔅ ᒋ ᐸᒋᓯᒧᔪᐛ ᐱᓯᒺ᙮ ᒋ ᐅᑎᓇᐤ ᐊᓐᑕ ᐸᐃᒄ ᐊᓯᓂᔭ, ᒋ ᐊᔭᐤ ᒪᒃ ᒐᒋ ᐊᔎᓯᒧᑦ᙮ ᐊᑯᑕ ᒪᒃ ᓂᐊᐃᓯᐧᒃ ᒐᒋ ᓂᐸᑦ᙮

ᒐᓂᓯᔅ 31:13

ᓂᔾ ᐅ ᒋᓴᒪᓂᑐᐤ ᐊᓐᑕ ᐸᑕᓪ ᑲ ᓄᑯᓯᔅᑕᑕᓐ, ᐊᑯᑕ ᑲ ᐳᐅᓐᑦ ᐱᒥᔾ ᐊᓐᑕ ᐊᓯᓂᒡ ᒐ ᒋᔅᑕᔨᒥᔨᓐ᙮ ᐊᑯᑕ ᐃᔭᐱᒡ ᑲ ᐊᓱᑎᒧᔨᓐ ᒐᒋ ᐊᔭᒥᐊᔅᑐᐎᓐ᙮ ᐊᑯ ᓇᐊᐎᔾ ᑭᔭ ᑲᐤ ᐊᓐᑕ ᒐ ᐃᑐᑕᔨᓐ ᐊᔅᒋᒡ ᑲ ᐅᒋ ᐃᔪᐎᔨᓐ᙮’ ”

ᒐᓂᓯᔅ 35:1

ᓇᓇᒐ ᐊᑯ ᒋᓴᒪᓂᑐᐤ ᐊᑕᑦ ᒐᑭᐸ, “ᐸᑕᓪ ᐅᑕᓇᐤ ᐃᑐᑕ ᑭᔭ ᐊᑯᑕ ᒐ ᐎᒋᔨᓐ᙮ ᓂᔾ ᐅ ᒋᓴᒪᓂᑐᐤ ᑲ ᓄᑯᓯᔅᑕᑕᓐ ᐃᔅᐱ ᑲ ᒋᑎᓯᒥᑦ ᒋᔅᑕᔅ ᐃᓴᐅ᙮ ᐊᑯ ᒐ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᐊᓐᑕ ᐸᑕᓪ ᑭᔭ ᐊᑯᑕ ᒐ ᐊᔭᒥᐊᔅᑐᐅᔭᒄ᙮” ᐊᑯ ᒐᑭᑉ ᒋ ᑕᑈᑐᐛᐤ ᒋᓴᒪᓂᑐᐛ ᑲ ᐃᑎᓱᒥᑯᑦ᙮

ᒐᓂᓯᔅ 35:14

ᐊᓐᑕ ᒪᒃ ᑲ ᐃᔨᒥᑯᑦ ᒋᓴᒪᓂᑐᐛ, ᒋ ᒋᒥᔭᐤ ᒐᑭᑉ ᐊᓯᓂᔭ ᑭᔭ ᒋ ᐃᔨᒥᑥᑎᒻ ᐊᓯᒋᓇᒃ ᒥᓂᒂᐎ ᐱᔅᑎᓂᒐᐅᓂᔪᐤ ᑭᔭ ᐱᒥᐛᑎᒃ ᐱᒥᔪᐤ ᑕᐧᑯᒡ ᐊᓯᓂᒡ᙮

ᒐᓂᓯᔅ 35:15

ᐊᑯ ᐸᑕᓪ ᒂ ᐃᓯᓂᐧᑲᑕᐧᒃ ᒐᑭᑉ ᐊᓐᑕ ᑲ ᐃᔨᒥᑯᑦ ᒋᓴᒪᓂᑐᐛ᙮

ᒐᓂᓯᔅ 35:6

ᓗᔅ ᑲᐃᓇᓐ ᐊᔅᒋᔪᐤ ᒐᑭᑉ ᒋ ᐅᑎᑎᒧᒡ ᐊᓯᒡ ᐅᑦ ᐃᔨᒪ, ᐸᑕᓪ ᐊᓄᒡ ᐊᓯᓂᐧᑲᑕᒡ ᐊᓐ ᐃᑕᐅᓐ᙮

ᒐᓂᓯᔅ 35:7

ᐊᑯᑕ ᑭᔭ ᒋᓴᒪᓂᑐᐤ ᐸᑕᓪ ᐅᒡ ᒋ ᐃᓯᓂᐧᑲᑎᒻ ᐊᓂᔭ ᐅᑕᓇᔪᐤ ᐛᔅ ᐊᑯᑕ ᐊᓐᑕ ᑲ ᓄᑯᓯᔅᑐᐛᑦ ᒋᓴᒪᓂᑐᐤ ᒐᑭᐸ ᐃᔅᐱ ᑲᒋ ᒋᑎᓴᒪᔨᒋ ᐅᔅᑕᓯᔪᐛ᙮

ᒐᓂᓯᔅ 48:3

ᒋ ᐛᒋᔭᒪᐤ ᒐᑭᑉ ᒍᓯᐸ ᑭᔭ ᒂ ᐃᑕᑦ, “ᓂᒋ ᓄᑯᓯᔅᑕᒄ ᒥᓯᐛ ᐊᓯ ᓱᐧᑲᑎᓯᑦ ᒋᓴᒪᓂᑐᐤ ᐊᓐᑕ ᓗᔅ ᑲᐃᓇᓐ ᐊᔅᒋᒡ, ᑭᔭ ᐊᑯᑕ ᑲ ᒥᔨᑦ ᐅᓱᐛᔨᒋᒐᐅᓐ᙮