ᒐᓂᓯᔅ 26:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᓂᔭ ᑕᐱᔅᑲᔨᒡ ᒋ ᓄᑯᓯᔅᑕᑯᐤ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ᙮ ᐊᑲ ᑯᔅᑕᒋ, ᓂᔾ ᓂᑦ ᐃᑕᓐ ᐊ ᑕᔨᓐ᙮ ᒋᑭ ᒥᔪᑐᑕᑎᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᐛᔅ ᑲ ᐃᓯ ᐊᓱᑎᒧᐅᒃ ᐊᑉᕋᐊᒻ ᓂᑦ ᐊᐱᒋᐊᑭᓐ᙮”

ᒐᓂᓯᔅ 26:24 ပူးပေါင်းရင်းမြစ်များ

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 15:1

ᓇᓇᒐ ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒋ ᐃᑕᐤ, “ᐊᑲ ᑯᔅᑕᒋ, ᐊᑉᕋᒻ᙮ ᓂᔾ ᐅ ᒋᑦ ᐊᒂᓇᐅᓱᐛᑭᓐ, ᒋᒋᐛ ᒋᑭ ᒥᓴᐤ ᒋᑎᐸᒪᑯᓯᐅᓐ᙮”

ᒐᓂᓯᔅ 17:7

ᒧᔅ ᑲᒋᒡ ᓂᑭ ᑭᓄᐛᔨᑕᓐ ᑲ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐅᒋᓴᒪᓂᑐᒥᒡ᙮

ᒐᓂᓯᔅ 17:8

ᒋᑭ ᒥᔨᑎᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐊᓂᔅᒐ ᐱᒪᑎᓯᒡ ᒥᓯᐛ ᐊᓐ ᑲᐃᓇᓐ ᐊᔅᒋᔾ ᐊᓐᑕ ᐊᓄᒡ ᒥᔭᓂᑕᐎᔭᒄ, ᒋᔨᐛᐤ ᒧᔅ ᑲᒋᒡ ᒋᑭ ᑎᐸᔨᑕᓇᐛᐤ ᑭᔭ ᓂᔾ ᒋᑭ ᐅᒋᓴᒪᓂᑐᒥᑐᓇᐛᐤ᙮”

ᒐᓂᓯᔅ 21:17

ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᑭᔭ ᐅᑦ ᐊᓐᒋᓂᒪ ᒋᒋᒋᓯᑯᒡ ᒋ ᐅᒋ ᑕᑈᑕᔪᐛ ᐦᐊᐃᑲᕋ ᑭᔭ ᒂ ᐃᑕᔨᒋ, “ᐦᐊᐃᑲᕐ, ᒐᒂᓐ ᒪᑯᔅᑲᑕᔨᑎᒥᐃᑯᔨᓐ ? ᐊᑲ ᑯᔅᑕᒋ, ᒋᓴᒪᓂᑐᐤ ᒋ ᐸᑐᐛᐤ ᐊᒪᔨᒋ ᓇᐸᓴ ᐅᑎ ᐱᒥᓯᓂᔾ ᐊᓐᑕ ᑕᒥᓯᑲᒡ᙮

ᒐᓂᓯᔅ 22:17

ᒋᑭ ᒥᔪᑐᑕᑎᓐ, ᓂᑭ ᒥᒐᑐᐛᐅᒡ ᒋᑦ ᐊᐛᓯᒥᒡ ᒧᔭᒻ ᐊᔅᐱᒐᑎᒡ ᐅᒐᑭᑕᐧᑯᒡ ᒋᓯᑯᒡ ᑭᔭ ᒧᔭᒻ ᐃᔭᑲᐤ ᐊᓐᑕ ᓇᓯᐸᑎᒥᒡ᙮ ᒋᑭ ᓴᒂᐅᒡ ᒋᑦ ᐊᐛᓯᒥᒡ ᐊᓂᔭ ᑲ ᐛᐧᑲᑎᑯᒡ ᑭᔭ ᐅᑦ ᐃᑕᐅᓂᔪᐛ ᒋᑭ ᓴᑯᑕᐛᐅᒡ᙮

