ᒐᓂᓯᔅ 28:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒐ ᐊᑲ ᐊᐛᓐ ᒋᒋᒪᑦ, ᒋᑭ ᒥᓯᑕᐱᔪᐅᒡ ᐊᑎᒪᐱᓯᒧᒡ ᑭᔭ ᐛᐱᓄᑕᒡ ᐃᔅ, ᒋᐛᑎᓄᒡ ᑭᔭ ᐱᓯᒧᑕᒡ ᐃᔅ᙮ ᒋᔾ ᐅᒋ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 28:14 ပူးပေါင်းရင်းမြစ်များ

ᒐᓂᓯᔅ 12:3

ᓂᑭ ᒥᔽᒋᒪᐅᒡ ᐊᓐᒡ ᑲ ᒥᔽᒋᒥᔅᒡ ᑭᔭ ᓂᑭ ᒥᒐᒋᒪᐤ ᐊᓐ ᒪᒐᒋᒥᔅᒃ; ᒋᔾ ᐅᒡ ᒥᓯᐛ ᐊ ᑕᑎᓯᒡ ᐃᔪᒡ ᐅᑕ ᐊᔅᒋᒡ ᒋᑭ ᓱᐛᔨᑕᑯᓱᐅᒡ᙮”

ᒐᓂᓯᔅ 13:14

ᑎᐸᔨᒋᒐᓱᐤ ᒋ ᐃᑕᐤ ᐊᑉᕋᒪ ᑲᒋ ᓂᑭᑎᑯᑦ ᓗᑕ, “ᑎᔅᑎᓴᐱᔾ ᑭᔭ ᒐ ᐃᑕᐱᔨᓐ ᒋᐛᑎᓄᒡ ᑭᔭ ᐱᓯᒧᑕᒡ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ᙮

ᒐᓂᓯᔅ 13:15

ᒥᓯᐛ ᐊᓐ ᐎᔭᐸᑎᒥᓐ ᐊᔅᒋᔾ ᒋᑭ ᒥᔨᑎᓐ ᑭᔭ ᒋᓂᑕᐅᒋᐊᑭᓐᒡ, ᒋᔨᐛᐤ ᓇᓂᑎᒻ ᒋᑭ ᑎᐸᔨᑕᓇᐛᐤ᙮

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 18:18

ᐛᔅ ᐊᑉᕋᐊᒻ ᐅᑦ ᐊᓂᔅᑯᑕᐸᓇ ᒋᑭ ᒥᒐᑐᔅᑲᓇᓯᔨᐛ ᑭᔭ ᒋᑭ ᓱᐧᑲᑎᓯᔨᐛ ᑭᔭ ᐎᔾ ᐅᒡ ᓂᑭ ᐅᒋ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐅᑕ ᐊᔅᒋᒡ᙮

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 22:18

ᒋᑦ ᐊᐛᓯᒥᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐃᔪᒡ ᐊᓐᑕ ᐊᔅᒋᒡ, ᐊᐅᑯᐤ ᒋᑎᐸᐊᒪᑯᓯᐅᓐ ᐊᒋ ᑕᑈᔭᔨᒥᔨᓐ᙮”

ᒐᓂᓯᔅ 26:4

ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓐᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔭ᙮ ᒋᑦ ᐊᓂᔅᑯᑕᐸᓐᒡ ᐅᒡ ᓂᑭ ᒥᔪᑐᑐᐛᐅᒡ ᒥᓯᐛ ᐊ ᑕᑐᔅᑲᓇᓯᒡ ᐃᔪᒡ ᐅᑕ ᐊᔅᒋᒡ᙮

