ᒐᓂᓯᔅ 27:40 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁰ ᓇᓂᑎᒻ ᒋᑭ ᒪᓯᐧᑯᐛᐅᒡ ᐃᔭᒡ ᐃᔪᒡ ᑭᔭ ᒋᑭ ᐎ ᒥᔅᑎᑐᔅᒐᔅᑐᐛᐤ ᒋᐧᑲᓂᔅ᙮ ᓇᓇᒐ ᒋᑭ ᓱᐧᑲᑎᓯᓐ ᑭᔭ ᒋᑭ ᐱᐧᑯᐅᓐ᙮ ᓇᒪ ᒋᑭ ᒋ ᓴᔅ ᑎᐸᔨᒥᒄ᙮”

ᒐᓂᓯᔅ 27:40 ပူးပေါင်းရင်းမြစ်များ

ᒐᓂᓯᔅ 25:23

ᑎᐸᔨᒋᒐᓱᐛ ᒋ ᐃᑎᑯᐤ, “ᐃᔅᐱ ᓂᑕᐅᒋᑥᐛ ᐊᓐᒡ ᐊ ᓂᓯᒡ ᒋᑯᓯᒡ ᒐᔅᑯᐅᑥᐤ, ᐊᐛᓯᐅᑦ ᒋᑭ ᑎᐸᔨᒪᐤ ᒐᓴᐃᔪᔨᒋ᙮ ᐊ ᓂᓯᒡ ᓇᐸᓯᒡ ᒋᑭ ᓂᑕᐅᒍᐅᒡ ᑭᔭ ᒋᑭ ᐅᑦ ᐊᐛᓯᒧᐅᒡ ᑭᔭ ᐅᑦ ᐊᓂᔅᑯᑕᐸᓄᐛᐛ ᒋᑭ ᓂᓱᔅᑲᓇᓯᔪᐛ ᐊ ᐊᑐᐛᔨᒥᑐᔨᒋ᙮ ᐊᐛᓯᐅᑦ ᐅᑦ ᐊᓂᔅᑯᑕᐸᓇ ᒋᑭ ᓴᐱᔨᐛ ᐃᔅᐱᔅ ᐊ ᒋᓴᐃᔪᑦ ᐅᑦ ᐊᓂᔅᑯᑕᐸᓇ᙮ ᐊᐅᑯᐤ ᐊᑥᒥᑲᒡ ᐅ ᐃᔅᐱ ᒧᓯᔨᑥᐎ ᐊᔭᒋᓂᑐᒡ ᓇᐸᓯᒡ᙮”

ᒐᓂᓯᔅ 27:29

ᒋᓴᒪᓂᑐᐤ ᒋᑭ ᐃᑐᑐᐛᐤ ᐊ ᐃᑎᔅᑲᓇᓯᔨᒋ ᒐᒋ ᐊᑐᔅᒐᔅᑕᔅᒋᔨᔅᒋ ᑭᔭ ᒐ ᑐᑕᒡ ᐊ ᐃᑎᓱᒥᑥᐤ᙮ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᒋᑭ ᑎᐸᔨᒪᐛᐅᒡ ᒋᐧᑲᓂᓱᐛᐅᒡ ᑭᔭ ᒋᑭ ᐅᒋᒋᐧᑯᓂᐱᔨᔅᑕᑯᐛᐅᒡ ᐊ ᒋᔅᑕᔨᒥᑕᑯᒡ᙮ ᒋᓴᒪᓂᑐᐤ ᒋᑭ ᐊᓏᔨᒪᐤ ᐊᓂᔭ ᑲ ᒥᒐᒋᒥᐃᔅᒋᔨᔅᒋ, ᑭᔭ ᒋᑭ ᒥᔪᑐᑐᐛᐤ ᐊᓂᔭ ᑲ ᒥᔪᑐᑕᔅᒋᔨᔅᒋ᙮”

ᒐᓂᓯᔅ 32:6

ᐊᑯ ᒂ ᔅᑐᑕᒡ ᓇᐸᐅᒡ ᒐ ᐃᑐᑐᐛᒡ ᐃᓴᐅᐛ ᐃᔨᒧᐅᓂᔪᐤ᙮ ᓇᓇᒐ ᑲᐤ ᒋ ᑎᑯᓯᓄᐅᒡ ᑭᔭ ᒂ ᐃᑕᒡ ᒐᑭᐸ, “ᓂᒋ ᓂᑐᐛᐱᒪᓇᓐ ᒋᔅᑕᔅ ᐃᓴᐅ ᑭᔭ ᓴᔅ ᐸᒋ ᔅᑐᑕᐤ ᒐᒋ ᓂᒋᔅᑲᔅᒃ᙮ ᓇᐤ ᒥᑕᓯᒥᑎᓄᐤ ᐃᔪᐛ ᐎᒐᐛᐤ᙮”

ᒐᓂᓯᔅ 33:9

ᒥᒄ ᐃᓴᐅ ᐃᑕᐤ, “ᓂᑦ ᐃᔅᐱᔨᓐ ᐊᐛᓯᓯᒡ, ᓂᐧᑲᓂᔅ᙮ ᒋᔾ ᒋᐸ ᑭᓄᐛᔨᒪᐅᒡ᙮”

ᑎᐱᑦ ᐅᓂᑭᒧᐅᓇ 60:8

ᒧᐊᑉ ᓂᒋᔅᑕᐸᐎᔭᑭᓐ; ᐃᑕᒥᒡ ᓂᑭ ᐃᓯ ᐛᐱᓇᓐ ᓂᒥᔅᒋᓇ; ᐱᓕᔅᑕᐃᓐ ᐊᔅᒋᔾ ᒥᔽᔨᑕ ᓂᔾ ᐅᒡ᙮

ᒪᑎᔪᐤ 10:34

“ᐊᑲᐎᔾ ᐃᑕᔨᑎᒧᒄ ᐊᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᐸᑕᔭᓐ ᒋᔭᒪᔨᑎᒧᐅᓐ᙮ ᓇᒪ ᓂ ᐅᒋ ᑎᑯᓯᓐ ᒐᒋ ᐸᑕᔭᓐ ᒋᔭᒪᔨᑎᒧᐅᓐ, ᓂᒋ ᑎᑯᓯᓐ ᒐ ᐊᑲ ᒋ ᓇᐊᔨᒥᑐᓇᓄᐅᒡ᙮