ᒐᓂᓯᔅ 22:19

ᐊᑯ ᐊᑉᕋᐊᒻ ᑭᔭ ᐊᐃᓯᒃ ᑲᐤ ᒋ ᓂᑐᐛᐱᒪᐅᒡ ᐊᐱᒋᐊᑭᓇ ᑭᔭ ᒪᒧᐤ ᒋ ᐃᑐᑕᐅᒡ ᐱᕐ-ᓯᐸ ᐊᓐᑕ ᑲ ᐎᒋᑦ ᐊᑉᕋᐊᒻ᙮

ᒐᓂᓯᔅ 24:12

ᐊᑯ ᒂ ᐊᔭᒥᐊᑦ, “ᐅ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ ! ᐸᒋ ᒥᔨᔾ ᑭᔅᒋᐅᓐ ᒐᒋ ᒥᔅᑭᒥᒋ ᒐ ᐎᔪᑦ ᐊᐃᓯᒃ ᐊᑯ ᑭᔭ ᒐ ᑎᐱᐱᔨᒡ ᐅᓂᑐᐛᔨᑎᒧᐅᓐ ᓄᒋᒪᒻ ᐊᑉᕋᐊᒻ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 28:15

ᐛᐸᑕ ᓂᑦ ᐊᓱᑎᒪᒐᓐ ᒐ ᐎᒐᐅᑕᓐ ᑭᔭ ᒐ ᑭᓄᐛᔨᒥᑕᓐ ᒥᒄ ᐊᓐᑕ ᐊ ᐃᑐᑕᔨᓐ ᑭᔭ ᑲᐤ ᒋᑭ ᐸᓱᐅᑎᓐ ᐅᑕ ᐊᔅᒋᒡ᙮ ᓇᒪ ᒋᑭ ᒋ ᓂᑭᑎᑎᓐ ᐸᑎᒪ ᒋ ᐃᑐᑎᒪᓇ ᒥᓯᐛ ᐊᓐ ᑲ ᐊᓱᑎᒪᑕᓐ᙮”

ᒐᓂᓯᔅ 28:3

ᒂ ᐃᑕᑦ ᐊᐃᓯᒃ, “ᑭᒪ ᒋᓴᒪᓂᑐᐤ ᐊᓐ ᒥᓯᐛ ᐊᓯ ᓱᐧᑲᑎᓯᑦ, ᐃᑐᑕᐧᒃ ᒐᒋ ᐃᔅᐱᔪᑦ ᒥᔪ ᒐᒂᓂᔪᐤ᙮ ᑭᒪ ᒥᒐᑦ ᐊᐛᓴ ᒥᔨᔅᒃ ᑭᔭ ᒥᒐᑎᒡ ᒋᑦ ᐊᓂᔅᑯᑕᐸᓐᒡ ᐊᑯ ᒪᒃ ᒐ ᒥᒐᑐᔅᑲᓇᓯᒡ᙮

ᒐᓂᓯᔅ 30:27

ᓚᐸᓐ ᐃᑕᐤ, “ᐊᑕ ᐅᑕ ᐊ ᑕᔭᓐ, ᓂᒋ ᓂᔅᑐᑎᒺᓐ ᐅᒋᔅᒋᓄᐛᒡ ᐛᐸᑎᔨᐛᐅᓇ ᑭᔭ ᓂᒋ ᒥᔅᑭᒺᓐ ᐊᒋ ᐸᑐᐅᑦ ᒥᔪᐱᐅᓂᔪᐤ ᐅᑎᐸᔨᒋᒐᐤ ᒋᔭ ᐅᒡ,

ᒐᓂᓯᔅ 31:5

ᐃᔅᐱ ᑕᑯᓯᓂᔨᒋ ᒂ ᐃᑕᑦ, “ᓂ ᒋᔅᒐᔨᒪᐤ ᐊᑲ ᒥᔪ ᐃᑕᔨᒥᑦ ᒍᑕᐎᐛᐤ ᒧᔭᒻ ᐅᔅᑭᒡ ᑲ ᑐᑐᐅᑦ᙮ ᒥᒄ ᓇᒪ ᓂ ᑯᔅᑕᒋᓐ, ᐛᔅ ᐊᓂᔭ ᑲ ᐊᑐᔅᒐᔅᑐᐛᑦ ᒋᓴᒪᓂᑐᐛ ᓄᑕᐎᔾ, ᓇᒪ ᓂ ᐅᒋ ᓂᑭᑎᑯᔪᐛ᙮ ᓇᓂᑎᒻ ᐊ ᑕᐤ ᐊ ᑕᐅᒡ᙮

