10 ᐃᔅᐱ ᒐᑭᑉ ᑲ ᓂᑭᑕᐧᒃ ᐱᕐ-ᓯᐸ, ᐦᐊᕋᓐ ᐃᑕᒐ ᒋ ᐃᑐᑕᐤ᙮
ᑕᕋ ᒋ ᔅᑐᑕᐊᐤ ᐅᑯᓴ ᐊᑉᕋᒪ ᑭᔭ ᐅᔅᒋᒪ ᓗᑕ, ᐦᐊᕋᓇ ᐅᑯᓯᔪᐛ ᑭᔭ ᐅᓇᐊᑭᓂᔎᒪ ᓴᕋᔨᒋ, ᐅᑯᓴ ᐊᑉᕋᒪ ᐎᐎᐛ᙮ ᒪᒧᐤ ᒂ ᓂᑭᑕᒡ ᐅᕐ ᐊᓐᑕ ᑲᓪᑎᔭ, ᑲᐃᓇᓐ ᐊᔅᒋᒡ ᐊ ᐃᑐᑕᒡ᙮ ᒥᒄ ᐊᕋᓐ ᐃᔅᐱᔅ ᒋ ᐃᑐᑕᐅᒡ, ᐊᑯᑕ ᑲ ᐃᑐᑕᒡ ᐎᒋᐛᐤ᙮
ᓂᔄᐅᑕᒡ ᑕᑐᔪᐤ ᐊᓱ ᐱᑕᑕᒡ ᒋ ᐃᑕᑐᐳᓇᓱᐤ ᐊᑉᕋᒻ ᑲ ᐃᑎᑯᑦ ᑎᐸᔨᒋᒐᓱᐛ ᒐᒋ ᓂᑭᑕᐧᒃ ᐦᐊᕋᓐ ᐅᑕᓇᔪᐤ᙮ ᒋ ᑕᑈᑐᐛᐤ ᑭᔭ ᒋ ᔅᑐᑕᐤ ᓗᑕ ᐊ ᐎᒐᐅᑯᑦ᙮
ᐊᑉᕋᒻ ᒋ ᐅᑎᓇᐤ ᐎᐛ ᓴᕋᐃᔨᒋ ᑭᔭ ᐅᑐᓯᒪ ᓗᑕ ᑭᔭ ᒥᓯᐛ ᒐᒂᓂᔪᐤ ᑲ ᒪᐅᒋᑕᑦ ᑭᔭ ᒥᓯᐛ ᐅᑦ ᐊᐱᒋᐊᑭᓇ ᐦᐊᕋᓐ ᑲ ᐅᒋ ᐊᔭᐛᒡ, ᒋ ᔅᑐᑕᐅᒡ ᒐᒋ ᐃᑐᑕᒡ ᑲᐃᓇᓐ ᐊᔅᒋᒡ᙮ ᐊᑯ ᑲ ᑎᑯᓯᒡ ᐊᓐᑕ ᑲᐃᓇᓐ ᐊᔅᒋᒡ᙮
ᒋ ᔅᑐᑕᐤ ᐊᐃᓯᒃ ᑭᔭ ᐱᕐ-ᓯᐸ ᒂ ᐃᑐᑕᑦ᙮
ᐊᑯ ᒐ ᐃᑐᑎᒥᓐ ᒐᒂᓐ ᒐ ᐃᑎᑕᓐ᙮ ᐦᐊᕋᓐ ᐅᑕᓇᔪᐤ ᐊᑯᑕ ᐛᒋᑦ ᓂᐧᑲᓂᔅ᙮ ᒋᔅᑎᑉ ᔅᑐᑕᒪ ᑭᔭ ᒐ ᑕᐅᑦ ᐊ ᑕᑦ᙮
ᒋ ᓇᑕᐤ ᒐᑭᑉ ᒪᔭᑕᓂᓯᐅ-ᐃᔪᐛ ᑭᔭ ᑲ ᑯᒂᒋᒪᑦ, “ᓂᐧᑲᓂᓯᑐᒄ, ᑕᓐᑕ ᐛᒋᔭᒄ ?” ᒂ ᐃᑎᑯᑦ, “ᐦᐊᕋᓐ ᐃᑕᐅᓂᒡ ᓂ ᐅᒋᓇᓐ᙮”
ᒋᒋᐛ ᒋᔅᑎᒪᒐᔨᒧᐛᓐ᙮ ᓇᓂᑎᒻ ᔅᒋ ᑕᓐ ᒐᒋ ᐎᒋᐃᔨᓐ ᐃᔅᐱ ᓇᑐᐛᔨᒥᑕᓂ᙮ ᓇᒪ ᓂᒋ ᒋᔅᑕᔨᑕᑯᓯᓐ ᑲ ᐃᓯ ᒪᒥᔪᑐᑐᐎᔨᓐ᙮ ᒋᑭ ᐊᑐᔅᒐᔅᑕᑎᓐ ᑭᔭ ᒋᑭ ᓇᐃᑕᑎᓐ᙮ ᐃᔅᐱ ᐅᔅᑭᒡ ᑲ ᑎᔅᑭᒥᑲᓯᔭᓐ ᒠᕐᑕᓐ ᓯᐱᔾ ᐊᕋᓐ ᒐᒋ ᐃᑐᑕᔭᓐ, ᓯᔅᑲᐅᓐ ᒥᒄ ᓂᒋ ᑭᓄᐛᔨᑕᓐ᙮ ᐊᓄᒡ ᑲᐤ ᓂ ᒋᐛᓐ ᒋᒡ ᓂᓱᐎᒡ ᐃᔪᒡ ᑭᔭ ᒥᒐᑦ ᐊᐛᓯᓯᒡ᙮
