31 ᒐᑭᑉ ᐃᑕᐤ, “ᓂᔅᑎᒻ, ᐸᒋ ᒥᔾ ᒋᓂᔅᑎᒧᓴᓇᐅ-ᑎᐸᔨᑎᒧᐅᓐ᙮”
ᒪᒃ ᒂ ᐃᑕᑦ ᒐᑭᐸ, “ᐸᒋᓯᒥ ᐱᔅᒐ ᐊᓐ ᑲᒥᒂᑭᒧᐛ ᓱᐸᐳᔾ ᐛᔅ ᒋᒋᐛ ᓂ ᓯᐛᔨᓐ᙮” (ᐊᐅᑯᓐ ᑲ ᐅᒋ ᐃᓯᓂᐧᑲᑕᑭᓄᐅᑦ ᐃᑕᒻ᙮)
ᐃᓴᐅ ᐃᑕᐤ, “ᐊᐅᑯᓐ ᒧᔭᒻ, ᓇᒪ ᓂᑭ ᒋ ᐎᒋᐃᑯᓐ ᓂᑎᐸᔨᑎᒧᐅᓇ ᐊ ᓂᔅᑎᒧᓴᓇᐅᔭᓐ ᐳᓂᐱᒪᑎᓯᔭᓇ ᐊ ᓄᑕᐱᐃᔭᓐ ᒥᒋᒻ᙮”
ᐊᑯ ᐃᓴᐅ ᐊᑕᑦ ᐅᑕᐎᔭ, “ᒧᔭᒻ ᐊ ᐃᓯᓂᐧᑲᓱᐤ, ᒐᑭᑉ ? ᐊᐅᑯᔪᐤ ᐅᔭ ᓂᔄᐤ ᐛᔭᓯᒥᑦ᙮ ᓂᔅᑎᒻ ᒋ ᐅᑎᓂᒻ ᓂᑎᐸᔨᑎᒧᐅᓂᔪᐤ ᐊᓂᔅᑕᒧᓴᓄᐎᒡ᙮ ᐊᑯ ᐊᓄᒡ ᐅᑎᓂᒻ ᐊᓂᔭ ᓂᓱᐛᔨᒋᒐᐅᓂᔪᐤ᙮ ᒪᒋ ᐅᒋ ᐃᔅᑯᓂᒧᐅᓐ ᓱᐛᔨᒋᒐᐅᓐ ?”
ᐊᑯ ᓇᐸᐤ ᐊᑕᑦ, “ᓇᒪ ᓴᔅ ᒐᑭᑉ ᒋᑭ ᐃᓯᓂᐧᑲᑎᑯᐅᓐ᙮ ᔅᒋ ᒪᓴᐊᐤ ᒋᓴᒪᓂᑐᐤ ᑭᔭ ᐃᔪᒡ ᑭᔭ ᔅᒋ ᑲᓂᔪᐅᓐ; ᐊᑯ ᐃᔅᕋᐃᓪ ᒋᑭ ᐃᓯᓂᐧᑲᓱᓐ᙮”
ᑭᔭ ᐃᔭᒂᒥᒄ ᐊᑲ ᐛᐛᒡ ᐸᐃᒄ ᐎᓂᓱᐅᓂᒡ ᒐᒋ ᐃᓯ ᐱᒪᑎᓯᔭᒄ ᒪᒃ ᒐᒋ ᐃᓯᓇᑯᓯᔭᒄ ᐊᑲ ᐊᐱᑕᔨᒪᒄ ᒋᓴᒪᓂᑐᐤ ᒧᔭᒻ ᐊᓂᔭ ᐃᓴᐅ ᑲ ᐃᑎᑦ᙮ ᒋ ᐱᔅᑎᓂᒻ ᐊᓂᔭ ᑕᓐ ᐊᔅᒄ ᒋᐸ ᐊᓱᐤ ᒥᔭᑭᓄᐤ ᐎᔾ ᐊ ᐅᔅᑕᓯᒪᐅᑦ, ᐊᑯ ᐸᐃᒄ ᐎᔭᑭᓐ ᒥᒋᒥᔪᐤ ᐃᔭᐱᒡ ᒂ ᐅᑎᓇᐧᒃ᙮