ᒐᓂᓯᔅ 39:2

ᐅᑎᐸᔨᒋᒐᐤ ᒋ ᐎᒐᐛᐤ ᒍᓯᐸ ᑭᔭ ᒋ ᐃᑐᑐᐛᐤ ᒥᓯᐛ ᒐ ᐃᓯ ᒥᔪᐱᔨᒋ ᒪᒂᒡ ᑲ ᐊᑐᔅᒐᔨᒋ ᐊᓐᑕ ᐅᒋᒪᒥᔪᐛ ᐎᒋᔨᒡ᙮

ᒐᓂᓯᔅ 39:3

ᒋ ᒋᔅᒐᔨᑎᒥᔪᐛ ᒍᓯᑉ ᐅᒋᒪᒪ ᐛᒋᐃᑯᑦ ᑎᐸᔨᒋᒐᓱᐛ᙮ ᐛᔅ ᒥᓯᐛ ᒐᒂᔪᐤ ᒍᓯᑉ ᑲ ᐃᑐᑕᐧᒃ ᒋ ᒥᔪᐱᔪᐤ᙮

ᒐᓂᓯᔅ 46:1

ᐊᑯ ᒐᑭᑉ ᑕᒪᒋᓇᐧᒃ ᒥᓯᐛ ᑲ ᑎᐱᔨᐛᐅᓯᑦ ᐃᒋᑉᑎᒡ ᐊᑐᑕᑦ ᑭᔭ ᐃᔅᐱ ᐛᑎᑕᐧᒃ ᐱᕐ-ᓯᐸ ᐊᑯᑕ ᑲ ᒥᑐᔅᑕᐊᒧᒪᑦ ᐅᑕᐎᔭ ᐊᐃᓯᑲ ᐅᒋᓴᒪᓂᑐᒥᔪᐛ᙮

ᐊᒃᓱᑕᔅ 14:13

ᒧᓱᔅ ᒂ ᐃᑕᑦ ᐃᔪᐛ, “ᐊᑲ ᓴᒋᓱᒄ ! ᐎ ᓱᒋᓯᒄ, ᑭᔭ ᒋᑭ ᐛᐸᑎᒺᓇᐛᐤ ᒐᒂᔪᐤ ᒐ ᐃᑐᑕᐧᒃ ᑎᐸᔨᒋᒐᓱᐤ ᒐᒋ ᐱᒪᒋᐃᑕᒄ ᐊᓄᒡ᙮ ᓇᒪ ᒋᑭ ᓄᒋᐧᑲᑯᐛᐅᒡ ᒥᓐ ᐊᓐᒡ ᐃᒋᑉᑦ ᐃᔪᒡ᙮

ᐊᒃᓱᑕᔅ 3:6

ᐃᔭᐱᒡ ᒂ ᐃᑎᑯᑦ, “ᓂᔾ ᐅ ᒋᑦ ᐊᓂᔅᑯᑕᐸᓐᒡ ᐅᒋᓴᒪᓂᑐᒧᐛᐛ᙮ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ ᐅᒋᓴᒪᓂᑐᒧᐛᐛ᙮” ᐊᑯ ᐃᔭᑯᐛᓂᑎᓱᑦ ᒧᓱᔅ ᐛᔅ ᒋ ᑯᔅᑕᐤ ᒐᒋ ᒋᑕᐱᒪᑦ ᒋᓴᒪᓂᑐᐛ᙮

ᒪᑎᔪᐤ 22:32

ᒋ ᐃᑕᐤ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮’ ᓇᒪ ᐅᒋᓴᒪᓂᑐᒥᑐᑕᑯᐤ ᒋᓴᒪᓂᑐᐤ ᐊᓂᔭ ᑲ ᓂᐱᔨᒋ ᒥᒄ ᐊᓂᔭ ᑲ ᐱᒪᑎᓯᔨᒋ᙮”