ᓇᓇᒐ ᐊᑯ ᒋᓴᒪᓂᑐᐤ ᐊᑕᑦ ᒐᑭᐸ, “ᐸᑕᓪ ᐅᑕᓇᐤ ᐃᑐᑕ ᑭᔭ ᐊᑯᑕ ᒐ ᐎᒋᔨᓐ᙮ ᓂᔾ ᐅ ᒋᓴᒪᓂᑐᐤ ᑲ ᓄᑯᓯᔅᑕᑕᓐ ᐃᔅᐱ ᑲ ᒋᑎᓯᒥᑦ ᒋᔅᑕᔅ ᐃᓴᐅ᙮ ᐊᑯ ᒐ ᐅᓯᑕᔨᓐ ᐱᔅᑎᓂᒐᐅᓇᐱᔅᒄ ᐊᓐᑕ ᐸᑕᓪ ᑭᔭ ᐊᑯᑕ ᒐ ᐊᔭᒥᐊᔅᑐᐅᔭᒄ᙮” ᐊᑯ ᒐᑭᑉ ᒋ ᑕᑈᑐᐛᐤ ᒋᓴᒪᓂᑐᐛ ᑲ ᐃᑎᓱᒥᑯᑦ᙮
ᐊᑯᑕ ᑭᔭ ᒋᓴᒪᓂᑐᐤ ᐸᑕᓪ ᐅᒡ ᒋ ᐃᓯᓂᐧᑲᑎᒻ ᐊᓂᔭ ᐅᑕᓇᔪᐤ ᐛᔅ ᐊᑯᑕ ᐊᓐᑕ ᑲ ᓄᑯᓯᔅᑐᐛᑦ ᒋᓴᒪᓂᑐᐤ ᒐᑭᐸ ᐃᔅᐱ ᑲᒋ ᒋᑎᓴᒪᔨᒋ ᐅᔅᑕᓯᔪᐛ᙮
ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮
ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᓂᑭᑕ ᐅ ᐃᑕᐅᓐ, ᒋᔾ ᑭᔭ ᐃᔅᕋᐃᓪ ᐃᔪᒡ ᐊᓐᒡ ᑲ ᐎᐎᑕᐃᑥᐤ ᐊᓐᑕ ᐃᒋᑉᑎᒡ ᐅᒡ᙮ ᒐ ᐃᑐᑕᐃᑥᐤ ᐊᓐᑕ ᑲ ᐊᓱᑎᒧᐅᒂᐤ ᐊᔅᒋᔪᐤ ᒐᒋ ᒥᔨᒂᐤ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ, ᑭᔭ ᐅᑦ ᐊᓂᔅᑯᑕᐸᓄᐛᐛ᙮
ᐸᑎᒪ ᒪᒃ ᒥᓐ ᑯᑎᒃ ᒋᓴᐅᒋᒪᐤ ᐊᒃᕆᐸ ᐊ ᐃᓯᓂᐧᑲᓱᑦ ᑭᔭ ᐅᓯᒪ ᐳᕐᓂᔅ ᐊ ᐃᓯᓂᐧᑲᓱᔨᒋ ᒋ ᐸᒋ ᑎᑯᓯᓄᐅᒡ ᐊᓐᑕ ᓯᓴᕆᔭᒡ᙮ ᒋ ᐎ ᐸᒋ ᐛᒋᔭᒪᐅᒡ ᐊᓂᔭ ᒋᓴᐅᒋᒪᐛ ᐸᔅᑕᓴ᙮
ᐊᑯ ᔅᑎᐱᓐ ᒂ ᐃᑕᑦ, “ᓂᐧᑲᓂᓯᑐᒄ ᑭᔭ ᐅᑕᐎᒪᑐᒄ ᐸᒋ ᓂᑐᑐᐅᒄ, ᒋᓴᒪᓂᑐᐤ ᑲ ᒋᔅᑕᔨᑕᑯᓯᑦ ᒋ ᓄᑯᓯᔅᑐᐛᐤ ᐛᔅᑭᒡ ᐊᓂᔭᐧᑲ ᒍᑕᐎᓄᐛ ᐊᑉᕋᐊᒪ ᒪᒂᒡ ᑲ ᐎᒋᔨᒋ ᐊᓐᑕ ᒪᓴᐳᑕᐃᒥᔭ ᐊᔅᒋᒡ, ᐊᔅᒄ ᐊᑲ ᐦᐊᕋᓐ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐅᒋ ᐃᓯ ᐊᑐᒐᔨᒋ᙮