ᒐᓂᓯᔅ 32:12

ᒋᔅᒋᓯ ᑲ ᐊᓱᑎᒧᔨᓐ ᒐᒋ ᒥᓯᐛ ᐃᓯ ᒥᔪᐱᔨᔭᓐ ᑭᔭ ᐊᑎᑐᐤ ᒐᒋ ᒥᔨᓐ ᐊᓂᔅᑯᑕᐸᓐᒡ ᒧᔭᒻ ᐊᑕᑎᒡ ᐃᔭᑲᐤ ᓇᓯᐸᑎᒥᒡ ᒐ ᐊᑲ ᐊᐛᓐ ᒋᒋᒪᑦ᙮”

ᒐᓂᓯᔅ 48:16

ᒋᔾ ᐅ ᐃᔭᐱᒡ ᐊᓐᒋᓐ ᐊᓐ ᑲ ᐱᐧᑯᒋᐃᑦ ᒥᓯᐛ ᐊ ᐃᓯᓇᑯᓂᔨᒡ ᑲ ᒪᔭᑎᓂᔨᒡ ᐅᒡ, ᒋᓴᒪᓂᑐᐤ, ᓱᐛᔨᑕᑯᔨᒡ ᐅᒡ ᑲᓂᓯᒡ ᓇᐸᓯᒡ᙮ ᑭᒪ ᐃᔪᒡ ᒋᔅᒋᑕᒡ ᓂᑦ ᐃᓯᓂᐧᑲᓱᐅᓂᔪᐤ ᑭᔭ ᐅᑦ ᐃᓯᓂᐧᑲᓱᐅᓂᔪᐛ ᓄᑕᐎᔭ ᐊᐃᓯᑲ ᑭᔭ ᓂᒧᓱᒪ ᐊᑉᕋᐊᒪ ᐅᔭ ᓇᐸᓴ ᐅᒡ᙮ ᑭᒪ ᐅᒡ ᓇᐸᓯᒡ ᒥᒐᑎᔨᒋ ᐅᑦ ᐊᓂᔅᑯᑕᐸᓄᐛᐛ᙮”

ᒐᓂᓯᔅ 48:19

ᒥᒄ ᓇᒪ ᐅᒋ ᐎᔭᒋᐱᑕᔪᐛ ᐅᑕᐎᔭ ᐅᑎᒋᔪᐤ ᐊ ᐃᑎᑯᑦ, “ᓂ ᒋᔅᒐᔨᒪᐤ ᑕᓐ ᐅᔅᑭᒡ ᑲ ᐃᔪᑦ ᒋᑯᔅ, ᓂᑯᓴ᙮ ᒪᓇᓴ, ᐊᓐ ᐅᔅᑭᒡ ᑲ ᐃᔪᑦ, ᒋᑭ ᓱᐧᑲᑎᓯᐤ ᑭᔭ ᐅᑦ ᐊᓂᔅᑯᑕᐸᓇ ᒋᑭ ᒥᒐᑦ ᐃᑎᔅᑲᓇᓯᔨᐛ᙮ ᒥᒄ ᐃᑉᕋᐃᒻ ᐊᑎᑐᐤ ᒋᑭ ᓱᐧᑲᑎᓯᐤ ᐃᔅᐱᔅ ᒪᓇᓴᔨᒋ, ᑭᔭ ᐅᑦ ᐊᓂᔅᑯᑕᐸᓇ ᒋᒋᐛ ᒋᑭ ᒥᒐᑎᔨᐛ ᐊᑯ ᒐ ᒥᒐᑦ ᐃᑎᔅᑲᓇᓯᔨᒋ᙮”

ᑎᐱᑦ ᐅᓂᑭᒧᐅᓇ 72:17

ᐅᑦ ᐃᓯᓂᐧᑲᓱᐅᓐ ᓇᓂᑎᒻ ᒋᑭ ᑎᑯᓂᔪᐤ: ᐅᑦ ᐃᓯᓂᐧᑲᓱᐅᓐ ᒋᑭ ᐱᒥᐱᔪᐤ ᒐ ᐃᔅᐱᔅ ᑕᒂ ᐱᓯᒻ᙮ ᐃᔪᐤ ᒪᒃ ᒋᑭ ᓱᐛᔨᑕᑯᓱᐤ ᐎᔾ ᐅᒡ; ᒥᓯᐛ ᑭᔭ ᑲ ᐃᑎᔅᑲᓇᓯᔨᒋ ᐃᔪᐛ ᓱᐛᔨᑕᑯᓯᐤ ᒋᑭ ᐃᑎᑯᐤ᙮