ᓗᒃ 12:32

“ᐊᑲᐎᔾ ᓴᒋᓯᒄ, ᐊᑎ ᐊᑲ ᒥᒐᑎᔭᒄ, ᐛᔅ ᒍᑕᐎᐛᐤ ᒋᒋᒋᓯᑯᒡ ᐊ ᑕᑦ ᓇᔅᒡ ᑕᑈ ᓇᐊᔨᑎᒥᐃᑯᐤ ᒐᒋ ᒥᔨᑕᒄ ᐅᒋᓴᐅᒋᒪᐅᓐ᙮

ᐊᑈᔅᑕᓇᒡ 7:32

ᐊᐅᒄ ᓂᔾ ᐅᒋᓴᒪᓂᑐᒧᐛᐛ ᐊᓂᔭᐧᑲ ᐊᓂᔅᒐ ᒋᐧᑲᓂᓱᐛᐅᒡ ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ᙮ ᐃᔅᐱ ᒧᓱᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋ ᓂᓇᒥᐱᔪᐤ ᐊ ᐃᔅᐱᔅ ᓴᒋᓯᑦ, ᓇᒪ ᐅᒋ ᐎ ᑭᓄᐛᐸᑎᒻ ᐊᓂᔭ ᑲ ᐃᔎᑕᔨᒡ᙮”

ᐃᑉᕈᐛ 11:16

ᐃᔭᐱᒡ ᒪᒃ, ᐅᒡ ᐃᔪᒡ ᒋ ᓇᓂᑐᐛᔨᑎᒧᒡ ᐊᔅᒋᔪᐤ ᐊᑐᐎᔅ ᐊ ᒥᔽᔨᒡ ᐃᔅᐱᔅ ᐊᓂᔭ ᑲ ᓂᑭᑕᒡ᙮ ᒋ ᒧᔅᑕᓇᔨᑎᒧᒡ ᐊᓐᑕ ᒋᒋᒋᓯᑯᒡ ᒋᒋᐛ ᒐᒋ ᐎᒋᒡ᙮ ᐊᑯ ᒪᒃ ᒋᓴᒪᓂᑐᐤ ᓇᒪ ᓴᒂᔨᒧᐃᑯᐤ ᓄᑕᐎᓇᓐ ᐊ ᐃᓯᓂᐧᑲᑎᑯᑦ ᐛᔅ ᓴᔅ ᒋ ᐊᔭᔅᑯᔅᑎᒧᐛᐤ ᐅᑕᓇᔪᐤ ᐊᓐᑕ ᒋᒋᐛ ᒐ ᑕᔨᒋ᙮

ᐃᑉᕈᐛ 13:6

ᐊᑯ ᒪᒃ ᒐᔅᑎᓇᔅ ᒐᒋ ᐃᔅᒋᔄᔭᐧᒄ, “ᓇᒪ ᓂᑭ ᐅᒋ ᑯᔅᑕᒋᓐ ᐛᔅ ᐅᑎᐸᔨᒋᒐᐤ ᓂ ᐸᒋ ᐎᒋᐃᒄ᙮ ᑕᓐ ᒪᒃ ᒐᒋ ᐸᒋ ᐃᑐᑐᐅᑦ ᐎᔾ ᓇᐸᐤ᙮”

ᒋᔅᒐᔨᑕᑯᑕᒐᐅᓐ 1:17

ᐃᔅᐱ ᒪᒃ ᐎᔭᐱᒥᒃ, ᐅᓯᑎᒡ ᐊᓐᑕ ᓂᓯᒋ ᐸᒋᓯᓄᐛᓐ ᒧᔭᒻ ᐊ ᓂᐳᐅᒡ᙮ ᐅᒥᔪᐅᓐ ᐊ ᐊᐱᒋᑕᑦ ᓂᒋ ᐸᒋ ᑕᒋᓂᒄ ᐊᑯ ᒂ ᐃᓯᑦ, “ᐊᑲᐎᔾ ᑯᔅᑕᒋ᙮ ᐊᐅᒄ ᓂᔾ ᓂᔅᑎᒻ ᑲ ᑕᑦ ᑭᔭ ᒪᔅᑕᔾ ᒐ ᑕᑦ᙮