ᐊᒃᓱᑕᔅ 32:13

ᒋᔅᒋᑐᐅᒡ ᒋᑦ ᐊᐱᒋᐊᑭᓐᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᑲ ᐊᓱᑎᒧᐅᑥᐤ ᑲ ᐃᑎᑥᐤ, ‘ᓂᑭ ᒥᒐᑐᐛᐅᒡ ᒋᑦ ᐊᓂᔅᑯᑕᐸᓄᐛᐅᒡ ᒧᔭᒻ ᒋᓯᑯᒡ ᐊᔅᐱᒐᑎᒡ ᐅᒐᑭᑕᐧᑯᒡ ᑭᔭ ᓂᑭ ᒥᔭᐅᒡ ᒥᓯᐛ ᐅᔭ ᐊᔅᒋᔭ ᑲ ᐊᓱᑎᒧᐅᒂᐤ ᑭᔭ ᐎᔨᐛᐤ ᒧᔅ ᑲᒋᒡ ᒋᑭ ᑎᐱᔨᐛᓯᐅᒡ᙮’ ”

ᒪᑎᔪᐤ 8:11

ᒋ ᐎᑎᒪᑎᓇᐛᐤ ᒪᒃ, ᒥᒐᑦ ᐊᐛᓐᒋ ᐊᓐᒡ ᑲ ᑕᑈᔭᔨᒪᒡ ᒋᓴᒪᓂᑐᐛ ᒧᔭᒻ ᐊᑎᑦ ᐅ ᓇᐸᐤ, ᐛᐱᓄᑕᒡ ᑭᔭ ᐊᑎᒪᐱᓯᒧᒡ ᒋᑭ ᐅᑐᑕᐅᒡ ᒐ ᐎᑎᐱᒪᒡ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᒥᒋᓱᓇᓄᔨᒐ ᒋᒋᒋᓯᒄ ᒋᓴᐅᒋᒪᐅᓂᒡ᙮

ᐊᑈᔅᑕᓇᒡ 3:25

ᒋᑦ ᐊᓂᔅᒐ ᐎᐧᑲᓂᓯᓇᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᐊᓂᔭᔪᐤ ᒪᒃ ᓂᔅᑯᒧᐅᓂᔪᐤ ᑕᓐ ᑲ ᐃᓯ ᒥᔨᑯᒡ ᒋᓴᒪᓂᑐᐛ ᑭᔭ ᒋᔨᐛᐤ ᐊᓐᑕ ᒋᑦ ᐊᔅᑎᓯᓇᓱᓇᐛᐤ᙮ ᐛᔅ ᒋᓴᒪᓂᑐᐤ ᒋ ᐃᑕᐤ ᐊᓂᔭ ᐊᑉᕋᐊᒪ, ᐊᓐᑕ ᓂᔅᑕᒥᒡ ᒋᑦ ᐊᐛᓯᒥᒡ ᓂᑭ ᐅᒋ ᐅᑎᓇᐤ ᐸᐃᒄ ᐊᐛᓐ ᐊᓐᑕ ᐅᒋ ᒐᒋ ᐅᒋ ᓱᐛᔨᒥᒂᐤ ᒥᓯᐛ ᐊᐛᓐᒋ ᐅᑕ ᐊᔅᒋᒡ᙮

ᑲᓚᓯᔭᓇ 3:16

ᐊᐅᑯᓐ ᒪᒃ ᒧᔭᒻ ᑲ ᐃᓯᓇᑯᓂᔨᒡ ᒋᓴᒪᓂᑐᐤ ᑭᔭ ᐊᓂᔭᐧᑲ ᐊᑉᕋᐊᒻ ᑲ ᐅᓯᑎᒪᓱᒡ ᑕᓐ ᑕᐱᔅᑯᓐ ᒐ ᐃᓯ ᓂᔅᑯᒧᒡ᙮ ᒋᓴᒪᓂᑐᐤ ᒋ ᐃᔅᒋᔄᑯᐱᓇ ᒐᔅᑎᓇᔅ ᒐ ᓱᐛᔨᒪᑦ ᐊᑉᕋᐊᒪ ᑭᔭ ᐸᐃᒄ ᐊᓂᔭᔪᐛ ᐊᐛᔪᐛ ᐊᓐᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ᙮ ᓇᒪ ᐃᑎᔅᑕᐤ ᒋᓴᒪᓂᑐᐤ ᐅᒥᓯᓇᐃᑭᓂᒡ, ᒋᔾ ᑭᔭ ᐊᓐᒡ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᒡ ᒋᑭ ᒥᔪᑐᑎᒪᑎᓇᐛᐤ᙮ ᒪᐅ ᐊᑎᔅᑕᒡ, ᒋᔾ ᒋᑭ ᒥᔪᑐᑎᒪᑎᓐ ᑭᔭ ᐸᐃᒄ ᐊᓐ ᐊᓐᑕ ᐊ ᑕᔨᓐ ᒐ ᐅᒋ ᐊᓂᔅᒐ ᐱᒪᑎᓯᑦ᙮ ᙭ ᒪᒃ ᐅ ᑲ ᐊᔨᒧᒪᑭᓄᐅᑦ᙮

ᑲᓚᓯᔭᓇ 3:8

ᓴᔅ ᐊᓐᑕ ᐛᔅᑭᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᒋ ᓂᑲᓐ ᐎᑕᑭᓄᐤ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᐅᑯᐃᔅᑯᑕᑎᓯᐅᒡ ᒐ ᐃᓯ ᑭᓄᐛᐱᒥᑯᒡ ᒋᓴᒪᓂᑐᐛ ᐊ ᑕᑈᑕᒡ᙮ ᐊᔪᐅᒄ ᐅᔭ ᐛᒋ ᓂᑲᓐ ᐎᑎᒧᐛᑭᓄᐅᑦ ᐊᑉᕋᐊᒻ ᒥᔽᒋᒧᐅᓂᔪᐤ, ᒋ ᐃᑎᑯᑯᐱᓇ ᒋᓴᒪᓂᑐᐛ, “ᒋᔾ ᐊ ᑕᔨᓐ ᒋᑭ ᐅᒋ ᐊᓂᔅᒐᐱᔪᐤ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᒐᒋ ᓱᐛᔨᒥᒂᐤ᙮”

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮

ᒋᔅᒐᔨᑕᑯᑕᒐᐅᓐ 7:4

ᐊᑯ ᒂ ᐸᑎᒪᓐ ᑕᓐ ᑲ ᐃᑕᑎᓯᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓱᐅᒡ᙮ ᒥᓯᐛ ᐊᓐᑕ ᐊ ᓂᓱᓴᑉ ᐱᑐᐤ ᑲ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ᐅᒋᐅᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 7:9

ᐃᔅᐱ ᑲ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᐊ ᒥᔅᑎ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒥᓯᐛ ᐊ ᐃᑎᔅᑲᓇᓯᓇᓄᐎᒡ ᐊ ᐅᒋᒡ, ᒥᓯᐛ ᐊ ᐃᓯ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ᐃᔨᒥᓇᓄᐎᒡ, ᒥᓯᐛ ᒋ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ᑎᓯᒡ ᒋ ᐛᐸᔅᐱᓱᐅᒡ ᑭᔭ ᒋ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ᒧᒋᒐᔨᑕᒡ᙮